燒邦特色燒烤 (已結業)

第一次黎幫襯，店舖細細但老闆同員工都好熱情招呼，我同朋友望住個menu見到好多套餐唔知揀邊個好，老闆就話「不如等我發辦啦！」我地二話不說就即刻話「好」再放低餐牌等食...蒜蓉燒聖子皇，老闆燒到岩岩好，好彈牙燒扇貝，呢個真係好好好推介，唔好睇佢乾哂，但粒帶子肉係超juicy醬汁燒鮑魚，我地睇住佢地係魚缸撈出黎，真係好新鮮同鮮甜白灼大尾魷，真係唔使加任何調味料都好鮮煎封倉頭，初初望住佢諗下，咪又係煎倉魚，但當一咬落去，外脆內軟....一啲都唔老呢個都係推介，蝦頭用椒鹽方法煮，但蝦身係油泡完再用上湯煮.....蝦肉真係好彈牙，仲勁多蝦膏

其實好食真係好簡單，食材新鮮，正正經經咁燒就掂，店內有個大魚缸，所有海鮮都係入面，要食就即叫即捉，咁樣燒法，邊可能唔新鮮？叫左個鮑魚，白鱔，北寄貝，都係一個字鮮，加少少鹽，已經好出色，其實好難用太多野去形容，一鮮就起碼贏7成特別一提係辣酒東風螺，東風螺絕對好大，比市面既都大，食落唔會太老，用牙籤就好容易食，好高分另一個特別一提係服務，人手就唔多夠，但有誠意，一有吉碟會盡快羅走，食完重講唔好意思招呼不周，其實服務一啲都無問題。

黃店 同朋友嚟食 提早預約預個budget 老闆發辦！半私房 可自攜酒水大大隻貝殼！哇！難忘鮮甜到！朋友話返唔到轉到無沙無內臟，出色！再食正餐黃腳立 低級中睇到真功夫魚好滑 鮮甜蝦麵 脆！香！個汁一絕通常會食到龍蝦麵 老闆話哩個蝦抵食 所以推薦哩個第一次不環保但真的好正 魚翅好滑 彈牙 食完會留香個湯都好香 無腥味剛好食到 老闆為朋友準備 做多幾份侍應小妹服務好好喔，用心工作。欣賞呢 很有禮貌 話頭醒尾總的來說 物有所值 與朋友每人$600是高質的粵菜 在香港 少食到正宗粵菜

朋友介紹呢間串燒店，經開呢頭就試下。舖位細細但一入到去見到有個大水缸，見到啲海鮮游黎游去就知道野新鮮。聽返話啲海鮮係老闆每日凌晨親自去漁市場揀既，所以質素一定有保証!我地食左北寄貝，扇貝，花蝦，燒菠蘿先，全部即叫即1燒，所以要等10至15分鐘，不過好1野唔怕等，全部都好好食! 特別係北寄貝同燒菠蘿，我地第二轉再叫多次北寄貝，之後再加左東風螺同金菇，都係非常出色。食飽後老闆仲請我地飲左盅燉湯，平時要預訂先有，勁好味!

第一次寫食評，因為從來都沒衝動去寫，即使有多好吃多難吃？。。。 我們一共四位。星期六既晚上首先講講點餐，「特式燒烤」想要兩串雞腎，唔好意思。無！想要兩串花枝丸，唔好意思。無！想要兩串牛柳，唔好意思。無！想要兩串德國辣腸，啊。。。都係無！咁台灣腸呢？ 請等等。。。Sorry 無！其實真係無expect過一開始叫5樣嘢，每樣都話無，仲要係星期六晚？Fine, 叫其他食物。最後叫咗牛舌，雞翼，芝士丸，雞泡魚乾，金菇雞泡魚乾 ： 切得太大塊。。成塊牛肉乾咁大。其實係咪可以切幼小小，旁邊再加一小滴沙律醬也好？蒜香金菇 : 無乜味道，食到尾先發覺啲蒜係底？🤔 其實係咪撈一撈先燒都唔得呢？見佢連基本串燒都做到咁，試問又點會去叫許既海鮮🦞。（仲要唔係平）

天后收工經過呢間串燒店，外面雖然冇menu只有幾張相片，但係超勁嘅燒烤味引左我入去小店入面只有12個坐位，客人一落單，老闆就馬上即刻燒，可以隔住玻璃見到老闆成頭大汗用心制作若闆推薦海鮮係非常之鮮甜，老闆每日親自採購，除咗老闆既推薦海鮮，蒜蓉茄子丶叉燒丶雞翼丶牛柳丶波羅都係必食好種意有少少燒焦既粟米叉燒用左獨門秘製醬料醃製，本身好入味亦唔會乾身燒菠蘿會安排到最後先上，呢間小店絶對係物有所值，值得一試

今晚本來想試下，去到見到有4個位（我2個人），老闆之後話拆台比我入，半分鐘之後有4位walk in黎（小妹妹話：哇好耶有位啊，有可能係book左嗎？）老闆見狀竟然講大話，同我地講話「唔記得左」有人打黎book左！！有無搞錯？？之後比拒地入叫我地坐街？？有無搞錯！！仲諗住塞個contact比我地？會再去嗎？超嬲，但費事cho就走左！野食我唔知好唔好味啦，但係呢d好明顯係人有問題，下次就算book左拒都會話無架啦咁樣，應承左都可以講大話，真係笑左，仲要係係d客（4位walk in）面前講大話！！

老闆搬咗去天后之後第一次去，食物同之前一樣好好味，老闆自己一手一腳揀海鮮同入貨，知道佢好用心整。海鮮好新鮮，並唔係雪藏貨。特別推介燒白鱔，厚切牛舌，一夜干，北寄貝，炸。。。等等，好多款串燒都好好味。亦可以問佢哋當日有咩介紹。同之前西灣河比，多咗燉湯同幾款小炒。店舖位置雖然唔係喺大街大巷，但勝在清靜，附近亦有地方泊車。用心制作的小店，一定會再返去食的!!店內位置唔多，建議先打電話留枱，如果天氣清涼的話，坐室外亦不錯。

可能係天後最強海鮮同串燒小店🤩？！好耐冇食過咁高水準既燒烤店！.個日friend子帶我食好西😍不停推介呢間穩世串燒。心諗有冇咁巴閉呀，點知！真係由頭好食到落尾呀！海鮮超級新鮮！燒烤肉同蔬菜都極之香口！員工服務貼心，師傅對客人都勁nice呀😭😭💖💖！.海鮮方面，我極力推介佢地既鮑魚、龍蝦、聖子同炸蠔！所有海鮮都神級鮮甜、隻隻海鮮都男人手掌咁大隻！加咗調味亦冇蓋過海鮮本身既鮮味、炸粉薄得嚟又勁酥脆！真係好好味呀(食神tone)！烤物方面一定要試下佢地既厚牛舌、燒牛肩、白鱔同燒原個茄子！孜然味重又帶點少辣，食落夠哂香口又惹味！平時唔鐘意食厚牛舌既我都被感動到，牛肩勁粉嫩多汁！白鱔肥美厚肉，魚皮燒到脆卜卜🤩！原個茄子少見得嚟又加咗勁多香口蒜蓉，淨係要我蒜蓉撈飯都得！完全冇誇張冇賣廣告，大家一定要去幫襯下，因為我都一定會忍唔住再去食呀！如果weekend夜晚去記得打去睇下有冇位呀，因為weekend應該都幾爆場🤣佢地既營業時間係由18:00-2:00開到凌晨。

掙扎了好久到底應不應該寫食評 因為這間是我的私藏 好怕人多了以後就要排隊😛不過最後還是決定跟大家分享 因為老闆是一個對食物很認真的人 他的努力值得被注意😃首先說一下怎麼走天后地鐵站 A2岀口 一直行 見到琉璃街街口 轉右就是門口店面不大 大概夠坐十多個人魚缸入面放了很多海鮮~菜單我們三個愛吃最愛海鮮 所以點了1)招牌金獅酥炸桶蠔 ($70/隻)桶蠔好大隻 大概有我掌心那麼大!!每一隻都超肥美 入口會嚐到椒鹽味 然後每一啖都是蠔肉 好滿足😋😋以前我從來不會吃碟上的脆脆 總覺得它是裝飾 一定又乾又硬 但侍應哥哥說除了碟之外都可以吃 我就放膽試試了 一食真的驚為天人！碎碎伴有拔絲糖漿 很香口 停不下來 最後我們真的全碟吃光了😆😆2)游水大花紅蟹(用花雕蛋白蒸) $1480好巨型的花蟹!看著老闆在店內的魚缸撈出來的所以絕對新鮮!花雕跟蟹真是絕配啊!上菜時蟹殻全部很細心的拍碎了所以吃起來很方便 好清甜!啖啖肉！底下的蛋白吸收了很多蟹汁 還有花雕的香味 不用說 絕對清盤!3)特大青瀨尿蝦(燒) $388應該是我吃過最好吃的燒賴尿蝦 是生燒的！肉質很鮮甜！上菜時媽媽剛好去洗水間了 老闆說先熱著等媽媽

食材新鮮，味道好可惜買單時無單睇返計多左我一份一夜干問佢野食齊未，佢答齊哂，咁買單時諗極都吾明點解咁貴，之後計返數原來一夜干未到但收左錢，不過我都走左，無去同佢地講返

上一回說過呢到既老闆邦哥師傅坐陣，原來昌師傅不單係利苑第一代大廚，更曾經幫習近平、溫家寶等國家領導煮過飯😱，我聽完之後實在目定口呆。是次預定了利苑經典蟹黃翅、巧手既炸子雞、冰鎮鮑魚。前菜先來冰鎮4頭南非鮑，雖說冰鎮，但其實火候控制難度十足，鮑魚成半熟狀態，有熟鮑魚既口感，卻保留生鮑魚既鮮味，再配以木魚汁煮過，口感、味道層次顯著。蟹黃翅乃係利苑名菜，對於昌師傅來說實在易如反掌，用上超上等既膏蟹同花蟹先能夠做到個翅底，翅既份量係填滿左成個碗，每一啖都係翅🤤。味道不用質疑，全都是蟹鮮味，基本上就是滿足既感覺。炸子雞要用上數天準備才能完成，原因係要多重上油、風乾，我本人平時極奇討厭吃雞胸的，但今日卻主動吃完所有雞胸，師傅能把炸子雞炸得皮脆，肉卻滑而無比，雞胸肉有濃厚雞味亦鬆化不已，實在神乎其技。聽昌師傅所說，以前試過有位客人要求炸子雞擺碟要做成馬的樣式，他也花了很長時間才能完成這個擺設。遇到如此神廚，實在本人之榮幸，希望大家能多多支持。PS. 所有菜式為預訂菜式。極推薦此店

有看我個人instagram既朋友都應該知道我成日來呢到食嘢，由食客已經變成朋友。之前搬左來新鋪未有中菜爐就未有得食炒嘢，呢家就有返個爐啦🤤。老闆邦哥其實係粵菜出身，埋爐先係耍家之作。不過大部分菜色都要預定，因為食材先可以最新鮮搜羅，今日就食左個姜蔥炒台山大肉蟹。台山大肉蟹同平時既泥蟹有咩分別呢？就係台山既會比較鮮甜，雖然size無咁大，但係蟹味會濃好多，至於火候味道控制，師傅當然係炒得非常之正🤤。再提醒一次，大部分炒嘢都要預訂。極度推薦此店。

淨係老板堅持朝早親自落香港仔魚市場揀貨已經值回票價👍🏻 海鮮燒烤黎講cp值幾高，街坊價食到酒店級水準，突別推介: 蟹，鱔，雞翼，叉燒，蒜蓉茄子, 雞翼同叉燒都係自家祕製醬料醃製👍🏻

之前都有多次介紹過既西灣河好拍檔燒烤舖搬左去天后，亦改名燒邦特色燒烤。環境舒服左好多，唔洗再坐街。一如既往老闆每日親自到香港仔魚市場揀貨，夠曬新鮮，而且經常有啲特色海鮮。例如本地出產既一夜干、本灣頂級黃油蟹、錦繡花龍蝦、澳洲野生黑邊鮑魚等等。而且火候控制十分到位，剛剛好熟。肉食方面亦慢慢增加選擇，但舊有食物依然保持著超高水準。最重要係所有調味料皆選用天然食料。雞亦、茄子、龍蝦為我第一推薦食物。綜觀此店為強烈推薦食店。大家多多支持小店💪🏼🙏🏻🙌🏼