影片
開飯介紹
以即刨高質牛肉為題的日式火鍋放題專門店，放題設有不同級數的牛肉和海鮮，而自助區備有多款火鍋配料、飲品、甜品等可任飲任食。
繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
有關獎賞計劃
相關文章
話說琴日臨收工時得知媽媽去了調景嶺逛街，於是小妹決定收工後去調景嶺「突擊」小妹媽🤭。遠看望到媽媽專心地購物，小妹靜雞雞走到媽媽背後，用手指篤篤她膊頭🤭，媽媽看見小妹後居然冇嚇親，反而仲話😚🧑🏼🦳「行到又攰又肚餓，不如去食火鍋吖！」👩🏻「好呀！我頭先行過嚟見到有牛摩丫，不如去嗰度囉？可以休息吓又可以食餐飽，最多我幫你拎野飲😁」🧑🏼🦳「好呀😃就咁決定啦🫶🏻」入座前先揀食邊個level 嘅肉肉及湯底，小妹與媽見到有個價錢好抵食的《極品牛肉眼》餐，仲包埋食阿古豬，最終決定咗係佢啦🙌🏻而湯底我哋加錢升級要「長野蘋果湯」及「牛摩別注版：博多美人骨膠原啫喱雞白湯」。🍎長野蘋果湯聞落有少少蘋果香，湯底清得嚟帶甜，好特別喎！原來蘋果都可以打邊爐😸，就好似平時飲開的蘋果水、蘋果生津茶，好似會好健康😁🐔博多美人骨膠原啫喱雞白湯湯底係一嚿濃縮版的雞白湯牛摩造型啫喱，加熱後再慢慢溶化，味道係會有濃郁變清淡，開頭可能會唔習慣，因為比較重口味，但係越滾越好食😋除咗湯底、肉食之外，仲可以任食多款美食連自助放題，有吉列炸蠔又有雞皮餃子、壽司前菜、各式蔬菜、汽水果汁，如果想飲啤酒仲可以加錢享用。牛摩座位舒適，怕熱的小妹都覺得冷氣夠涼爽，唔會越食越熱流晒汗😇豬牛羊肉們、薄切、快熟，令小妹媽覺得好似食咗好多咁🤭，感覺上冇咁邪惡！極品牛肉眼&阿古豚梅肉十分吸引，羊肉夠騷、雞肉也頗嫩滑，非常適合喜愛肉食的朋友嚟擦餐飽😙另外餐廳仲推出咗新嘅3小時任食優惠［留意番，呢兩個推廣套餐如要享用3小時優惠，則需以正價計算。人均滿250就可用］，好似唔錯喎，下次留意吓先😙
繼續閱讀
今次放工嚟食呢間牛摩，一直係我候選名單之內，因為佢嘅吉祥物牛摩仔實在太得意啦！所以湯底我特登揀博多美人骨膠原雞白湯，除了貪佢夠滋潤美顏，望住牛摩仔的造型啫喱溶化變成湯底感覺好治癒，雞白湯味道好濃郁，由於一人一鍋，男友點了港式番茄薯仔湯，酸酸甜甜十分醒胃。由於我們點了LV4特級牛小排（成人價錢$288）嘅任食套餐，連同其他LV1-3的阿古豚梅肉、精選牛肩胛及星級牛肌腹的所有火鍋配料都食到，都有超過30款之多，還未計出面任食的自助放題區的配料呢。先講特級牛小排，雖然好薄切，但油花分佈好靚，入口非常有牛味，肉質好軟嫩；牛肩胛油花相對較少，但肉質細嫩有彈性；至於阿古豚梅肉油花霜降部份多，入口仍帶有油脂甘甜，口感非常柔軟。其他火鍋配料太多就不逐一點評了，但個人最推薦是爽口的蟹籽墨魚滑，仲有海鮮類的大蝦、青口、帆立貝，全部都幾新鮮；仲有好多款炸物熟食，大胃王記得要食埋肉碎勁多的溫泉蛋牛摩飯，亦建議亦可以點多幾隻溫泉蛋，醮肉類一齊食更好食。自助放題區幾乎各式蔬菜及丸類均有，最驚喜係飲品區，罐裝汽水、茶類，甚至沙冰都有。最後係我最重視的甜品，除有北海道牛乳乳酪雪糕，仲有布甸、啫喱、糯米糍、麻糬、忌廉泡芙等，仲有爆谷，但我已經食唔落，唯有下次嚟再試。
繼續閱讀
在調景嶺的「牛摩」火鍋店，我最近享用了一頓極具滿足感的火鍋晚餐。餐廳的裝潢現代舒適，氣氛輕鬆，非常適合與朋友聚餐。我們首先點了特級牛小排，牛肉的質地非常鮮嫩，燙煮後更是多汁，吃上一口真的讓人驚艷。接著，我們選擇了博多美人骨膠原雞白湯拼麻辣鴨血湯，白湯滑順，雞肉的鮮香與膠原蛋白的濃郁相得益彰；而麻辣鴨血湯則是辣味十足，鮮香撲鼻，讓人食指大動。炸雞軟骨是另一道必試的美味，外脆內嫩，搭配上特製的醬汁，真是令人一試成主顧。紫金地瓜丸的口感也相當特別，外層酥脆，內裡軟糯，甜味恰到好處，讓人回味無窮。最後，我們還點了阿古豚梅肉，肉質鮮美，脂肪適中，燙煮後的口感非常滑順，與火鍋的搭配完美無瑕。總結來說，「牛摩」的火鍋菜品新鮮，湯底選擇多樣，服務態度良好，值得推薦。如果你在調景嶺附近，不妨來試試這家火鍋店，保證會讓你大快朵頤！
繼續閱讀
來到一個非核心區，預咗係美食沙漠。有一間火鍋放題，確係喜出望外。日式裝修，新淨又舒服，有QR下單，又有自助區。而家嚟食仲有promotion，升級仼食3小時。一人一鍋，湯底選擇多。揀左博多美人骨膠原啫喱雞白湯同埋關東風壽喜燒。不得不讚佢地個鍋勁快就滾，秒速已經食得，對於火鍋放題真係好重要。Lv 4 晚市特級牛小排肉類方面，除左要狂刷特級牛小排，仲有阿古豚梅肉、精選牛肩胛同埋星級牛肌腹。另外，溫泉蛋牛摩飯都唔好錯過。海量牛肉，紫菜，再加溫泉蛋，如果唔係要留肚，一定食多幾碗。雖然錯重點，但炸物都好有驚喜。雞皮餃子拍得住出面既質素，仲有吉列炸蠔，lv4仲有腐皮蝦寶。如果想過下口癮食壽司，比埋三文魚腩你。食完正餐想食甜品、有泡芙、爆谷、麻糬同埋啫喱杯等既甜品，仲有部雪糕機比你玩。飲品除咗罐裝同紙包，仲有沙冰同咖啡機。
繼續閱讀
📍牛摩😘$259任食特級牛小排👍～特級牛小排+安格斯牛肉任食套餐特價 $259😍勁抵👍～特級牛小排😍油脂分到平均😛肉質鮮嫩❤️接近入口即溶☺️仲要非常有牛味🤪食咗十幾碟 正呀😘～阿古豚梅肉😍好耐冇試過打邊爐食到咁正嘅豚肉❤️食落口感好似和牛咁😘接近入口即溶👍🏻～炸蟹鉗❤️估唔到呢啲地方都有得食蟹鉗😛質素仲要好高😍炸得勁熱😛媲美酒樓👍🏻～蟹籽墨魚滑☺️墨魚滑爽口彈牙😍上面嘅蟹籽亦都好香👍～餐廳嘅自助吧應有盡有😍有齊各種蔬菜😘響鈴炸物壽司都有👍🏻飲品種類亦都非常之多🤪👍🏻甜品仲有泡芙蛋糕💕～北海道牛乳乳酪雪糕香濃牛乳😍配上乳酪雪糕🤪食到停唔到口☺️😘～總括而言😍呢餐食到勁飽勁滿足😎下次有機會一定再嚟食呀🤩📍牛摩 (將軍澳)將軍澳調景嶺景嶺路8號都會駅2樓K01A及039號舖
繼續閱讀