燒烤堂 (已搬遷) 新店位置

之前食過旺角個間已經覺得好好食 但旺角店唔係幾好坐>< 今次泥到尖沙咀店 地方大好多 仲有室外室內位☺️我地叫左好多串燒 但相唔係好記得影 剩係掛住食😂太好味又太肚餓🙈不過有幾樣超想推介 個人最愛🥰🥢焦糖青蘋果鵝肝多士 - 燒過既鵝肝d油脂湧出泥甘樣 但配埋青蘋果又中和到個油膩感 多士仲超脆 十級推介！👍🏻💯💯💯🥢麻辣豚肉韭菜心卷 - 因為中間既韭菜心卷 成件事好爽口🥢厚切鹽燒牛舌腩 - 可能係舌腩位 特別嫩滑🥢燒免治雞肉軟骨棒 - 啖啖肉既軟骨棒 加上生雞蛋同個醬油既調味岩岩好 點完再食個口感好滑🥢黑糖燒菠蘿 - 仲有塊燒脆左既黑糖片 包住舊超甜超juicy既菠蘿🍍 真係好鐘意好好味🤤😋食串燒又點少得飲啤酒🍻佢生啤仲有得買一送一！真係星期五既節奏😆最重要係叫左好多野 又叫左兩次啤酒 但都唔係太貴 絕對係性價比好高！

當日7點入座餐廳太約得3-4枱客，但串燒店果然係夜啲先多人，當然穩陣啲就預先book定枱先!坐低一睇張menu啲款式種類勁多! Menu上仲好細心咁形容嗰款串燒大約係港式、日式、泰式等等，等食客都可以大約預計吓調味係點，加上串燒選擇好多，大多數人都好容易搵到自己想食既嘢，menu上更有指出邊啲係熱門菜式，十分貼心!非酒精類飲品亦有不少選擇，食串燒調味始終有啲重口味，叫杯凍飲是必需的!我同朋友分了點了菠蘿青檸梳打，十分清甜解渴，唔會一口都係糖水假味，而真係有菠蘿果肉係裡面，啱晒唔飲哂既朋友!另外兩位朋友點了Sappora啤酒，優惠價$48兩杯!當晚都叫咗唔少款式既串燒，首先講下有咩係必食!必食(一)：汁燒免治雞肉軟骨棒(附月見) $30一串連生蛋黃十分有誠意之作! 啖啖肉之餘仲食到雞軟骨口感，再沾上生雞蛋及醬油調味一流!雖然$30有啲啲貴，但我同朋友後尾都忍唔住叫多串!不過上菜時隻生蛋未必次次都咁靚仔，有啲太脆弱放到上枱蛋黃已經破了，不過唔影響味道的~必食(二)：焦糖饅魚芝士玉子燒 $28一串好重要好重要好重要!一定要趁熱食!因為超正!玉子燒的咸味跟表面的焦糖完美中和!加上玉子燒軟糯適中

今次同朋友試左位於尖沙咀嘅燒烤堂，呢間串燒店非常高質😋無論係食物選擇、味道方面都令人非常滿意。下面呢幾款係令我覺得特別impressive 嘅：✨鹽燒白鱔（$48）鹽燒白鱔基本上我每次食串燒都必點❤️呢度嘅白鱔表皮燒至香脆微焦，帶少許鹽香，肉質口感彈牙，好味到想encore😋✨ 厚切鹽燒牛舌腩（$48）牛舌腩都係必叫嘅！廚師將火喉控制得岩岩好，牛舌相當有厚度，食落彈牙juicy，超級好味🤩相反另一款牛舌芯就遜色不少。✨ 椒鹽炸北海道池魚仔（$32）呢款非常岩送酒食😋細細粒嘅炸魚仔食落非常香口，令人停唔到口。✨ 明太子淮山燒（$26）係一堆肉串入面，呢款燒淮山可以話係一款清流🤣淮山爽口清甜，與明太子味道配合得宜。✨日本芝士年糕（$38）超級推介！呢度嘅芝士年糕燒至外脆內軟， 口感黏脷，點埋甜甜嘅煉奶食，味道一流😍呢餐飯人均消費$250左右，同一般嘅串燒店差唔多，但我地已經好飽好滿足。我地當晚去到人流都幾多，限1. 5個鐘交枱，想食嘅朋友記得預早bk定唔洗等位。佢除左尖沙咀外，係旺角、銅鑼灣等都有分店，非常方便。餐廳仲有好多串燒我都想試，絕對會再幫襯😋

第二次幫襯呢間係厚福街嘅串燒店 @skewer.kitchen_tst ，依然驚喜十足好想快啲推薦比大家(•̀ᴗ•́)و之前試過星期六嘅夜晚嚟到完全等唔到位，今次星期日夜晚反而完全唔使等位🤣唔係好觸摸到人流，所以都係建議大家𝗯𝗼𝗼𝗸定位，咁就一定有得食啦！餐廳有室內同室外位置，兩邊氣氛都唔錯，我哋見依加夜晚仲涼涼地，所以坐咗喺室外位置，好舒服，一啲都唔會話熱！印象中我哋第一次嚟等咗差唔多九個字先有野食，所以今次一次過嗌咗好多，點知唔夠15分鐘就一次過上枱，所以我都係建議大家幾串幾串咁叫，咁就唔怕啲串燒凍哂啦！整體食物質素真心高！今次嗌嘅每一樣野都好好食，完全無伏( ˘ ³˘)♥︎ღ 雞皮墨魚滑 $𝟯𝟴香脆嘅雞皮包住爽口彈牙嘅墨魚滑，又一個必食！！╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 鹽燒原塊雞皮 $𝟮𝟮一年前第一次食燒雞皮就係喺呢度，之後食過好幾間串燒店都係覺得呢度嘅最正！大大磈，又薄又碎，必食！╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 汁燒免治雞肉軟骨棒 付月見 $𝟯𝟬一年前嚟呢度食過後，到而家仲回味緊！所以今次同男朋友決定一人一

這間串燒店我已經吃過其他分店，今次終於來到位於尖沙咀的。餐廳有室內和室外位置，室外位置的坐位比較多!餐牌上有多款不同的串燒可供選擇，而且有日式、川式和港式等，總有款味道岩吃!雞泡魚乾，這裡的雞泡魚乾鮮甜厚肉，食落煙煙韌韌，用來送啤酒一流!鹽燒雞中翼，食串燒一定會點雞中翼，這裡的雞翼燒到雞皮脆口，雞肉嫩滑又juicy，加上鹽份很夠很惹味!燒免治雞肉軟骨棒(付月見)，這款雞肉棒也是我的最愛，雞肉棒內有軟骨，口感豐富，點上蛋汁一齊食能其口感更滑!雞樣墨魚滑，這款沒有想過這麼好吃，外層的雞皮燒到好像炸腐皮咁脆口，墨魚滑爽口彈牙，整體口感特別又豐富!鹽燒Prime牛小排，牛小排都幾厚身，肉質都幾鬆軟，牛肉味濃，上面更灑上鹽和黑椒，令味道更鮮味!鹽燒淮山，淮山煲湯或打邊爐就食得多，燒的是第一次食，口感爽身，不會有黏口的感覺，味道不錯!泰式鹽燒馬友魚，每次來這間餐廳都會點他們的魚試試，今次就點了馬友魚!魚用上好多粗鹽包著，內裡魚肉嫩滑又juicy，而且還有香茅的味道，再點上附有的辣醬，味道更惹味!蒜茸燒廣島蠔，廣島蠔脹卜卜又鮮甜，配上蒜蓉更能帶出蠔的鮮味!孜然燒蒜蓉茄子，一向都很喜歡孜然的味道，茄子

好味！好味！好味！因為好好味 所以要講三次😆我嘅日本美食之旅 今次食串燒！嚟到尖沙咀嘅燒烤堂環境好日本居酒屋風木枱凳 紙燈籠🏮黃黃燈光 懷舊海報甚有氣氛我哋叫左一堆燒物同埋買一送一嘅日本生啤食物樣樣都好食 調味適中又香口 冇伏！我哋叫咗：（👍🏻係私心推介）▪️汁燒免治雞肉軟骨棒（付月見）▪️汁燒免治雞肉軟骨釀冬菇👍🏻冬菇軟、免治雞肉彈牙，軟骨爽口，三重口感，面頭掃左層燒汁，好惹味！▪️鹽燒雞中翼.▪️鹽燒prime牛小排👍🏻牛味濃，肉鬆軟，燒完都落會乾身，正！.▪️秘製燒羊架👍🏻開頭以為唔會好大件，所以叫左2件，點知嚟到好大份，一件都夠兩個人食。羊架厚身得嚟唔韌，好易咬，幾juicy，羊肉個陣味都幾出，啖啖肉好正！▪️牛油果豚肉卷👍🏻第一次食哩個配搭，估唔到都幾夾，牛油果入口即溶，好soft，似食緊豚肉卷牛油果醬咁，就咁鹽燒都已經好食。.▪️海苔黑豚肉鵪鶉蛋▪️惹味鹹蛋黃豬大腸👍🏻哩個好好食！鹹蛋黃醬起晒沙，好香！已豬大腸係肥嘅，所以油脂味好香，而皮燒到脆卜卜，必點！▪️鹽燒白鱔.▪️蒜蓉燒廣島蠔👍🏻廣島蠔好肥美，一咬落去會爆汁，而且蠔味好濃，蒜蓉又多，超好食！▪️椒鹽炸北海道池魚仔👍🏻食落個感覺係椒鹽鮮魷

⿻⿻ 燒 烤 堂𓏲𓏱𓏭𓏭之前試過銅鑼灣嘅燒烤堂覺得唔錯 今次去嘅係尖沙咀嘅分店 意外地有露天位置可以揀 最近涼涼地又唔太凍最啱坐室外 𓌟試咗幾款menu上面推介嘅人氣食品 孜然蒜蓉燒茄子真係好香！茄子肉好入味 當下酒菜慢慢食好正阿波尾雞七厘香都好食 好耐冇去台灣 久違地食到七厘香 鹽燒得外脆內軟有油香牛舌芯好嫩 麻辣豬大腸好軟腍 平時食大腸成日都韌到要到嘴軟 呢串燒到好軟熟 鹹蛋肉餅嘅鹹蛋醬都好好食蟹膏飯糰嘅紫菜分開呢點好貼心 平時壽司或者飯糰嘅紫菜淋咗好影響成個感覺 咁樣上好好多～食串燒必不可缺嘅highball同soda都唔錯 百香果味嘅梳打甜甜地 28蚊好大杯有排飲 夜晚嚟都幾chill𓏲𓏱𓏭𓏭𓏫

我第一次食呢間串燒，我覺得比起同區既南亭及幸福鳥都更好食。起初我以為麻辣為主題，因為我自己唔食麻辣，所以我以為無乜選。但我係個外賣app點完一輪已經$5xx, 大概叫了十幾種食品，大概有封門柳、粟米、牛舌、芝士年糕、細蕃薯、羊架、雞翼、鴨舌、菠蘿、乜乜豚肉卷等等麻辣以外仍然有相當多選擇，我將所有自己鐘意食的都叫一客試一下。結果喜出望外，因為全部都好好食，雖然黎到已經有啲唔夠熱，但我叫咁多次唔同舖頭串燒外賣黎到都係唔夠熱，所以味道都無咁好食。今次我預算都唔夠熱，但味道究竟keep到。份量方面，我應為相當多，同區串燒店相若份量應要$700 - $800左右。等疫情再好少少既時候，我下次會去堂食

冇得去旅行， 留係香港食日式串燒頂頂引， 呢間燒烤堂既串燒價錢大眾化， 而且簡約既環境都幾有日本居酒屋feel 。兩個人去， 叫左十幾樣野， 基本既雞軟骨， 雞肉串，燒帶子同茄子都有水準。 而店主推介既焦糖青蘋果鵝肝多士，食落油香味一流， 但又因為有青蘋果而唔會覺得太Heavy , 而焦糖鰻魚芝士玉子燒口感好特別，值得一試。不過最岩我就係啤酒，Sapporo Premium beer買一送一真係太抵我唔食煙， 所以冇坐室外， 不過如果人多又嘈， 我應該都會坐室外， 始終relax d

記得上年既今日係北海道🏂，吃盡日式美食🤤...可惜而加困左係香港😣實在太掛住日本嘅美食🍡啦，唯有係香港揾下人氣日式燒烤🍢止住口隱先啦嚟到位於尖沙咀厚福街嘅燒烤堂,主打🇯🇵日式串燒&居酒屋料理🍶📌特別推薦尼到採用日本🇯🇵無激素走地雞🐥製作各款雞肉串燒，夠曬健康美味👍👍雞肉棒🍖混入雞軟骨,口感有層次，點埋日本生雞蛋🥚同燒汁，更滑更juicy鹽燒原塊雞皮 雞皮好大塊，估唔到咁香脆。絕對係驚喜之作🔥燒飯糰🍙 飯糰烤過，飯粒脆⺊⺊，➕🦀蟹膏醬，口感唔會太dry，用紫菜包住，夠曬風味麻辣蒜蓉🍆 四川風味,原條茄子加入大量蒜蓉同麻辣汁，好惹味🔥燒烤堂 地址: 尖沙咀厚福街12號藍馬商業大廈5樓

串燒 🍢串燒 🍢串燒🍢超多款式嘅串燒店 以串燒價錢黎講都算平 上菜速度都算快有好多口味揀四川,新疆,日式,泰式,港式同自家口味有辣有唔辣 僅有一款口味啱你我就最鍾意食焦糖青蘋果鵝肝多士,焦糖鰻魚芝士玉子燒,鹽燒手釣墨魚鬚 同 雞泡魚乾 😋食串燒肯定要配🍺Sapporo Premium beer買一送一🍻一啖🍢一啖🍺簡直係世界級享受

之前同朋友嚟食過，覺得好好食所以再返嚟食！有少少秋涼所以坐外面都好舒服😌 第一輪點嘅食物入面，厚切牛舌腩依舊咁出色，牛舌芯都好不錯，但本人較喜歡牛舌腩嘅口感。汁燒雞心意外地好食，un un地，好有咬口。另一個意外驚喜係⋯蒜蓉包！無錯，係蒜蓉包！好脆，入面有生赫同熟蒜，所以蒜味好濃，最適合鍾意蒜味嘅人。連好鍾意食蒜蓉包嘅友人，都忍唔住大讚驚為天人😂除左汁燒免治雞肉軟骨棒，其他雞類普遍較一般，牛肉類係最出色。價錢唔算平，但係食物質素交足功課，非常適合朋友聚會一齊點多啲款色去share! 整體嚟講都值得推介！

• 汁燒免治雞肉軟骨棒(付月見) $30食日式串燒必點！雖然軟骨棒燒得唔夠焦香，不過生雞蛋為佢加左唔少分數，蛋黃味超香濃，強烈建議一定要揀有蛋嗰款！• 鹽燒prime牛小排 $38推介！油脂味充足兼且牛味濃郁，燒得啱啱好唔會過熟，夠juicy，我哋Encore左兩串😳• 薄切牛舌尖漬燒 $28@2成個menu中唯一一份有兩串，亦都係價錢最抵，牛舌爽口，CP值高😚• 西班牙黑毛豬五花腩 $26半肥瘦五花腩脂香十足，唔會嚡口，小小鹽簡單調下味已經十分之好食🤤• 鹽燒豚肉荔枝卷 $22薄薄一片豬肉包住荔枝，清甜不油膩🥴• 麻辣豚肉蒜芯卷 $22佢哋麻辣調味真心做得好正，麻得黎夠香夠辣，食完嘴仔會有一陣麻痹感，好爽！蒜芯味道唔會好勁🥵• 蒜蓉燒廣島蠔 $42蠔肉比我想像中細，燒得有啲乾冇乜汁，所以唔太推介😢• 牛油芝士焗雜菇 $38邪惡拉絲芝士、牛油同雜菇，成個配搭基本上冇得輸，不過芝士好快就凍左要趁熱食😏

燒烤堂位於尖沙咀厚福街，厚福街可以算是尖沙咀的食間，餐廳林立，選擇亦多。是夜選擇了燒烤堂，以串燒為主，有各種串燒口味供選擇，如餐廳特制口味，四川，新疆，日式，泰式，港式，形形色色不同口味可供選擇。喜歡辣的建議可以多試各種不同新疆及四川口味，另外特別推介為荔枝豚肉卷，泰式豬頸肉，制作方法與其他餐廳口味不同，值得一試。餐廳現時更有啤酒買一送一優惠，串燒配啤酒實乃最佳選擇。唯一美中不足的是餐廳室內位置較少，室外位置較多，秋冬天會更為舒適。

好耐無食過咁正嘅串燒了好多選擇，仲有唔同口味，例如鹽燒、麻辣、孜然等等，上菜時間都好快！牛油蜜糖蕃薯條雖然邪惡，但係必試嘅，蕃薯本身都甜，啱啱炸好，配埋啲醬又香又脆😍野飲都好大杯，抵飲！牛舌爽脆多汁鹹蛋黃墨魚餅，蛋黃有鹹香幾出色雞皮墨魚滑，外層雞皮好脆，墨魚滑又滑又彈牙本身都好鍾意食山藥，加埋明太子咁燒真係無得頂，山藥同萵筍燒得啱啱好，好爽脆！五花腩都燒得好juicy，肥瘦相間，肥而不膩。基本上無野唔好食，唯一挑剔係蘆筍老左啲啲