燒邦特色燒烤 (已結業)

其實好食真係好簡單，食材新鮮，正正經經咁燒就掂，店內有個大魚缸，所有海鮮都係入面，要食就即叫即捉，咁樣燒法，邊可能唔新鮮？叫左個鮑魚，白鱔，北寄貝，都係一個字鮮，加少少鹽，已經好出色，其實好難用太多野去形容，一鮮就起碼贏7成特別一提係辣酒東風螺，東風螺絕對好大，比市面既都大，食落唔會太老，用牙籤就好容易食，好高分另一個特別一提係服務，人手就唔多夠，但有誠意，一有吉碟會盡快羅走，食完重講唔好意思招呼不周，其實服務一啲都無問題。