燃 (已結業)

今日去開大圍搵朋友，佢介紹左呢間新開既餐廳，一入到餐廳出乎意料地無普遍烤肉店個陣濃濃既油煙味，仲安排到坐卡位。睇到個餐牌，食物既款式都好多，除左烤肉，仲有刺身、串燒同炸物等等。我同朋友想試多d唔同野，所以先叫左個東‧特選拼盤，入面有3款和牛同3款安格斯牛，份量都好足。牛舌係厚切，入口好香好爽，一d都唔靭，另外5款牛既牛味都好重，油脂分佈都好平均，呢個拼盤既份量同質素，$688真係唔算貴。食完個拼盤，我地覺得個和牛友三角好值得再ENCORE，所以之後再單點多一份，$168一份有4片，價錢都可以接受。除左食烤肉，我同朋友另外再叫左個七點刺身盛同埋叫多左一個小食。七點刺身盛$358有三文魚、油甘魚、吞拿魚、帆立貝、八爪魚、牡丹蝦同魷魚，呢度既刺身件件都好厚身，好鮮甜。小食我地叫左明太子雞翼$58，滿湖既明太子，內餡好JUICY，外皮燒到少少脆口，但唔會太油。整體黎講，D食物既水準好高，價錢亦都好合理，已經好期待下次再黎幫襯，試埋其他肉同埋鍋物。

住大圍附近咁多年真心覺得好食嘅餐廳唔多今次去嘅哩間燒肉真心超有驚超！燒肉用咗靚料 唔會係殭屍肉食得出肉香😋而炸物小食同湯烏冬 都好好味每個卡位都有部電視📺可以好似喺屋企咁睇住電視食飯超貼心！🔸五點剌身盛（$238）有油香三文魚、甘甜帶子、爽彈大蝦、鮮甜魷魚、軟滑油甘魚，每片都又厚又件，好鮮甜！🔸特選燒肉六點拼盤（$488）牛肩胛、松阪雞、豬頸肉、豬五花、安格斯牛舌心、牛小排。全部肉勁新鮮，食落又厚又彈牙，唔會有雪味，食到肉香，絕對值得食！仲附有珍珠飯、麵豉湯，都好味架！🔸唐楊雞塊（$58）🔸芝麻雞翼（$48）哩2個都好好食！必點！即叫即炸好香脆，雞肉都做好juicy ！同埋醃得夠味。🔸地獄湯烏冬（$38）湯底係濃嘅豬骨湯、辣辣地，烏冬又滑又彈牙嘅稻庭烏冬，伴有京蔥絲，魚餅，都係好味的。.🔸生啤 Stella（$58）

咁啱聽朋友介紹大圍有一間新開嘅日式燒肉🥩呢間餐廳可以一次過享用到燒肉🥩串燒🍢鍋物🥘既野食，啱哂中意食日本料理既我地😍今次我哋仲食咗啲海鮮添啊！😆🧊燒大虎蝦 ($時價) 9/10啲蝦勁大隻😂仲長過我手掌🤭唔知大隻，仲好新鮮好好食🙈個蝦頭好多膏（小編超鍾意食蝦蟹膏🤩）燒過嘅膏同肉仲更加好食🤣啲肉係完全唔痴殼，蝦肉又彈牙啵🥹呢個勁推介🫶🏻如果嚟到就一定要try try佢啦😆🧊燒蟶子 ($時價) 8.5/10蟶子落咗蒜蓉去燒，加左係好食勁多😂但就唔建議多蒜蓉，因為會掩蓋咗佢原本嘅鮮味🤪蟶子都係新鮮同大隻😍平時食嗰啲都冇咁大😂啖啖肉😙但我個人喜好就鍾意食蝦多啲🤣🧊東·特選拼盤 $688 8.5/10呢個拼盤可以試到六款唔同嘅牛肉🐮包括左和牛、安格斯同埋牛脷👅，雪花分佈都好平均😻勁靚！唔會有啲肉剩係得油脂👍🏻，最適合就係燒到五成熟就啱啱好😋呢六款牛嘅牛味都幾重😚燒到半熟既肉質好正！！😍唔會好韌，呢個特選拼盤啱晒一班鍾意食牛牛嘅人試🤪呢間餐廳都幾推薦大家去試一試👍🏻除左有勁高質同新鮮嘅海鮮之外🦐仲可以食到咁高質素嘅牛肉🐮🥰今次仲食到我地好滿足添！🤩人均消費💵： $400-500性格比： 8/10好

平時去大圍，多數食雞粥，今次約咗住附近嘅朋友帶我食好西，日本小店，3人行，可以食多啲。餐廳細細間，食物選擇多，主要熟食燒烤，鍋物等等…先點小食，邪惡的雞皮餃子🥟脆卜卜，好特別又好食😋再來一個雞串盒，樣樣煮有，好大碟，抵食之選叫咗個*鮭魚石狩鍋，暖暖胃，成個魚頭比你，足料👍🏻，湯先甜，又夠大鍋，3-4個人都夠食👍🏻重點推介，和牛三寶，鍾意食和牛都知道，一塊靚嘅和牛，唔需要加任何嘢，燒或煎都已經好好食，呢個三寶，切片燒，入口即溶，超正😋松阪雞，嫩滑，應該係雞肶肉，口感好juicy👍🏻值得一試再試嘅小店，食材新鮮，選擇多，價錢親民。

新過一輪的日本店，環境尚算舒適，服務員年青，有清新感覺，定食為上午11點至3點，沒下午茶套餐，價錢$78-$120，套餐有少許沙律菜，份量多些更好，或有八爪魚螺肉更滿足，另日本飯及面豉湯可無限添食，較大食人士不妨可考慮。另冷泡茶雖精緻容量較少，應該多點更理想，但不失為特色，如有桂花烏龍茶，浴神玫瑰花茶，杞子圓肉茶等，味道不錯，日系×中國冷泡茶，都算有特色。

以前不嬲都好少去開沙田大埔個邊，但至從屯馬線開通左之後，偶然都會走去遠少少既地方探索下，今次就走到去大圍試吓朋友介紹呢一間新餐廳。餐廳menu都幾多款式，燒肉、鍋料理、壽喜燒、炸物、串燒同刺身都有，幾多元化。雜錦魚生沙律 - 三文魚&吞拿魚刺身，新鮮蔬菜配上醬汁，十分清新。鮭魚石狩鍋 - 個湯頭好夠味，連埋一大堆靈芝菇、冬菇同帝王荣等配料，好豐富同幾大鍋。雞皮餃子 & 明太子雞翼 - 炸得十分香口，送酒一流。雞串盤 - 一共有六串，分別係雞皮、雞腎、雞肝、雞軟骨、雞心同雞翼，燒得剛剛好，唔覺得燒得乾，食到津津有味。

前排去大圍探朋友，夜晚就去左呢間新開既日本餐廳食晚飯😋😋餐廳主打日式燒肉🔥，亦有刺身、串燒、炸物、壽喜燒、鍋物等提供～好多選擇！！-🍣七點刺身盛 $358✨賣相好精緻，包括有三文魚、油甘魚、吞拿魚、帆立貝、牡丹蝦刺身等～～全部刺身厚切、望落好新鮮！味道都唔錯🤤🤤當中至愛三文魚！肉質肥美鮮甜，油脂香十足～好正❤️❤️🥘鮭魚石狩鍋 $318✨材料豐富，包括有三文魚、豆腐、皇帝菜、冬菇、甘筍等～～湯頭味道濃郁，裡面仲有大大個三文魚頭🐟！魚肉好嫩滑😋😋其他配料都索哂湯汁、好入味！飲完成個人暖笠笠♨️♨️🥟雞皮餃子 $58✨用雞皮取代傳統餃子皮～～外層炸得酥脆，內餡飽滿多汁！仲好重油脂香，夠哂邪惡👍🏻👍🏻

自從東鐵過海段開通以黎，我地呢啲港島人約新界既朋友就方便好多，今晚放工去左大圍呢間新開既日本菜，每張枱既枱面都會有個燒烤爐，當然要叫個牛肉拼盤先啦~🌟全牛拼盤 ($698)呢個全牛拼盤有齊多個不同部位，包括牛肩胛、牛舌、友三角、牛小排等等，每款牛肉既雪花紋都好靚，店員會講解下每款牛肉大概要燒幾耐，我自己最鐘意牛小排，牛味香濃，燒到剛剛好仲有入口即溶既口感🌟七點刺身盛 ($358)食日本菜點少得刺身呢，呢個刺身盛有多款高質刺身，有油甘魚、三文魚、吞拿魚、赤蝦、帆立貝等，魚生刺身厚切又夠肥美，帆立貝厚肉爽彈，水準好高🌟雞皮餃子 ($58)店員推介我地試下佢地既日式小食雞皮餃子，用雞皮包住嘅餃子，表面帶少少脆口，亦有雞皮嘅煙韌，幾好食

〔燃〕出個牛味話說舊上司搬左office，今日去左賀一賀佢開張，晚上我地去左佢公司樓下開既新餐廳食飯，環境非常舒服，餐廳新裝修座亦非常濶落，烤肉冇油煙味，抽風系統做得不錯，食物質素都非常出色，小店黎講，絕對係傾偈既好地方，店員都nice，不停主動斟水，亦會間中問下我地食物的質素同有咩需要，幾有禮貌，座位仲有獨立電視機可以睇，啱哂中意睇電視送飯既人，(3和牛3安格斯) 東·特選拼盤 $688：當中有牛肩胛、牛舌芯、牛小排、沙巴當、肉眼蓋、友三角牛肩胛肉質厚實軟嫩，油花細緻均勻、脂肪適中，嘗到牛肉本身的美味，牛舌芯口感十分柔軟同爽滑嘅部份，有濃郁既牛味，越嚼越香，牛小排口感獨特之處係骨頭邊緣的筋膜，入口十分彈牙，口感層次突出，沙巴當睇上去切割似大理石紋，霜降美感度極高，口感細嫩，有入口即溶的感覺、油花多肉味濃而且好淋、絕對係層次味覺享受，肉眼蓋肉質滑嫩，口感油而不膩帶鮮嫩，友三角咀嚼燒肉片時，口腔既油脂和肉汁同肉香，餘韻經久不散，每片都令人意猶未盡(仲想再食)，雞泡魚干 $68口感煙韌，咬落鮮甜，油脂清香，越食越香，食唔停口，點上沙律醬，再配埋啤酒，居酒屋味道出哂嚟，哈，雞皮餃子 $58外

New jap resto spotted in TaiwaiJust a min from the mtr station -Sea urchin fish cakeSea urchin blasting into your mouth with chewy squid ink fish cake to pair with-chestnut CroquettesDefinitely need to encore thisThe purplish potato with chestnut give you so many interesting texturesCroquettes are fried perfectly with a thin but crispy skin -sashimi platter Whenever I can’t think of what to go forOrder the platter!It’s not just igable but yummm -meat platter Love the different seasoning that cat

今日哈子餅話想試下呢一間新餐廳~所以諗都冇諗就去啦，聽哈子餅講好多時都要等位既，yo！！lucky day 不用等就可以入座啦，被安排坐於二人架座，ok 喎，仲有獨立電視機可以睇，啱哂鐘意睇電視送飯既人整體食物服務態度今日~無試佢哋D牛肉，唯有留番下次

上星期同朋友食生日飯，想搵一間可以慢慢食、慢慢飲嘅食店，朋友試過呢間Lunch話唔錯，就介紹我哋，果然無介紹錯👍👍👍👍首先食物質素係Very Good嘅👍和牛好好味😋😋😋唔同部位都好食，真係好鍾意佈滿油花嘅牛肉😂😂另外叫左海鮮🦞🦐🦀同生蠔🦪全部都好新鮮，而且size 一d 都唔細，食完真係好滿足😆跟住我哋一邊飲酒🍶一邊食串燒🍢，講真串燒真係無乜特別，但係價錢好平，是旦啦😂😂 店員介紹我哋飲呢支 三粒米清酒🍶 又真係幾好飲😋最後真係想讚下店員，佢哋好有禮貌，好nice，唯一缺點係地方有點細，高峰期坐滿人會有少少煙霧，但係好彩食完無油煙味嘅，呢方面比連鎖燒肉店做得更好，因為我最怕果陣味！整體滿意，下次會再去嘅

中午12:30入座。叫了兩個定食，食到一半，職員問可唔可以轉位，雖然有啲麻煩，我哋都冇所謂。我哋都係照正常速度進食，一食完就有職員過嚟問係咪可以收啦。諗住飲埋杯水用一用手機， 5分鐘唔夠，跟住又有另外一個職員過嚟，請問你哋幾時走要坐多幾耐。大佬呀！我用餐時間45分鐘都唔夠，我亦都冇諗住喺度阻你時間咗你位置，但係唔係都可以俾我飲埋杯水唔使急到咁呢。係咪熟客就好啲招呼，本身想再嚟幫襯，即使啲嘢食味道都唔錯，都對呢間餐廳好失望。

聽到朋友介紹，大圍開了一間新的日本烤肉店，忍唔住立即去試一試，結果食物質素，環境非常出色。環境係新裝修，座位亦非常寬敞，烤肉冇油煙，如果比起大圍普遍的小店來說，係一個可以傾偈的好地方。而且要讚一讚服務員，不停主動斟水，和清潔枱面，不時詢問我們食物的質素如何，非常之有禮貌，比起鄰近食肆，這裏是一個朋友聚餐的好地方。 牛肉的質素非常之高，有日本入口即溶和牛，與日本連鎖式的燒烤店質素一樣，而且餐牌豐儉由人， 80至2xx元不等,而且見到不少學生來幫襯，因學生有折扣, 希望不久將來，會再encore , 支持小店!