煮宮

營業中

休息中

上年跟友人慶生時初嘗”煮宮”的私房菜，除了環境是走樸實路線之外，其菜色的設計、味道、份量都屬中上水平。😁👍不過在反覆的疫情底下，三五知己能聚首一堂都不是易事。既然唔夠腳食私房菜，向好一方面諗，可以試下平價版的午市套餐😏😏。今日難得經過觀塘，當然要把握機會造訪。沒有預訂，不過13:45到達時亦只有一枱食客。午市有燉湯蒸飯套餐，五餸揀一，配香蒜飯或陳村粉。提早預訂的話燉湯可升級為花膠湯。燉湯由於我是walk-in, 與花膠湯無緣，目測材料應該是桂圓紅棗螺頭雞湯。由於是燉湯，顏色較清澈，但味道絕不清淡（可能是雞湯/螺頭關係？）。提提大家，小心燙口！🥵我第二次俾呢度嘅燉湯淥親條脷⋯⋯😑蘿蔔牛肋條陳村粉👍叫得炆嘅餸就係鍾意佢夠”入味”，這個蘿蔔炆牛肋條絕對滿足到我嘅要求😋😋 醬汁帶有些甜醬味道，同埋係傑身的，所以可以掛滿每舊肉🤤🤤（留番d用來撈陳村粉）。牛肋條有六大舊😲 唔係嗰種多脂肪入口即溶的口感，有些嚼頭但唔韌。陳村粉唔算厚身，不過強烈建議趁熱食！因為攤凍後會黏在一起，吃起來會一舊舊。整體份量對女士來說偏多（主要係牛肋條大份），但男士的話可能配飯會飽肚點。埋單$80無加一。翻叮-able😄😄

抗疫期間自家煮簡單餸菜但也有膩的一天😂 剛好朋友極推薦位於觀塘駱駝漆大廈三期的煮宮私房菜。 由於早前禁堂食，餐廳推出了易煮包讓客人仿似帶了廚師回家 😌包裝方面，採用密封式以避免流出汁液/ 醬汁。並清晰地例明儲存及烹調方法。食用時只要打開外袋放入沸水煮即成。即使無飯家庭都得心應手！ 紅腰豆粟子炆雞 HKD 78雞炆得棯肉質也嫩口，粟子比平日食的更大粒，再加上健康紅腰豆好搭！ 柱侯荔芋燜鴨 HKD 68 愛荔芋的小編很喜歡這道菜特別其醬汁，調較的味道非常可口美味！鴨肉質嫩口，令人回味無窮蓮藕炆豬肉 HKD 68另一用心製作餸菜！ 層層相間豬肉好棯，脂肪釋出油香留在口腔內令人齒夾留香！ 京醬烤骨 HKD 88磚頭搬大的烤骨也美味，特別軟骨地方有咬口，也有大量骨膠原。用食物來說話，師傅用心想出餸菜配搭、包裝方法並製作出美味食物令人留下回憶放了食物包都有這個水準，很期待疫情轉好後跟一班朋友到訪再聚聚😎

疫情近排嚴重關係，很多時都會留在家中，或公司兩邊走，都很少活動機會，於是就上網睇下有什麼外賣好食嘅地方，呢間位於觀塘駱駝漆大廈第三座7樓，主要係做湯包同餸包，我今次選擇咗咖喱牛肋條同埋京醬烤骨2樣，買的時已說明若當日不食用的話，要放入雪櫃冰箱內，但七天內都要食用☺️。咁即係冇咩防腐劑啊👍講返個份量都算多，可以供兩人食用，牛肋肉有8舊，咖喱辣度適中。而京醬烤骨就要蒸耐點時間，個醬甜甜酸酸的，肉質新鮮，好好味😋，性比價高， 故下次要再試吓其他餸先得😘

一大班人，又想搵一個食中菜嘅地方，我覺得煮宮係一個唔錯嘅選擇。冰鎮甜蜜咕嚕肉點解話冰鎮係因為佢底係鋪咗一層冰，再將啲咕嚕肉放喺面，而咕嚕肉上面仲有得好靚嘅糖漿拉絲🥰不得不話呢道餸，不但外貌吸引而且味道了得👍🏻😋咕嚕肉甜酸甜酸10分開胃，而且炸粉好薄，咬落去十分有嚼口冬瑤響螺燉雞10分足料😋每盅湯都有瑤柱、響螺，雞肉、冬瓜，味道清甜，想講基本飲完碗湯已經飽了🙈得獎大蝦🍤超靚嘅擺盤😍底層係杏仁燉蛋白，面上鋪上大蝦、蘆筍同藍莓，整體賣相已經贏了！色彩豐富🤩大蝦肉質爽口彈牙，燉蛋白非常滑，而且充滿杏仁味，好特別😋蟲草花蒸龍躉腩好多蟲草花，菇菌類一齊蒸龍躉腩，龍躉肉質鮮甜，但略嫌都油膩咗少少，大概因為係腩位嘅關係總體黎黎講真心不錯，值得一試！但記得帶備現金，餐廳只收現金！我哋一行10人，每位$368，抵食👍🏻😋

好吃在於午餐的蒸飯都炒過，加上汁已非常入味！ 菜一般都加上蒜粒，總是香香的，最近午餐都總有一道素菜可選，原來是是闆知道我們有些食客很喜歡捧場，決定以後都有一道素菜選擇！這樣有心的老闆哪裡找？！🥰

Book左三次，19年11月book到2020年1月終於book到。今日大家都非常滿意。環境舒適。餸菜亦都十分滿意。佢地自家製個xo醬同蘿蔔糕好正架過兩個月再來！

自搬咗黎觀塘就覺得冇啖好食，大部分餐廳去到100蚊個午餐水準都不及灣仔啲70、80蚊水準！呢間中式私房菜先80蚊有好足料夠火喉嘅燉湯，個蒸飯仲要咁有心機，係觀塘區超水準！個廚師聽聞攞過好勁嘅食獎，我估係咁所以唔同啲！非常掂👍🏻👍🏻會常來！而且店員好有禮貌，環境又唔會逼到行唔到，見佢哋有時仲做吓派飯義工，有次想帶朋友黎食點知遇着佢哋做義工唔開門，做義工做到生意都放低真係有心，證明係良心小店！力推👍🏻👍🏻👍🏻

LUNCH揀咗食燉湯套餐首先講下個湯先，一大塊花膠嚇死寶寶，冇唸過普通食個晏仔都咁滋補~hehe！個湯飲落好清甜，又夠足料，有廋肉有雞仲有少少藥材，飲落味道好豐富，冇得輸再黎就上主菜啦~大蜆陳村粉冇數過但至少超過10隻蜆，隻隻都唔細㗎，值得一讚係個蒜味豉油，超級香！超開胃！唔覺唔覺就食哂成攏粉，捧住個肚走成個套餐$80~說實話，剩係個足料花膠湯都值回票價，而且喺觀塘區要食到一個有質素嘅晏仔其實都要咁上下，唯一美中不足係位處7/F樓下又排長龍等lift囉

第一次係朋友帶我上去。我好鍾意食啲唔落味精而係用時間煮到好濃味嘅食物。佢完全做到我要求。燉湯足料好味。冇味精更加唔使講。爆爆飯完全一試難忘。記得有個蒸魚。起肉起到完全冇骨。啖啖肉。真係正仲有個冰鎮咕嚕肉我真係係第二度未見過。我平時唔食甜野。但係老闆將麥芽糖拉成一絲絲 。配埋酸酸甜甜嘅咕嚕肉。出奇地夾。我食唔停口。已經再帶左D朋友上去。一啲嘴刁嘅朋友都問我下次幾時再嚟。真心覺得老闆。好有誠意同俾心機煮呢餐私房菜。下次再有聚會想要有私人空間一定嚟呢度

好耐無試過一家人食中餐，喺網上做咗好多資料搜集，發現咗呢間正野🤤🤤今次我揀咗menu上幾款特別小菜特別推介俾大家，我地個個食完都捧住肚走🤫😂必推足料靚湯—淮杞圓肉燉竹絲雞，唔好睇佢好似細細壺，我地每人都至少有一碗，淨係睇湯渣都知味道幾濃郁😍😍 同屋企飲嘅住家湯有得fight👍🏻用皮脆內軟、肉質鮮嫩嚟形容秘製妙齡乳鴿就最好不過，記住上枱就要即食，雖則佢放耐咗啲外皮依舊香脆，但熱食真係一流🤫🤫 同埋手慢咗，好大機會俾人搶曬😖白酒汁虎蝦配金饅頭又係必推菜式，虎蝦大隻彈牙不在話下，白酒汁用嚟送飯、點饅頭真係好夾。饅頭配煉奶我食得多，但配白酒汁就第一次食。白酒加熱啲酒精會揮發，唔飲酒都嘅人都唔會醉，饅頭炸得鬆脆但又唔會過份油膩🙌🏻🙌🏻屋企人對我嘅推介都好滿意，好開心大家都欣賞我嘅選擇😊

朋友鍾意食私房菜，貪少啲食客，可以詳談盡興啲，所以今晚就嚟到駱駝漆’煮宮’揾食! 入到去環境好整齊，仲有得唱K打麻雀，第一印象唔錯!食物方面，當日揀嘅都係餐廳比較有名氣嘅菜式。餐前小食嘅炸豆腐粒香口，拍青瓜入味開胃。是日湯水’花膠響螺燉排翅’十分足料，除咗個名提及嘅材料，仲用咗元貝同雞翼，味道濃又唔肥膩。另外值得推介嘅係’金汁千層鮑魚’。鮑魚火候控制得好, 配上冬菇釀蝦膠同豆苗，所有朋友都食得舔舔脷！老闆知道其中一位朋友對蝦敏感，更額外煮一碟無蝦膠，好貼心！整體嚟講晚餐非常高質，老闆會留意每位客人食完上一道菜先出下一道，所有野食都好熱辣辣！

無論出品、味道、賣相都做到加零一，尤其是份量方面絕對不需要懷疑👍👍招呼更加唔洗講誠懇有禮👏👏公司聚會，同家人食飯一定可推介。"冰鎮甜蜜咕嚕肉"採用左無骨排骨及反傳統唔用波羅用左火龍果伴餸令到對咕嚕肉愛好者有另一層次昇華"密汁花膠燉豬肺"清甜美味補身養身

個日係朋友生日，朋友話想食私房菜，即刻諗起煮宮，之前公司Christmas Party 我已經係依間餐廳食過一次，一試難忘，近年好多朋友都中意食私房菜，所以我都食過好幾間，但煮宮比起其他私房菜真係好大分別。煮宮菜式比其他私房菜特別，你會食到廚師真係用心烹煮，雖然坊間有好多私房菜可能會比煮宮平一點，菜單方面又會多幾樣餸，但係我角度最重要好食不是份量，但個次我地5個人都已經食唔曬，極推薦大家黎試下，食過就知道分別

平時常常與朋友到觀塘食飯都是在大型商場食，閑閑地都要$300-$400落樓。今次經朋友介紹，入咗一間名叫煮宮既私房菜，環境一般，但嘢食真係好好食。D食物菜真係值呢個價錢。我哋每個人都食到個好飽。都係四百零蚊仲要係有私隱度可以俾我哋暢所欲言坐左成六個鐘。服務員態度好好，每次都很用心介紹菜式。上菜時間亦唔會等太耐我最鍾意佢嘅咁金千層鮑魚，個鮑魚真係食到有鮑魚味。所以今次都好滿意，支持小店，下次再去🥰🥰

每年聖誕佳節老闆都會請一眾同事食飯，今年亦唔例外。唯一唔同既係今次係食私房菜，成間餐廳得自己一枱，想玩到幾盡興都得。雖然餐廳唔大，但勝在地方整齊企理。香煎金蠔蠔既表面呈現金黃色，真係煎得好靚。蠔身非常肥美，而且蠔味非常重，非常新鮮。XO醬蘿蔔糕煮蟹我都係第一次食XO醬煮蟹，但意外地好好食。首先隻蟹係好新鮮，蟹夠新鮮其實都已經贏左一半，食落去啖啖蟹肉既感覺真係好正。XO醬又辣辣地刺激到你既食欲，同時令隻蟹更惹味。蘿蔔糕完全索晒XO醬同蟹既鮮味，令人食到完全停唔到口。黑松露滑蛋大蝦球滑蛋媲美d有名氣既冰室， 滑蛋入口滑溜，有微微既黑松露香氣，但又無喧賓奪主。蝦球有半個拳頭咁大，肉身爽口彈牙。古法炆羊腩羊腩炆到好淋好入味，但因爲前面已經食到好飽，所以都無乜點食。但不得不提既係d竹笙同冬菇，索晒湯底同羊腩既味，就算飽都忍唔住要食多2舊。桂花蜜脆麻花同事話呢個係好傳統既甜品，可能我太後生，所以未見過，哈哈。麻花非常脆，但要靠桂花蜜先有味道，個人覺得係個幾得意既甜品。其實觀塘工廈識搵真係有好多好野食，呢間亦係其中一間令我好驚喜既餐廳。