影片
港鐵朗屏站 B2 出口, 步行約5分鐘
繼續閱讀
營業時間
星期一
全日休息
星期二至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
最近經過元朗發現呢間舖以為剩係可以食米線(由於本人對米線馬馬地)不過餐牌上有寫可以轉飯，而且有幾款餸都想試一試就叫職員幫我落左個"豬軟骨"飯 再加配豬頸肉黎個"雙豬飯" 價錢係$55 + 8 蚊 黎到既時候都幾驚喜，整體賣相好有兩條菜心以及一小攝青蔥營養搭配以及視覺既享受之後就到MainFood 豬頸肉 以及 豬軟骨豬頸肉：廚師用打斜既方式切，好厚身，而且肉味十足，鮮甜又不會過咸豬軟骨：豬軟骨咬入口 ，食得出係炆左一定時間既口感，都係比較鮮甜呢個"雙豬飯" 比較鮮甜，感覺兩款味道都係甜同咸而我本人幾鍾意呢種食物既味道，所以好評！！然後就叫左支腐竹特飲，跟餐價係$10呢支野睇落好少，不過飲落好有驚喜！飲落去好重腐竹味，而且仲唔算好甜我自己好怕糖水就真係糖水好重甜味，呢支感覺就係少甜既腐竹糖水個甜度拿捏得好好，但係佢得凍因為職員表示佢係無添加飲品有機會試埋其他特式健康飲品雖則價錢比一般茶記既價錢高但勝在環境整潔，而且飯量以及餸量十足！！
繼續閱讀
而家揸住$38 蚊可以食到乜？火腿通早餐都未必食得到，午餐晚餐除左老麥真係諗唔到食到乜。中午路過元朗呢頭，諗住見到有咩想食就坐低，路過見到$38 有 Lunch 食包野飲？！加上呀姐熱情拉客，一試無妨。最初期望係得幾舊雞得骨無肉，點知係都幾唔錯好多舊肉又有菜，啲雞係滑同好食既，唔 Hea，食完係滿足既。呀姐見我啲飯食晒問我使唔使加飯，我就少carb 既。又平又好食仲想點？一定會覆桌啦，見呀姐咁好人，幫你寫埋好評！讚！BTW 佢個 lunch set 可能期間限定
繼續閱讀
餐廳以燒雞和窯雞為主打菜品🐤，除了雞之外，還提供其他選擇。米線餐🍜可以選擇不同種類的粉麵和湯底，menu更加有提供了豐富多樣的選擇。海龍皇米線😍真的讓我愛不釋手。這碗米線的口感非常出色，裡面的鮑魚和蝦，🦐彈牙鮮味。其他的海鮮都😘非常新鮮，湯汁的鮮甜加上這些豐富的海鮮，每一口都讓我可以品嚐不同食材的味道。🤓而且這碗米線上面都是各種海鮮，特別適合喜歡海鮮的我。#元朗美食 #新界美食 #yuenlong
繼續閱讀
安寧路嘅餐廳林立，午餐同朋友嚟呢度試吓，發現好食又飽肚👍🏻🐓 馳名窰雞 (蒜香) 河粉 $65佢地嘅招牌菜窯雞，可自選麵類同湯底，我要左河粉同純雞湯。窯雞指將雞放入甕缸烤製，比一般做法更鮮嫩入味。我要咗香口嘅蒜味🧄，雞皮香滑，油脂味濃郁但唔會好肥膩，雞件嫩、多肉少骨。純雞湯味道清淡，搭配河粉同菜心感覺健康。🐂 牛筋腩撈檬粉 $55 香辣牛展 +$8 豬軟骨 +$8除咗雞出名之外，呢度嘅牛同豬都好好食。入口係滿滿嘅骨膠原，肉質鮮嫩，口感Q彈👍🏻 我要咗乾撈檬粉，入口爽滑彈牙，好正🤤🐓 單骨芝麻雞翼 $38即叫即炸，外層酥脆香口，內裏半肥瘦，肉質嫩滑，好惹味😋🥤 健康飲品 +$10/支竹蔗茅根嘅功效包括清熱潤燥，生津解渴；而粟米鬚薏米水就可以清熱消暑，去濕消水腫。兩者嘅味道都清甜爽口，適合而家仲係好熱嘅天氣👍🏻職員嘅服務態度好好，而且座位闊落，坐得舒服。下次要試埋早餐/晚餐😋
繼續閱讀
陪好友入元朗睇跌打,怎料離開時開始下大雨,又遇上午膳時間,正在苦惱去邊度搵食之際,見到 燒窰雞 的燈牌,醒目又吸晴,行埋去見門店光鮮新淨,就決定入去一試~一入到去,店員非常貼心 ,問我哋 會唔會太凍（因為太大風大雨,我哋全身濕晒）,駛唔駛調較一下冷氣,估唔到 有咁好既服務態度👍店舖坐位非常寬落舒服,又乾淨,光線充足,可以舒舒服服食餐飯,感覺非常好👍店員推介我哋試下佢哋既燒窰雞和海龍皇米線,平時食的米線都是配丸類 、肉片,未試過有海鮮,所以就order了一個去試試~海龍皇米線---非常足料,有蝦、蠔、帶子、花甲、仲有鮑魚！食落 鮮味十足,睇得出店主用高質食材.純魚湯 清甜又鮮,整體上 非常滿意原味燒窰雞米線---雞件非常入味,有肉食又沒有過多肥膏.豬骨湯 不太咸,味道清清的,非常適合炎熱潮濕嘅天氣.調味料 選擇多又乾淨整齊兩個米線既份量都多,我哋兩個女仔都食到好飽好飽最後試埋店舖自家製涼茶,跟餐只需加$10,又係另一驚喜,對比其他店舖的汽水、檸檬茶等,自家製涼茶多左一份健康+解渴！店員話自家製涼茶係餐廳每日新鮮煲起,呢份心思 很難得！總結今次午餐食得非常逍遙,坐得非常舒服,店員又非常nice~期待下次再來試蒜香味燒窰雞+地獄雲吞米線~店員話佢哋新增咗早餐時段,夜晚又有串燒時段~我見價錢合理,有機會都想試試！店名：燒窰居地址：元朗安寧路138-160號紫荊樓二期期地下F舖
繼續閱讀