燈籠滷味 (新都會廣場)

營業中

休息中

食物可以，但價錢偏貴，唔抵食，食完都唔夠飽肚，同手機落單都要加一，有d搵笨，服務都係帶位送餐，另外係環境一般，位置係矮牆間出黎，周圍途人行過會見到，好耐未食過，一條友去都可以，成家人去，應該有其他更好既選擇

放工陪同事去葵芳行街買嘢，之後去食台灣野，燈籠滷味於台灣當地非常有名，主打台式滷味。店內環境設計充滿台灣古早風情。眷村懷舊排骨滷肉飯，大大碗份量十足，排骨炸得香脆有口感，配半隻滷蛋和珍珠米。蛋餅：蛋餅口感外脆內軟，餡料有奶油、芋泥、肉鬆，餅皮煎香脆，面上放上燒汁，食落好惹味。甘梅香脆地瓜條，地瓜炸得香脆，加入話梅粉令味道更有層次感。台式香蒜腸：香腸質地韌實，口感有嚼勁，且帶有濃郁的蒜香味。燈籠黑糖珍珠奶茶做緊優惠，買一送一，黑糖珍珠味道濃郁及口感煙韌，奶味也相當濃厚，兩者完美的結合，就成了一杯美味的黑糖珍珠鮮奶。

二人餐分享一個王子麵 小食份量又少 真係唔好怪人唔留港消費 滷水完全唔入味 豬耳豬肚完全係冇味 最重要係個價錢，cp值極低 260 兩個人總結係：兩個人比二百幾蚊食一碗車仔麵 再加幾舊小食 + 一碗細糖水

呢間絕對唔陌生，不過價錢偏貴，我哋兩個人叫咗碗粉，同埋蛋餅，嗌多個嘢飲，其實味道係幾好嘅！ 份量亦都大大份，不過稍稍覺得價錢偏貴，如果變返親民少少就會好啲😍😍😍😆

朋友話疫情後一直未飛台灣旅行，於是想食台灣菜，朋友喺葵芳放工，於是約咗去「燈籠滷味」，哩度以招牌燈籠滷味和各種台式小吃聞名。我哋叫咗個2人餐，極其豐富，包括：1. 招牌燈籠滷味：這道滷味套餐包括6款精選滷味，1款白選蔬菜和1款白選麵類。其中的蜂巢牛肚、豬耳朵、百頁豆腐、麻吉燒、白蘿蔔、黑木耳和空心菜都經過滷製，擁有豐富的滷味香氣和口感。搭配上台灣王子麵，增添了一份濃郁的風味。2. 香炸花枝丸：這道人氣台式小吃以鮮嫩的花枝肉製成，外層炸得酥脆金黃。咬下去時，你會感受到鮮美的花枝肉汁在口中爆開，帶來滿滿的海鮮風味。3. 麻辣鴨血冬粉：這道地道夜市小吃結合了麻辣和鴨血的美味。鴨血的質地彈牙，搭配滑嫩的冬粉和辣味的湯汁，帶來濃郁的口感和辣味的刺激，絕對能滿足喜愛辣味的味蕾。4. 九份經典芋圓：作為餐後甜點，這道經典的九份芋圓是一個絕佳的選擇。芋圓口感Q彈，搭配甜美的芋頭湯汁，帶來濃郁的芋香味道，每一口都讓人愉悅。5. 熱茉香綠茶和凍柚子綠茶：這兩款台式特色飲料可供選擇。熱茉香綠茶散發著香氣濃郁的茉莉花香，口感清新宜人。凍柚子綠茶則結合了柚子的酸甜和綠茶的清香，帶來一份涼爽的口感。飽飽2人餐果然

之後喺台灣冇時間食燈籠滷味，一直心掛掛，今日行過新都會見到有又唔駛等位即刻衝入去食🤣黃金甜不辣拼起司麻薯甜不辣外皮鬆脆，裡面煙煙靭靭，超級惹味😍仲要份量好多，2個人係食唔晒🙈 麻薯波波芝士味好濃，有得拉絲，正🫶Shake Shake 海苔鹽酥雞會俾個紙袋同海苔粉自己shake, 雞肉嫩滑，唔會好厚粉，好食👍麻辣鴨血野菜冬粉鴨血勁入味，推介！原本以為係類似台灣一盒盒嗰啲size, 結果勁多粉絲，又食唔晒🤣燈籠古早滷肉飯(小碗）朋友就叫左碗滷肉飯，好有台灣夜市感覺🥹🥹

自從食過一次燈籠滷味後，係搵食既時候見到佢，都唔會感到抗拒，亦會係選擇範圍內既一間食店。今次第一次到葵芳店食午餐，午餐Set有麵有飲路，埋單$90，價格唔係太平，亦唔係貴，不過不失，但勝在不用等位。今次叫左招牌滷味Set A冬粉飲凍茶, 麵及餸既份量充足，一碗都食唔晒。而滷味既湯味濃濃，配上冬粉，完全吸收晒湯既精華，好食😋而牛肉都非常好，不太硬又不太軟，有質感而不會太硬，值得一試👍而整合感覺良好，環境服務都不錯，可以再光顧😂

繁忙時間等位好快，但野食質素難食到唔會有下次。 野食咸而無味，粉面飯濕淰淰癡埋晒一齊。 價錢質素在葵芳被比下去。鹽酥雞粉面感濃郁，肉感稀少得可怕。👏食完嘴裡滿滿的油味與純粹的味精味。食完餐飯半小時嘴裡仍有咸味揮之不去。☺️午市排骨滷肉飯好大份 好似畀地盤佬咁 好滿足 份排骨好貼心咁去曬啲骨 啖啖肉 可惜唔知係咪要自助調味 但係附近好似又無調味料?_? 食落成餐最好食就係+$3嗰杯綠茶 好正宗

位於葵芳新都會廣場的燈籠滷味，提供了不少台灣夜市的獨有菜式更有招牌滷味。菜單上有多款精緻的滷味菜式，除滷味外、鹽酥雞和黑糖珍珠奶茶也是必嚐的美食。首先，甜不辣、麻吉燒、王子麵等不少的滷味也是台灣菜獨有的。台家有特製的滷味汁配上香蔥及其他配菜，令單調的王子麵添上一份色彩，王子麵的麵質較彈，配上甜不辣、麻吉燒等小食，可令味道昇華。鹽酥雞是這家店的經典菜色之一。一口咬下去，酥脆的外皮與嫩滑的雞肉相互結合，帶給食客滿足感。而且鹽酥雞調味適中而不失香氣，賣相也相當誘人。作為小吃，相信出色。除了鹽酥雞，這家店的黑糖珍珠奶茶也值得一試。這款台灣經典飲品以其順滑的鮮奶與Q彈的珍珠驚艷了我的味蕾。黑糖的香甜與茶香的結合令人陶醉，口感醇厚。對於愛喝奶茶的我來說，這杯黑糖珍珠奶茶絕對有台灣的味道。除了菜色的精緻口感，店員在用餐過程中總是微笑，耐心解答菜單上的疑問。整個用餐環境佈置得有台灣夜市的風格，感覺令人置身台灣加上舒適整潔，讓人倍感放鬆。

叫咗個「燈籠飽飽二人餐」，$228加一唔抵食，一碗麵、2個小食、2杯飲品、一碗芋圓！味道正常，飽唔飽就見仁見智最有趣係個甜品！係得一細碗！真係好少見2人餐，得一份甜品，仲要係糖水！仲要加冰（係凍飲啲冰），糖水有幾舊未融嘅冰……整碗甜品可唔可以俾啲誠意？！唔夠凍都唔係咁呀嘛…🤢

燈籠滷味台灣紅燒牛筋肉滷肉飯白米飯上擺滿了滷肉、牛筋肉，粟米，椰菜等等。牛筋肉經過細心嘅燉煮，肉質軟嫩。滷肉散發出濃郁的醬香，牛筋肉入口即化，帶來豐富的口感。燈籠招牌滷味推介揀咗幾款燈籠招牌滷味，有雞翼，豬耳，西蘭花。各種滷味都經過精心調配嘅醬料同熬煮嘅過程，非常入味，口感豐富。雞翼肉質幼嫩，豬耳韌中帶嚼勁，西蘭花爽脆可口，每一種滷味都值得一試。燈籠黑糖珍珠奶茶燈籠黑糖珍珠奶茶十分吸引，奶茶的口感濃郁順滑，黑糖嘅香甜彌漫其中，珍珠Q彈有嚼勁，令人無法抗拒。燈籠芋見你燈籠芋見你呢個名好特別，材料豐富，有芋圓、地瓜圓、仙草、芋泥、紅豆、紫米、燕麥、黑糖、花奶等等，每一種材料都有其獨特嘅口感同風味。無論你中意濃郁嘅芋泥定係清爽嘅仙草，呢個甜品都可以滿足你嘅味蕾。

晚上六點幾到，都算多人排，上菜速度快，所以好快入去坐低，叫咗自由配搭（大腸，蹄膀，台灣麵，水蓮菜)，水蓮菜係台灣熱炒店必點既菜，炒過會特別清脆爽口，放落湯就好似無，台灣滷味就較甜，不辣。shake shake 海苔鹽酥雞，有包海苔粉俾你自己shake shake ，雞炸得非常香脆，咬開雞仍有肉汁。肉鬆蛋餅，蛋餅偏軟身，食落去甜甜咸咸咁。黑糖珍珠奶茶凍$31，甜度揀左半糖，味道正常。見到兩人餐228都幾抵食，包一個麵，兩個小食，有埋芋圓甜品，同兩杯飲料。

這間連鎖台灣菜「燈籠滷味」，由台灣過江龍開設，主打台式滷味、滷肉飯、台式小食及飲品等。環境佈置很有台灣特色，掛滿招牌燈箱，令人感覺置身於台灣夜市中。我一個人就叫了一份奶油芋泥肉鬆芝士蛋餅，但今日這份蛋餅令我很失望，因為餅皮很硬，感覺是在無顧客時預先整定，然後有人落單才翻熱。另外叫了一份期間限定的麻辣糯米釀雞翼，價格$48 ，但只得兩隻雞翼，感覺略嫌有點貴，不過雞翼很嫩滑，味道不錯。飲品方面，我叫了一杯凍冬瓜仙草檸檬，味道清新、不太甜，仙草好好味，很解渴！

下午茶叫咗四拼車仔麵、啲湯得勁少、王子麵好咸林曬發曬嘅、雞翼鹵水味完全唔特別、個味好似平時屋企醃咗嘅雞翼、只係得個大腸叫做夠淋可以食下、但個味道一啲都唔香呀、如果台灣啲嘢食係咁我真係食一次我唔會再食囉、織下午茶連埋加1 七十幾蚊、食完完全唔知道自己食咗啲咩、因為實在太難食我淨係夾硬食咗啲送個面係完全食唔到、所有嘢食都係各自各咁、烚咗啲冬菇通菜掉落去鹵水咗啲雞翼大腸放入去一個超淋嘅面擺入去然後勁少嘅湯、所有嘢個味道都係唔夾、可能佢其他嘢食好食、但呢個四拼車仔麵一定係劣食

呢一晚同朋友去葵芳行街 行到累又到食飯時間👯‍♀️朋友揀左間台灣菜輕鬆食 呢間叫燈籠滷味📍-位於商場內 位置算多 但枱與枱就相對偏近⚠️食物方面都係以台灣菜為主呀! 同埋有台式車仔麵🍲所以我就點左 而且有少見既冬粉呢!😍我揀左水蓮🥬冬粉，牛筋肉、多蔥材料都好足夠 台式車仔麵幾特別🥣如果湯再多少少會更好✅-之後點左台式必食既燈籠古早滷肉飯🍚細碗的，滷肉份量好足夠 而且好濕潤!😋-之後再點左人氣蔥抓蛋餅🌮點了花生醬，火腿，起司. 份量都幾大份呀!我個人覺得花生醬有D太多 會有少少甜!⚠️-甜品方面就點左燈籠芋見你🍧🍡材料都好足夠 包括有芋圓，地瓜圓，仙草，芋泥，紅豆，紫米，燕麥，珍珠，花奶🫘🥜少少偏甜，個人好鍾意D珍珠 好好咬!😆-飲品就點左蜂蜜荔枝紅茶, 正常之選!🍹幾抵食既台式晚餐 輕鬆之選不過人流都幾多 晚市可能要預等下位!‼️