牛寶寶 (已結業)

牛寶寶一直都係午餐之選，今日同同事六人一齊黎到，等左十分鐘左右，雖然老板娘開左大風機係門口比我地等位，但都熱到出晒汗口水雞配米粉好感動我食晒成個餐，口水雞好正，好麻辣，簡直係刺激味蕾，配番清清地既米粉，味道岩岩好，唔會辣到食唔到特別值得一提係呢度既凍檸茶好岩我心意，應有既味道都有，而且好清，同Starbucks 既柚子冰茶茶底有啲相似，相信下次我都會再飲檸茶我地用QR code 點餐，順利點餐既話真係好快，三幾分鐘就送到，但如果手誤既話，又要同侍應姐姐講，反而就變得慢左！希望可以越做越好！差啲唔記得，埋完單仲有杯裝雪糕食