營豐海南雞專門店 (已結業)

話說在行入鰂魚涌前面，有一間鋪面小小的海南雞飯店，平時行過如果唔留意真係唔會覺得有間鋪頭係到。個日本來想入街市食飯，咁岩見到就諗住試下....見到佢鋪頭入面有好多已經整好左的小食係到，都幾吸引，咁就叫左一個海南雞飯同埋一塊雞扒食~ 價錢唔算好貴，兩樣野加埋都只係60蚊，係呢頭黎講算係一般價錢!海南雞肉質唔算好差，飯加左黃薑，整體算幾好食。雞的味道唔好太咸，加埋佢個個甜甜地的醬油都算可以接受。隨飯附送一碗湯，碗湯一般都係用浸雞的水去煲，呢個都唔例外，不過佢就加左冬瓜同意米，夏天飲就岩岩好。反例是佢個包醬汁就同平時的海南雞鋪有小小唔同，呢個係平時食燻蹄的汁，係香港人的口味!

放學係附近周圍閒行街順便搵下食，文逛逛下搵到呢間海南雞專門店，呢到只係賣外賣，冇堂食，門面都幾乾淨企理，而且menu大大隻字清楚放入係門口，等客人可自己慢慢睇揀下食咩，除左知名海南雞佢地都有賣唔同套餐，職員推介試下個海南雞撈檬，味道較fresh而家夏天熱辣辣唔洗一定食飯，大家下次黎不妨一試，不過我自己就揀左咖啡豬頸肉飯，午餐外聲都只係45蚊連飲品或者例湯，可選油飲或普通白飯，油飯好好味！咖哩汁同豬頸肉份量好足，咖哩汁唔算好辣，但咖哩味夠濃，豬頸肉肉質易咬，仲有咖哩薯仔都好入味，推介！

嗰日喺鰂魚涌市政大樓 圖書館睇完書之後就去咗對面呢一間專賣海南雞嘅餐廳買外賣鋪頭雖然細但係見到佢普遍買嘅嘢款式都算多價錢方便普遍都係40至$50有找價錢非常平民嗰日我試咗呢個海南雞飯南雞飯嗰啲油飯嘅油香味好重海南雞嘅份量適中雞肉嘅質感都幾嫩滑連埋雞皮食口感一流得一讚嘅係$45係包埋碗例湯 冬瓜雞腳湯淡淡地食完個海南雞飯飲就最配啦之後再帶多咗塊大豬扒豬扒真係大個隻手板個味道唔會太咸 好入味配埋少少嘅辣味 真係忍唔住一啖食晒

今日同朋友嚟到太古附近做gym，需要買外賣而唔太知道附近有乜嘢食所以就OpenRice下。向來都係海南雞飯嘅粉絲，見到呢間專賣海南雞飯嘅專門店，就決定試吓。不過原來呢度嘅位置有點難揾，要入去東匯城，見到百佳再用附近嗰度門出去先見到。你都見到原來除咗海南雞之外，都仲有唔少選擇價錢都唔算好貴，一個飯大約$30-$40左右。善變嘅我最後揀咗食口水雞。$48份量大大份，運動之前都唔想食得太飽，所以都啱啱好夠我同朋友兩個share. 因為唔記得咗叫無骨嘅雞，所以食起上嚟都唔算好多肉，不過都叫有足夠嘅醬汁去送飯，但口水雞汁夠味但唔算好麻。值得一讚嘅係，啲雞好有雞味，肉質實淨食到底有酸蘿蔔，中和飯同埋雞嘅飽濟感。另外有餐湯送，落咗南瓜同埋蘿蔔，足料又健康。唔係味精湯，有雞腳但係都唔肥膩。

咁岩同同事過嚟鰂魚涌，只有大半個鐘食飯時間既我地，決定買外賣就算。作為稱職嘅外賣專員，梗係影多啲相俾同事參考下啦。😎😎大部分都是雞🤣🤣 還有豬頸肉、雞扒、豬扒等小食！依間餐廳應該做慣外賣生意，落單同準備食物都非常熟手👍🏼 我好似等左幾分鐘就有得拎😂😂我叫咗個招牌去骨海南雞飯😎 keep到熱辣辣，而且賣相唔錯！海南雞好滑，分量亦唔少！油飯比正常顏色既偏黃？！😹 整體滿意既👍🏼👍🏼跟餐有個例湯，咁我就冇再額外叫嘢飲🤣🤣但就加左一塊香茅豬扒😂 同同事share😬 如果可以剪開就會更方便了😹😹約$50一個午餐，價錢中規中矩，唔怪得吸引左唔少上班一族幫襯🌝🌝

今日同朋友係鰂魚涌市政大樓打完波，覺得幾肚餓，然後一落樓下就見到依間營豐海南雞專門店。我地見佢價錢唔係貴，擺出嚟嘅嘢食賣相都幾靚，所以就決定一試，買翻幾個外賣飯盒！！我叫咗一盒招牌脫骨海南雞飯，另外再加左一塊香茅豬扒，等左大約5分鐘就有得攞。個飯份量好大，海南雞都俾咗好多舊。隨餐附送嘅除咗有餐湯，仲有一包泰式甜酸汁。海南雞既皮晶瑩剔透，咬落爽口，皮下脂肪少，雞肉十分嫩滑，好高質。油飯方面食得出有椰香味，飯唔會太冧，軟硬適中，配埋薑蓉一齊食好正！！！香茅煎豬扒亦都好大塊，脂肪唔會太多，食落有肉汁，而且價錢唔算貴，值得一試。整體黎講今餐都幾滿足，尤其係無骨海南雞，食落香而不膩，皮爽肉嫩，絕對值得大家去試！！！

天氣熱 就好想食啲清爽既野食係apps見到附近新開左間海南雞專門店望住啲相就覺得好吸引一於試下鋪頭位置有點難搵 入到去商場地牢係百佳側門出去就見到餐廳主要係外賣 Menu亦都好簡單 主要係唔同煮法既雞仲有套餐添 幾抵食而餐廳既然係海南雞專門店我同朋友都當然要食海南雞飯啦落完order企埋一邊等 見到一隻隻掛係度既雞 好飽滿 好靚我今次叫左海南雞飯（有骨）$40x2飯餅本身有枱 唔會將啲汁同飯撈埋好幸運地係雞脾肉 雞肉特別滑而且肉啱啱熟透 唔會韌底仲有啲青瓜 索晒啲汁勁好食另外仲有碗湯好足料 有雞腳 瓜 玉米🌽朋友都話好抵食 下次可以試下其他雞呢間海南雞專門店 真係又抵又好食啱晒lunch time返工食 放工買返屋企當晚餐

屋企人話營豐幾出名我發覺原來公司附近有一間就買返唻一齊食喺東匯坊搵咗好耐原來鋪頭唔喺東匯坊大門入面喺鰂魚涌街地面入口位置收工時間都幾多人排但呀姐同街坊講可以打定電話order再落唻拎咁就唔洗等了食物種類大概就係呢啲細鋪唻講選擇都幾多最重要係燒味鋪最怕唔衛生因為味咁濃未必食得出但營豐嘅鋪面相當整潔氣味都好清新海南雞終於明點解咁多人排肉嫩皮薄唔肥有雞味比好多堂食鋪都好食$85有半隻最精彩係附送嘅配料酸辣醬 甜醬油 同薑蓉生色不少而且份量充足送飯一流

想像中的雞飯 是： 雞要滑，肉質軟，有少少jelly. 飯叫油雞飯，有雞香味。醬有蒜香辣椒，甜醬油。配菜一定要有黃瓜。吃到的卻係：一個都不符合上面。唯一亮點餐湯夠熱，夠味。

今日因為工作原因要叫外賣，就係工作地點附近求其搵咗啲嘢食。間餐廳淨係做外賣生意，門面較為唔起眼Menu$45食到個海南雞飯算世間少有仲有幾個例湯選擇可以揀除咗海南雞飯都仲有其他原隻雞或者係餸可以買，店舖望落乾淨企理驚唔夠食要多咗塊黑椒雞扒，都係$15，超平好快就拎到外賣5分鐘都唔使豐富嘅一餐油飯嘅份量都幾多，而且唔乾無骨海南雞食得方便，雞肉都算嫩滑雞扒方面，冇乜肥膏，皮薄，不過黑椒味就唔係特別出例湯仲有湯渣，有冬瓜、雞腳、薏米。價錢咁平算係滿意嘅一餐

經朋友介紹話呢一間新嘅海南雞飯又抵又好食，今日出去開會經過鰂魚涌就一於去試吓，雖然位置有少少隔涉，但係最終都算比我搵到，其實就係喺通往鰂魚涌市政街市嘅橋底。小店只提供外賣，除了有招牌海南雞之外、仲有花雕雞、藥膳雞、口水雞.....等等，總有一款啱你口味！價錢亦都大眾化，唔洗$100就有半隻雞，下次可以買嚟屋企加餸。我今日就揀咗最方便嘅外賣一人前，當然就要試一試佢嘅招牌海南雞油飯，除了主菜仲有好多唔同嘅小食揀，有豬扒、雞扒、豬頸肉....特色D仲有紅油牛肚、泰式豬腳。我就選擇咗加$15香茅煎豬扒，份量都算大塊，煎得幾香口，用嚟送飯一流！啖啖無骨嫩雞，油飯煙韌鬆香，唔會過份油淋淋，唔加醬油都夠晒味道。呢道嘅例湯日日都唔同，不過天氣熱辣辣都係飲罐可樂先，鐘意呢道附送嘅Mini可囗可樂，又可愛份量又啱啱好！

同事介紹了這間在公司附近的外賣店，地點在東匯坊的超市旁邊，地點不算難找餐廳只做外賣的，主推是海南雞飯，但除了海南雞飯也有我最愛的咖喱選擇我選了咖喱豬頸肉飯，還送老火湯，十分適合我們這些常缺湯水的年輕人老火湯天天不同，一星期買多過一天都不怕悶櫥窗亦都放了所有餸菜，感覺乾淨，見到可以單買整塊雞扒或豬扒只售$15，忍不住買了一塊雞扒和同事分享加餸咖喱豬頸肉飯 - 餸和飯是分開裝的，十分企理。老火湯是冬瓜湯，十分清甜！每一件豬頸肉都很大塊，而且十分腍。咖哩汁吃得出是重香料而不會很辣，非常惹味！豬頸肉份量很多，有吃不完的感覺黑椒雞扒 - 回來整熱才吃，肉質算滑而沒有雪味！可單買是用來加餸的好選擇！餐廳真是抵食夾大件，要吃外賣必定再來試試其他款式

公司附近一家主打海南雞的小店，偶爾午餐時段都會和同事買外賣。位置在東匯坊外圍，也不算難找。這天等了約5分鐘外賣已準備好，非常有效率。無骨海南雞飯配有特色醬料，另外買飯送例湯或飲料。另加$15加了一塊雞扒。海南雞雞肉嫩滑，去骨後吃起來很方便，連雞皮吃也不會覺得太油膩。油飯油而不膩帶香，飯粒分明有口感，配雞肉一起吃口感豐富。另外$15雞扒超級大塊又抵食，外面煎得惹味香脆，調味也剛剛好，小食超值之選。小店除了飯盒外還可「斬料」，各款配料看起來都很吸引。整個午餐也只是$60，兩個女生甚至可以分著吃，可說是抵食夾大件。

今日放假，本來想約朋友出來吃頓午飯，可惜天公不造美，而且還不停下著滂沱大雨，只好放棄計劃。不想整天窩在家裡，決定獨個兒到附近商場逛逛，順便買個飯盒回家吃。 記得鰂魚涌街開咗間叫「營豐」嘅海南雞專門店，店舖有飯盒同小食等供應，反正未幫襯過，一於試下 。這裡的飯盒價錢唔算貴，由 $32-$48 不等，而且選擇非常豐富，一共有 9 款，除了招牌海南雞飯，仲有走地文昌雞飯、海南鹽水鴨飯、香茅煎豬扒飯等。叫咗盒招牌脫骨海南雞飯 ($45)，另外再加咗塊香茅煎豬扒。海南雞飯可以揀配油飯或白飯，選了前者。雞件已全部去骨，入口嫩滑富雞味，皮爽甘香，皮下有啫喱膏。另外油飯水準亦唔錯，飯身雖然不算很油潤，但食落粒粒分明，煙韌有咬口。香茅煎豬扒 ($15) 件豬扒又厚又肥美，而且 Size 比手掌還要大，咬落外脆內嫩，吃到豬扒的鮮味和清新的香茅味。見啲加積鴨賣相都唔錯，下次會嚟買隻返屋企做餸。

The rice box was $45, had a generous portion of chicken and a huge portion of rice. The chicken was tender, juicy and well-done, the rice however, despite the big portion was almost tasteless although it was bright yellow. Rather disappointing, but the chicken was really good, my suggestion is just to get the chicken on its own.