爺爺雞飯 (金百利中心) (已結業)

我都唔知銅鑼灣金伯利原來樓上好多食肆。選擇爺爺雞飯試試。7樓都有3間肆， 爺爺雞飯細細間， 目測坐到6-8枱。 入內坐卡位， 可能近廚房， 剛入坐都好油煙味， 坐耐左就唔覺。星期六下午1點幾， 食客一半， 即時有位。點了1）爺爺海南雞飯拼亞參叻沙油麵。$98海南雞飯是此店主打， 但真的好一般。 失敗雞唔算好滑， 油飯唔香雞醬又唔野味。另到此主打招牌餸失色。。 5.7分亞參叻沙油麵雙拼份量少， 麵面有魚碎（好像吞拿魚罐頭）6分。 好一般奇怪有2片菠蘿， 浸左湯， 又咸又甜（雖然菠蘿唔甜又冇味）， 好奇怪囉， 加菠蘿。🤨2） 檳城椰香咖哩雞飯配肉骨茶 。 $88咖哩汁好野味， 配飯一流， 只可惜雙拼餐， 餸少得可憐。 得5粒雞， 2粒紅蘿蔔。 6.8分肉骨茶就讚 7分啱我唔鍾意蒜頭味， 少藥材濃味。飲完唔會一陣蒜味又唔濃。 3) 脆皮叉燒包 $36 7分原來只是叉燒包油炸， 像炸饅頭。食物冇特別驚喜， 價錢就貴。4） 椰汁班蘭冰。$15 （跟餐半價）唔香，一般5） 桔桔 。$11唔桔桔， 一般。總評： 原本有7分 （環境食物服務）， 但以下事件扣0.8分。。。。現只可得6.2分。 😡但

最近香港的疫情十分之反覆,到底何年何日、先至能夠自由地去各地享受一下一個美好的旅程，於是今日嘗試了海南雞及肉骨茶，好好地享受人生.餐廳環境佈置十分之有氣氛充滿了東南亞的感覺.餐廳是利用QR code下單的十分之方便又環保.這個去骨海南雞肉質爽口，加上自家製的醬汁十分之好味道.至於肉骨茶方便也十分知足料、有兩舊大大的排骨，也感受到東南亞的風味.這個叻沙也利用了新鮮的菠蘿，中和了湯底的味道十分味道，感覺十分之濃厚，麵身也十分之爽滑.最後這個多士十分之香脆，感受到東南亞的風情.

今日去銅鑼灣金百利食東南亞午餐，餐廳名叫 - 爺爺雞飯，餐廳地方唔算好大，我哋大概兩點嚟到，過咗午飯時間，可以好快入座。-爺爺海南雞飯拼馬來肉骨茶$88價錢絕對唔算貴，海南雞夠嫩滑，有齊雞翼，雞胸，雞髀肉，非常貼心，一次過可以試晒唔同部位。油飯好香口，一食就知道香料非常充足，飯粒亦都煮得啱啱好。馬來肉骨茶有驚喜，味道屬於正宗派別，藥材同埋香料味道都好足夠，加埋豬肋骨，肉湯味道更為濃郁，真心推介。-新加坡喇沙食喇沙一定係配滲滲，即油麵加米粉，食喇沙rule number one 就係要有一個高質素嘅湯底，呢度完全合格有餘，香，濃，辣，惹味非常，大蝦已經界開咗蝦背，令蝦肉更加入味。-評分 : 7/10

阿媽話想食海南雞飯，上網睇到爺爺雞飯都幾多好評，所以係到食晚飯。餐廳裝修風格有D小清新。薄荷綠色嘅梳化望落去好舒服。牆壁掛左D花束💐、畫框及路牌等裝飾，都幾得意。可以影下相📷餐廳有雙併套餐。兩個主食都係$88-$98到。幾吸引🤩最後選左爺爺海南雞飯併亞參叻沙$98海南雞皮清爽、雞肉嫩滑。配上唔同嘅醬汁有唔同嘅風味。配薑蔥蒜泥醬清爽開胃、辣醬刺激醒神、新加坡醬油濃稠甜蜜。配上香軟的雞油飯，非常滋味。亞參叻沙這是一款夏日清新美味的菜式。菠蘿🍍、檸檬葉、辣椒蕃茄沙甸魚配上滲滲。味道酸甜開胃，令人食慾大增😋三色拼盤$58小菜拼盤菜式有番石榴、蒜香炸豆腐、酸辣菠蘿青瓜。跟主菜同餐廳風格非常配合。顏色漂亮、生果入饌、有益健康。番石榴夠脆夠香。炸豆腐外脆內軟，加埋蒜粒，好惹味。菠蘿青瓜，酸酸辣辣，食下傾吓好快清晒成碟。泰式奶茶$20飲落有好濃郁嘅煉奶香味，夠滑夠甜。椰汁斑斕冰$30斑斕味好濃好香，同新加坡飲嘅味道一樣，物有所值。餐廳整體CP值好高。重有OpenRice pay discount。環境裝修同食物味道好相襯，非常清新開胃。感覺很好嘅一餐😋

今日約了朋友來銅鑼灣逛街購物，先來吃個午餐。於是來到這家在金百利中心的爺爺雞飯，可以吃到正宗的馬來海南雞飯，而且可以使用openrice pay的優惠。馬來肉骨茶熱騰騰，份量較多，肉⻣茶清甜入味，有淡淡的藥材味，配料豐富，有豆卜，金針菇，排⻣等。排⻣肉質軟稔嫩滑，鮮甜入味。爺爺海南雞配油飯有齊三種醬料，海南雞肉質嫩滑可口，煮得入味，清甜可口。油飯有香濃的雞湯味，煙韌而入味，香氣撲鼻，令人吃不停口。馬來沙爹串燒雞肉串燒，即叫即燒，肉質嫩滑多汁，沙爹醬也很惹味。咖央多士香脆可口，夾有牛油和咖央醬等，香甜美味。凍柑桔和椰汁班蘭冰冰凍可口，凍柑桔清甜解渴，班蘭冰味道很有特式，椰汁和班蘭味都很香濃，十分美味。

下班約了友人到銅鑼灣一聚，選了一間樓上舖吃海南雞飯，嚐嚐馬拉老店的秘方。餐廳在銅鑼灣SOGO附近的商場樓上，位置方便。店內以清新的湖水綠色為主調，以QR二維碼下單，方便快捷。海南雞和肉骨茶都是我喜愛的食物，難得餐廳提供雙併選項，讓我一人便能嚐到兩款食物。爺爺海南雞飯拼馬來肉骨茶($88)，肉骨茶非常香，輕嚐一口肉味濃香的湯水，沒有過重的中藥味和胡椒味，肉滲滿肉骨茶的香味，烹煮時間足夠。而招牌海南雞飯更好吃，雞肉量多，無骨嫩滑，雞皮和雞肉中間有層啫喱狀的膠原蛋白。香嫩雞肉加上附隨的三色醬汁--黑醬油、酸辣汁和薑蓉，直讓人想多吃一碗油飯。油飯金黃色，帶有淡淡的油香。泰式奶茶(凍)(+$10)，泰茶特色在於凍飲。橘紅色的奶茶香甜，份量足，喝前可先攪拌一下。夏天喝到一大杯香甜的奶茶，實在讓人很滿足。檳城椰香咖喱雞飯配肉骨茶($88)，咖喱非常香滑又濃郁，微辣，還有淡淡的椰香，與入味的無骨雞件一起吃，可多吃幾碗飯。吃了幾口飯，再喝一口肉骨茶，把各種咖喱的椰香和肉骨茶的骨香推上極致。黃金大麥茶(+$9)，冰涼的麥茶，即使冷凍了，也能呷到麥茶獨有的香醇麥茶香，拌濃味的咖喱雞飯可消滯，有助消化，在夏天

餐廳位於銅鑼灣，鄰近地鐵站，路程只需要三分鐘左右，在這個美食林立的商場之內，這次朋友挑選了一家雞飯專門店，海南雞飯絕對是這間店舖的大作。我和朋友挑選的當然也就是海南雞飯，而另一配搭就是肉骨茶。海南雞飯最重要的當然就是雞和飯，這個海南雞做得真的不錯，香滑又美味，最重要沒有冰鮮的感覺，感覺得當是新鮮製作的，沒有冷藏這個冰冷感。而油飯方面，也令我充滿驚喜，值得讚賞的當然就是不太油膩，但我更喜愛就是內裏香料的配搭。肉骨茶，帶點藥材味道，挑選一字骨，絕對是美味的選擇，補身之選。

金百利商場係我其中一個搵食好地方，因近地鐵站，又有瓦遮頭，唔怕落雨或者曬死人！今晚就去咗爺爺雞飯，因為突然好想食海南雞飯又未去過！爺爺海南雞飯拼馬來肉骨茶（$88）呢個一定要試，因為一次過滿足我兩個要求，海南雞飯，加埋好耐冇食嘅肉骨茶，雞肉嫩滑，仲去埋骨、啱晒我哋呢啲懶人！肉骨茶就好多料，有冬菇、杞子，豆卜、金菇，當然仲有兩大舊肉骨啦！印度薄餅（$48）薄餅略為油了一點，但咖喱汁好味！咖央多士（$32）今晚嘅甜品就係咖央多士，牛油好厚，配埋甜甜嘅咖央，如果咖央可以多啲應該仲更perfect!桔桔（$11）與凍檸茶（$20）叫咗主食加飲品可以半價又幾抵喎！後來才發覺可以用OpenRice pay app有優惠，有八五折，今次蝕咗添！

今日係7月16號 happy Saturday 約咗朋友去銅鑼灣shopping Shopping之前要先e 1 e個肚 喺銅鑼灣SOGO對面嘅金百利中心 見到有間叫做爺爺雞飯 又好耐都冇食海南雞飯 所以就決定上去試吓啦 喺門口見到個裝修都幾特別 幾靚 幾開陽 幾光 入到去坐卡位啦 我哋嗌左個海南雞飯啦 入邊有一碗肉骨茶 有一碗飯油飯啦 有啲四季豆 有油炸鬼 同埋有啲醬汁啦姜戎啊 我另外帶咗個紅棗黑糖薑茶薑茶 另外我朋友就叫咗個香茅豬扒雞蛋蔥油飯 佢配埋個洛神玫瑰花茶花茶 另外仲帶咗個酸莓巴樂1️⃣先講講㗎海南雞飯先 佢個海南雞飯係去骨遮 咁呢就啲肉呢就好滑 同埋呢肉骨茶呢都好有風味 好香好好味 配埋佢個又飯呢 佢d飯又唔會過分油 好正宗嘅海南雞飯2️⃣另外我朋友嗌嗰個香茅豬扒雞蛋蔥油飯 佢嗰個豬扒手掌仲大過個手掌 一啲都唔乾 配埋啲蔥好好味 加埋佢秘製嘅醬汁呢都係好夾嘅

今日到銅鑼灣睇傢俬，有啲肚餓，於是快快手去金百利食完再去IKEA，本來想食果間排晒長龍，見隔離有位，用OpenRice Pay仲有優惠添，入左去試吓。好新淨光猛，服務都唔錯，安排坐卡位，睇menu選左幾款，出奇抵食，味道都幾好，係度同大家分享一下。加央多士一上枱，待應提醒趁熱食，不過我要打卡，所以都係映左一陣先食。勁邪惡，厚厚嘅牛油同加央微溶，配上又脆又香既多士，超好味，有驚艷到。馬來春卷原來係素食，冇乜油，入口好熱，口感超脆，雖然冇肉，但感覺清爽。參巴蘿蔔糕有六件，外層煎得金黃，少少焦香，裏面d蘿蔔粒好爽好甜，混入咗啲臘味粒好香，蘿蔔糕軟硬適中，最重要係參巴醬微微辣，更加香口惹味。爺爺海南雞飯拼新加坡喇沙$88 有2樣已經贏晒，而且賣相都幾靚。海南雞飯唔係hea 做，雞皮同肉之間有層啫喱，係靚嘅海南雞先做到呢個效果。雞肉冇骨亦大件，食落嫩滑而且有雞味，沾上我最鍾意嘅黑醬油同埋姜溶真係好好味。雞油飯重雞油香味，但又不會太過油膩，剩食飯都得。以為新加坡喇沙係配角就錯晒，size 都唔細，湯底色香味俱全，油麵同米粉一齊食感覺更加爽彈有口感。用料都充足，有豆卜，鮮蝦，魚片頭，雞蛋同埋芽菜，冇

今日去開銅鑼灣shopping順便搵食，本身好鍾意食雞飯，就去咗呢間想試好耐嘅，就喺金百利中心樓上，一出電梯就見到大大塊壁畫，好靚好可愛餐廳環境整潔，裝修得幾得意先點了杯薄荷青瓜梳打，好清新又夠解渴，夏天飲一流雞湯菜苗好食，菜苗都新鮮，仲浸到入哂雞湯味爺爺海南雞飯併馬來肉骨茶，份量都好多，雞件好黃油又嫩滑，唔流點太多醬油都好好食，飯有少少香料味，飯粒都分明而飲骨茶都好足料，排骨燜到好嫩又入味，肉骨茶鹹香又夠味，仲要好熱辣辣，而豆卜枝竹都好入味，正啊～

跟朋友相約於銅鑼灣吃晚飯，揀選了地鐵站旁的金百利中心內的爺爺雞飯，餐廳以東南亞菜為主食。店內環境令人感到清新和舒服，店員服務態度很好，我們先點選了這裡的招牌菜式和一些小食。爺爺海南雞配油飯海南雞是這裡的皇牌，不可錯過！雞肉嫩滑味濃，沾上三色味料（醬油、辣醬和薑蓉）帶出風味；配以清甜雞湯和軟綿油飯，非常滿足。咖央多士咖央多士是我必選小食之一，麵包熱騰騰，外脆內軟，配以咖央醬和牛油，啖啖香脆美味。香葉雞香茅味道濃郁，每口都是香滑的雞肉。馬來春卷這份紅蘿蔔椰菜春卷，鬆脆美味。椰汁斑蘭冰每一份主食都可以用半價加配特色飲品一杯，我們另加一杯用正價，要了這款椰汁斑蘭冰，味道清甜，最適合做夏天飲品。溫馨提示：以Openrice pay結帳，還有優惠呢！

今日同阿女出銅鑼灣逛逛，金百利中心食晚飯有好多選擇，新加坡菜《爺爺雞飯》。細心發現《爺爺雞飯》原自1938年馬拉陳爺爺自創獨門秘方，至今已傳到第三代。爺爺海南雞配油飯~海南雞份量都唔少，雞翼都係冇骨，實在太感動，雞肉嫩滑，雞皮爽口，食材選料上乘，油飯一點也不覺得肥膩，一啖一啖食到唔停口，絕對推介一定要揀油飯，這也是陳爺爺的真傳，仲有碗雞湯，認真製作，有菜絲及本菇，味道香濃，食海南雞飯一定配有呢三種醬料：海南雞豉油、辣醬及薑蔥油。新加坡喇沙(滲滲)~賣相已經好吸引，喇沙湯底香味濃郁，材料豐富，包括大蝦兩隻、雞蛋、豆卜、芽菜，仲有數件魚蛋片，滲滲即是有油麵又有米粉，梗係一次過食曬兩款，條條油麵米粉爽滑，掛滿湯汁，非常惹味。咖央多士~香香甜甜嘅咖央醬是新加坡特有，配合厚厚的牛油，的確是非常美味，好滿足。黃金大麥茶~唔甜，大麥茶好健康。檸檬茶(凍)~大大杯。杯杯碗碗全部都是雞主題，好有特色。要讚，店員友善款待。

今日週末同男朋友去咗銅鑼灣行街 夜晚嚟咗金百利呢棟超多嘢食選擇既Building到搵好嘢食 最後我哋揀咗呢間主打海南雞叫做爺爺雞飯嘅小店 我同男朋友各自叫咗一個雙拼主食 諗住咩都可以試少少 點知黎到畀個份量嚇親 完全冇諗過$88一個雙拼餐會有咁多嘢食 超級抵食海南雞飯配肉骨茶海南雞飯配喇沙滲滲呢度嘅海南雞好滑 即使係雞胸都唔會鞋 雞油飯超香肉骨茶暖胃 肉排一啲都唔鞋 爽口帶點肥 另外仲有啲豆卜金菇冬菇腐皮吸曬湯嘅味道 好入味喇沙滲滲 湯底夠濃郁 滲滲即係油麵溝米粉 兩種唔同口感粗度嘅面溝埋一齊食好過癮 米粉就好掛汁 油麵就粗身啲有咬口 另外仲有蝦 豆卜同埋半隻蛋做配料添另外叫咗主食可以半價換購飲品 所以我哋再加咗支自家製烏龍茶同埋薄荷梳打 總括而言呢餐真係抵食夾大份 而且座位其實坐得幾舒服

好耐好耐冇嚟過金百利嘅餐廳，今日突然好想食海南雞飯，上嚟openrice買埋85折coupon食。咁嚟得就梗係食海南雞飯啦，但其實menu上仲有叻沙及最想食嘅咖央多士！不過食唔落，唯有下次再試爺爺海南雞飯拼馬來肉骨茶 ($88)雞皮與雞肉之間有啫喱，份量多，油飯超級油；旁邊有充滿蒜香嘅豆角；肉骨茶非常足料，有豆卜、腐竹、金菇、冬菇、杞子及肉，飲落甜甜哋唔會太鹹，呢個價錢有咁多食物，真係超級抵坐得好舒服，冷氣夠勁，店員都非常有禮貌