熊築地 (已結業)

未食都已經燥哂明白我係可以選擇食第二間但廚房做野真係太慢柯打做唔切 排左個幾鐘條隊無郁過排我前面至少走左五台客買完又要等個幾鐘 其實我都係買幾條手卷姐 七點排到九點半 仲要唔係順number叫籌大把人遲來有得食先 點安排做野？三個店員 得一個包手卷收錢個阿姐仲同d客吹水另外個姐姐一係企係度一係姐手姐腳係度排d蠔 排左成個鐘睇住個蠔雪櫃開左十幾次咁個雪櫃又點會夠凍 d蠔就咁擺係地下 入面有冰都捱唔到好耐啦排到我落單 佢地又無啦啦兩個店員一齊叫緊同一個籌號叫人攞手卷 忍唔到同阿姐講「不如你一個收左錢先 一個叫飛啦」 個姐姐仔話 「我淨係負責蠔」即係原來除左蠔之外 手卷打哂仗都唔會理....🙄🙄我本身叫左一打生蠔+六件手卷係takeout（其中兩件係海膽）拎上希慎food court食點知去到food court，生蠔細隻冇肉食都算 已經嬲到咩都無心情食打開手卷盒野一睇 少左舊海膽我唔甘心$80食一件海膽手卷 於是落返去同佢理論 得到既答案係：「哎也 小姐 其實你唔應該咁叫 你叫兩個海膽呢 佢將兩格海膽既份量放係同一件手卷入面架啦」我話：「咁你又收我$80既？(兩格價錢$75) 你咁賴返

一間浪費左我幾個鐘排隊同等食既夀司店,等都算, 仲以為好好食,點知都不外如是, 普普通通,D手卷既飯仲要係熱既=.="生野加熱飯怪怪的,人唔算多, 但唔知點解要等好耐,手腳太慢, 等落ORDER,同埋俾完錢之後都要等好耐,另外唔明點解堂食既會快D有得食,外賣等好耐都未有,相信只此一次, 唔會再幫襯,今次都係俾D飲食雜誌呃左,以為真係又抵食, 又好味,點知, 真係好後悔,應該去日本餐龐坐低食好過

個手卷拎上手係熱嘅😒😒啲飯又好散一咬跌到周圍都係!!!塊紫菜係完全淋哂點都咬唔開😡😡好難食😒後話..staff態度好差又慢 前後等咗成三個鐘😡😡冇下次😡

見網上講呢間嘢大件夾抵食，weekdays下午茶去諗住人少少實食到，點知😒一樣要排，排成粒鐘不但只又話無海膽又無鵝肝🙄終於排到我地落單位兄台態度都幾差一下極唔耐煩咁款，覆單又覆錯😑 最後係無海膽嘅情況下又有足半板嘅海膽手卷賣，完全搞唔明白⋯⋯是但啦排咁耐有就梗係買件試吓，又話餡多，老實講唔太覺。家姐叫咗油甘魚手卷得個一片油甘魚，食元氣可能仲抵食啲同好味啲， 皆因個手卷完全無魚味，三文魚無三文魚味，油甘魚又無味，海膽亦唔好味總之手卷都難食⋯⋯極伏唯一讚嘅係佢知我係take away佢紫菜係分開返到屋企唔會林晒～ 我地仲叫咗15隻$12皇家蠔，超細隻味道一般般啦，原來$12/@蠔要佢開的話要另收20%/@開蠔費，完全唔知，俾完錢自己計先發現總金額唔對一問之下先知⋯⋯😑😑😑 總之唔會再去～

案發經過：當日時間約1700。到達後見到條龍好長, 約有20 pair人好啦開始排隊:點知排左90分鐘先開始落單，好！算數！好啦開始落單:阿姐好似寫書法咁落單，好！算數！落完單再等多50分鐘先有得食，好！算數！（我只係叫左6條手卷...）前後等左兩個半鐘，好！算數！(自己攞黎既，無得唔算)好啦開始食:紫菜淋既 ，好！算數！紫菜UN既 ，好！算數！飯係熱既，好！算數！壽司飯用普通飯，好！算數！飯無醋味，好！算數！三文魚扮三文魚腩,　好！算數！收三文魚腩價錢但發覺唔夠魚腩就切魚腩上少少既肉則則膊博大霧，跟住話d三文魚腩唔夠肥，好！我都算數！(都係收多＄7當買旗）馬糞海膽係足料既，但可惜無味丫，好！算數！蟹膏都係無味，好！算數！但以上咁多樣加加埋埋係兩個半鐘頭內發生又有邊個可以算數？咁難食既垃圾壽司你地"熊築地"過唔過到自己個關?我相信明將既紅豆軍艦壽司仲好食過你...大家唔信既話，大可以用你地人生好寶貴個兩三個鐘時間挑戰下終極大佬哈哈～

我一直都係openrice d fans,但沒有寫過食評，因為覺得太花時間，但今次我堅嬲到要即刻寫！！我見雜誌有介紹佢地出名既海膽手卷，我即刻去試下！見到條隊大約20人左右，但手卷應該快，我預計應該1個鍾左右！點知由7:45pm排到23:10pm先攞到手卷2客😡😡最嬲（手卷）：，1.排左2粒幾鐘先有得落手卷order2.落完order即時俾錢，之後重要等45min先有手卷攞，前後用左3hrs15min😡最嬲（order生蠔）：趁我d friend排住手卷，咁我就去排生蠔個條隊1..排隊order生蠔要排15min,即時俾錢。但我等開蠔等左1.5小時2.原來開蠔要另外加錢，但無貼通知，俾錢先知。要加20%開蠔費,我覺得張貼埋開蠔費出黎大家睇，清楚明白！3.排到我係第10個先話無海膽（已經排左接近2個鐘），排左咁耐都先知無曬海膽，好失望。，但佢地唔會預先按餘下存貨幫客人pre-order預計數量，以免後面排隊既人白等。最後order左帶子刺身手卷😡😡極嬲1.帶子手卷張相有2粒帶子，但實物無。我地同佢地講話同張相唔一樣，少左帶子。👉佢地（男人）話成本做唔到俾2粒👉佢地重話［張相夠有青瓜啦，但

我第一次覺得一間舖差到我忍唔住要打食評！其實前一日已經去過一次，fb寫12點開，我12點到達，見到門口有袋垃圾，度閘鎖住嘅，我諗住唔緊要等一陣，等左2個字左右見佢fb有留電話就打去啦，電話冇人聽，wtsapp唔覆，我等下打下咁，40分鐘過去，終於有人聽，個女仔話因為經過咗2日假期，佢哋啲海膽冇機到香港，啲同事已經安排緊，所以會遲小小返，咁我唯有走啦。第2日咁啱又過開香港區，見人哋講到咁好食，我今日又比多次機會你。我錯了。。。我開始排嘅時候眼見大約3-40人，多人都算啦，排咗10分鐘條龍好似冇郁過一樣，落單速度極慢，慢到我仲以為一個買完即刻攞埋先到下一個。等咗個幾中終於到我喇，原來落單嗰牙姐係遂個名寫晒出嚟，啲價錢要慢慢搵完再寫低再計數。落完單又要等攞，我又等咗大半個中，由間鋪拎到上車只係10秒時間，一打開，飯係暖嘅，冇醋味，紫菜係林嘅，海膽冇海膽味，三文魚話係魚腩，但食落只係普通三文魚。呢個係我食過最差嘅手卷，連爭鮮都不如，絶對唔值得用差唔多2個中排隊買！呢間嘢唔會再有下次！