營豐海南雞專門店 (已結業)

It was a busy day. As I could not spare time to go to wet market, I bought half a Hainan chicken from this shop for convenience. With some steamed vegetables and white rice, we had a simple and quick dinner. The Hainan chicken is well cooked with good flavour. The meat is tender and tastes well with ginger and spring onion sauce and seasoning. Half a chicken only costs $88. The portion is adequate for a family of three. It is a good alternative to dining out.

行完山經過這間海南雞專門店決定買食物回家加餸。這店除了招牌海南雞和文昌走地雞，還有嘉積鴨及其他小食如豬手及雞腳等。雞吃得多，便買半隻鹽水嘉積鴨試下。嘉積鴨原來是海南4大名菜之一。營豐秘製鹵水有味咸，鴨皮薄，脂肪少，肉嫩味香，特別是鴨胸肉厚最好味，營養價值高。半隻百多元大大碟好抵食。

最排喺鰂魚涌返工，發覺呢到嘅餐廳普遍都平靚正，而且選擇好多，唔會迫埋幾間店又要等好耐去排隊買野食。今日放lunch，就揀咗喺公司附近一間食海南雞飯的餐廳買外賣食。睇一睇餐牌真係好抵食，呢到嘅外賣$30-50都可以買到，而且仲會送汽水或者時令老火湯，啱哂成日ot好少返屋企食飯嘅我。我點了海南雞飯$40，雖然有骨，但就可以食到我鐘意嘅雞翼～油飯好香雞油同黃薑味，不過太多飯食唔哂有點浪費，下次都係記得要少飯就ok。而且雞肉下面有醃蘿蔔，解決太油嘅感覺。

今日起鰂魚涌嘅office番工，因為近月臨近月尾加上有好多野做，於是決定搵間平平地嘅外賣店買番office食。Openrice見依間鋪好似幾平，又多款式簡，lunch set大概三、四十元，對附近嘅上班族嚟講可以話係平價之選。見佢寫明係海南雞專門店，就叫咗個無骨海南雞飯食。招牌脫骨海南雞飯($45)個飯份量超多，女仔建議叫少飯，個飯好重雞油同薑黃香味。d雞大部分係雞胸，全部都好嫩好滑，雞皮亦都好爽口。d雞下面有d醃蘿蔔，酸酸地幾好食。我同同事為食，所以另外叫咗炸雞球($30)諗住做小食。點知一打開個碗即刻嚇親，個份量超級多，放滿一碗，完全係俾人買番屋企做餸。懶煮飯/冇時間煮嘅打工仔收工可以買嚟做餸。

今日去左鰂魚涌做野，Lunch time既時候同事帶左我去營豐話呢間既海南雞大件抵食之餘，仲好嫩滑juicy講到咁吸引，就決定跟佢去試下小店位置唔係大街，唔係地頭蛇都真係難d知道雖然係外賣小店，但都keep住有人黎買同事話呢到既香茅豬排飯都好值得試，但一場黎到，我當然係要左最出名既海南雞飯，要左油飯，仲有個例湯見到佢仲有d小食都好似好吸引，於是再加左5隻鹽香雞翼咁多野食先係60蚊，真係超抵食返到office打開顏色超靚，海南雞睇落好鮮嫩juicy，食起上黎仲好嫩滑，果然冇介紹錯油飯食落唔會覺得好油膩，粒粒分明既黃色，真係好開胃雞翼隻隻都好大隻，睇到都流哂口水本來有少少膽心雞翼會好咸，但食落一d都唔會咸，反而好香最後飲埋個例湯～夠哂滿足

想搵到好嘢食，梗係要周圍去啦，今次嚟到鰂魚涌搵食，去咗一個之前未去過嘅商場，商場入邊唔算多餐廳，但最得意嘅係商場外面竟然有一間海南雞專門店。我對小店都有點私心，見到呢啲咁隱蔽嘅小店都好想去試吓，雖然佢係一間外賣店，但係見到個價錢牌，真係唔好諗咁多快啲去試吓先。今日得一個人食嘢，所以揀外賣都幾好，揀咗一個招牌脫骨海南雞飯$45，同埋鹽香煎雞翼$20/5隻，雞翼普遍都幾大隻，呢個價錢十分之抵。特別欣賞嘅係海南雞飯，一打開蓋，已經聞到香噴噴嘅雞油飯未，我本人覺得，食海南雞飯一定係冇骨最過癮，所以果$5係值得比嘅，雖然就咁食飯已經好好味，但係老細應該覺得香港人食雞飯應該要有薑蔥油，撈飯食確係更加正。另外要一讚嘅係海南雞飯份量好多，如果一個普通食量既女仔應該會勁飽，所以男士們揀黎呢到開飯就最啱啦，同埋貼心嘅老闆放低下邊放咗啲酸蘿蔔，食完少少油膩嘅飯之後食返塊酸蘿蔔感覺清新好多。

鰂魚涌這家海南雞飯還是很好吃的最近一周，去鰂魚涌辦事隨心試了一間外賣店<<<營豐海南雞專門店>>>吃了才發現味道不樣它的海南雞很有正宗風味伕質鮮嫩之外雞皮天是滑到不行特別的醬汁更令人開胃===============還能點一些小食一起外賣我見今天的雞腎還很不錯叫了一些來吃味道濃香，彈牙有咬口也算很合意！☺☺☺☺=================每天還會送不同的例湯今次是西洋菜湯，例牌的老火湯味道OK================

店舖位置在東匯坊百佳旁的門口，一出去就會看到。下午茶時段非常著數，可惜我遲了一點點。香茅豬排飯飯可以選油飯，喜歡這家的油飯沒有太多油，外面的餐廳試過吃到最後看到好多油，這家的飯很健康。豬扒的脂肪分佈不錯，肉質夠軟，香茅味十足，還有點甜甜像蜜汁的味道，好好吃。海南雞飯餐廳主打海南雞，當然要點來吃，吃過豬扒就已經很期待。雞肉有髀肉和胸肉，可以吃到不用部位。雞皮很滑又彈牙，有點像果凍的口感，皮下脂肪很少，太好了不會怕胖。薑蔥味很濃，是飯小偷，光吃薑蔥就可以吃一碗飯。鹽焗雞翼之前吃了兩個飯太飽，雞翼放到冷了，便再用焗爐焗熱，外賣就是有這種好處，想吃就吃不用趕時間。再焗的雞翼都沒有變乾身，鹽的咸味輕輕地調了味，雞翼皮脆內軟，味道一流。

今日午餐嚟到鰂魚涌東匯坊買外賣返公司食，就揀咗「營豐海南雞專門店(邢記)」。店舖係側門，唔熟路的話都好難搵到。店舖只有外賣，冇堂食。廚窗吃到好多選擇，不煎豬扒，雞扒，雞球同雞翼，當然仲有文昌雞同海南雞下午2:00到4:00有下午茶外賣供應，只需$30。今日就選擇咗脫骨海南雞飯($45)。雞油飯美味，脫骨海南雞好滑，好，仲有酸蘿蔔薦底，夠晒開胃。仲有蓮藕花生雞腳湯送，每日都不同湯，都足料。以$45 咁抵食嘅價錢喺鰂魚涌食到個美味午餐，又復何求

呢間營豐海南雞專門店係港島東有三間分店，全部都係外賣。今日試下呢間係喺鰂魚涌東匯坊果間。位置比較特別，佢係唯一一間唔係落地底，係地面鋪，當見到111號同114號行兩步樓梯就到。食物方面，我點了香茅煎豬扒飯 ($36)鋪頭比得好大方，呢度嘅飯量應該有兩碗飯之多，同埋食完第一塊豬扒之後，下面唔係以蔬菜做墊底，而係另一層豬扒，豬扒香茅味唔算重，啱返香港人口味，另外有少少泰式醬汁喺面，就算外賣拎返去食，都唔會浸到豬扒淋晒。跟餐有埋蘿蔔中湯，唔會感覺重味精，以呢個價錢來講，性價比真係極高。另外，我再叫多左塊黑椒雞扒 ($15)，原本以為小食通常都好細份，但係塊雞排亦都係大大件🤩，小店調味偏向輕口味，所以平時食黑椒雞扒怕辣嘅朋友仔，都可以叫呢個黎食。

今日要趕工 係附近買個外面返去食 有骨海南雞有得揀有骨無骨 我見有骨平就揀有骨 可以改跟黃油飯雞件都唔少 唔係超滑但都ok 下面典左醃左嘅蘿蔔 都幾好食 又跟埋個湯夠晒抵唯一有少少失望係佢唔夠熱 返到公司又要轉落碗加熱

東匯坊一帶不嬲都多嘢食，今日就嚟試呢間海南雞飯。位置唔算難搵，就係商場其中一個出口隔離。注意: 佢淨係做外賣架咋!第一次食梗係試下佢嘅招牌無骨海南雞飯 ($45)雞肉好嫩滑，有濕度，食落唔會覺得粗糙同乾。味道方面，想老肚d講句，真係雞有雞味。雞肉份量好多，影相見倒得4舊倒，其實下面仲有一層，有成8,9舊，呢個價錢有咁大份真係太抵啦!跟飯仲有個蕃茄雞腳湯。清清地好有住家湯嘅感覺^^ 跟餐加咗份香煎豬扒($15)，大大份認真抵食。煎得幾香，又冇豬壓味。但係可能擺得耐左，食落覺得有d乾。Menu:

今日晏就lunchtime，俾同事放左飛機，於是上網睇下公司附近有咩食。上openrice睇左公司附近有間食海南雞飯就決定試下。去到叫左個無骨海南雞飯+豬扒黎試。個雞肉的確係好正，爽夾滑嫩。咁啱佢畀到雞胸個位置我，但雖然係雞胸，但真係要十個讚，一啲都唔嚡口。至於啲雞皮其實我真係好建議可以食埋，因為一啲都唔有肥膩既感覺。另外每個餐佢都會例湯，例湯雞味好重。如果鐘意食湯渣既會好鍾意。另外，真心推介個炸豬扒。因為平時出面啲炸豬扒會落咗好多梳打粉令到啲肉好 “梅”。但呢間店舖佢既豬扒食無呢個問題，直得推介。另外鋪頭重有好多唔同種類嘅雞飯，大家都可以嘗試下。價錢方面都合理，呢個價錢食到好既海南雞飯非常好!而我下次嘅心水就係佢地既口水雞飯

餐牌有好多款嘢食，招牌海南雞，文昌雞、鹽水加積鴨。飯類有無骨海南雞飯、香茅煎豬扒飯、鹽香雞翼飯。小食有泰式雞腳、煎豬扒、煎雞翼。價錢全部都合理。我買了無骨海南雞飯+香茅煎豬扒，外賣自取。我等左五分鐘都已經拎野食了！無骨海南雞飯，當然無骨啦，雞油香氣撲鼻，雞皮下沒有太多肥膏，而且啖啖肉，雞肉有濃郁雞味，口感嫩滑，雞大概有十件，再加薑蓉，簡直係一流！最底有蘿蔔同甜酸瓜，好味！我跟左油飯， 雖然無咁健康，但係我認為海南雞要跟油飯先正宗。油飯非常香！跟例湯幾足料，清清地！飲得出係老火湯唔係味精湯。香茅煎豬扒， 豬扒邊煎到有啲脆口，好易咬唔會太乾，爽口彈牙，好香。味道剛剛好。無骨海南雞飯+香茅煎豬扒，$60好飽好滿足。

我去到邊都一定要食海南雞，無論去到新加坡、泰國定係香港都好我每個月都至少食一次海南雞飯！所以前日我都特登走咗去鰂魚涌呢一間專賣海南雞飯嘅外賣店舖，門店睇落去好乾淨，而且都見到好多街坊都有買開呢間。而且店舖嘅老闆個人覺得好有禮貌，同啲街坊都有傾有笑咁！餐牌上面嘅款式數量算多，而且全部都明碼實價，佢仲可以一磅一磅咁買啲泰式豬腳鳳爪添！最後我就嗌咗個海南雞配油飯啦！首先講吓佢嘅油飯份量都好多，我覺得都至少有一碗半至兩碗飯嘅份量，食完之後一定夠飽，飯都唔會話好油，值得一讚！而佢海南雞嘅份量睇張相都覺得多啦去骨之餘，而且雞皮唔會太肥，雞肉非常嫩滑而且厚身！