燈籠滷味 (新都會廣場)

營業中

休息中

碌OpenRice 睇新都會廣場有乜好食啦，見到燈籠滷味個名就吸引，成個台灣滷水味出晒嚟🤭行入舖頭，同想像一樣，整間店舖充斥着滿滿的台灣滷水味道😍因為唔想食得太飽，與朋友合叫一碗雞翼、鴨珍、麻吉燒、木耳、高麗菜手工烏龍麵，雞翼是我最愛，不用多講，鴨珍軟硬適中，麻吉燒煙煙韌韌，好好味👍🏻仲有麵質彈彈嘅烏龍麵，加上獨特湯底，完美。另外再叫一份芋泥蛋餅，蛋外層煎得香口，蛋內有芋泥加肉鬆，味道很夾，係台灣嘅味道呀😙

香港好多台灣菜餐廳，不過就比較少食到台式滷味，而燈籠滷味就係少有主打台式滷味嘅餐廳▪️招牌燈籠滷味 - 豬耳朵、雞腎、百頁豆腐、高麗菜台式滷味帶有甜味同醬油香，豬耳朵、雞腎爽口，百頁豆腐、高麗菜好索汁，好入味▪️Shake Shake 海苔鹽酥雞鹽酥雞炸雞香脆juicy，仲可以自己將鹽酥雞同海苔粉放入紙袋入面shake，令鹽酥雞沾滿晒海苔粉▪️人氣葱抓蛋餅 - 奶油芋泥、肉鬆、起司蛋餅脆身，芋泥幼滑，不過偏甜少少，肉鬆、起司帶有鹹香▪️燈籠古早滷肉飯 (小碗)滷肉肥瘦適中，而且份量好多，夠晒撈飯燈籠滷味📍葵芳興芳路223號新都會廣場1樓181號舖

之前都有食過燈籠滷味，見佢出咗個二人餐好似幾掋食，就同朋友嚟食下。燈籠飽飽2人餐 ($228)套餐包咗一份招牌燈籠滷味、一份人氣台式小吃同地道夜市小吃、餐後甜品同埋兩杯飲品。大大碗嘅燈籠滷味，六款精選滷味已經係定咗，都叫做係樣樣都會食嘅嘢。蔬菜同麵就係自選。今次我地就叫咗冬粉同通菜。全部配料都索哂啲湯汁嘅味道超入味！而且份量都幾多，兩個女仔食其實唔係好食得哂。金黃糖心滷鴨蛋用鴨蛋做嘅流心蛋，食落又軟又流心，而且仲好滑鹽酥雞原來佢有另外比到啲紫菜粉同紙袋我哋，可以好似shakeshake薯條咁樣，將紫菜粉同埋鹽酥雞搖匀。雞肉嫩滑，外皮香脆可口，調味足夠。最吸引嘅係套餐仲有一碗芋圓，有齊芋圓、紅豆、珍珠等，芋圓食得出淡淡嘅番薯同埋芋頭味，好有咬口，糖水用咗花奶做base, 為美好嘅一餐作結。同朋友各自叫咗杯珍珠奶茶，外賣杯要加一蚊但可以食飽邊行邊飲，所以都願意加錢。珍珠奶茶不過不失啦。

喺新都會廣場行街行到攰，搵嘢食見到呢間台灣嘢，睇餐牌都幾多選擇，睇價錢都好抵食，今晚就揀咗呢間醫肚，呢間嘅裝修好有台灣feel，好靚，好適合打卡，麻辣鴨血野菜冬粉 - $52揀咗餐廳推介嘅麻辣鴨血野菜冬粉，好抵食，分量好多好大碗，可能因為我比較食得辣，所以我覺得唔算好辣，鴨血彈牙惹味，不會過鹹。水蓮 - $20台灣原生蔬菜，水蓮，口感非常爽脆，這家餐廳炒得很好吃，必點！Shake Shake海苔鹽酥雞 - $48餐廳會俾鹽酥雞、紙袋同盒紫菜粉俾你自己shake，紫菜粉均勻地鋪滿在鹽酥雞上，鹽酥雞咬開仍有肉汁，炸得外脆內嫩，高質！冷泡桂花烏龍 - $26冷泡桂花烏龍也是餐廳推介，茶色清澈，桂花味道芳香，茶味濃而不澀。

冇諗過咁好味！燈籠滷味呢個名都聽過一兩年，今日先有機會試，點知一試難忘！！！滷味一打開蓋，已經聞到好香，有好香嘅藥材味，睇得出係真材實料👍🏻👍🏻（食完之後都唔頸渴，值得一讚）牛筋肉滷得非常腍，白蘿蔔直頭不得了，，鮮甜又夠腍！配粉絲（佢哋叫冬粉）完全吸收咗佢湯底嘅精華，絕對係最佳拍檔❤️ 仲有佢哋個酸菜好特別，唔似一般餐廳食到嗰啲，應該係自己炒出嚟，好有台灣風味！下次我一定要試埋佢哋嘅滷肉飯、蛋餅！好似仲有好多其他好嘢食，要約啲朋友嚟一齊食先食得晒….

原本諗住同朋友去食壽司郎, 但係因為我OT, 朋友張票就過左半個鐘入唔到去啦,所以我地轉場過左隔離既燈籠滷味食台灣, 佢都要等位, 不過等五分鐘左右就入得了入面既裝修係有D似台灣既夜市, 令人有種感覺係去左台灣咁, 幾有特色奶油芋泥, 肉鬆, 起司蛋餅-$56我地都好鐘意食蛋餅的, 呢度既強餅切到一舊舊咁, 幾方便食, 上面有少少大板燒既汁, 幾惹味同新鮮既配搭, 而入面既奶油芋泥, 肉鬆比例岩岩好, 再加埋起司既邪惡參與, 大滿足招牌燈籠滷味-$56其實幾似我地食開既車仔麵, 但係台式咁, 我地叫左牛肋腩, 腎, 大腸, 滷到都變晒色, 所以好入味下, 口感同味道都唔錯, 我地再叫埋最索汁既冬粉去索咁好味既汁, 我覺得D個組合係一絕排骨滷肉飯-$75台式便當我最鐘意就係食佢既排骨飯, D個排骨滷肉飯就完全滿足到我啦, 排骨炸得好香脆, 但仲保持到D肉汁, 再配埋個珍珠米去食, 真係有回到台灣的感覺黑糖珍珠奶茶-$28食台灣野又點可以唔叫珍奶? 我地叫左少甜, 味道岩岩好!總結D個台灣野幾好味, 而且幾有特色, 幾有古早味, 令到我心思思想去食下一次。

葵芳掃街買糖後，不經不覺都8點多，不算肚餓下想食個簡單又美味的晚餐，於是便聯想到這間讓人難忘的燈籠滷味，這次比較晚到，終於不用排隊就能直接進店呢😇✏️位置（9/10）：新都會底層壽司郎旁邊，地點當然方便✏️環境（8/10）：商場舖開揚，裝修帶復古味，感覺舒適✏️服務（8/10）：掃碼下單，上菜快，提供籃子放包包✏️食物（8/10）：滷味出色，味道討好，完全沒味精🌟燈籠飽飽2人餐 - $228門口大餐牌推廣的2人餐。有特色滷味一碗、夜市小吃一份、台式小吃一份、2杯台式飲品及甜品一客，全部都是台式風味，份量剛好，因此不少客人都會選擇☺️🍴招牌燈籠滷味主角當然係招牌滷味，包括蜂巢牛肚、豬耳朵、百頁豆腐、麻吉燒、白蘿蔔、黑木耳，共6款滷味，滷水味道真心不錯，香甜入味，其中百頁豆腐口感像魚蛋，很特別。滷味會配自選花椰菜、唐生菜或空心菜其中1款，以及1款自選麵類，而我們則加$3選了手工烏龍麵，口感爽滑不錯🥰🍴地道夜市小吃選了Shake Shake海苔鹽酥雞，細細粒，炸得外脆內軟，海苔味shake shake粉增添了不少香氣😋🍴人氣台式小吃點了麻辣香滷豬耳朵，口感香脆，麻辣味十分香濃惹味😉🍴九份經典芋圓滿滿煙

燈籠滷味濃郁嘅滷水香又成功吸引咗我黎幫襯，唔洗去逼台灣夜市，在商場內嘆住冷氣一樣食到正宗滷味！環境布置十分有台灣夜市特色，招牌燈籠同懷舊招牌燈箱，令人好似真係在台灣夜市咁。招牌滷味，用各種材料在滷水中翻滾，最愛揀返幾款加份米線當做一餐。白蘿蔔夠冧且清甜入味、鳥蛋充滿滷水鹹香、大豆皮口感唔錯豆味十足、甜不辣口感Q彈，加入米非常滿足。台灣紅燒牛筋肉滷肉飯，份量超級多，勁多舊牛筋肉好抵食，牛筋肉入味大塊，煮得好冧又入味！配菜有半滷蛋、粟米、酸菜，非常滿足！另外都有好多台灣街頭小吃，蛋餅、香炸花枝丸、鹽酥雞都好吸引！尤其系香炸花枝丸，金黄色澤，花枝飽满，非常香口彈牙。

今日一行二人到位於葵芳新都會廣場嘅「燈籠滷味」食晚飯。餐廳裏面有好多台灣特色嘅霓虹燈，好吸晴。座位坐得舒服，好寬敞，用電子落單仲好方便燈籠古早滷肉飯(小碗)，滷肉肥瘦適中，滷得好入味，一上枱已經聞到陣陣滷肉香，好味Shake Shake海苔鹽酥雞，熱辣辣外皮脆卜卜，雞肉好嫩，配上海苔碎，好滋味，另外餐廳仲會比紙袋去shake招牌燈籠滷味，配料有蜂巢牛肚，牛肚爽口Q彈。大腸滷得很入味冇脂肪，牛筋肉滿滿的肉汁好滿足，空心菜，玉米筍，冬粉吸收了湯汁，好入味彈牙。一碗麵可以食到唔同嘅配料，好滿足蛋餅，叫左奶油芋泥，肉鬆，起司。外皮香脆，滿滿嘅餡料，芋泥香甜配上鹹香肉鬆起司，好正當然不少得飲品，清新冬瓜仙草檸檬，甜甜酸酸的，仲可以選擇自己喜歡的甜度同冰份量燈籠黑糖珍珠奶茶，珍珠Q彈，奶茶味香。好飲

見到門口成日大排長龍，今日終於食到了！第一次食燈籠滷味，餐牌花多眼亂叫二人餐可以解決我選擇困難症嘅問題，又可以試齊咁多款台灣地道美食！🏮燈籠飽飽2人套餐招牌燈箷滷味，已包括蜂巢牛肚、豬耳朵、百頁豆腐、麻吉燒、白蘿葫、黑木耳，另外蔬菜選了唐生菜，麵底選了冬粉。滷汁香甜帶有小許藥材味，每個配菜都煮得好入味，冬粉索晒啲滷水汁，好好食😋🐷麻辣香滷豬耳朵耳骨脆彈，耳肉Q彈，雙重口感。同樣好重滷水味，越食越麻，越食越辣，好惹味。🦆麻辣鴨血野菜冬粉鴨血嫩滑，帶有麻辣味，再試試呢個汁嘅冬粉，麻辣惹火，有不一樣的體驗。🍡九份經典芋圓芋圓口感煙韌Q彈，有芋圓同地瓜味，再配搭紅豆及黑糖珍珠，甜而不膩，凍食好清涼。二人餐最後仲有兩杯台灣特色飲品，叫咗茉香奶綠、柚子綠茶，好豐富同滿足嘅二人餐，仲爭啲食唔晒呀😛

記得以前拍拖成日都同爸爸一齊去台灣旅行，最鍾意就係行夜市其中一樣最掛住嘅就係台式滷水所以今日抽起條癮就走咗去 #葵芳新都會廣場 台式 #燈籠滷味這家燈籠餐廳由台灣過江龍開設,環境古色古香,像過了梧桐樹下的舊街。我點左「燈籠飽飽2人餐」可以試過晒佢哋著名的滷味,真係食到飽!😋😋😋首先蜂巢🐮牛肚Q彈爽口,豬耳朵👂咬落去個脆脆嘅,超鬼香。百頁豆腐咁平滑咁綿密,麻吉燒咬落一口最鍾意QQ嘅質感❤️好過癮啊!😍白蘿蔔雪白Q彈,黑木耳有 d 脆有d軟,滷醬超級入味。👌🏻🥬唐生菜新鮮 crunchy，台灣王子麵🍜咬勁口感彈牙。人氣台式小吃金黄糖心滷鴨蛋,蛋黃流心,好似黃金咁閃閃發光,美味到不得了!🤤地道夜市小吃Shake Shake 海苔鹽酥雞🐣,海苔鹽另外加紙袋附上，落多少悉隨尊便🤤。脆脆包住雞肉,好滋味!餐飲黑糖珍珠奶茶及古早冬瓜茶幫我消消食,完美!最後細細碗嘅九份芋圓🍡非常足料😍甜度適中❤️燈籠餐廳滷味大餐真係食到飽,好似回到台灣街頭小巷般,滿足到我對台式滷味的渴望,大推介比大家嚐嚐!🤩🥰

我地去咗葵芳，順路去咗新都會廣場入面嘅燈籠滷味食晚餐。點咗一個燈籠飽飽2人餐，包一碗招牌燈籠滷味冬粉，一份台式小食(台式香蒜腸)，一份地道夜市小食(火腿玉米起司蔥抓蛋餅)，一份餐後甜品(九份經典芋圓)，兩杯台式飲料(冬瓜茶，茉香奶綠)。味道ok，份量都大。

位於新都會廣場戲院附近， 睇完戲想食lunch , 一出就聞到香味，似乎來自呢間台式餐廳， 於是試試。 甘梅地瓜條： 香味都係香炸既野，地瓜條厚切香脆，每一條都有甘梅粉，shake 得均勻，推薦。奶油芋泥肉鬆（走芝士）蛋餅： 個人唔好芝士， 　芋泥既奶油味有啲濃， 餅皮有d 厚， 蛋餅表面有章魚燒汁，如果冇芋泥應該都幾夾。麻辣香滷鴨胗： 除左辣冇咩味。 冬粉，牛筋肉，大豆皮： 自選滷味撈粉， 滷水做汁， 都係淡味。 燈籠黑糖珍珠奶茶： 原味太甜， 但奶茶味正常， 建議半糖，珍珠中心有d 硬。 香烤炭焙烏龍奶茶： 唔錯，烏龍茶味慢慢出， 　半糖夠晒。

今晚放工跟爸爸再來吃台灣野食，我哋都好掛住呢間燈籠滷味，因為呢度既滷水野食真係一流。今次仲有個燈籠飽飽二人餐，超抵食，$228一個套餐，入面有麵食、小食、甜品、野飲，又豐富又滿足。套餐內有個六餸麵再加菜，六餸分別有蜂巢牛肚、豬耳、百頁豆腐、麻吉燒、白蘿蔔、黑木耳，款款都好惹味好正，又好有口感。我們最喜歡蜂巢牛肚同豬耳，因為口感好爽好惹味，口感正，而且相當入味，滷水味又香又濃，十分正。其他餸都唔差，好好味，份量又足，呢個麵都好足好飽肚。除了那六餸外，仲可以揀一款自己喜歡的菜，我們點了空心菜，空心菜爽口清脆，唔錯唔錯。麵條方面都可自行點選的，有王子麵、冬粉、米線，我哋就點了台灣王子麵，吃起來像公仔麵的口感，十分好味，彈牙又入味。另外小食方面點了shake shake海苔鹽酥雞，鹽酥雞炸得金黃香脆，又香又juicy….引唔住令人想食多幾件，除了可就咁食外，仲有一個紙袋可以拌上海苔粉shake shake…令每粒鹽酥雞都沾滿了海苔粉，更為惹味，脆卜卜，真係好正的小食，做得相當出色。另一款點了起司麻糬，有兩件的。麻糬金黃色，煙韌，中間有滿滿濃郁芝士，極為邪惡，這件麻糬有點膩，所以每人一件，份量剛

好啦有葵廣唔去食，走咗去隔離新都會堂食🤣🤣🤣· 火腿粟米芝士蛋餅 $54用咗手抓餅個底, 所以係脆嘅餅底！不過芝士就少咗啲~呢幾樣配搭係無咩大特別嘅味道🤣· Shake Shake紫菜鹽酥雞 $48係shake shake薯條嘅感覺！唔會唔夾🤣不過我想倒返落個兜到影相，但搞到成枱都係紫菜🫢🫢· 台式滷味 （豬肚+甜不辣+貢丸+烏龍麵）$58上菜個下我先知原來係可以揀少湯！以前食都係無乜湯嘅 可能依家迎合返香港人口味？好彩個湯底唔會太鹹~不過覺得甜不辣有啲太腍~無咗本身個種煙韌口感🥲· 黑糖珍珠奶綠 $29正正常常，叫咗半糖啱啱好！但啲珍珠太大粒定點😂係咁塞飲管🫢飲得有啲辛苦😂😂🍽 燈籠滷味 | 葵芳📍 葵芳興芳路223號新都會廣場1樓181號舖