熊貓小雲吞 (慈雲山中心)

營業中

休息中

開業無耐既時候 都食過一次 印象好差好差 食物好慢 雲吞太爛 米線好硬 又無人執檯 隔左幾個月 就諗住比多次機會佢畢竟成日行過都比佢d味吸引到 同埋繁忙時間都keep住有人排隊喎今次食左雞絲涼皮（$28）叫左bb辣 醬料味道都可以 配料夠 有花生（脆的）有芫茜 有青瓜 有榨菜 不過唯一唔鐘意同諗唔明 點解佢要用呢款涼皮完全唔同旺角葵芳食到既Q彈涼皮呢隻好厚身 好似腐皮咁 我就麻麻地 可能食慣左出面果d總括黎講都有8分既呢兜野 下次再戰雲吞～～

午餐唔想食飯咁飽，今日去左食熊貓小雲吞。10隻$20，20隻$32。我叫左碗大的韮菜小雲吞麻辣小辣。味道唔太咸，雲吞細細隻好易入口，麻辣味都岩岩好。下次會試下其他款式

慈雲山中心基本上一有新餐廳都會排長龍，今次等左一個月左右，無再排長龍，我先去試下呢間熊貓小雲呑。.雖然叫熊貓小雲呑，但係餐廳提供嘅食物種類都幾多，當然有小雲呑，仲有米線、涼皮、各式各樣嘅小食同茶飲。.我地兩個人total叫左五樣野食:1 & 2) 豬耳仔涼皮 (BB辣、走辣)呢到用嘅涼皮唔係透明狀嘅薯粉，係好似刀削麵咁嘅白色寬麵，咬口無咁好食。另外，個調味偏咸，但係但涼皮又唔入味。豬耳仔就正正常常，整體黎講，好一般。3) 清湯雲呑 (小棠菜) 10粒呢個幾好食，唔錯，下次可能會配麵當主食。4) 蜂蜜芥末雞翼 3隻雞翼炸得唔錯，食落都有肉汁。不過，見到個陣滴哂汗，因為個蜂蜜芥末醬得好少，係炸完個雞翼唧上面，有同無無咩分別🤣5) 桃味茉莉花茶 飲落幾清，用黎解辣唔錯，但係我覺得個桃味好人工，唔係好夾，就咁清茉莉花茶可能好啲。整體食物水平一般，因為無人做店面，餐廳衛生情況一般，座位安排都有啲混亂，下次再食都只會叫外賣。

今日嚟到慈雲山落咗巴士有啲肚餓就搵間餐廳食啦，見到呢間好似係新開個喎，男朋友話不如試吓咁就即管試吓啦。同個名一樣呢間係專賣雲吞嘅，現場都唔少人排隊嘅，見到有一部份人係會選擇拎走食。我哋就叫咗兩份我冇咁肚餓啦就叫咗10隻雲吞（小棠菜），男朋友比較肚餓就叫左20隻紫菜雲吞（韭菜），另外再叫多一份手撕雞同埋每人一杯嘢飲。間餐廳其實有好幾個位都安排得唔係幾好嘅需要喺呢度先講，第一收銀員就速度有待改善，我哋叫嘢飲其實係可以自己攞嘅不過後尾我哋發現收銀員冇睇到我哋比完錢就可以喺隔離自己攞。再者，我哋叫嘅都係啲佢主打嘅食物份量唔係特別多但係我哋都等左10分鐘先有得攞。第三，鋪頭雖然係光猛算係乾淨但係有好多貨擺咗喺店面令到空間感大大減低，而且見佢有埋一啲調味醬之類嘅都因為啲貨隔開咗令到冇人會有興趣去睇，有啲可惜。第四，男朋友想加啲辣椒但係唔肯定就去搵咗一位侍應了解，但係三四個侍應好似都唔熟悉究竟調味醬應該係點樣俾啲客人，例如係啲客可以自己攞一份抑或要喺公共位置到落呢。咁講返食物啦，啲雲吞雖然係小但係味道都唔錯個紫菜湯同清湯飲落都唔似係落咗味精嗰啲越飲越口渴所以大家都可以飲下。以女仔唔太肚餓嘅時候食10

1. 第二次買，今次都係買28蚊炸雞翼俾少兩隻2. 電話打咗5次，打極都唔聽3. 上次5隻雞翼，面頭一隻大隻多肉，底下4隻都係細隻，又瘦又乾4. 成間鋪都講普通話，同埋好熱

經過慈雲山巴士站見到呢間新開嘅熊貓小雲吞，見佢有得堂食又有得外賣，而且好多人排隊！行過都嗅到佢嘅麻辣香味，就決定今晚試一試佢嘅野食！我地叫左紅油抄手、麻辣小雲吞、麻辣手撕雞、什醬拌麵！本身想叫佢個串串香辣鍋，$28有齊8樣食物好似好抵咁！但係店員話賣哂，我明明見到佢個熱鍋入面係有食材，但店員表示唔夠整一份完整嘅香辣鍋，總之唔肯賣比我！咁我就唯有係什醬麵到加錢要一份豆腐串$10！首先講吓個紅油抄手，啲小雲吞細細粒一啖一口，其實冇乜口感，最敗筆係佢個汁，竟然係酸嘅，同平時食開嘅紅油抄手差別好大！再講下個麻辣小雲吞，辣係夠辣但係冇乜味道，只係得個辣字！麻辣手撕雞係一早整定雪入雪櫃，所以食起上嚟嘅時候好凍，而且又係冇乜味!唯一合格嘅係個豆腐串，索哂啲麻辣汁！個麵都係好一般！冇咩特別！總括來講，行過嗅落好香好吸引，但係期望越大失望越大！！

外賣包裝方面十分差 熱湯用紙盒裝 唔洗十五分鐘 湯熱到個紙盒溶左 好彩身邊有多一個膠袋 先無流出黎 食得既時候都湯變撈 服務方面職員效率極慢 某幾位職員態度差 等待時間過長（由叫餐到拿）超過20分鐘（人少時）味道方面味道不錯但前兩點因素 唔會考慮再去買

開左新餐廳，見佢仲貼住試業中上次諗住堂食，但好多人，最尾無等到今晚就諗住買外賣，點知仲多人😧排隊落單都排左20分鐘😅可能因為試業加上夜晚，聽到前面啲人嗌咩無咩😅排完落單再等左15分鐘先拎到外賣-紅油抄手頭一兩粒仲覺得還可以，點知愈食愈酸，酸到有啲食唔落口🤷🏻‍♀️唔知個醬汁出左咩事🤷🏻‍♀️至於啲雲吞，細細粒可以一啖一粒，但啲料無乜口感，有啲一pat野嘅感覺青瓜個醬汁同紅油抄手差唔多，都一樣咁酸😑勝在份量多😅😅總括黎講，價錢就真係好平，但啲食物咁樣，幾平都無用啦。希望佢地可以改善一下

近日在慈雲山有一家新開的小店，雖然在試業階段，但每天店家門外很多人在排隊點餐。店家主打四川菜，餐點有雲吞，麵食及各種小食等，作為正餐或小食皆可。雖然菜式很多都帶辣，但部份餐點也可以選不辣或BB辣，即使不太能吃辣，選擇也不會變少。可能是因為店家剛試業，店員未能快速下單。即使前方排隊客人不到十人，點餐也需要20-30分鐘。也是在點餐時發現部份菜式，如：麻辣手撕雞，雖印有「熊貓掌印」，應該可以選擇辣度，卻因預先處理，放在冰箱，不能選擇辣度。問店員麻辣手撕雞辣度是多少時，店員支支吾吾，不能說出有幾辣，也不會問其他店員，最後敷衍說出「少少辣囉！」就算了。店內有不少座位，有吧枱位置及一般多人座位，光線充足。餐點紅油抄手 (小棠菜) BB辣 $22雲吞皮薄，滑溜。雲吞一口大小，連湯汁一起吃剛剛好，吃十顆也不會膩。湯汁偏向酸辣，加了芫荽及蔥花更增添香氣。可是不吃芫荽的人，記得點餐時要告訴店員。餡料菜跟肉的比例剛好，不會乾身。蜂蜜芥末雞翼 3隻 $18沒想到雞翼是炸的，雖然炸得香脆，但完全沒有蜂蜜芥末的味道，十分失望。香醋涼拌木耳 $20木耳清爽脆口，但是不太吸收醬汁，底部的木耳味道也不足。醬汁酸度適中

身為街坊有新食店開幕一定要試吓，清湯小雲吞20隻隻隻都係一口小雲吞，咬落有唔少湯汁，叫左高麗菜餡，個湯有啲似紫菜湯，都算唔錯！肉燥撈米線，有少量米線未煮熟，但其實都好味既。汁唔夠多，米線好快乾晒黐埋一舊。

麻辣小雲呑（BB辣）：對於唔得辣既我地BB辣都已經好辣但就得個辣字，冇咩麻，味道都幾特別。雲呑細細粒都幾好既，廿蚊十粒，兩蚊一粒，性價比都唔係好高。紫菜雲呑：雲呑同上，只係湯底唔同，但明顯地呢個湯底勁重味精，只係多左幾條紫菜，唔會再嗌雞絲涼麵：我地嗌左走辣，我諗如果食得辣呢啲都係嗌辣會好食啲？但可以辣又係另一種感覺唔同層次唯有講下唔辣係咩感覺，其實整體上都幾好，配料都幾特別，唔係普遍會用既花生，係一啲炸過既豆，都幾好食，而味道就好似唔係好夠味，麵底比較硬身，唔可以講到成碗野係好味，um....係一般，又唔可以話係難食，不過都唔會食第二次呢間舖頭係要自己買自己拎，同埋都唔係好環保，全部都係用即棄。