牛奶冰室 (喜韻商場)

營業中

休息中

今日工作嘅關係經過荔枝角同長沙灣，係佢哋嘅交界，中間發現到有間嘅牛奶冰室呢間新開嘅冰室裝修非常之靚，入到去望一望個餐牌樣樣都好想叫你食，於是叫咗個咖喱牛腩飯，鹹蛋蒸肉餅飯，雞亦煎太陽蛋飯，加多兩杯黑牛，啲飯細細碗細細碟，但係啱啱好唔會太飽，份量亦相當是恰當，味道都非常之好味，難怪佢成日都咁多人去排隊食，好彩當日走咗去食，如果唔係都有排排，咖喱中規中矩啦好食過大家樂，蒸肉餅非常之出色，雞翼煎太陽蛋飯食雞翼好淋好好味，值得下次經過再食

集團式嘅餐廳，食物質素點解可以咁大分別之前食過呢間嘅早餐已經覺得好難食俾多次機會試下晚餐啦無諗過真係俾垃圾我叫鐵板餐，上菜塊板可以係唔熱嘅，舊西蘭花都係凍嘅跟餐有湯，但個湯連1/3份量都無問佢係咪正常份量，先話唔夠無哂，超過份落單或出餐前唔講食物唔夠，就咁擺低要個客硬食雜扒餐，賣相勁差，好似人地食剩咁，得一塊切到散嘅炸雞扒，一條雞肉腸，一隻炸雞翼連餐牌寫嘅四季豆都無$80，份量少都算，全部都係雞，叫乜野雜扒呀？而且都係炸嘅，咁又要塊鐵板黎做咩！唔明點解咁多人仲盲中中去排隊食可能全店食得過嘅只係個預先整好嘅包

平日星期三早上7點有事到長沙灣，找地方食早餐， 見此店一早已有數枱食客，應該可以便入內一試。環境裝修不錯，地方乾淨，但可能是7點剛開門，服務員就頗忙碌。選擇多，價格也合理，賣相也不錯。香脆雞伊麵好味，可能是剛開舖所有嘢熱辣辣，雞肉都香脆，不過就有啲鞋，面底不是太林我喜歡，仲有啲綠色菜，胃口大開，蒜香多士夠厚蒜蓉塗得也足夠，但係個滑蛋就過過咗火喉，老曬了。辣椒油都係包裝的，乾淨衛生，但食唔曬就好似有啲浪費。

食個午餐都要受氣，啲阿姐又無禮貌，同佢講野又聽唔到，已經重覆左幾次，之後無餐具叫佢羅，又聽唔到。服務態度超級差，以後不幫襯。就算食物好食都無，餐廳員工咁樣，好難會再幫襯。同埋會同身邊朋友講，叫佢唔好幫襯。從來未試食過飯，咁樣俾人對待。

入面啲阿姐服務態度就好似欠左佢幾百萬甘吃餐飯啫，唔好話食物質素好一般，就算好吃都無必要受氣粗聲粗氣尼啲就基本野啦。未吃完就趕客，中要俾說話啲食客聽餐牌係離遠扔過來檯面，佩服甘嘅服務都可以做落去

員工唔禮貌。問職員拎多一份menu, 兩位員工用唔友善嘅眼神望住我，但又唔回應我，第三位員工喺另一張枱落完單，就pat咗份menu落我哋張枱。到落單時，我想問可否轉牛奶炒滑蛋，職員又唔耐煩咁回應。食物水準比一般茶餐廳差，所謂嘅牛奶炒滑蛋，唔滑，無奶味。檸水用檸渣，難飲！蕃茄濃湯通粉，真係好濃味精。平時見依間都多人排，今朝唔使排隊，先諗住一試。試過後完全唔明點解有人肯為咗間咁嘅餐廳排隊。唔好食仲要受氣，真係試一次都嫌多。

中午落街食個lunch, 近近地揀左呢間屋企樓下的餐廳。同媽咪叫左兩碗「麻酸辣魚片頭炸響鈴米線」，聽落好似幾開胃咁。我果碗要求左走青，結果黎到成個湯底白色清湯黎架喎😨😨，立刻叫佢換過。然而，我地兩個碗米線都淋到唔洗咬，好差。仲要碎到得1-2cm都夠膽死！！！🤬🤬🤬有幾好味都冇用啦，碎到要用匙羹吃😢😢。仲要份量得好少，一般女仔都唔會夠飽。好嬲囉，之前食過早餐覺得正正常常，但今次之後唔會再幫襯了。

無論吃早餐時間，或者午餐下午茶，成日都會諗起牛奶冰室，因為佢哋嘅炒滑蛋真係好好食😋佢哋嘅早餐選擇唔算非常多，主要係大路嘅粉面，三文治等等。今次叫咗火腿通粉，配蒜蓉多士，同埋炒蛋🥚🥚炒蛋份量非常多，大大份，超正！佢哋嘅炒蛋味道都幾濃郁，而且真係好滑，落胡椒粉夠晒正！除咗炒蛋之外，我都幾欣賞佢哋塊多士🥰🥰佢地係用咗蒜蓉牛油🧈所以特別香，而且每一次去食，都係好脆👍🏼👍🏼配咖啡真係一流！

有事落長沙灣，經過見呢間茶餐廳外觀幾好，人客也多，又一於試吓如何！(見過鬼都唔怕黑)🤭原來這是一間連鎖店，分店遍布港九；這間分店是在今年七月才剛剛開張，難怪設施咁新淨啦！但因店內人客太多，只好坐近門口位置，但人流一出一入，門外的熱氣其實都真係幾難頂，難怪冇人坐啦！🤣叫了火腿濃湯通粉、牛乳炒滑蛋、蒜香牛油多士及熱奶茶，食物幾對板，通粉唔會過腍、炒蛋香滑、多士酥脆、奶茶就普通啲。單計食物，其實都食得過，但服務就真係有啲問題，好似欠咗佢錢咁一樣，粗聲粗氣，嬲爆爆又唔想做，希望下次再去，可以作出改善吧！唔係就真係會趕客。牛奶冰室地址: 長沙灣青山道368號喜韻商場地下1號舖

不知為何這間新晉冰室在不同的區不斷地開新的分店，而且好像長期也要排隊，雖然知道是前舖位「意樂」集團旗下的品牌但難得今天經過是平日不用排隊，又剛好這間長沙灣分店是新開張也忍不住想試一試一行2人點了4樣食品1. 午市套餐:  酸菜魚湯飯  $61（抱歉，沒有為它留下倩影）以茶餐廳水準來說己經很不錯魚片份量不少，算滑也沒有腥味沒有魚骨芽菜和酸菜等配料很多味道酸味很足，鹹香也夠只是白飯有點失色，應該是用了中國米色澤較暗，沒有咬口飯香，不太飽滿，有點偏乾2. 下午茶: 炸雞脾配粟米 $40配餐的牛油粟米粟米烤得剛好，粟米也多汁牛油不多不少，不會太多太油，但也有點牛油香主角炸雞髀是生炸雞髀皮炸得像薯片般香脆，雞肉也滑，不嚡不柴不乾雞髀不腥，沒有雪味，但也沒有雞味但雞髀沒有醃製過，所以味道只來至灑在表面的味粉3. 下午茶: 奶醬多 $28因為多士比較薄，所以店家用上３片多士組成本來原意應該想把薄的多士烘得更香脆可惜不知是否因為多士是預烘，到客人點餐時就立即查醬出餐所以多士邊是比較乾比較硬又有點韌，中間部分也有點韌一點也不香脆而店家也在抺煉奶花生醬上有點吝嗇 ，一來塗得不勻稱 而花生醬雖是粗粒花生醬

難得放假又起得早，就出街搵下好野啖個靚早餐。見到有間新開茶餐廳就去試下，環境都算唔錯（畢竟係新開），而且睇落都幾乾淨，諗住可以發掘到好野。嗌左份碎雞扒麵（附上一份炒蛋+多士），睇到個招牌有佢地特色菠蘿包，所以都順便嗌左一個。雞扒麵既碎雞扒味道唔錯，脆口而且肉質結實，份量就得幾舊唔係好多；個麵就係普通公仔麵，好差真係唔好食，如果有米線或者河粉會更加好，但湯底OK既。炒蛋同多士就正常發揮冇乜特別，都算OK。個特色既拉絲菠蘿包幾特別但味道一般，裡面有流心芝士而且份量都算多，但就冇張相咁誇張既拉絲，不過勝在特別。

食物還可以，但想食既拉絲菠蘿包無晒，下午三點好多野都無，連續叫幾杯野飲都無材料，可能新開張。其他野食都還可以，食左個雞排蔥油面，雖然凍既，但都可以。豬扒炒公仔麵就係暖既，應該全部一早做定系度，好似係出餐快，缺點係啲嘢都唔會係熱嘅。所以大家要有心理準備，d野凍凍地。而且人幾多，又可能係新開張，大家貪新鮮。但最大鑊係廁所都無，眾所週知附近無廁所，所以最好食野唔好飲野，朝早食早餐會想去方便下既，都唔使旨意去。

這間牛奶冰室最近幾日才開張，今日星期六去試食，人流比較多，要等幾分鐘才有位，點了一個午餐跟特飲和全日餐跟凍奶茶，點完餐之後都快上菜，食物份量和質素都OK，以後午餐又多一個選擇地方。