燒皇燒烤專門店

營業中

休息中

今日黎到荃灣搵食，突然想食燒烤，就上網搵資料，揀咗間就腳嘅 “燒皇燒烤專門店”。先未講食物，坐落去同後面張椅背對背，坐得唔多舒服見到餐牌上有麻辣雞煲，不過今日想食燒烤，所以無叫到雞煲。1. 燒蟶子皇2隻($90)，蟶子只遲中size ，唔大隻，價錢唔值。2. 蒜香燒大海蚓2隻($90)，size 勉強叫做大蝦，但食落無乜蝦味，一般貨式，價錢又係唔值。3. 燒皇炒烏冬($41)，上枱時只是微微熱，有點失望😞4. 燒法式鵝肝多士 2件 ($45)，多士超硬，鵝肝無特別。5. 川燒特級茄子($45)，算係全晚最好味的一樣，茄子燒完唔乾身。6. 牛肉露筍卷($22)，牛肉無味7. 燒花枝丸($22)，第一粒仲燒黑咗，想點🤦🏻‍♂️8. 川燒蒙古羊肉串($17)，羊肉夠淋，無羶味。9. 燒雞皮($15)，雞皮咬落係炸過，並唔係燒10. 燒多春魚($30)，上枱時多春魚每條都燒到散晒11. 燒雞肉腸($13)，無特別，價錢唔值。12. 燒雞軟骨($13)，同樣無特別。13. 燒牛柳粒($16)，第一粒超難咬，好硬，之後幾粒正常。最後，我發覺店內係用發泡膠碟加張吸油紙上食物，店員收碟後發覺只將吸油紙

荃灣一向都多野食，呢日有興致想食串燒，就黎左呢間試下啦！先叫個野飲，咸檸7唔錯呀！安格斯牛肉串、都算幾大粒、呢個好野味呀！叫左雞腎、牛舌、串串都唔細粒，而且燒得岩岩好添！燒大海蝦，真係幾大隻、而且好貼心，係起左肉架、食得好爽呀！仲有不能少嘅雞翼，雞翼就一般般啦，但係雞翼我都中意食架，哈！燒鮑魚，唔算大隻，都不過不失，但都起好曬肉，一啖食好爽嘅！燒白鱔，都大條，不過鱔味都係差dd，唔夠香個鱔味！燒豬仔比，個味淡左少少，而且都係比較細隻！燒法式鵝肝多士，呢個好正！個多士好脆加上一啖厚厚鵝肝，係好似融係多士中咁，好香好好食！埋單都唔係平，我覺得好岩突然好想食串燒果個引，可以黎呢度食下！

串燒必叫，燒茄子🍆$45，但真係好咸，佢既蒜蓉好咸，整體普通，我叫左小辣就唔覺得辣，想重口味d 建議叫中辣或以上🤔蒜蓉燒生蠔$55 2隻😚都幾惹味，蠔唔算細隻。不過都係偏咸。鵝肝多士$45 2件，賣相麻麻，鵝肝層炸粉仲厚過鵝肝，見唔到件鵝肝之餘，咬落去，鵝肝唔多油，唔推介，不過呢知價錢唔應該太大期望。燒雞中翼$18 2 隻👍🏻唔錯，夠熱都有小小juicy 既。燒芝士丸$13 一串，唔差👍🏻雞泡魚干$40 唔錯！最唔咸既一樣串燒！呢到無酒買，要係第二到買黎飲。另外佢收cash ,記住拎錢黎🤣

屋企之前附近有間串燒店執左，口痕想整返兩串時都唔知去邊好，有個friend話荃灣有間正野，於是跟佢黎搵食，原來仲有雞煲可以食，但今晚唔係好肚餓就主打串燒先燒法式鵝肝多士 - 多士勁勁香脆，鵝肝肉質豐腴入味，一軟一脆Perfect池燒M7安格斯牛肉 - 呢個都唔錯，肉質軟嫩，不過就無咩驚喜燒蟶子 - 無諗過D海鮮咁新鮮，真係爽滑彈牙金銀蒜燒貴妃蚌 - 呢個都處理得非常乾淨，師傅燒功一流蒜香燒海大蝦 - 無欺場，好大隻抵食蒜茸牛油燒生蠔 - 生熟度剛好，唔會燒到好老乾哂無水 炒蜆 - 粒粒都好鮮美飽滿，加上招牌GE獨門醬汁，同炒到好香GE紫洋蔥，真係食到停唔到燒皇炒烏冬 - 好大碟呀～～呢個偏油，不過都好入味結論係黎呢度必點海鮮，包你下次想再黎！

經過荃灣的鱟地坊，近期整個地段已逐漸改建成獨特菜式的街道，見到燒皇燒烤有我最喜愛的雞煲同串燒都可同時食在其中！先叫左一隻雞份量的藥膳雞煲，湯底一流已經吾知飲左幾多碗而且雞肉肉質相當嫩滑同多肉再加上一碟招牌香口的燒皇炒米粉，肚皮已頂不住了。隨後桌上送來剛燒好香噴噴的燒豬仔比、燒鯖花魚、燒尖椒、川燒蒙古羊肉串、燒雞全翼、燒雞腎、川燒特級茄子，全部係即叫即燒熱辣辣上枱非常有心機,而且食物都好有質素加埋個椰青及加多寶下火，非常完滿。見到其他枱點既海鮮都非常有質素,可惜肚皮太淺,唯有下次再試 。如果要食雞煲串燒餸啤酒，整個荃灣就必然去<<燒皇>>，而且價錢相當便宜，誠意推廌。

燒皇燒烤專門店前排同朋子去左荃灣食串燒，今次已經第三次黎，哩道聚會一流呀😍，特別係海鮮，好生猛新鮮👍🏻，價錢都吾貴，而且份量大份。燒蟶子皇蟶子好大隻，$90兩隻，上面有少量蔥、辣椒、蒜頭、好味之餘睇得又食得😍而且海鮮又新鮮，好嫩好彈👍🏻蒜香燒鮑魚好大隻，而且廚師仲要介埋花，令到更加入味，以為燒完會好乾身，原來燒完都仲有汁，好鮮甜，都係用蔥、蒜、辣椒吊味同裝飾👍🏻炒蜆：無沙，但略嫌太細隻，蒜同辣味都吾夠燒m7安格斯牛肉好大舊，而且都好厚切，應該7成熟左右 入面仲有小小pink色，吾會太韌，好味喔。燒白鱔：皮脆肉嫩，配上燒汁👍🏻燒雞全翼：好肥美，燒得好香口，皮脆肉嫩。燒雞腎：爽口入味👍🏻燒牛舌：牛舌很厚身，有2大舊，好淋😋燒一口甜薯:甜而香燒韭菜:好好味份量多，上面有啲芝麻更香口。芝士牛油焗什菌:芝士味香濃，有拉絲👍🏻沙嗲雞肉串:$30@3串，抵食丫，配上沙嗲汁，入面有花生碎，香口，肉質鮮嫩。雞軟骨:好爽口，雞味都好重😋地址:燒皇燒烤專門店 (荃灣)荃灣鱟地坊87號華成樓B座地下A1舖

同事之前去左呢間餐廳食飯，佢話覺得好好食，所以今晚就同友人特地黎到荃灣試試。餐廳有室內和室外，如果冇咁熱，我可能都會揀坐室外既!看看餐牌，這間餐廳除了有串燒食，仲有雞煲添，岩哂我呢個雞煲怪!麻辣雞煲(半隻)($138)，這間餐廳的雞煲有幾款可以揀，有麻辣、藥膳、酸菜同埋椰子可以揀，而我地就揀左麻辣。雞煲辣度麻度都可以揀，而且芫茜同埋洋蔥都可以揀份量!我們揀了多芫茜，雞煲內真係有很多芫茜!小辣小麻，唔會太辣亦唔會太麻。雞件都幾多，洋蔥同芫茜吸收了醬汁的味道，十分惹味!我諗用呢個湯再打邊爐應該會唔錯，不過我同友人今次唔想打邊爐，所以食完雞煲就食串燒了!燒雞泡魚乾($40)，份量都幾多，燒得有點脆口，少少甜!燒蟶子皇($90/2隻)，蟶子都幾大隻，爽口，上面仲有好多蒜蓉，非常惹味!蒜香燒大海蝦($90/2隻)，賣相睇落已經好吸引，海蝦已經開邊，上面有大量的蒜蓉，非常香口，蝦肉也很彈牙!川燒蒙古羊肉($17)，冇諗過羊肉會咁juicy，平時出面食到的大多數都燒到好乾身，但係呢度的燒羊肉串仲可以食到肉汁，而且都幾鬆軟!燒花枝丸($13)，花枝丸爽口彈牙，上面有少許辣粉，十分惹味!燒大眼雞魚($6

地方比較偏僻, 因朋友推介, 所以專程一試串燒點了牛舌, 雞軟骨, 白鱔等等全部串燒都有水準之上, 香口, 食材新鮮,白鱔最為突出, 一客有3串, 皮脆肉嫩, 十分香口.另外炒米粉亦值得推介, 外表平平無奇, 但十分好吃, 米粉炒得每條分明, 調味恰到好處, 口感十分好.不足之處是餐廳沒有酒牌, 多台客人的酒都是在外面購買, 但有冰筒提供.餐廳右手邊有一間賣酒的水店, 但價格奇高, 一杯生啤索價$57, 在這個地段實在不合理, 建議在其他地方預購.

係香港香想到高質價錢又親民的串燒餐廳很不容易，我同朋友誤打誤撞入左黎燒皇燒烤專門店！一食大家對這間鋪的評價都好高。燒聖子：聖子肥厚，鮮甜有咬口！加上有蒜蓉粒，辣椒和葱作調味，令到聖子更加惹味燒韭菜：韭菜很大碟，呢個價錢有真係好抵食，而且韭菜唔會燒到好乾身，食到蔬菜原本的清甜味！燒大蝦：海蝦好大隻！差不多是我手板一般大小，蝦肉爽口鮮味！不錯不錯。燒秋刀魚：秋刀魚肉質嫩滑，配上檸檬汁味道更配合！！食到我地唔停口。藥膳雞煲：雞煲一打開就聞到很香濃的藥膳酒味，配料有，有龍眼肉、准山、杞子等等。 雞肉嫩滑有鷄味道，而且吸收曬藥膳的味道健康又入味。

好鍾意食串燒嘅我，朋友講嚟咗呢間食，見佢哋廚師推介雞煲，所以就叫左半隻雞試吓，等左一陣之後終於嚟啦，雞煲好香，望落去有啲似一品雞煲，但係食落去味道好食個一品，比較有味，同埋啲雞啖啖都係肉，半隻雞兩個人食嘅話我覺得啱啱好因為在可以叫埋其他款嘅串燒食，雞煲我哋叫咗中辣，入口唔算太辣，仲比較惹味添，食完雞煲之後我哋就叫咗少少串燒同埋燒海鮮，有燒尖椒，尖椒唔辣，但係好juicy好好味，一口牛柳粒，牛肉軟身好咬口，燒雞軟骨同埋燒雞皮，雞軟骨香脆可口，但係燒雞皮就比較失望，因為燒得太乾身，燒翠玉瓜，呢個好好味，翠玉瓜好多汁，熱辣辣，好香食燒翠玉瓜，呢個好好味，翠玉瓜好多汁，熱辣辣，好香之後係燒虎蝦同埋蟶子皇，虎蝦好新鮮，同埋都幾大隻啖啖肉，至於聖子王，個人認為燒得比較耐左啲，所以肉質比較硬咗啲，但整體來講不錯，值得推介，會再嚟食多一次。👍🏻👍🏻👍🏻👍🏻

想食雞煲，但又想食串燒。。點算？位於荃灣鱟地方嘅燒皇燒烤專門店就滿足到你丫！店舖空間雖小，但坐得舒服，而且店外還有幾張枱方便吸煙人士享用！麻辣雞煲(半隻)可選麻辣味道嘅大小，因朋友不太食辣，雖選了小辣。。但麻辣味道仍然香濃而且肉質軟滑，再配搭洋葱，芹菜，莧茜等配料，非常惹味！燒法式鵝肝多士脆煎鵝肝配蒜香味濃法包，咬落香脆可口燒白蟮我的至愛燒蟮。。肥美肉厚配以秘製漿汁，食落皮脆，肉質juice。。好食蒜蓉牛油燒生蠔蒜蓉同牛油係perfect match,用黎燒大大隻生蠔，加埋辣椒。。超級惹味。。連汁都食埋沙嗲雞肉串店舖必食推介。。用上秘製醃料令雞串肉質香口嫩滑，點埋個沙嗲汁，食完想order 再食西西里豬肋骨豬肋骨燒得剛剛好。。個汁酸酸甜甜且有微辣。。口感豐富，令人回味丫！整體感覺餐廳食物質素一點也不馬虎 雞煲做得好惹味 雞肉入味而且嫩滑串燒唔會淨係食到椒鹽味 蕭嘅時間拿捏得啱啱好 唔會燒乾哂食物嘅水份

 雞煲同串燒呢兩個惹味之選一直都係我好西排行既前列今日就黎呢間兩樣都有既，真係一次滿足晒我兩個願望選擇都幾多，而且價錢唔算貴麻辣雞煲（半隻雞）雖然得半隻雞，但係份量好都多，夠晒真材實料煲底好夠晒，辣中帶麻，麻中帶香而且又唔會太辣或太麻而搶左味，味道岩岩好雞肉好入味，而且好嫩滑最開心係可以加洋蔥，呢個好少見，而洋蔥都好新鮮爽口美國頂級安格斯肥牛（大）極力推薦叫呢個肥牛咬落去好香油脂味，而且仲有濃郁既牛味就算雞煲咁濃味既湯底都無阻佢既牛味散發，仲越咬越有，必食！燒原隻厚肉魷魚大大隻既原隻魷魚，好新鮮爽口燒蟶子皇蟶子都夠晒新鮮，食落去有好香既蟶子鮮味，而且調味都岩岩好蒜香燒大海蝦口感好結實，值得一試燒煙肉車厘茄煙肉燒到微微焦香，車厘茄亦都好ｊｕｉｃｙ埋單都只係六百左右，同埋冇加一，都幾抵食

去完附近試晚裝，同fiancé就搵下呢頭有咩好食，見到呢間有串燒又有雞煲，就入左去食喇！好正呀呢度好多串燒揀🤣不過搞到我地有啲選擇困難症😂😂😂我地全部都叫左BB辣～叫串燒一定要少少辣先夠惹味！金菇肥牛卷肥牛有啲乾，但金菇就好juicy ！貴妃蚌面頭有蒜蓉、蔥同指天指椒，睇到啲指天椒都覺得辣，食之前夾走左，食落有少少辣，但可接受。貴妃蚌燒既時間拿捏得好好，無過熟，所以唔會出現食橡膠既問題！👍🏻👍🏻而且無因為燒完就大縮水。夾埋啲汁、蒜蓉同蔥食，真係好正勁想encore！但叫得太多野食個胃無位再食，留待下次！花枝丸有好多花枝粒👍🏻👍🏻幾彈牙！雞軟骨好脆，燒得好香口。可惡既fiancé俾我食左粒之後，佢竟然毒食晒成串！證明真係好好食😂M7安格斯牛肉都幾腍，好濃牛味，一串有三塊，都幾大塊。汁燒京蔥牛舌既京蔥簡直畫龍點睛！燒到好juicy又好腍，重正過主角牛舌👅！話說我主要因為呢個川燒特級茄子🍆而揀呢間🤣我地個條茄子勁肥勁大條，同平日見到個啲regular size相比，佢係jumbo size！好抵食，食極都重未食完😂而頭鋪滿爆多蒜蓉，完全唔會驚食幾啖就食晒啲蒜蓉，落既份量超慷慨！啖啖都食到蒜蓉

今天到左荃灣工作，順道和同事一同晚餐，同事喺荃灣住，當然佢帶我搵美食啦佢帶左我去食串燒-燒皇燒烤専門店燒聖子王聖子燒得啱啱好，新鮮厚肉，入口彈牙，加左蒜蓉香，又幾惹味燒牛肉露筍卷牛肉表面乾身，裡面露筍仍然幼嫰，爽脆多汁燒東菇由於東菇燒過，抽乾水份後，菇味特別香濃燒皇炒米粉同事話唔夠飽，要叫個炒米粉，米粉軟梗道適中，囗感唔錯薄燒濟州韓牛份量比較大，薄薄一片，唔靱，容易入口，加埋洋蔥及芥末，味道提升哂椰青，入口清甜又解渴，配串燒，簡直完美組合

這間位於荃灣近地鐵相當近的燒烤店，只步行數分鐘便到達。首先，價錢方面都比較商宜，燒物種類都比較多，非常適合一家大細或一大班朋友一齊食住串燒聚會的好地方環境方面，衛生程度可以接受，位置尚算寬敞，更提供室內或室外比客人選擇。燒法式鵝肝多士 $45/2件鵝肝雖然唔係上等既質素，但煎完之後唔會太濃或者太生，熟度岩岩好，加埋塊搽左牛油既脆口多士，味道相當夾😋川燒特級茄子 $45/客茄子燒得岩岩好，加埋上面多到爆瀉既蒜蓉 ， 的確過癮😋😋燒紐西蘭上級羊架 $40/件羊架一d都唔酥，肉質鮮嫩咬落去一點都唔韌，咬口非常好，再加上孜然粉，將羊架既味道提升到另一個層次啊🙈😆😋😋😋😋😋燒一口甜薯 $16/串原本以為蕃薯會好硬，點知咬落去勁lam，甜美又可口，適合同小朋友黎食，一定好開心🥳🥳😋😋😋燒牛柳粒 $16/串Normal ，中規中矩多春魚 $30/客燒完之後變得香口脆身，可以當零食 ，乾脆的口感令人食完再食！😋燒皇炒烏冬$41/客一黎到以為佢無乜味，點知食落都幾有味道，口感彈牙，冇用豉油加色，保留鮮味，仲要好大兜添啊～😋😋燒大扇貝 $90/2隻燒烤火候控制十分好，帶出原本的鮮味，再加上惹味的特制醬汁同