燒蝦蝦 (金福閣） (已結業)

一睇到呢間餐廳嘅名，就知道呢間餐廳主要係食蝦嘅🦐 ！餐廳位於元朗市中心，主打燒流水蝦，提供任飲任食嘅放題😋。 唔好以為成間餐廳淨係食蝦咁寡😂，除咗蝦仲有唔同嘅海鮮，例如鮑魚、生蠔、青口咁…仲會有唔同種類嘅肉㗎🥩！ 不過我自己最鍾意嘅都係燒蝦😌！ 本身都有擔心放題嘅蝦質素唔會太好🤨，但係呢度嘅蝦，肉質唔會霉，令我幾驚喜🤩！生蠔好鮮甜，仲有淡淡嘅海水味🦪！無論晏晝定夜晚都可以食到呢個流水蝦放題😉，有得任飲任食兩個半鐘😍，食完真係攬住個肚走啊🤣🤣

同朋友book枱諗住玩下，又食下🦐😋因為本身都好鍾意食海鮮，所意對海鮮都有啲要求😛但都好好水準，完完冇失望生生猛猛🦐一入去餐廳，已經見倒個缸啲流水蝦不停游嚟游去，所以啲蝦一定勁生猛👍🏻啲燒果然超彈牙超juicy😋蝦頭又有膏🥹啲膏又唔會苦👍🏻絕對值得試🥰👍🏻除咗蝦蝦，仲有青口，鮑魚，蝴蝶蚌，蠔🥰🥰真係超多海鮮！每樣都好鮮同絕對唔會腥👍🏻同埋都好大隻😏如果鍾意重口味啲嘅朋友，佢嗰喥有啲石紙兜嘅海鮮🦞會有啲螺同蜆，都夠晒惹味😋加啲蒜蓉 葱 都好好味👍🏻總會有一款啱你口味🥰

📍近排見唔少人都去食流水蝦 又有得玩又有得食😂 好似幾吸引 忍唔住都試一試! 🙈🙈餐廳位於地庫 2.5小時任飲任食除咗流水蝦之外 仲有大量海鮮 肉類 蔬菜串 丸類 熟食都係任食 食物選擇夠算多 以呢個價錢黎講都幾抵食🙋🏻‍♀️🌟海鮮區每個座位旁邊都會有流水蝦🦐魚缸 方便客人可以即夾即燒流水蝦 亦都唔需要同人逼! 大頭蝦超級生猛🙊 係咁係度跳 雖然有少少嚇親 但係好好玩少少reminder: 記住夾之前要攞冰桶去裝冰先 > 然後將夾好嘅蝦放入冰桶凍住 令佢哋唔會再跳 之後先再慢慢燒大頭蝦都幾驚喜 好新鮮 食落肉質爽口鮮甜!海鮮區有鮑魚 扇貝 響螺 青口 魷魚 蠔 魚等多款海産 每款都大大隻又夠新鮮 其中燒鮑魚超推介! 🌟 肉類/丸類/蔬菜區自助區相當企理 而且部分已經串好 相當方便🙋🏻‍♀️旁邊放有錫紙盒都提供 可以將醬料蒜蓉加入食材慢慢焗住燒肉類方面 有五花腩 羊架 雞翼雞軟骨 肉類厚肉亦多Juicy 🍸飲品方面選擇都好多 除咗一般汽水 同烏龍茶果汁之外亦有大量啤酒 真露韓式燒酒等提供🍻甜品亦有多款韓式同泰國雪條🍨可供選擇店員一開始有詳細介紹夾流水蝦同燒食物嘅程序同方法 相當細心

朋友住元朗推介我食依間流水蝦放題，話又多野食又抵食，咁我地食7:30前離座時段，仲平$30，正😗 依到既海鮮區超多海鮮🦞感覺好似行左個小型海鮮檔咁🤭 好多唔同海鮮比你去燒，最特別一定係有鮑魚，貴妃蚌，依種貴價海鮮估唔到係依度都有得燒，鮑魚仲要係活鮑魚，鮑魚厚肉爽口，正正子😊 貴妃蚌大隻鮮甜多汁💦加少少鹽去吊味已經好鮮🤏🏻 絕對係回本之選‼️ 另外，燒物都係五花八門，而肉類方便我最推介燒雞全翼，塗上醬料再燒，惹味加倍🐥流水蝦放題完全唔流啵🤤 好多隻生猛跳跳紥既蝦蝦🦐等住我去夾，係有啲小殘忍，但夾到好有成功感✌🏻😛 見到啲蝦蝦們排哂係燒烤爐上面真係好興奮，啲蝦仲要係好新鮮，啖啖肉

流水蝦🦐仲有各式各樣嘅海鮮 全部都好新鮮又生猛🫣所以基本上你燒烤完之後 唔需要加太多調味料都可以好好食😏真係會食到你舔舔脷返唔到轉頭㗎🤩不過如果你鍾意食重口味少少🤏🏻都可以加返啱你口味嘅醬料 咁就會更加惹味啦😛每位客人都會附送一盤大蜆 上面加咗蒜蓉做調味同埋點綴 所以蜆肉食落真係充滿着蒜香 好香口好好食😋咁但係我自己就鍾意食返海鮮嘅原汁原味🥰咁新鮮嘅海鮮 就緊係要食返佢原本嘅味道啦係咪先 唔係就好似浪費咗咁😝流水蝦真係點燒都咁好食！而且唔洗燒好耐就食得架啦😋好爽口一啲都唔會霉 每一啖都好滿足呀😳

無論海鮮定肉類, 放入口全部都係肉肉啖啖肉🤤 大水池暢泳ge大頭蝦好肥美😜 燒熟左變左橙紅色好令😍 食落多膏又多肉😋 肉質彈牙1d都唔梅dum dur果真係游水蝦✅✅外面好多其他海鮮任拎唔嬲😋 原條魚好大條😱 肉鮮嫩多汁非常之咁甜🤩 燒到佢地armarm好熟係完美時間皮脆肉香超正❣️食海鮮都當然唔少得有殼ge la 😌 D蜆細細粒我怕sir左入個爐所以搵個兜連埋螺肉裝住左😂 另有好處仲可以落牛油去煮😙 好似玩煮飯仔咁🤗肉類都好多選擇🤩 豬牛羊雞乜都有😎 豬腩肉好肥好正🤣 燒到個邊脆脆地金黃色好令😍 咬落齒頰留香d豬油由條脷流到喉嚨真係流晒口水🤤 不過食太多好膩所以都係share左比朋友仔一齊分享肥胖😙😙  羊架都好好味好多肉厚度適中唔會太難咬😆 仲有我最愛係咁食ge牛柳粒細細粒好易食左好多🤣 雖然油花好令但都唔算太膩都叫做由頭食到尾都仲食緊唔會厭哦😝食左咁多野最後仲有甜品🍧 雪糕雪條乜都有大大的滿足下次再來食食食🥳🥳🥳

在西裕街金福閣地庫原來有間隱世餐廳，竟然在社交平台「食在元朗」沒幾個人介紹😱 害我這個CD rom元朗人經親戚推介才懂來。下樓梯時牆上有大龍蝦畫作，一度以為任食還包括龍蝦，可惜都是想多了😂 但是任吃的海鮮絕不失禮！有蠔、貴妃蚌、鮑魚等等，非常體面豪華😃 貴妃蚌肉質飽滿結實，是新鮮貨，還有陣陣海水味，不用調味只吃鮮味也十分足夠👍🏻 蠔肉不算大顆，但肉質嫩滑，亦是非常新鮮，蠔肉熟透後容易脫殼，一吸就吸到咀裡了😌 鮑魚很爽滑，拿回來時還有陣陣蠕動，活鮑難求店家真捨得😱 而一切全包，連飲品甜品都是300多元，雖是元朗，但食物質素之高令我覺得心滿意足了🤗店名燒蝦蝦，當然也要講講蝦。大頭流水蝦即夾即燒，又是活蝦，讓客人親身體驗捉蝦也是誠意之作👍🏻 食落蝦膏溢出，十分鮮甜，還有其實肉類任食，即使不吃海鮮也有很多選擇👍🏻

今日同朋友去咗元朗呢度食流水蝦，朋友試過話唔錯於是就帶咗我嚟，以前喺泰國食過類似嘅嘢，但係喺香港就係第一次去到餐廳，我個座位隔離就有個魚缸，入面啲蝦好生猛，游嚟游去，夾起啲蝦將啲蝦，放入冰桶整暈佢就可以拎來燒，啲蝦都幾大隻，個蝦頭仲有蝦膏添，識落啲肉質幾爽😋😋😋除咗蝦之外，呢度仲有大量嘅海鮮，鮑魚、扇貝、青口、墨魚、仲可以有成條魚拎嚟燒，我就最鍾意條燒魚，可以自己控制火候，入面啲魚肉超級嫩😘 另外帶子加佢既蒜蓉配料, 食落都好惹味! 除咗海鮮呢度仲有啲丸類同肉類，我就拎咗啲牛仔骨嚟燒，肉唔會un, 味道相當唔錯😋呢度嘅食物種類咁多，真係可以食足三個鐘🤗

呢間餐廳超抵食！住元朗嘅朋友咪錯過啦👅💋任燒流水蝦同海鮮：流水蝦養左係個缸度，新鮮游游游，燒完啲肉彈牙又厚身，而且一隻梅嘅蝦都無👏🏻另外海鮮區仲有好多海鮮，當中要數鮑魚同扇貝😳加埋啲粉絲蒜蓉醬一齊燒, 粉絲吸晒d海鮮同蒜蓉味 好似去左食加工海鮮咁 😋😋💋肉類丸類：有隻牛丸燒完特別好食，入面仲有啲肉汁😋另外肉類一定要夾豬腩肉同羊架，呢兩款我燒左3次✌🏻💋蔬菜🥬：燒露荀好正，自己卷左啲肉一齊燒，好得🤤💋飲品甜品：可以自己沖茶飲解油膩，仲有手工啤酒🍻飲，wonderful!!!!!甜品都多多款式，有隻咸蛋黃雪條夠特別！

原來除咗流水生蝦之外 仲有多款唔同嘅海鮮🦞好似係鮑魚 扇貝 生蠔🦪同埋蟶子王等等 真係多到數唔晒呀😝食材豐富選擇又多😛流水蝦嘅蝦頭好誇張 有好多蝦膏 蝦肉飽滿又彈牙 真係大滿足呀🤭鮑魚又新鮮 新鮮嘅程度係佢哋會懂得互相吸綴🫣鮮味十足 而且燒完好易咬開 一啲都唔韌 肉質細嫩 係好食嘅鮑魚😳望住啲海鮮由生變熟 流水蝦慢慢變成橙色嘅過程 真係好治癒人心😏唔知你又會唔會有咁嘅諗法呢🤗🤭🤭🤭🤭

全部海鮮都係好新鮮 夾起之後仲係生猛又活潑🤪流水蝦仲識郁來郁去 真係一唔小心夾唔穩就會整掉咗佢架😂所以捉蝦嘅時候都好需要技巧 可以話係智慧與體力嘅考驗 講真都幾好玩幾有趣架😆夾起啲生猛海鮮之後就可以拎去燒🔥呢度除咗流水蝦大隻之外 其他海鮮例如：扇貝 鮑魚 蜆肉都係好大好新鮮😝只要係新鮮嘅食材 簡單嘅烹調就已經好足夠 可以整到好好食😏所以燒完啲海鮮之後 加上簡單嘅調味 就已經可以品嚐到海鮮嘅鮮味🥰最緊要係控制住個時間 即拎即燒即食 享受最美好嘅時光🤩

唔知有無人同我一樣好鐘意飲酒🍻?如果放題有酒飲絕對係加足分💯最正既係依度除左有平時一般放題飲開既罐裝紙包飲品之外，仲有三款酒類都係任飲分別係啤酒、清酒🍶同梅酒，啱晒我依啲鐘意飲酒既人🤤🍺🍺🍺海鮮區絕對係亮點❗️❗️❗️海鮮多到目不暇給，全部都新鮮仲識郁，而且店員refill得好快，癲覆左我對依類放題店既舊有諗法，除左大頭蝦，仲有生蠔、帶子、扇貝、貴妃蚌、東風螺、鮑魚、原條魚同蜆等等。每樣海鮮我都拎左啲試下，鮑魚放上爐燒前要剪殼，再𠝹一刀，燒好後我會再剪開，食落彈牙滋味😋帶少少海水鹽味🌊咸鮮咸鮮～～

最近流水蝦大熱呢～有得玩有得食！元朗呢間「蝦蝦燒」推出2.5小時燒流水蝦放題只係＄268—$300！食物種類相當豐富，海鮮、鮑魚、串燒、蝦隻、啤酒、甜品任飲任食，啱曬一班人聚會揀心水食物，性價比超高！2.5小時玩下、燒下、食下，時間過得好快～大家抓緊時間⌚️😽🌸🌸🌸🌸🌸🌸🌸🌸🌸🌸🌸🌸🌸🌿生猛流水蝦區🌿幾乎每一個位附近都有流水蝦區域，長方形魚缸放有好多蝦，唔夠嘅話職員會再添加。每一隻蝦都十分之生猛，要用魚缸旁邊嘅夾夾起佢。（隻隻都扎扎跳真係有難度😂）烤過後唔會太過縮水，肉質爽甜，玩完又可以任食 ！大快朵頤！🌿海鮮區🌿 👍個人覺得海鮮比蝦隻更勝一籌！有鮑魚、生蠔、墨魚、蜆肉、東風螺、海螺等等，仲有原條黃花魚！旁邊放有各種調味料，口味任你調配。選擇多得來，仲要每一樣都好好食，尤其係鮑魚同扇貝，鮮味得來夠大隻，即使唔加任何調味料，都夠鮮甜，好興奮呢！🌿熟食區🌿同樣好多選擇，有冬陰功湯、炒蟶子，泰式雞腳沙律，炒麵，熟蝦等等！都幾欣賞店家的多元化，炒蟶子色澤美觀，鮮香味濃，惹味不鹹相當不錯！🌿燒烤區🌿今次因為主要想食多啲海鮮，所以燒烤區好多都冇試，好可惜！但係肉類應有盡有，你數得出嘅呢度都會有😽好誇

🦐燒蝦蝦🦐呢間嘢長期都好爆終於book到晏晝食小妹勁鍾意食海鮮所以呢度啱晒我有鮑魚，生蠔，貴妃蚌，扇貝，好多唔同size嘅貝類仲有原條魚可以俾你燒🥰最正係有得食有得玩 啲蝦勁生猛夾佢都唔係甘易咖夾完上尼要即刻放入冰水唔好咁快放手因為啲蝦會係甘郁彈晒啲冰水出尼🫣放左入冰水之後最好等5分鐘等啲蝦凍暈咗先再燒出面仲有飲品甜品同埋啲熟食可以拎飲品方面有出面好少見到嘅花茶同埋一般放題有嘅飲品雪糕雪條不過啲熟食味道就一般了

一直都冇試過即釣蝦即食聽聞天水圍都好似有個地方可以（而家唔知仲有冇）但係都係室外聽朋友講，元朗有間室內都可以釣流水蝦，即燒即食！仲要係任食！可以喺室內有冷氣地方，都感受到野生捕獲嘅滋味！好多鮮蝦啲蝦好新鮮，鮮味十足，又大隻除咗蝦之外，都仲有好多海鮮，包括螺、蠔、帶子⋯⋯種類繁多，供應都多，一定可以食返夠本！仲有我最喜愛嘅魚呀飲食通常都會食下菠蘿，因為會消滯！肉類串燒都勁多雞翼、腸仔、仲有好多幫你吉好咗嘅串燒飲品同埋甜品都係任食呀人均單費每位$368抵啦