燒吧

營業中

休息中

今日參加完婚禮後，同一班朋友決定要一齊食下飯聚一下，有一員suggest燒吧，所以就喺Openrice度book左dinner時段去～去到先知原來間鋪叫燒吧 Shiba, 入面真係有隻shiba😍😍😍佢好乖 任摸唔嬲，可愛到我心都融曬🫠好，冷靜啲回歸到野食本身！首先一黎，朋友就叫左一枝Sake，跟住waiter就馬上拎左個酒塔過黎，可以方便地自助斟酒，呢一點值得讚！另外，可以自己揀靚靚既酒杯，心情又再好啲～飲得開心啲～又係另一樣值得讚既地方😂（酒鬼在意既點好奇怪再黎，我地就瘋狂叫小食同串燒啦，包括有黑松露薯條，燒雞翼分量好夠4個女仔食！串燒就有雞串，羊肉串，豬串，燒鰻魚，燒茄子，燒翠肉瓜，燒菠蘿等等，豐富得黎燒得好香，調味亦都不錯，整體黎講都幾抵食！最後埋完單，店員知我地中意柴柴都叫我地同柴柴摸多幾下先同佢講byebye，真係好了解狗奴既心😂💓💓總結一下，有酒有好野食有柴柴！非常好！會帶其他朋友再黎食過！😂😂

平時燒烤串燒店真係好少見有吐司🍞最多都係配棉花糖/鵝肝～呢到竟然係夾住濃郁黑松露醬、鹹香巴馬火腿同熱溶芝士🖤🥓🧀喂成個味道勁惹味！再加埋烘到脆卜卜嘅吐司 超正😍

星期五晚搵食見到呢間串燒小店🍢環境幾舒服 決定一試食完覺得一定會再回頭🤤每個菜色都好有心機整😍而且食材係高質新鮮✨仲有唔少sake款提供 🍶👅 厚燒牛舌芯呢個encore左第2串牛舌芯每粒都好厚😋小小調味已經燒到超香同咬落好爽口好惹味 推介💯🐑 孜然羊肉串調味剛好羊肉唔會覺得腥仲好嫩咁👍🏻🐖 燒豬頸肉串加左燒汁帶點甜甜味豬頸肉半肥瘦咁油係口入面溶 好味🤤😋 蒜蓉燒南非鮑魚切到一片片用左蒜蓉調味🧄有D咬口又唔會覺得韌 🐠 大澳雞泡魚乾好香而且點埋Mayonnaise 送啤酒正🍻不過略為覺得燒耐左小小 邊邊位有d硬🍠 日本甜薯面頭有d蜜糖咁樣燒到內軟但外面甜甜地🍯🍗 秘製雞全翼點都冇得輸全隻上 雞皮好脆雞肉Juicy🤤🥪 燒吧吐司 招牌吐司 脆卜卜 熱辣辣上枱 不得不說黑松露醬好香加埋Parma ham 同溶晒嘅芝士味道層次好豐富🐖🐓 雞軟骨串味道正常發揮每粒都大粒 亦都脆卜卜🧡 燒雞皮係最邪惡嘅燒雞皮油脂爆發 皮好香脆🤤🤤真係只可食小小 唔係真係膽固醇爆燈😂🐶小店以Shiba 為名 當然唔少得有隻好得意嘅柴柴做店長一邊食一邊望住佢係好開心🥰

係屋企睇睇下YouTube睇到串燒，突然想食，即search屋企附近有無咩串燒店，結果搵到呢間，好似好多好評，即刻打電話留枱試下。因為唔算話太肚餓，左燒牛舌、燒白鱔、燒豬大腸、燒雞腎、燒茄子、燒菠蘿，樣樣都好正、份量夠、味道都正，性價比超高！現場環境好舒服，好岩同朋友黎吹水食野，價錢超合理！地方都唔難搵，就係將軍澳廣場對住個屋苑入面，都算易搵。絕對會encore，第時食串燒近近地唔洗去尖咀下次會想試埋其他

呢間餐廳開左大半年左右，我都黎過好幾次，每次都保持到食物水準，性價比高，所以都值得寫個食評做個紀錄！其中有幾款食物我每次黎都必叫的：1)燒白鱔 – 呢個絕對係頭號推介！首先唔係好多串燒店都有白鱔提供 (因為工序較多)，就算有得食都唔係間間都好食，而呢間既白鱔除左肥美之外，個皮都係燒到脆卜卜~ 5粒星!!!2)安格斯牛肉沙律 – 我本身對沙律本身係一般般，但呢個就充滿驚喜！真係大大塊牛，仲要落足半個牛油果，再加埋個沙律汁，絕配！(份量仲要唔少)3)黑松露薯條 – 呢個薯條送酒一流，唔會好幼，最正就當然係個秘制黑松露芝士汁，前菜必點之選! 4)蒜燒茄子 – 如果鍾意重口味既話，呢個就絕對推介喇！勁大條既茄子，再加左蒜同孜然粉，性價比好高 ($58)。5)別問我是誰 – 呢個即係廚師發辦Omasake, 由大廚根據當日食材而決定，我去左幾次都有Order，暫時都未有重複過菜式，而且份量同食材感覺都高於價錢！(當晚去就係龍蝦汁大蝦扁意粉)總括黎講，所有食物都好滿意，而且店員同老闆服務都好好，又好傾，值得支持既小店！

疫情下，只得我一張枱。特別推介燒明太子，太正了吧！未食過响香港嚟講，最平又最正嘅燒明太子（唔知閣下識唔識食）！一年去4、5次日本嘅我，呢間真係平靚正！招呼又好！食具又好！我點了甲羅燒，送到枱，說沒有鵪鶉蛋，所以不收費，但我相公食過說好Ok，我們照付款，他們仍說不，有擔帶的一間食店！非常滿意！

做冬之夜， 梗係要對自己好啲，呢間小店開業幾個月，成日都想去試， 做冬夜的起心肝去試， 講明係"燒吧"， 留意開放時間💥💥 ⏰下午6:00 ~ 凌晨2:00 💥💥 ☎️電話訂座我是早一日電話預約，去到感覺裝修舒服，有Warm既感覺，傾計一流店員送上餐牌， 選擇困難症發作， 店員 耐心介紹店舖推介，先點了飲品小店送的餐前小食( 很貼心)最後點了是日推介: 蝦醬雞中翼$58感想💝: 賣相一流，果然冇介紹錯， 估佢唔到蝦醬個味咁夾， 佢係單骨雞翼，我鐘意，呢個正! 黑松露芝士薯條$58🍟感想💝: 呢個都係皇牌，要趁熱食，如果芝士凍咗冇咁好食，好足料， 超級多芝士孜然蒜燒茄子🍆$58感想💝: 呢個燒茄子必食， 唔太油食到孜然嘅味道， 面頭嗰啲木魚絲帶出另外一種口感，有別於一般燒茄子! 一定會encore 串燒類: 🍢厚切五花腩 $48 (食到係靚貨，燒烤技巧出色，店內沒有油煙味)🍢鹽燒白鱔$68( 食得出係新鮮白鱔，有鮮味😋)🍢燒吧墨魚棒$48(估佢唔到都幾玩味)小貝柱黑松露炒飯$128感想💝: 對炒飯感覺麻麻地的我， 另眼相看 ，呢個炒飯不得了， 賣相吸引， 超級足料 ，總之好好味😋😋😋總結💢

節日氣氛帶動，周圍行吓食吓好西。朋友介紹，去咗富康花園一間新開數月嘅日式串燒小店- 「燒吧」聚聚。小店位於屋苑內，如非朋友介紹，都真係較難留意到。但咁講，就正正因為身處屋苑內，所以人流唔算好多，唔洗面對區內食肆長期迫爆嘅人羣。小店裝修簡潔，內設約20個位，有bar枱，而枱與枱之間有距離，成件事坐得好舒服，唔洗迫住迫住，好適合同朋友吹住水咁嘆。個人感受係，小店播歌嘅音量較大，可以嘅話，細聲返小小就好喇😆食物方面，overall 都好好。串燒熟嘅程度啱啱好，唔會太乾身，肉同啲菜都keep 到汁同水份，份量亦都ok。當晚試咗好多款串燒，推介～～燒吧墨魚棒，自家製，足料彈牙鹽燒白鱔，皮脆肉鮮😋鵝肝多士，鵝肝厚身，有口感，又唔會好油當晚仲試咗蝦醬雞翼，味道特別，又不會太咸另外伴碟嘅椰菜沙律都相當好味，本人非常喜歡😇不過如果menu 有啲份量細細嘅飽肚嘢就好喇～例如燒飯團或者茶漬飯之類⋯ 總結，餐廳區內罕有，食物水準算高，價錢合理，最緊要喺淪陷嘅將軍澳區內，你可以唔洗同人迫，係個可以飲吓酒吹下水嘅好地方～#誠意小店系列

用心經營之小店！簡約裝修帶點文青感覺, 坐得舒服！食物製作認真！ 必食 - 白鱔/牛舌/厚切豬腩肉/鵝肝多士/黑松露醬薯條連拌碟嘅椰菜/西蘭花沙律都好食喔👍店內冇洗手間, 需行多幾步去商場, 但連清潔消毒用品都預備埋個包包比你帶去用里家嘢就真係加哂分, 超窩心的！服務員親切友善, 必定會再嚟！(餐牌上好多嘢食都未試呀！哈哈)香港地開舖特別吾容易, 好欣賞後生仔有這份理想及勇氣💪👍D區小店, 營業至0200, 有時間去支持下喔~

京蔥雞肉 juicy羊肉串 牛肉粒串 正常燒秋葵 燒冬菇 正厚燒五花腩 野味肥瘦適中炭燒白鱔 極好味 皮脆多汁 俘虜味蕾整體來講串燒用心慢烤，用心去控制味道同品質，靚食材、用料新鮮，扣分扣左一粒星係串燒全部一齊上，食唔切就會有部分凍左，如串燒分開逐漸上菜會更加熱，同埋白飯硬左少少會痴埋一舊，但串燒黎講好好味同認真製作，好欣賞，值得再去👍👍

將軍澳既餐廳真係越開越多，不過好多都係商場鋪同連鎖店，而我個人就鍾意發掘小店餐廳，尤其熱愛日本串燒既我就更加難搵，上網見到有間新開既餐廳，上星期就專登過黎試下喇！好彩我習慣訂位，星期四平日夜晚座位都好full，而環境感覺幾舒適，一d都唔迫👍而店員同大廚都好nice，加上我鍾意坐吧枱既關係，就可以同佢地交流一下，又可以睇下佢地煮食過程！ 而sake方面亦係我過黎既原因，因為TKO區有得飲特別少少既清酒都難搵，而呢度既sake我覺得都足夠，300ml, 720ml同1.8L都有，正正唔係我成日出面買到個d清酒大牌子！我地四個人就點左支「醉樂無極」試下，雖然係價錢最平既一支，但都幾易入口(唔係辛口)，加上佢地有個專業既清酒容器，著重儀式感既我就真係加晒分，杯酒既層次都高左咁~~🍶 至於串燒方面，佢地就唔係用炭爐燒，所以完全無居酒屋個種油煙味，而且抽風夠強！menu推介既我都試左幾款，特別推介鹽燒白鱔、墨魚棒同五花腩，真係好食🤤🤤最後再叫左個「別問我是誰」，我仲以為會起音樂….🎶😂原來係廚師發辦，西式主食亦出奇地好食！同大廚傾完先知佢原來西餐出身，唔怪得賣相都唔同D~ 整體我覺得係有驚喜既，幾

知道將軍澳開咗一間燒吧，趁放假去試下食宵夜，地方唔算好大，裏面裝修以白色為主感覺好舒適，特別安裝一個大投影，一邊播放柔和的音樂仲有靚風景睇。今次4個人去唔叫得太多嘢食，開咗支清酒🍶因為我哋最鍾意食鵝肝，當然一定要試吓香煎鵝肝多士，果然冇令我失望，鵝肝好厚身大件，酒店食buffet排長龍等的都冇咁大件😘第一次食黑松露雜菌薄餅感覺都唔錯，秘製雞全翼好香口，試埋鹽燒白鱔同牛舌燒，下個月朋友食生日飯我一定要再去呢間Shiba，啲嘢實在太好食😋

一間咁白雪雪嘅餐廳 又點估到佢原來係串燒店😍比起其他居酒屋 串燒店舒服得多😌如果帶埋小朋友去 都完全唔會覺得迫!首先有個秘製雞全翼🤤一見到以為佢係普通芝麻雞全翼 一食落口勁正!!!佢仲辣辣地🌶️不得了🙈之後再有勁脆鹽燒白鱔🐠入口即溶厚切五花腩🐷北京烤鴨pizza🍕食唔停黑松露芝士薯條🍟估唔到樣樣都有驚喜😭😭都會食過返尋味🥺當然仲有鵝肝多士啦!!!!!(yeahhhh膽固醇萬歲) 大大嚿！完全唔揸流攤架😍最後老細仲介紹我地食生蠔🦪用一個好特別嘅食法😆想知點食？你地去下就知架喇🤤我哋就冇叫酒….不過見到佢有好多唔同款式嘅清酒🍶大家不妨都可以試一試🤭

屋企樓下開咗間新餐廳，主打串燒，睇吓門口餐牌，價錢正常合理，就入去試試啦😌地方唔大，但唔逼夾，坐得好舒服👍🏻食物選擇除咗有大路嘅雞肉，雞腎，冬菇，牛舌外，仲有啲出面串燒店未必食到嘅野😏推介：$88 香煎鵝肝多士。鵝肝燒得好香，廚師好貼心咁配埋沙律菜，食完唔會覺得有油膩感，抵讚👍🏻$68 鹽燒白鱔。呢個堅好味，白鱔燒得啱啱好，皮脆肉滑，諗起都想食🤤整體嚟講呢間串燒店比預期好，環境舒服，食物賣相一流，質素亦好好（唔會得個樣😏）。美中不足嘅係得一個靚女落單，上菜，所以要有少少耐性😂仲有佢哋有幾多Sake種類，鍾意飲番兩杯嘅可以多個選擇🍶

我住咗廿年將軍澳，眼見由細食到大嘅小店執咗一間得一間，好耐都冇試過識到啲咁高質嘅食店，我同我另一半都屬於比較麻煩嘅類型，又要乾淨，又要好食，侍應又要真心招呼，唔係死板背書，呢度我真係估唔到可以滿足曬我自己嘅應有要求，食才同賣相，對得住價錢綽綽有餘，環境又正又chill,最正係有”廚師發板"嘅感覺，淨係話俾佢聽唔食啲咩就ok😌😌總結黎講四個字"性價比高"🥰🥰成間舖頭美中不足就係個廁所一定要去商場嘅工價廁所，但我老婆都冇減到分，因為真係樣樣都好平均中高質😝😝🤤🤤