影片
港鐵尖沙咀/尖東站 L5 出口, 步行約2分鐘
繼續閱讀
電話號碼
23761001
開飯介紹
尖沙咀時尚印度老店，餐廳充滿現代印度風情，環境優美，設落地玻璃及酒吧，十分開揚。選用正宗印度香料炮製傳統菜式，如牛油紅茄燴雞肉。
繼續閱讀
營業時間
今日營業
12:00 - 15:00
18:00 - 23:00
星期一
18:00 - 23:00
星期二至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
今日同朋友嚟咗尖沙咀食印度菜😳呢間餐廳已經喺香港開咗50幾年，係一間好傳統亦都好出名，拎埋米芝蓮嘅餐廳，真係未食已經好期待🙌🏻🙌🏻聽講呢間餐廳長期都好爆滿，想食嘅話一定要訂枱！！今次呢個Tasting Menu有好多菜式，以下精選咗其中幾款推介俾大家💕💕蟹肉Taco印度香料突出左蟹肉嘅鮮甜，餐廳用Taco嘅形式嚟上菜，打卡靚之餘，亦都唔會食到好論盡羊肉餅羊肉冇臊味，食落唔鞋口好滑，香料辣得嚟好香口，好特別Kadai Prawns望落有啲似咕嚕肉，食落酸酸甜甜好開胃，送飯一流黑松露奶油雞好香黑松露味，隻雞好嫩滑，啲汁超Creamy，用嚟點Naan/撈飯食，真係好食到喊出嚟😭我哋食咗好多塊🙌🏻🙌🏻草莓Yogurt最後我哋叫咗杯乳酪嚟做ending，酸酸甜甜，解膩一流人均$500就可以食到有50年傳統、米芝蓮級數嘅印度菜餐廳真係好抵食
繼續閱讀
位於尖沙咀的「爵樂印度餐廳」是香港數一數二正宗又好食嘅印度餐廳，自1972年開業到現在已經超過50多年歷史，而且更曾經獲得米芝蓮推薦，餐廳環境優雅舒適寬敞，而且每晚都有歌唱表演，氣氛滿滿，而且提一提大家想食記得要訂位，因為常常爆滿 🛕🪔▪️酥炸菠菜配洋蔥蕃茄沙沙伴薄荷羅望子醬 $ 138超特別的頭盤，炸完嘅菠菜香口酥脆，配上特別醬汁，酸酸甜甜香口酥脆又開胃▪️南印度烤帶子拌茄子菠蘿果醬 $ 148帶子烤得外焦內軟，口感好Juicy，最喜歡係茄子菠蘿果醬，美味香甜入口Creamy ，同帶子味道好襯▪️烤珍寶大蝦 $ 268大蝦帶濃濃的印度香料味道，而且非常爽口又彈牙，再加上檸檬汁，食埋佢哋嘅生紫洋蔥，超級好食▪️炭燒三文魚 $ 118三文魚有驚喜，睇外表以為好乾，怎知一咬下去，魚肉非常多汁，加上醃料的香氣，非常入味▪️印度燒雞件 $ 88燒雞件外層焦香雞肉幾嫩滑，而且冇骨啖啖肉，印度香料，味道鹹香鹹香，好味道▪️松露奶油咖喱雞柳 $ 228每台必點，咖喱香濃到不得了，充滿奶油香味道甜辣，雞柳比咖喱包圍超級香滑，面頭的松露醬，令咖喱更加惹味▪️蒜蓉烤餅 $ 48 ｜牛油烤餅 $ 48印度烤餅係配咖喱嘅必備食物，兩個人食一份仲唔夠，Order 咗兩份唔同口味，熱辣辣即叫即做，牛油味就清新啲，蒜蓉就多咗一股蒜蓉嘅香氣同鹹香，就咁食同配咖喱一樣咁正▪️Mango Lassi $ 78只用三種材料，芒果、乳酪和牛奶新鮮即打，香滑美味充滿芒果果香，而且不太甜▪️Mojito $ 108源自古巴的經典雞尾酒，以蘭姆酒、青檸檬、薄荷、糖和蘇打水製成，呢杯夠晒足料充滿薄荷和酒的味道▪️Masala Tea $ 42結尾再飲番杯印度奶茶，味道夾雜好多香料嘅香氣，奶茶香滑我喜歡
繼續閱讀
滿載異國風情的夢幻魔廚常常覺得印度菜是一種很magical 的菜式， 因為於我而言，它不是一種我會常接觸到的菜式，簡而言之，就是帶有一種mystical的神秘感！餐廳的裝潢很漂亮，充滿夢幻的異國情調，整家餐廳像彌漫著一股能令人忘憂的氛圍，能令人心情瞬間愉悅起來。今晚，我們挑了一個50週年的tasting menu， 這樣就可以一次過品嚐所有店家最精彩的菜式！Amuse Bouche - Pani Poori這個印度風的街頭小食是我第一次品嚐， 吃之前先用手拿起 Puri 薄脆球， 在頂端的開口倒入小玻璃杯內盛載的薄荷醬汁，然後一口吃掉！Puri 的口感輕、薄、香脆，內裏的薯仔和豆蓉餡料，混合了薄荷醬料後，多了一抹清爽濕潤的囗感，亦提升了整件小吃的層次！Mango Lassi & Fruit Punch炎炎夏日，沒有什麼比來兩杯由店員親手調製的特色飲品來得令人愜意！ 順帶一提，mango lassi是店家的其中一款鎮店特飲， 值得一試。Appetizers -Malabar Crab Taco這真是一個造型簡潔，尤其適合夏日品嚐的冷盤前菜！ 蟹肉混合了特色印度香料kerala，以Taco的造型奉客， 方便吃之餘 造型亦十分漂亮， 是我全晚的最愛之一！Chicken Tikka這個印度烤雞，是我 最喜歡吃的印度菜式之一， 以秘製醬料醃完雞肉後，再以合適的火候烤成招牌的赤紅色， 剛上桌 已感受到肉香撲鼻， 惹人垂涎三尺，囗水直流！！Lamb Galouti Kabab (served on Naan)碎羊肉經過特色香料的醃製， 吃起來充滿肉香，完全 不會有羊肉的騷味， 師父的功力果真十分深厚。 一口咬下去，羊肉的味道很有層次感， 我最忘不了它那一陣微辣的回甘， 好像吃完後，還有一點點 「捨不得你」的餘香縈繞在心頭，十分滿足。Main Course -Kadai Prawns (圖下右)先講賣相， 濃烈的顏色，一眼便能在火紅夏日勾起大家的食慾。 再談味道， 蝦仁和配菜都充滿著酸酸甜甜的調味， 真的是炎夏一道開胃消暑的美食！Truffles Butter Chicken (圖上左)這個是我全晚最期待的菜式！ 牛油和松露的濃香、 洋蔥和醬汁的香氣包裹著每一塊雞肉， 它就是那種 你一入口就會停不了想繼續吃的菜式！把它的醬汁放到naan上面吃，也是十分搭配的， 選這道菜做鎮店之寶， 真心冇得輸！！Dal Makhani豆！！全部都係豆！！ 高蛋白質、營養豐富的 super food！！ 仲要難得弄得這麼惹味。 順帶一提，這個菜式是不辣的， 但它的味道，層次感頗為豐富， 無論係「就咁食」，或者配naam來吃，都 是一款令人卻十分舒服的主食！Saffron Basmati Pulao Rice這個印度的香米飯，不用多介紹， 用來搭配牛油雞或dal makhani 豆醬都是一流！Masala Tea 吃完味道夢幻的印度菜，來一杯signature masala tea， 瞬間令這一餐變得更完美！！Warm Carrot Cake & Homemade ice cream 很喜歡這個雪糕煙煙韌韌的質感， 去水微熱的紅蘿蔔dessert， 一冷一熱，但難得匹配。好一家滿載異國風情的夢幻魔廚，i like it ！😍
繼續閱讀
今日同朋友傾開，突然好掛住印度菜，於是問咗個印度朋友，佢話尖沙咀有間餐廳叫Gaylord，話佢歷史悠久，1972年已經開業，係一個有故事嘅地方，年紀仲大過我添！一聽到咁有feel，馬上約咗朋友一齊去試吓。入到去，感覺即刻唔同，餐廳佈置好有印度風味，昏暗紅燈營造咗溫馨氣氛，裝潢又新穎，仲有現場live music表演，氣氛真係好正，食飯時心情都relax咗好多。佢嘅設計同音樂一齊，感覺好似帶我去咗印度嘅街頭市集，充滿文化氣息，但又唔失現代感，實在係一個好特別嘅體驗。。我哋今次點咗幾款菜式，食到有驚喜又有滿足感。第一道係草莓配脆米餅 (Berries Bombay’s Bhel) $138，脆米同新鮮草莓一齊，味道清新又帶點甜，配上少少酸甜醬汁，好開胃，食落感覺好似一啖清新的印度街頭小吃。第二道係酥炸菠菜配洋蔥蕃茄沙沙伴薄荷羅望子醬 (Palak Patta Chaat) $138，菠菜炸到脆卜卜，薄荷醬同羅望子醬嘅酸酸甜甜同菠菜嘅鮮味一拍即合，層次感好強，食完仲有種意猶未盡嘅感覺。主菜方面，炭燒三文魚 (Tandoori Salmon Tikka) (4pcs) $198 係焦香又juicy，三文魚肉質鮮嫩，炭燒香味滲透入每塊魚，食落好有滿足感。奶油紅茄燴芝士 (Paneer Makhani) $148 呢個就濃郁得來唔油膩，芝士同紅茄醬完美融合，醬汁濃滑，配飯或者麵包都啱晒。之後係羊肉香料炒飯 (Mughalai Dum Biryani) $188，羊肉軟滑得嚟又有咬口，香料味濃郁，飯粒分明，食落感受到印度廚師嘅用心，實在係一啖接一啖停唔到。麵包方面，松露芝士烤餅 (Cheese Truffle Nann) $68 焦香得嚟又有松露同芝士嘅香氣，松露份量勁多勁濃，每一口都好撲實，配醬料食好襯。飲品方面，我試咗Mango Lassi $78，芒果味濃郁，冰涼滑溜，解辣又解渴，飲落好似夏天嘅一陣清涼風。朋友點咗Virgin Monito $75，呢個mocktail酸甜平衡，帶點果香，配菜食都好啱，感覺係一個唔錯嘅選擇。。整體嚟講，菜式味道正宗又帶創意，份量適中，適合同朋友一齊share。服務員態度友好，見我哋有啲唔明白菜式嘅做法，佢仲主動解釋咗一啲印度菜嘅烹調方法，感覺好貼心。食物上菜時間都快，環境又舒服，尤其係live music，食飯時聽住印度傳統樂器同歌聲，感覺好似去佐一轉旅行，實在係意料之外嘅驚喜。坐喺度食飯真係好享受。。唔知有冇人同我一樣鍾意印度菜？😋
繼續閱讀
超過50年歷史悠久的印度菜，性價比高Tasting menu，一次食多種經典印度菜，怕辣嘅朋友都唔怕，menu中辣嘅菜式都係微辣程度，每晚都會有現場演奏，生日仲會對住你唱生日歌😆，好好嘅用餐體驗👍🏻Tasting Menu🥭Homemade Mango Chutney & Pappadums印度脆片配自家制芒果醬，幾開胃🌿Pani Poori 酥炸麵餅配薄荷汁印度常見街頭小吃，將微酸薄荷mocktail倒入內裡有扁豆，薯仔餡的炸脆球，清爽又香口🦀Malabar Crab Taco 蟹肉印度夾餅：有記憶點，鮮甜蟹肉混入香料兩者味道很平衡🐑Lamb Galouti Kabab 五香羊肉餅：超juicy唔會太重羶味🐔Chicken Tikka 炭燒雞柳：乳酪同香料醃製有炭香幾惹味🍤Kadai Prawns：蝦肉很彈牙，配微酸蕃茄醬送飯一流🐔Truffle Butter Chicken 松露奶油咖喱雞🫘Dal Makhani 奶油香草燴黑扁豆及紅腰豆兩款都香濃，好快清晒，同Naan幾夾😆另外叫的食物：Southern Scallops 南印度烤帶子伴茄子菠蘿果醬：嫩到好似日本生食級帶子咁，同醬好夾飲品：🍊Aperol Spritz：水果味cocktail🥭Mango Lassi：唔太甜有天然芒果味
繼續閱讀
您可能會有興趣的...