燦記路邊雞海鮮飯店

營業中

休息中

同家人去晚飯, 去到7點, 本來話冇位, 後尾又話有, 不過要準時8點夜檯. ok !叫左 :薑蔥霸皇雞半隻 - 奀之之, 仲係凍的.竹笙魚肚浸勝瓜 - 好細碟, 一人一條勝瓜(我地5個人)已經冇哂咁滯.粟米斑塊 - 過得去螺頭燉湯 - 廿幾蚊真係唔多抵, 螺頭有d腥, 仲有沙.土魷肉餅 - 過得去本來叫煲仔飯, 不過話要成9個字先出到, 又話我地8點要交檯, 唔肯同我地落單.招呼麻麻.

放工又來這裡飯聚 來了幾年 間唔中到九龍城搵食 中菜小炒必選燦記或鳳華燦記砵酒焗生蠔$78 幾肥美汁好惹味 必食 燉湯$20 也不錯招牌路邊雞半只$98 麻麻地 無雞味肉淋巴巴 通常唔叫 但蔥油卻OK其他小菜~1.砵酒/京都/醬爆骨 $48或以上 味道係唔差肉質香軟 2. 蒜茸蒸開邊蝦$68 都OK 汁好味3. 炒蜆$38 平, 但唔夠鑊氣4. 花膠北菇鵝掌煲$88 都OK基本上食得過 去多幾次 知道可以叫咩心水菜留意尼道碟頭時大時小

終於都識得分九龍城兩間路邊雞了。叫鳳華的在龍崗道, 大間, 大碟, 但冇咁好食。而且, 拼雞什, 要加錢。叫燦記的在城南道, 近舊機場多啲, 細細間, 細細碟, 但好食好多, 又有燉湯賣。今次喝的是嚮螺湯, 螺肉多, 味道濃, 個人覺得好抵飲。例牌路邊雞拼雞什, 就真係細碟得滯, 好在還叫了砵酒焗生蠔, 味道也ok。如果你係想食得好飽, 雞, 宜叫半隻以上吧!見到菜牌有滑蛋炒豬腦, 咁有趣, 下次應該可以試吓。臨走前, 竟然見到最近話題人物鄭融進來, 一個不知是朋友還是家人的男士早已叫了食物等她。坦白講, 她走來的時候, 我真的以為是菲律賓人 ........ 不過, 看清楚便知是她了。難得最近那麼多新聞, 也沒有影響她的心情, 也沒有造作地戴甚麼黑超, 只是有意識地背著其他客人坐 ..... 當然, 大家都認得她了。我留意到他們叫了芝士伊麵, 這個大概也是招牌菜吧? 下次試試啦!

Fresh chickens are hard to come by these days in Hong Kong, so the easiest way to find one is to go straight to chicken specialists who pride themselves for using nothing but fresh chicken. When I walked into the counter at 燦記路邊雞 and asked the chef, he guaranteed “全部都係新鮮雞,無新鮮雞唔賣!” Neat! Exactly what I wanted to hear. But using fresh chicken is only half of the battle, as it doesn’t necessarily mean tasty chicken. Does 燦記 prepare it properly to respect the ingredient?The regular order of 招牌路

住九龍城交通方便,買嘢方便,樣樣都好,就係開飯比較悶,打開九龍城的Openrice list 九成係泰國菜...............魚露味聞到都悶!所以星期六朋友們開飯選了燦記,支持港式料理!燦記地方也算寬落,大排檔格局但有冷氣,衛生也算ok,伙計做事也爽快.好.....開飯!1)燉湯(南北杏猪肺湯)好少飲猪肺湯,因為自己洗好麻煩,外面飲又怕唔乾淨,但今次這個湯做得幾好,又夠味,飲落去好潤,猪肺也洗得乾淨.2)招牌路邊雞上枱時嘩着.好大一隻雞,.小弟食雞好少落醬(健康啲痳),食落雞肉也夠味,只係隻雞肥着啲,都唔知隻雞生前食咩,又肥又大隻3)芝心蝦丸將鮮蝦打成蝦膠,內包一粒芝士後炸,食落外層香脆,蝦肉新鮮彈牙,小心芝土哦,有點煬口,呢道菜可以推介俾大家,好味!4)腐乳通菜炒到剛剛好,又入味,通菜炒得唔好,火喉唔夠就好似食草咁,呢度可以放心叫來食.5)荷葉蝦蒸籠仔飯上枱時以為飯會蒸得好湿,原來自己赖醒飯乾身,滲入了蝦膏蝦汁,非常鮮甜好味,原來這味餸的主角是飯而唔係蝦!6)海鮮賽螃蟹港式京菜,好奇怪的組合,上枱時係淋紅醋而唔係淋淅醋,呢味餸只能叫蛋白炒海鮮,師博!你食過賽螃蟹未呀?...

1997年好友前往澳洲定居，臨走前和她在燦記路邊雞食飯。十一年後，她重臨香港探親，趁她即將返回澳洲，要次重臨舊地。路邊雞 (例牌)雞肉夠滑，但雞味欠奉，比十一年前差很好多，不過呢個年代不能太苛求了。黃金蝦做得算幾好，稍嫌唔夠香。荷葉金腿蒸田雞估唔到最正係呢味! 田雞吸左荷香及金腿味，非常鮮甜。燉湯兩盅 燉湯足料，價錢平，抵食。此外奉送甜品兩客總括而言算幾抵食。寄語好友，食多些美食，便會忘掉不快事。"...已失去不必痛楚.."

一行十人，黎呢度食晚飯。叫了十個菜：1) 路邊雞半只$98 (無食)2) 醬爆骨$48 (好好食！好好送飯)3) 砵酒焗生蠔$78 (味道一流，D蠔又大只)4) 麒麟班片刻$78 (D魚好滑，但金華火腿太咸)5) 蒜茸蒸開邊蝦$68 (麻麻地新鮮)6) 西檸煎軟鴨$48 (無食)7) 鮮魚湯五寶蔬$48 (幾唔錯！)8) 炒蜆$38 (差！先煮後炒，無鑊氣)9) 煎蠔餅$38 (差！一D都唔脆)10) 花膠北菇鵝掌煲$88 (OK)叫左七個飯。呢度的餸菜都算幾多選擇，我地都食得幾開懷。唯一NO GOOD 係個廁所好得人驚！(你明啦)每位芥錢$6，佢收我地九位。呢餐食左$728

order左半隻雞，一隻$180／半隻$98／例牌$58 . . 一隻實在太貴了佢標明話係新鮮雞，但一d雞味都無~!-蠔餅$38 , 蠔夠大粒，抵食-椒絲腐乳生菜，幾好味-黃金蝦，好味見到好多檯都嗌炸脆奶，應該會幾好味，同埋可能而家出面唔係成日食到。地方比較迫，價錢平。總括: 都食得過!

今日行了一整天街, 最後由sogo 對面搭了程車走到好耐無去的九龍城, 那兒真係變了很多, 好多泰國食品店變了做餐廳, 而且人流比舊年旺了很多, 幾乎飯市間間鋪門前都企滿等位的人潮.今晚再次光顧此店, 好彩我們2人6:30 已到達, 當時只係3-4台客, 我們叫了2人餐148.00 , 免茶免加一免小食錢, 3個送任選48.00 樓下的小菜or 可算預先set的菜式, 最後我們算了例牌要吃的路邊雞XD , 沙爹粉絲中蝦煲, 香煎比目魚(呢個抵吃價值58.00如餐牌價) ....菜式話咁快就上齊, 而且絕對熱辣辣我們還加了2個燉湯, 因套餐叫燉湯18.00 , 第2份只係半價9.00.路邊雞, 都很滑, 而且很有雞味, 比起上次去"泉章居"吃的美味很多.... 薑蓉更是絕配.沙嗲中蝦粉絲煲, 味濃, 中蝦份量都多, 但此味菜對我來說就普通了一點..香煎比目魚, 這度菜菜牌是58.00 , 但由於set內有此菜式所以不用加錢, 煎出來很肥美而且很脆身, 小朋友吃也不怕, 無咩骨同銀雪魚差不多, 但口感比銀說魚更肥美....呢個值得一吃再吃燉湯選了海底椰豬展燉湯, 懷山紀子燉雞腳, 2個燉湯

住了呢區咁耐, 今日終於第一次食-_-", 一行4 人0黎晚飯, 等了15 分鐘先有位, 入到去係戰場一樣, 又迫又嘈, 十足澳洲牛奶公司... 不過無所謂啦, 叫了5 個(食送), 再一人一個燉湯, 整體質素唔錯, 好大排檔風味, 食得滿意又食得飽飽:- 燉湯: 我要了花旗參燉竹絲雞的, 夠晒足料, 飲落甘苦又唔會好油, 唔錯.- 金牌路邊雞半隻: 其實即貴妃雞, 另上兩碗蔥油用0黎蘸... 0係門口見到d 雞吊晒0係度, 已覺得會好得, 食落仲得-- 新鮮雞的味道, 肉極嫩滑(連雞胸都好滑!), 隻雞夠肥, 雞皮下面仲有層透明jelly, 食得過癮! 仲有蔥油, 又係成碗都係油, 不過非常之香, 蘸雞/送飯都一流! 推介!- 花膠海參一品窩: 係sizzling hot 的, 聞落好勁蒜子味, 好香! 入面有花膠, 鮑貝, 海參, 鮑螺片, 冬菇, 蒜子加生菜底... 咁多樣0野以鮑貝同冬菇最好食, 鮑貝極鮮甜, 冬菇好入味, 好得! 蒜子都唔錯, 味道濃烈, 食完個口好臭, 哈哈; 反而主角花膠同海參一般, 好在幾爽.- 椒鹽白飯魚: 炸得好乾身, 不過一般脆; 而且一定

點了路邊雞, 好滑, 有雞味但很細碟. 其他菜也是細細碟, 油份重. 個人較喜歡鄰街的鳳華店.比較兩間路邊雞, 燦記像酒家feel, 鳳華則像大排檔feel.

昨晚同老婆去食，水準OK啦，可能無叫到海鮮或其他招牌菜。入去有D似大排當茶樓格局，一班人去食氣氛都唔錯，兩個人唔想被煙攻和靜D就難。叫左個路邊雞例牌，OK啦，而家D雞都唔期望會有乜嘢雞味。肉幾滑，皮爽脆，質素與華香雞差不多。另外叫麻辣豬耳絲，唔麻亦唔辣，失望。$44一隻蠔汁干鮑，大家唔使試，夠淋但無乜味道，蠔汁做得去肉酸。煎蠔仔餅就OK，蠔仔好大隻，並非特別好食也不難食。總結：沒有什麼特別吸引的地方，應該不會再去。

2/9同左班同事去左呢度食晚飯,因有同事想食雞,所以就搵左呢間,我地6個人點左8個菜.1./雞一隻....< 好味>2./開邊蒸蝦....< D味好香好好味>3./蒸扇貝....< 又係好好味,不過要一早打去問有冇扇貝>4./蒜蓉炒油麥菜....< 正常味道,冇等別>5./肉鬆欖菜抄四季豆....< OK啦>6./三拼...炸奶=>正/炸大腸=>一般/炸芝士蝦丸=>好味,不過要小心熱,蝦丸入面既芝士差D熱死我....7./炒蟹....< 都唔差>8./椒鹽牛仔骨....< 好香,但份量少>總括黎講都好味,價錢合理,我地每人都係一百蚊多D ,都算抵,話晒都食左好多野同好飽,所以我都諗住會再去,不過發現原來呢度都有2間路邊雞,我去開個間就叫燦記路邊雞,另外個間就唔知叫鳳X路邊雞,原本係唔同老細架,以前仲以為一樣添.

很好~! 服務好, 招呼週到.大班人, 18個, 去慶祝生日.唔知食乜好好, 個待應就幫我地諗,叫o左個12 人餐\, 但, 全部加大,所以碟碟都好大份.隻\"招牌路邊雞\"真係好食, 好滑~! 唔錯.豬仔脾亦都唔差.芝士尤魚就冇想像中咁好...可能唔夠芝士o瓜抵讚~!!!!

第二次來九龍城，當然又試第二間野食喇；本來想打邊爐，一來好熱，二來唔記得同事講話邊一間好食，所以是是但但揀一間．哩度係酒樓既格局，都有八成人係度食，慶祝黎緊新一年既來臨．我和男友，叫左三樣野：－一．ｘｏ肉鬆生菜包－有肉，金菇菜，秀珍菇，雲耳，冬菇炒為一碟，用生菜包黎食，都幾好味；不過我估用西生菜會好ｄ．二．路邊雞（例牌）－雞肉好滑，加埋薑蓉，正．三．魚肚蛙蛙菜湯－不過不失，普普通通．後來，每人送一碗紅豆沙，煲得都幾”棉”．