燒肉LIKE (信德中心)

營業中

休息中

我一家去食飯，我小朋友坐入面，送餐姐姐一手將個盆有飯有湯有肉有前菜，放去入面給我小朋友，之後成碗熱湯倒落我小朋友個邊，我當然好擔心會盪親，個服務姐姐沒有一個道歉，只係講左無事無事，之後我就好嬲，點解可以咁唔小心，你可以行入去放好，而唔係一手伸入去放，唔夠力就唔好勉強，有冇顧及客人安全，好彩小朋友避得切，如果再細個d嘅小朋友唔識避，後果可以好嚴重，之後我好嬲咁鬧佢地唔小心，先再有人過嚟道歉，真係好有問題好過份！希望貴公司注意食客安全，畢竟好多小朋友客人！

 - 燒肉Like!Yakiniku Like平時食日燒動輒位位500元，如果食靚少少和牛，上到成千一個都唔出奇。今日去到呢一間由日本傳奇老闆西山知義開啟嘅平價一人燒肉，完全令平時社恐都可以試到燒肉嘅滋味。唔講唔知道，西山其實仲係牛角嘅創辦人，餐飲帝國樣樣都有質素保證，今次都唔例外。今日點嘅係超過分，300g 五花肉Set 有埋紫菜鰹魚飯，餐湯呢個量既肉，埋單唔洗$150，極度離譜亦都極度抵食！！既然佢都係牛角同一個集團可以想像其實就算係平價肉，都唔會差到去邊非常推薦大家諗唔到食咩嘅時候過嚟拆返餐🤗🤗🤗🤗

今次嚟試一人燒肉，係指一人一爐，套餐全日供應，我哋因為鍾意食肉多過飯，所以叫咗一個餐再散叫三款肉，散叫肉有成300g，比餐多一倍份量架，而價錢都係差唔多。🥢LIKE套餐 $118 ⭐️⭐️⭐️有牛舌、牛五花、橫隔膜肉三款肉，三款肉都一般啦，將價就貨係差唔多，另外飯可以揀多份量都唔駛加價，咁我哋想食芝士咖喱飯，所以加咗$12，係即食咖喱包味道。另外散叫咗三款肉，我覺得三款都好味，特別係壽喜燒牛五花，醃得入味肉又唔太肥。🥢壽喜燒牛五花 $40 ⭐️⭐️⭐️⭐️🥢豬五花腩肉 $30 ⭐️⭐️⭐️⭐️🥢豬頸肉 $48 ⭐️⭐️⭐️⭐️二人共消費：$248

我今日去食燒肉，用信用卡落完單，留左email先，click埋email收單據，送出左張單先發現留錯左email address 。所以即時問男店員email會唔會有信用卡資料，佢答我唔到話搵經理幫我。跟住餐到我都未收到回覆，於是再問嗰位男店員，佢話搵經理過嚟同我講。如是者我餐都食完，個經理完全冇出現過，我再問過另一位阿姐，阿姐話經理唔知行左去邊。於是我就坐低响度等左大概10分鐘，個男店員想收餐趕我哋走嗰陣，就‘好似’醒起我仲係度等緊佢個經理，經理ka Ling於是行埋嚟問我咪事，我就再重覆同佢講我嘅問題，佢就話幫我去問下先！我其實由點餐嗰刻到食完，佢哋都冇人跟進過。再等5分鐘左右，經理問左分區經理先回覆到我嘅提問！

五個人中午來食燒肉，只見最大只有四人枱，我哋唔介意逼吓。各人按食量口味點咗自己份套餐，有獨孤一味牛五花嘅，有樣樣都想試嘅多種拼盤，包括經典牛板犍、牛脷同新款墨魚片。今日冇人想食辣就點晒配菜係沙律（而唔係韓國泡菜），加埋煙韌珍珠米飯（個別有跟溫泉蛋）、和風湯。就算同樣係牛五花，呢碟偏瘦，嗰碟白雪雪肥到不得了；一邊靜靜哋噉燒，一邊燃起熊熊火焰超有氣氛。墨魚燒完食落爽脆可口，配埋沙爹醬都幾夾。有人覺得唔夠喉，要零舍加多一碗白飯同另上一隻溫泉蛋！鍾意呢度有好多種唔同嘅醬料去配燒肉，款款都唔錯。但係櫃桶就搵唔到必用嘅濕紙巾。入座之前講明淨係食得一個鐘，不過入座之後因為唔算太多人都冇人再提過。服務算係週圍都差唔多嘅Hong Kong style，多少有啲chur。能夠快快脆脆，燒肉食到飽，跟埋飯菜湯好均衡，而且樣樣都幾好味（幾時嚟都係呢個水準），形式上一個人嚟食都唔覺得悶，人均消費百零蚊......贏得唔少回頭客。

聽講我最鍾意嘅一人燒肉餐廳《燒肉LIKE》推出全新「墨魚&牛五花&牛板腱配剩沙醬」 套餐，我即刻去試吓😍😍墨魚片以「燒肉 LIKE」秘製醬料醃製，灑上紫菜碎，好鮮甜！肉質清爽，厚切得嚟唔會好難咬，反而係好meaty🥳沾上咖哩同椰奶煮成嘅喇沙醬，配搭新鮮💖嚟到緊係要食牛五花同牛板腱，軟嫩多汁，一樣出色🫶有牛當然叫埋其他肉類，豬軟骨好juicy好香脆，油脂感令人勁滿足。燒嘅時候香氣滿溢，食完一嚿又想食多嚿，停唔到。叫咗一個LIKE 芝士咖喱飯，好有日式風味。另一個飯升級咗做必點嘅紫菜飯，蛋黃撈飯超滋味，食牛必叫！前菜、湯份量足料，性價比超高嘅選擇🎉

一間上環店喺信德中心，一個旅客一落船地方竟然有咁樣服務質素!唔講個舊肉瘀瘀黑黑都視覺很差仲要食落去有臭味。我地同個阿姐講，佢一句：［我賣左成日都無問題喎。］跟住就走開! 其實咩態度呢？香港有你呢d服務態度唔怪得話死寂囉!咁大間集團無Training？咁簡單的事都唔識處理？你地集團嘅快餐店職員應該都識即時處理及反應喇!你地燒肉Like 仲要高級少少過佢地!不如呢個阿姐去返集團快餐店重新再學下待客之道喇! 唔該信德分店高層及分店經理認真調校返呢個阿姐喇!最後比我同佢講你咁樣服務態度都得，而家個客同你講話臭。你理都唔理？？？？好有問題的一個阿姐，應該係半高級又未係好高級的一個阿姐。無睇名，但分店搵我認人一定認得!

下班後想吃燒肉，又只有一個人，就去了適合單人食用既燒肉like。去的時間尚早，不用等位就直接入座。店內的抽風系統做得不錯，沒有一般燒肉店的油煙味，環境乾淨整潔，不會感到油膩。我坐下後點了牛五花300克套餐（包括白飯300克和迷你沙拉）。這個份量讓我感到很滿足。至於肉質，牛五花的肥瘦比例恰到好處，燒烤後再搭配不同的醬汁，鮮味十足，真是一絕。

今日中午我哋去咗上環嘅信德食飯。呢度嘅套餐價錢都幾扺食,大概係$80-$150之間。我哋點咗牛五花套餐,除咗有白飯同湯水之外,仲有沙律，我仲加錢upgrade 埋個飯真係好好玩啊!燒肉咁樣自己控制程度,做出一啲個人味道嚟。加上有湯水同沙律配搭,感覺幾健康均衡。套餐性價比都算高,味道都幾唔錯,整體用餐體驗幾滿意。

燒肉Like呢間，啱啱開到來香港已經有食，因為如果約唔到人，又想食燒肉，佢係獨食嘅最佳選擇，呢間過江龍，真係好好。佢有6款燒肉醬揀，日韓風味都有得揀，咁應該點樣揀自己鍾意嘅味道呢？我自己就攞支匙羹，逐支醬料吱1滴落去，試到自己鍾意嘅味道。最終都係蒜蓉醬油／辣味噌醬，最啱我口味。今次揀咗牛五花200g套餐，再追加1份雞腿肉100g。牛肉份量超足，以致我覺得100g雞肉好似好少咁。牛五花牛味可以，肥瘦雙間，所以肉質都軟得來有咬口，加埋醬真係好好味。最後追加咗嘅雞腿肉，就有雞皮嘅，烤完都唔會乾爭爭，幾香。呢間對比其他單人燒肉算幾好食，昭重要醬汁好多選擇。

每次去附近釣魚，搵晚飯食時都會經過呢一間餐廳，而每次都因為時間不足而匆匆走過，到之後有時間但間餐廳已經last order🙈今次終於提早咗出門口特登去試一試🤭like套餐 150g $108本來我就唔係咁鍾意食牛舌，但係想食橫膈膜肉又冇乜套餐可以選擇之下，唯有試一試🙈之前因為未食過，所以都唔敢嗌250g，食完之後就後悔早知嗌大份啲😂😂幸好橫膈膜肉真係超晒班完全冇令我失望🤩🤩充滿肉香帶有少許油香，橫膈膜仲完全唔韌得來又有咬口🤤而家諗返起都流晒口水至於牛舌薄切都係基本發揮，牛五花喺橫膈膜肉相比之下，就算幾出色都係稍微失色🤣套餐已包一碗白飯、湯同泡菜或沙律，我就好似加咗錢要木魚絲加生雞蛋餐廳資料：燒肉LIKE (信德中心) (上環)上環干諾道中168-200號信德中心2樓270-273號舖

*✲ﾟ*。🎌抵食 A5 近江牛套餐🐮燒肉LIKE有好多間分店 我都係第一次食🤣店內冇油煙味👍🏻平均一個set都係$100-150左右 唔洗加一幾抵食🙆🏻‍♀️最近推出咗期間限定嘅近江牛套餐&單品最平$68起就歎到高達A5級嘅和牛😍我試咗近江牛套餐總共有100g近江牛肩肉、赤身、胸腹同美國牛五花 🫶🏻呢個價錢可以食到佢哋專誠由日本入口、極稀有嘅近江牛 CP值高所有套餐包咗白飯、和風湯、沙律/泡菜近江牛油花分佈均勻😍食落口真係正 啲肉質柔軟 🤤另外我仲加配咗最新期間限定、色彩繽紛嘅韓式拌飯🌈配料有胡麻菠菜、泡菜、 木魚絲 、紫菜碎同生蛋黃加埋韓式辣醬 非常惹味😋和牛LIKE套餐份量多啲男仔都夠飽😆有150g牛肉 (牛板腱、牛舌&和牛肩胛肉)-✨ 近江牛套餐 ($128)✨ 韓式拌飯 (+$28)-📍 燒肉LIKE @yakinikulikehk▫️新界天水圍天恩路 12-18 號嘉湖二期地下 G22-25 號舖▫️旺角太子道西 193 號新世紀廣場 L3 層 301-302 號舖 A 部分▫️北角渣華道 123 號北角匯 2 期 2 樓 216-217 號舖▫️尖沙咀新港中心二樓 210 號舖▫️灣仔

呢間其實都一直有食開嘅！最鍾意就係唔想煩唔洗煮小朋友又開心可以自己玩下燒肉！而且性價比真係比較高，我地都算係常客！每次黎到，我哋都係必點幾款套餐。因為小朋友又唔想太油膩，我哋係選擇套餐時都會揀有牛小排！而燒肉Like嘅牛肉真心有保證，所以先會食完再食！🌟壽喜燒牛五花+牛小排套餐🌟我哋每次都係order呢款，貪佢大大份有200g肉，仲要可以order大大碗飯（300g），小朋友一向都好愛食白飯🤣🤣🤣完全可以滿足曬佢哋嘅要求！而揀選配菜，我哋一直都係比較重口味💕💕所以都會揀泡菜！呢個餐仲會配一隻溫泉蛋/生食，真係好豐富！呢排新年，店舖有做緊配韓式拌飯，都只係加+$28，感覺似新年要「撈起」嘅！到燒肉，每次都覺得黎到嘅肉係靚肉，油脂分布合適！由其係牛小排，必order嘅肉類！但小朋友就不太喜歡佢哋嘅醬汁，所以每次都要走汁！但大人可以點？唔洗太擔心，因為本身每張枱都會有齊曬調味料係度，鍾意食咩味都得啦！新年嘅韓式拌飯，店員建議落韓式BBQ醬撈埋一齊，加埋啲靚肉，真係唔相信咁嘅價錢可以食到咁高質素嘅肉喔！呢間店唯一一樣唔好處就係得一小時用膳，不過我哋都已經習慣了，開頭幾次食，真係有啲急，而家食開

又去食烤肉🍖🥩😀✌️我記得細個嘅時候，差不多日日去食BBQ🤣🤣呢個就係點解我成日去食烤肉嘅原因，因為鍾意食，點解？無得解🤣🤣🤣😂😂😂尤其是這裏的醬汁真係好惹味😋———————-我哋兩條友真係好大食，每次都叫好多嘢食，每款套餐已經配上沙律🥗或泡菜和白飯，兩條友簡直就係食肉獸🤣🤣牛五花套餐：喜歡吃牛人仕必吃的套餐，抵食又好食———————-三部合奏：（豬腩肉、豬頸肉、雞肉）三款肉，好抵食⋯⋯食肉默🤣🤣加配豬五花：加配韓式拌飯：韓式拌飯真係好好食😋一向小吃飯的我，吃一次就愛上😍—————————牛五花➕豬腩肉套餐：吃牛🐮又吃豬🐷—————————單點近江牛：油脂分泌有肉汁，又鮮嫩又軟熟——————-又去食烤肉🍖⋯⋯其實開心簡單就在你身邊❤️😋食….拍…寫.. 已經成為我生活中的一部份鍾意食..鍾意拍…鍾意寫..留下美好回憶—————

哇喂！去咗間燒肉店試親佢哋嘅招牌菜，真係一啖一啖嘅滿足喎👍。首先嗌咗牛小排套餐嚟，肉質嫩滑得滯，肥瘦之間嘅平衡拿捏得好精準，嚟啲米食一流，味道重又唔覺膩。其次啲牛板腱，呢個就冇咁出色，不過個燒法照樣令人捧場，搭配餐廳嘅自家調製醬汁，每一口都令人想再嚟一塊🔥。同場加映嘅豬五花，啖啖肉嘅香濃夠晒韌性，嗌嚟試下，兜唔住口，真係頂級享受。而家講講橫隔膜肉，真係必試推介，肉厚又多汁，喺炭火嗌嘅香味中，嗰份霸氣外露嘅口感真係難以忘懷。總括嚟講，呢次嘅食評經歷，真係滿足到我呢個肉食控嘅胃🤤。而且店家嘅服務態度好好，環境潔淨而舒適，讓人即使獨自一人，都能在燒肉的樂趣中找到屬於自己的一席之地呢。