牛奶冰室 (喜韻商場)

營業中

休息中

黎到長沙灣。今日順便都搵下野食下啦行行下見牛奶冰室有位就入去食個午餐啦 ，地方算寬敞一點的不過食物質素就唔太好了，食完之後好耐都仍然好口渴。點了全日常餐，五香肉丁即食伊麵，炒蛋，蒜香牛油多士。五香肉丁麵，食落去口感好普通，沒有特別吸引之味道。份量正常。炒蛋味道正常，牛油多士感覺食個時味道太濃了而且食落去無幾耐已經覺得口渴要飲水了。熱檸檬茶無特別，不過唔鍾意連檸檬都無得篤既檸檬茶。只係食完呢個餐就覺得好口渴，飲水之後都仍然係咁。。。價錢50幾蚊就正常不過呢個食物質素收呢個價就覺得唔太值了。。另外，希望侍應抹台個時小心啲，唔好將枱既食物醉掃到落個客身上。。。相信都未必再食。。。

因為趕時間先再一次幫襯，都係中伏，離曬譜。 食到一肚氣，唔會再幫襯。落單系統，入完主菜就係選擇包，有得剔“走油” - 我選擇唔剔，因為想要白面包加牛油簡單啲。早餐到左，得白面包，於是我客氣問樓面姐姐可唔可以比牛油，佢就話你叫左白面包，然後我話系統我選擇唔走油，咁不如你比少少牛油我？佢話無。。。我真心第一次食早餐無牛油，喊。對唔住講句，唔會再幫襯，最慘就係食個早餐食左一肚氣。最後我唔同呀姐嘈，放棄，食完返工。

一入到鋪無服務，又亂咁帶位，員工都唔應酬人，成間鋪8個人，食物質素差（俾剛剛開張時）,下午茶肉醬意粉，啲肉醬好似清水煮出來 樣，熱咖啡都無咖啡味，應該唔會再有下一次了

呢幾日凍凍地，就想搵個羊腩煲食下，其實呢頭附近一街都有好多餐廳有做羊腩煲，但我舊年都係度食過一次，記憶中都係OK既，加上佢係同區中都應該係最平既羊腩煲，所以今年開始凍我又黎食羊腩煲🙂一坐底樓面姐姐就抹一抹檯同擺底餐牌，哇佢地d抹檯布係冇洗冇消毒，抹完個檯一浸噏味！真係好影響食慾，要出動私伙酒精抹一抹檯先好d既然黎到都叫野食啦，羊腩煲呢就$116，有碟菜跟，兩個人就叫多左份牛肉同響鈴，朋友就叫左杯柚子雪碧特飲，我就叫左coke zero其實叫落單都等左好耐，事關咁大個樓面都係得兩個姐姐，當晚都坐滿客人，又要執檯、落單、上菜、收錢，我冇睇錯好似仲要入埋廚房做野，見到佢地都做到踢晒腳就唯有等一等啦，兩位姐姐都仲好好態度同笑容，都真係非常難得野食黎到就即刻試下d羊腩，其實味道真係唔錯，但當我地一落菜就出事，落左一半，菜碟都有好多水，仲見到好多沙⋯相信d菜係冇洗，係忙到唔得閒洗，定呢度不嬲唔興洗菜就真係唔知⋯見到咁都唔知仲繼唔繼續淥d菜好⋯究竟係舊年食完質素都差不多，係我自己冇印象定係佢真係今年差左咁多呢⋯我就唔知，不過今次應該係最後一次幫襯

首先入到嚟 叫個阿姐抹枱 直接唔理你 直行直過 食物唔好食都算 態度極度差 完全唔優做 見到大家嘅留言，就知道真係唔好食 重點係服務態度超級無敵差 求其搵間茶記都好食過佢 態度都好過佢哋 完全唔明白，點解可以開咁多間分店 簡直就係垃圾中嘅垃圾 會請我都唔會食邊位勇士可以接受黎受氣食嘢嘅可以即管嚟

📍牛奶冰室 (喜韻商場)長沙灣青山道368號喜韻商場地下1號舖冰室的坐位佈局算舒服，感覺光猛乾淨。試過幾次幫襯牛奶冰室的蛋治同炸脾，味道很不錯，蛋有蛋香味，並好滑身，今次試下午餐。犀飛利銀芽肉絲脆麵($63-HKD)，佢個賣相幾得意，個麵炸到圓碌碌，將銀芽肉絲淋上去就係好似肉絲炒麵咁，視乎你喜歡個麵係脆口定淋身。麻酸辣豬炸響鈴米線($51-HKD)，像一般酸辣米線，無乜特別。凍奶茶，跟餐加$3-HKD，合格有茶味。新鮮冷壓檸檬柚子蜜，跟餐加$11-HKD。

自從呢個位轉咗做牛奶冰室之後就未黎過，突然諗起行咗過嚟食lunch🍱除咗茶餐廳嘢食仲有蛋糕賣～🦥酸菜魚湯飯$61叫咗個酸菜魚湯飯配麥華田，食物嘅份量好多，多到食唔灑😆魚肉唔係雪藏魚柳比較有驚喜，呢個價錢食到酸菜魚還好，不夠就點都唔夠酸菜魚專門店好食🤣另外湯底便酸小小，撈飯食都幾開胃，最重要發現入面有萵筍😳飲品選咗麥華田，純屬好奇同普通阿華田有無唔同，原來麥香味濃好多，我覺得好飲過阿華田👍🏻🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 牛奶冰室 (喜韻商場) (長沙灣)長沙灣青山道368號喜韻商場地下1號舖

堂食同外賣的確係有少少分別嘅首先講佢哋嘅速度OK嘅～即係你落單俾錢到去攞其實都唔需要30分鐘但係包裝就令人詫異次次都搞到啲飲品會倒瀉希望會改善啦食物質素係好嘅所以叫完一次都會再叫好方便呀用OpenRice仲可以賺積分又可以用PayMe值得推薦

時間軸自己睇08:35 入餐廳落單, 要餐蛋治走醬走牛油08:39 仍然未落到單, 因為個員工唔識用部機, 訓練不足08:40 經理 (似係)終於落到單, 我出去一陣08:50 返到去, 仍然未有食物, 叫左個唔識用部機既員工幫手追追08:51 原來漏單08:55 經理 (似係) 見到我等得好唔耐煩, 終於問廚房得未08:57 終於拎到野食, 搞到我要跑返公司09:02 返到公司, 由準時變左遲到, 打開個三文治, 冇走醬冇走牛油總結, 冇哂茶記快既優點。杯咖啡OK香既。以後會諗清楚先幫襯。整個餐蛋治要20分鐘。

幾個月前第一次去牛奶冰室光顧， 樓面服務員態度惡劣，但食品質數真的不錯！相比同級茶餐廳高一層，且價格合理！甜品質數非常高！我差不多試食曬所有甜品櫃內嘅甜品！ 冇一樣我覺得係差嘅！至今光顧已經有四五次！但每次去，樓面態度都冇改善，只有兩個樓面係比較有禮貌嘅！我唔知樓面管理層，出現咩問題？大嘅吾識教，樓面員工連基本待客嘅禮貌都冇？可惜…………點解我仲會去光顧， 因為每次都期望樓面有進步，但真係好可惜…………😒 同埋我真係喜歡佢嘅炒粉麵 ，餐蛋治，奶茶小奶，雖然有時水吧都會失手，但係我覺得都係正常嘅！可以接受，甜品就真係值得一讚👍

入坐一開始又唔俾QR code 去落單, 叫阿姐落單問個問題"問可唔可以轉太陽蛋?"就答無得轉. 之後就發脾氣話"你自己QR落單啦!"就一野走左. 然後我自己用QR code 去落單, 又顯示有得+$3去轉太陽喎!!成間野係得個收碗的小姐最禮貌, 都會問下還要唔要先收碗.成班落單的阿姐都係唔想做咁. 連收銀個個都一樣. 對客呼呼喝喝.

放假訓醒當然要去牛奶冰室嘆個靚早餐叫左兩個餐我自己好鍾意食佢個雞扒麵or米粉米粉湯底係奶奶地咁，叫伊麵就普通有味湯底，份量都好大份，如果菜粒可以多小小就prefect喇通常會叫配既炒蛋或者煎蛋 煎蛋係流心蛋黎 會有小小美極味 好香好正架！不過今次我叫左炒蛋 一樣好滑好好味 都好大份仲有不得不提佢既蒜蓉多士 好牛油香味 仲要有兩塊架 配埋炒蛋係冇得頂 飲品我叫左凍咖啡少甜 佢比其他茶記既凍啡更香更濃 次次都係叫佢黎飲😋

今日工作嘅關係經過荔枝角同長沙灣，係佢哋嘅交界，中間發現到有間嘅牛奶冰室呢間新開嘅冰室裝修非常之靚，入到去望一望個餐牌樣樣都好想叫你食，於是叫咗個咖喱牛腩飯，鹹蛋蒸肉餅飯，雞亦煎太陽蛋飯，加多兩杯黑牛，啲飯細細碗細細碟，但係啱啱好唔會太飽，份量亦相當是恰當，味道都非常之好味，難怪佢成日都咁多人去排隊食，好彩當日走咗去食，如果唔係都有排排，咖喱中規中矩啦好食過大家樂，蒸肉餅非常之出色，雞翼煎太陽蛋飯食雞翼好淋好好味，值得下次經過再食

集團式嘅餐廳，食物質素點解可以咁大分別之前食過呢間嘅早餐已經覺得好難食俾多次機會試下晚餐啦無諗過真係俾垃圾我叫鐵板餐，上菜塊板可以係唔熱嘅，舊西蘭花都係凍嘅跟餐有湯，但個湯連1/3份量都無問佢係咪正常份量，先話唔夠無哂，超過份落單或出餐前唔講食物唔夠，就咁擺低要個客硬食雜扒餐，賣相勁差，好似人地食剩咁，得一塊切到散嘅炸雞扒，一條雞肉腸，一隻炸雞翼連餐牌寫嘅四季豆都無$80，份量少都算，全部都係雞，叫乜野雜扒呀？而且都係炸嘅，咁又要塊鐵板黎做咩！唔明點解咁多人仲盲中中去排隊食可能全店食得過嘅只係個預先整好嘅包

平日星期三早上7點有事到長沙灣，找地方食早餐， 見此店一早已有數枱食客，應該可以便入內一試。環境裝修不錯，地方乾淨，但可能是7點剛開門，服務員就頗忙碌。選擇多，價格也合理，賣相也不錯。香脆雞伊麵好味，可能是剛開舖所有嘢熱辣辣，雞肉都香脆，不過就有啲鞋，面底不是太林我喜歡，仲有啲綠色菜，胃口大開，蒜香多士夠厚蒜蓉塗得也足夠，但係個滑蛋就過過咗火喉，老曬了。辣椒油都係包裝的，乾淨衛生，但食唔曬就好似有啲浪費。