燦記路邊雞海鮮飯店

營業中

休息中

家庭聚會，都係食返啲中式穩陣啲，老人家生冷邊爐任食都係唔多啱既，今晚選擇左佢地以前都好鍾意食而都出名既九龍地路邊雞，順便睇睇佢師傅同手勢有無變先。首先提提，假日真係要先訂位，唔係成班人企哂喺度都幾慘，我地呢日訂左都要等一陣，因為前一張枱未食完，咁個個都熟客仔，老闆唔想得失所有人，都正常既~正宗路邊雞雞始終都係好滑，同味道係一樣，個薑蓉先係精髓，當然食佢都係情意結比較大生炒排骨肉就小左啲喇，不如味道係夠鑊氣先做到既，呢啲地方唔會太易失手求其菜一碟，唔多講🤣燉雞湯佢好多款，我次次黎都介紹人要叫，30幾蚊，係抵飲西蘭花班腩特別講下魚，呢啲走油，又厚肉既班球都小見喇，同埋好多已經無用班鍋貼小唐菜必食，一流，真係好驚失傳紅燒豆腐總結黎講，好仍然有香港情懷既晚飯地方，自己開紅酒又ok, 自己攞啤酒又ok, 老闆又自已四圍幫手招呼客，機乎埋單都唔得閒，通賬下埋單當然唔同以前，但店舖仍然盡力保留美味。

正在變天嘅九龍城，老舖逐一不在，新樓林立。每隔幾個月黎九龍城，就會多一個地盤打地樁，趁現在黎呢度食多d老舖。呢間男友介紹，外面望入去頗有90年代風格，坐底就開茶叫餸。燦記招牌食雞，兩個人叫例牌，夠食，雞胸肉好滑嫰！另外叫左鼓汁蒸鱔同紅燒山水豆腐，應濃味則濃味，應淡味則淡味，份量唔少，蒸鱔剛好熟度，吃起來好肥美，東菇爽滑！呢間火喉好夠，樣樣上碟熱辣辣。眼闊肚窄，好想試埋海鮮小菜 同 蜜糖煎肥牛粒，有機會再戰

朋友帶我地去呢間中菜館, 原以為只係食雞, 原來佢地出名既, 仲有燉湯.  可惜可能差唔多九點先去到, 燉湯只係得番螺片同豬腦, 豬腦真係接受唔到 哈哈, 就叫幾盅螺片試下.好清甜, 入面都有好多小螺片, 係碎上的, $38都唔算差當然有叫佢地出名既雞, 佢入面POSTER寫明, 係新鮮雞, 食落都唔錯蠔仔粥係另一樣推介, 蠔仔大粒新鮮, 份量都多, 好味其它既有金銀蛋莧菜, 炒蜆(唔太新鮮, 海鮮應該唔係佢地主場), 菜莆蛋, 同佢地推介既黑醋黑豚肉 (可惜呢樣反而係麻麻地, 太乾了)

又貴又難吃，$148半隻雞，又淡 肉又霉，啲炒飯$118又貴又少又難食，啲菜又少仲要$68 ，個椒鹽豆腐啲椒鹽只係用嚟裝飾啲豆腐一啲椒鹽味都冇 又係淡而無味，一啲水平都冇。絕對唔值得，千奇唔好買，根本浪費錢，谷氣，擺落口就已經唔想食，永遠冇下次。

Book咗三圍諗住大家開心食雞 點知到咗之後先發現佢哋搞錯曬 有幾批人都book咗三圍 但舖頭職員就以為得一批人book咗三圍 結果大家都無得食原本留曬雞book曬枱最尾食西北風🤦🏼‍♂️

是晚去叫雞，不過無食雞。一個人在九龍城流浪，星期六通常間間爆，食飯無咩好選擇，心諗去燦記路邊雞應該易搵位一點，結果都要等咗一陣。去到路邊雞飯店，雞可以唔食，燉湯就一定要飲。是晚的西洋菜燉鴨腎只售$28，材料豐富，湯都唔錯。涼瓜牛肉勁好鑊氣，涼瓜夠苦，牛肉無落梳打乸，食味自然好唔同。火腩生蠔煲超邪惡，上檯時煲邊好似鐵板餐一樣，起哂泡，咋咋聲。生蠔一煲六隻，食落好鮮甜，火腩相當入味只係略肥～非常滿意的一餐。

星期曰，大聚餐，去左九龍城，呢间，有名大家叫，雞係必食嘅～雞- 淨睇相，就知好味，又滑有雞味小炒- 正正常常，夠哂有鑊气！不過有小小油，同重口味，呢類鋪頭，係正常嘅，加支汽水啤酒，ok la~

來到九龍城食野，好多人會想起泰國菜同潮州菜。我每一次來九龍城，也是朝著這一個大方向尋食。不過，這一次於中午同同事來到九龍城工作，我們首先想的，當然是泰國菜啦，但當我們泊好車之後，在我們面前就有一間老牌的粵菜館，名字怪怪的叫做《路邊雞海鮮飯店》，我說，不如就近吧，二人就推門而入，品嚐 "路邊雞"。 這是一間老牌的中菜館，地方古舊，菜式也古舊。舊式服務沒有餐牌，一切都貼在牆上面。在牆壁上，我們除了看見招牌的路邊雞之外，當中也有不少古古怪怪，亦令人感覺非常邪惡的菜式，其中一個看起來很吸引的，就是九轉大腸了。 九轉大腸，，也就是一碟豉油王蔥爆大腸，豬大腸，極之肥美，入口煙韌香滑。腍腍的，帶暮該有的羶香，一件腸可以幫你食好幾口白飯，是嚴重的香口，嚴重的好味，也嚴重地邪惡。 我們兩個男生，當然有幾邪就食幾邪，炒一碟清菜也許會很寡，於是我們又邪惡一點，來了一個臘味炒芥蘭。更邪惡的，就是這一碟東西的臘味基本上是多過芥蘭的，有齊三種臘味，油香味十足，芥蘭亦非常之爽甜，惹味。 最後，就是押在招牌上的路邊雞，我們叫一份側牌，但剩下的例牌不夠一份，店方問我們要不要下欄。雞心雞腎這些東西，其實很少機會在一般的

星期日晚屋企人出街食飯相約在九龍城路邊雞，好彩訂左位咋，七點去到門口都排左幾檯人，好快就順利入座。不過原來好多菜式都賣晒喇，最想食嘅雞什賣晒陳腎湯豬腦湯豬肺湯都賣晒...叫左半隻雞，好新鮮配埋d薑蓉好正，狂風掃落葉就清晒。蒸蝦飯好好味呀！熱辣辣好香蒜味，d蝦都唔錯，有6隻左右。銀魚炒菜心，比想像中好食十倍，銀魚好香脆好惹味。炸大腸就麻麻地，凍左所以唔係好脆，如果熱d會好食好多。呢個鱔最唔好食，唔惹味。寫嗰時話鱔片，張相又係鱔球，以為冇骨啦，點知係有嘅黑醋骨就不過不失啦，冇咩特別，唔叫都得。

久唔久就會幫襯路邊雞，真心鍾意佢哋嘅廣東小菜。九肚魚，牛柳粒，炸鮮奶，炒斑腩⋯上菜快，價錢又合理！好適合一大班人開心聚！至於服務，就當然係非常一般啦，不過嚟得呢D老字號，都預咗㗎啦！

要講九龍城食肆 ，大多數會想起泰國菜，其實有一間飯店屹立數拾載，仲陪伴著幾我的童年，今晚就相約二家姐一同舊地重遊回憶兒時味道！路邊雞就當然以白切雞為主必食之選肉質鮮嫩仲好有雞味，重點係不靭不鞋口，仍然保持童年時曾經食過味道，係回憶味道！雞內臟現今講求健康好多人都怕怕，不過爽口的雞腎，脆口的雞腸，軟香的雞肝偶爾一餐問題不大，食左先算！豬大腸要用新鮮先好食有咬口，現在都幾難食到！好清甜特別一提，其實路邊雞最出色係燉湯，我最喜愛川芎白芷燉豬腦湯，唔鐘意呢款仲有好多清潤或者滋補湯水可以選擇，都係個句美食當前偶然一餐算吧啦！

黎到當然唔會只食雞，突然想食下海鮮，就叫多兩味基本野，先講蒜蓉開邊蝦，伙記話$198/海中蝦，但上到枱見到比手指要細既所謂海中蝦得六隻，當中仲要有兩隻係'梅'既；另外叫左焗蠔$118，唔知呢道係咪用流浮山縮水蠔而唔係其他舖會用桶濠關係，上枱只見到同M記麥樂雞差不多細既size,都係得六隻貢多，最後結論食到一肚氣飽哂！！！

睇完戲都好夜，成11點，諗唔到去邊，朋友就車左我去九龍城，話一定有野岩食！望下望下佢見到呢間「不如食呢間！佢收夜！」入路邊雞就當然要叫雞啦！ 2個人叫左半隻沙薑雞，再叫飯share食。雞果然出色，肉質鮮嫩，唔靭仲好滑、唔會好肥。雞肉好入味，再點沙薑食好正。埋單$1xx

這店我自小已經常光顧，至今有數十載了。必叫的路邊雞水準保持，金黄色的雞皮和白色的雞肉，入口又滑又腍又香，真的色香味全。新鮮雞什包括肝，腎和腸，黄油雞肝好腍好香，唅在口腔內有食鵝肝的感覺，雞腎亦爽滑完全唔硬。但係如果想食雞什最好預訂，因為雞什每晚只賣三幾碟。魚腐是自家每天新鮮做的，好軟滑可口。蠔仔炒蛋，蠔仔好肥美，蛋也炒得好滑。此外值得一讚的是鮮蝦荷葉籠仔飯，飯炒得乾身有陣陣荷香，加上鮮蝦的甜味，甚有口感。

平時在九龍城番工都會叫外賣,有一次想叫件雞扒碎上佢唔記得左都無乜所謂但今次真係有點兒過份,其實食物質素並不差,但真係希望在外賣方面有點改進今日我叫左個咸蛋肉餅飯,回到公司後,一開飯盒竟然整隻咸蛋唔見左!!!會唔會有一點過份呢?會唔會咁唔好彩呀!!真的很嬲