熊築地 (已結業)

拿，上次食，係難食既。今次見有個大閘蟹手卷，就尚且試一試，順便過下我大閘蟹癮啦。用料係十足既，價錢都抵既，第一口有蟹黃味，但之後有d淡。枱面有專用大閘蟹汁，抵贊。今次紫菜都脆返。講真，係平庸d，但冇上次咁難啃。。。

今日去LEE GARDEN開完會, 老公又未放工, 離dinner time仲有時間, 就去試下這間手卷..今期流行大閘蟹, 梗係食大閘蟹手卷啦~~ 見餓餓地, 就要埋個蟹羔蟹籽手卷賣相好正呀~ 尤其個大閘蟹手卷~!!! 色香味都有 (佢地仲有專for大閘蟹手卷的醬油) 不過係得個面有大閘蟹, 下面得飯 (其實市面上大部份外賣手卷都係咁) 手卷份量幾細, 食完有d到喉唔到肺.. (好彩叫左2個)個蟹羔蟹籽手卷就正常無特別, 蟹羔都好濃 , 蟹籽就麻麻.. 其實都係貪新鮮去試下, 價錢唔係好抵.. 不過大閘蟹手卷值得一試的.. 

平日的晚上九時多，來到這間之前受過採訪而又有好多藝人幫襯的手卷店。今次目標是好明確的，因為我們為了食大閘蟹手卷而來！懶人嘛！最喜歡就是一口一啖蟹肉！剛好來到時，不用排隊！大閘蟹手卷 HKD 35.00看到面上舖滿了一層大閘蟹肉及蟹膏，真是相當吸引！食落都算新鮮，啖啖肉既口感真係好好！墨魚骨手卷 HKD 19.00這個好像也是新產品，比較起大閘蟹，我較喜歡這個墨魚骨的！因為墨魚骨的口感好豐富，加上沙律醬，好易入口。如果平時在這附近食完飯，到來吃一個手卷，也不錯。

同朋友係果頭食晚餐, 食完係街度行吓. 醒起附近有間手卷店, 幾出名下, 就叫班friend一齊試吓. 夜晚10點幾所以唔使排好耐隊. 兩個分別叫馬糞海膽手卷, 加拿大生蠔, 我同另一個friend叫鵝肝手卷. 食馬糞海膽手卷嗰個話正, 加拿大生蠔都唔錯, 鵝肝我咩醬都冇落原汁原味, 入口溶化, 我去食buffet可以食到20件鵝肝個啲人, 個質素唔錯. 因為已經係越華會海鮮館食完飯, 係飽飽地嘅情況下都覺得好食都唔易.

呢排流行手卷風好多新開既手卷店都有好多中伏case咁今日就黎到呢間都開左一段時間既手卷店應該唔會中伏的心態同朋友一人叫左一個海膽手卷(加拿大海膽)因為當時馬糞海膽賣哂,一場黎到點都要買件黎食!所以加拿大海膽都照殺啦哇,點知,原來係大伏個紫菜係淋既....個海膽有少少苦味仲好快就變成漿,口感好差真係大伏呀

一路以黎聽吾少人講呢間係銅鑼灣嘅手捲店質素唔錯,但係當我一試就覺得好失望,而且價錢相對有D吾實惠。 只有一半嘅手卷有三文魚腩同帶子,而且D飯太過酸,紫菜亦有D韌。

中伏...中伏...中伏...買100隻蠔返屋企即開...點知有十分一係臭同壞既...重要好多都唔靚既（一向都有叫蠔返屋企自己開，未試過有一間咁多隻蠔係壞左）whatsapp同佢講返...講左幾次野兩日都無反應...之前whatsapp落單時又唔見無反應（但態度都唔係好好既啦）...夜晚10:xx叫我入數...唔入就留唔到...我即刻落街入...都好合作...相反間野d蠔有問題...應都唔應d客...好似幫佢拎左d賣唔晒就變壞既貨咁...之後就唔理d客...想再幫襯同俾機會間舖...都過唔到自己...根本都唔想去留客...唔會再幫襯...各位如果買返去開黎食既真係唔好簡呢間...原來咁多劣評真係有原因既...呢間舖既處事態度差到要我即刻開個ac同大家share海膽手卷...紫菜林晒既海膽無驚喜刺身蝦唔凍蝦頭小小黑 蝦身重有D腥 唔太新鮮

近來熱食日式手卷立吃, 之前已想試下這間排隊熱店, 但上次經過(下午1200) , 仍未開閘, 心想是否已執?? 但昨天經過, 開了又不用排隊就試菜啦, 款式好多, 但我心中除海胆外, 已不作他選, 海胆有分加拿大和馬糞, 加拿大的大胆常吃就試吓有幾馬糞先, 即做手卷要等等, 就食住個泰式生蝦, 領左嘢, 生蝦肉薄, 水水的, 冇甜味, 辣汁：咸多過辣, 海胆手卷出來, 賣相好得, 一食.....冇甜味(冇味) , 應該係大陸或韓國的cheap嘢, 仲有少少苦....唉都叫試過, 一次算啦d啅頭嘢

之前已經食過佢呢度既”中伏手卷”真係唔會再係呢間買手卷食,今晚女朋友係呢間野買左甜蝦同一板海膽返黎, 唔通係比我做宵夜?北海道海膽評分: 3/5海膽都算幾鮮甜唔會有怪味, 不過可能一板海膽比較少人買, 口感好似雪得太耐, 食落有點干干地珍寶甘蝦刺身 $45評分: 4/5呢個之前已經食過, 今次係再ENCORE, 甘蝦SIZE真係幾大隻, 食落厚肉而且口感唔會太過林而且食到有鮮甜既味道, 真係唔錯!整體味道都幾好不過係個海膽食落比較干, 都OK~

每次去到銅鑼灣，都想去熊築地試佢哋嘅海膽手卷，可惜每次都大排長龍…今日又嚟到銅鑼灣，終於見到佢唔使排隊啦～於是就即刻走去買嘢食~海膽手卷當然要試啦！我哋叫咗個馬糞海膽手卷，另外仲叫咗三文魚手卷同八爪魚手卷～等左一陣終於有得食啦，望住三件大大嚿好足料嘅手卷已經流曬口水，三文魚好厚肉，八爪魚手卷味道不過不失，只係覺得份量比較少～而最重點嘅，當然係個馬糞海膽手卷啦～唔單止好味，仲一啲都唔腥，而且好足料添～比較特別嘅係佢呢度無另外嘅wasabi點，而係佢已經將wasabi混入醬油入面，唔洗怕污糟，非常細心~不過夠唔夠味就見人見智啦~~其實，企喺度食，都不失為一種風味丫~~~

前幾日喺附近整完腳，行過見到就入去睇吓。環境本身就有啲迫，有得企喺嗰度食，或者外賣拎走。我就揀咗喺嗰度食～我同fd叫咗個三文魚手卷，同埋海膽手卷。非常足料，唯一挑剔嘅係啲飯硬咗少少，不過總括來講就好食嘅。重點推介係生蠔。會有個德加推介，特別平。我哋就叫咗12隻，唔同款嘅，平均計返差唔多＄25隻，咁嘅價錢來講非常之好食。唯一唔好嘅就係要加錢先幫你開。總括來講係好食嘅，不過真係建議帶走，因為留喺嗰度食好熱。味道來講值得推介嘅～

兔小妹係個海膽迷，今日難得經過開銅鑼灣，就算兜路，都要去出名食海膽手卷既“熊築地” 朝下聖~🙌🙌“熊築地” 對住告士打道，附近有個巴士站，位置唔算係銅鑼灣既心臟地帶，人流比起SOGO或Time Square相對較少。話雖如此，小小不足百呎既舖頭仔，已經超有人氣~! 午飯或者放工既傍晚時分，都會見到門口排住長長既人龍，當中仲有唔少食客係專程過黎，一睹海膽既“風采”。今日好幸運，門口冇人排隊 ，兔小妹連餐牌都冇望，即時order左個馬糞海膽手卷($45) 同埋個蟹糕拼蟹籽手卷($32)~其實店舖除左海膽手卷之外，都仲有好多選擇，價錢由平至十幾蚊，到貴至五十幾蚊都有，豐儉由人。鐘意食生蠔既，依度都有提供，而且價錢都算幾平民。不過要留意，生蠔order需要5隻起，而如果想即開即食，係要收番10% 開蠔費。等左一陣，千呼萬喚既馬糞海膽手卷同蟹糕蟹籽手卷已經做好~! 未食先睇，已經好吸引! 半板既馬糞海膽，顏色金黃，鋪滿手卷既頂部，洶湧澎湃，見到都流晒口水 ~ 咬一啖，紫菜脆卜卜，海膽入口即溶，有濃濃既海水味，鮮味十足~!! 再試埋個蟹糕蟹籽手卷。蟹糕蟹味濃郁，非常新鮮，混埋脆口彈牙既蟹

每次去銅鑼灣我已經不會再食街頭小食，但這個小店我又會繼續去！這個位於銅鑼灣的手卷小店地方細細，我相信100尺也沒有！他主要賣生蠔和多款手卷手卷！價錢大約$10多元至＄50多元不等，新鮮程度比我想像中高！今次我試的是時龍蝦膏三併手卷，有龍蝦膏，極黑飛魚子和甘蝦，這個都只不過是＄27 ! 其實味道幾好，龍蝦膏的味道真重，勁有龍蝦味！甘蝦都好新鮮！ 可惜今次我覺得個飯有少少太熱，是不是太多人煮唔切飯？不過對上兩次去食也沒有這個問題！總括來說， 好味道，下次再返嚟！

因為在某一人氣網路apps見到d人成日post呢度既海膽講到有幾咁多幾咁好食,成日經開都見到一開店已經好多人排隊, 今日放工決定外帶返屋企去試過究竟 其實入夜但都仲係好多人幫襯, 呢度店子細細唔係可以企到太多人, 所以多數d人都係企伙出面食即時買返個(馬糞)海膽手卷試下 (馬糞)海膽手卷 $45因為買左太多野喇所以冇手影相, 海膽唔係想像中既多, 起碼冇人地果d影相排到咁靚又咁多, 而且味道一般唔算好新鮮, 不過不失, 但對我黎講$45有點貴  外賣佢地會有冰種幫大家包住d食物, 而且返到屋企又真係仲好冰, 加分!! 生蠔 $13/隻 (另收10%開蠔費)價錢算係算好抵! 呢個價錢蠔當然唔會好大隻,頭果1, 2隻食落真係好新鮮, 不過生蠔唔屬於好肥美果種, 但呢個價錢比到我呢個味覺享受真係算唔錯! 但其後果6隻食落個味好似有d怪怪, 感覺有d似好似死死地咁, 即時好失望.. 呢個價錢真係唔好要求太高, 真係一分錢一分貨 珍寶甘蝦刺身 $45甘蝦刺身都幾大隻, 食落口感好彈牙而且略帶鮮味, 因為有冰種關係返到屋企都依然仲keep到好冰凍果個感覺,令到蝦可以保持到果

見上陣子個個一窩瘋去食呢間（好費解），於是上星期經過就買嚟試下咩料子。海膽手卷-馬糞海膽半板$45覺得好普通。唔覺得海膽特別鮮甜，仲覺得有點淡口tim. $45一試就算。