牛摩+ (新都城中心二期) (已結業)

桌子上寫的開會員$100即還番$100，問店員說可以即時使用，但埋單時另一位員工卻說不行，我想：［實際上有很多條款應該不是每個職員也知道....吧？］我沒有投訴也照不用優惠的情況下結帳離開，不用應該讓大家知道而且要小心和注意，別跟我一樣中伏。補充說一下：員工說ok，買完後也看過條款，電子卷寫［此券不可與其他優惠同時使用此電子優惠券只可用於單一訂單，並不設找續如有任何爭議，星聚保留最終決定權］，純粹是不想鬥爭論而且讓小職員被罵。味道：每次上枱的肉差別也有點大，不過還好的是肉質也還好。環境：就是有點舊的那種感覺服務：收光碟很快，但禮貌上...綜合性普通吧～該做的也做了性價比：因為中伏也是不評論了。

今晚即興約火鍋控朋友聚會，揀左位於將軍澳新都城既<牛摩> 歎日式火鍋放題😋 餐廳環境寬廣，乾淨企理，食得舒服。90分鐘, 任飲任食好滿足-🔸湯底湯底有九款選擇，例如本土風味的港式特濃沙嗲濃湯、經典和風關東壽喜燒、昆布鰹魚清湯、長野蘋果湯、麻辣鴨血鍋等等我們選擇了壽喜燒及昆布湯，壽喜燒的甘甜配肉類一流；而昆布湯我喜歡配海鮮-🔸美國極品牛小排放題套餐 $349這個套餐可以歎盡牛小排、SRF 美國和牛、極上黑豚肉、牛板腱、牛肩胛等多個部位。美國和牛油花分佈平均，片片色澤新鮮；牛小排肉質鬆化；牛板腱煙韌富嚼勁，牛味十分濃郁，相當有質素還有海鮮！！ 廣島蠔、扇貝、墨魚滑、帆立貝等等，十分豐富。 海鮮相當鮮甜，最愛海蝦，外型肥美，肉質彈牙！-🔸任食自助配料有各類蔬菜🥬、丸子及麵類選擇。 而用Qr code 亦可點選其他款式，亦有小食如炸餃子、雞軟骨、紫薯-🔸甜品及飲品有沙冰🍧、汽水、乳酪雪糕及糕點😋😋😋

今日同朋友黎左屋企附近既商場打邊爐 因為大家都未食過 所以打算試下 晚市都唔算好多人 唔洗等位就入得去 😋自助區方面有唔少嘅邊爐配料 有壽司 沙律作為餐前小食 🥗🍣 火鍋配菜都好多選擇 特別推介豆腐 好滑好嫩 🥚 飲品方面亦有唔小選擇 我就飲左提子沙冰🍧 另外仲有甜品櫃同埋雪糕機 乳酪雪糕係超級正 我食左2杯🍦 值得一讚既係corner位全部都好衛生~👍🏻我地簡左美國牛小排套餐 限時100分鐘 而湯底就簡左鴛鴦湯底 分別係麻辣同蟲草花雞白🌶️ 而牛既賣相好靚 雪花均勻 食落易融而入口 唔錯呀 我地都唔知encore左幾多碟了🐄除咗火鍋之外 掃QR code仲可以叫好多小食 特別推介炸薯條、麥樂雞 好有水準 一d都唔hea !🐥

今日夜晚約咗朋友喺新都城食嘢，今晚大家都想打邊爐，識下靚嘅牛肉，見到呢間牛摩好似唔錯一於試試。有幾款火鍋餐，我哋揀咗美國極品牛小扒放題，湯底方面揀咗鴛鴦鍋，骨膠原啫喱雞白湯同埋港式沙嗲湯，有濃味有清淡。自助區方面有唔少嘅邊爐配料，而且有壽司同埋沙律菜作為餐前嘅小食。飲品方面種類幾多，有咖啡機汽水機同埋沙冰！仲有甜品櫃同埋雪糕機，有齊晒自助火鍋必備嘅元素。首先係湯底，雞白湯都幾有趣，有一隻骨膠原牛頭啫喱，可以放入湯底裏面烹煮，營養應該幾豐富。牛肉嘅種類多，而且質素都真係幾唔錯，網絡都感覺好新鮮，同埋好好味，唔會慳水，博得來但係大大一片！然之後就係海鮮，正正常常冇咩特別但係比我想像中多種類。除咗火鍋之外，原來掃QR code之後仲有好多小食，尤其是我最鍾意食炸嘢，有雞軟骨、五香雞翼、一口炸芝士、炸薯條、麥樂雞同埋章魚小丸子等等，出奇意外全部都好好味！尤其係雞軟骨，Encore左三四次。 總括嚟講，呢個價錢食到咁多嘢真係好滿足同埋覺得算係好抵，下次要再同屋企人嚟食。

新都城牛摩已經幫襯左幾年，係上年嫌悶所以跳船去其他邊爐店。今日再次光臨，完全係另一個感覺！牛小排仍然好味😋 無得輸！！增設了電話落單，真係好方便！仲要多左超多小食，仲有海鮮無限追加 (蝦、蠔 🥰、墨魚滑等)。最令我興奮的是有羊肉片，好好味道，肉好嫩又有羊味！！我自己都食左2碟，勁想再追加，不過已經太飽。印象中好少邊爐放題有羊肉，老公唔食羊，所以呢度一人一個爐就啱晒我地💕佢仲有牛舌，但今次太飽，下次再食。由今日起，牛摩又可以變返做我嘅 canteen 啦！！

搬左黎新都城都個幾月都未正式研究過呢度有咩好西食，今日剛剛係千色買完野路過見到佢牛摩，之後就入去試下，我地叫左牛小排餐，出黎賣相好靚，雪花均勻，之後我又點選左極上和牛，賣相都好靚，雖然有少少貴但顏值高，出面配菜又多選擇、服務員都好有禮貌，會主動問我要唔要加湯，結帳前同事推介我地買禮券咁樣會優惠啲 一開頭都唔明係點，但經肥肥地個女同事講解禮卷點用就明了，佢好有耐性話我聽點用（本身我係一個白痴🤣😂🤣😂🤣）總括嚟講呢間野唔錯We will be back🤗🤗🤗

服務態度劣評！我好記得當日係8號風球當係打左去問餐廳有風球都仲會開門，walk in 入去前，店員問我地揀咩餐同湯底，我地揀左美國精選牛肉 $189 再加一，之後店員同我哋講有冇興趣揀特級牛肉餐差$30，我地冇改到，都係揀返精選牛肉，誰不知店員話，精選牛肉啲肉「鞋」啲嫁！我即場呆左下，邊會有餐廳職員話自己餐廳啲野食「鞋」唔好食嫁。之後店員仲要串串共咁帶我地入去坐低，其實我哋態度全程好好，唯獨係揀左個平少少嘅餐，之後就比職員挖苦，話啲牛肉唔好食。其實本身餐廳都一般，款式唔算好多，而且其他店員本身都唔太友善，但帶位同事特別令我哋印象深刻。整體黎講一個字差，用餐體驗好影響所有野。唔會有下一次！

係TKO新都城探完朋友，又想打邊爐，所以search下Openrice，之前係荃灣食過一次「牛摩」，覺得性價比高，價錢合理，肉質OK，見到呢度有，又有得免費拍車，所以一於再encore。「牛摩」個賣點，一人一鍋，自己可以去揀自己想要嘅湯底，唔洗就其他人，covid之下又衞生，唔洗share，揀咗豬骨湯同蟲草花雞白湯。我哋都食返「美國牛小排」，覺得質素好好！！上菜上得快，唔會要你狂等。前面櫃枱有好多蔬菜/瓜類。甜品有我哋好鍾意食嘅紅豆餅，又有乳酪，意外驚喜有提子沙冰，好飲，正！！另外要讃6月2號晚市帶位染咗頭髮好長頭髮扎起嘅職員/經理，服務好好。成個晚餐非常滿意，會再encore！！

好耐冇出去食飯，疫情放寬約咗平日去食火鍋放題，㨂咗牛小排套餐🥩牛肉質素唔錯，火鍋湯底濃郁🍲海鮮都無限追加～唔使就住叫(隨便用手機落單就得） 。外面仲有熟食區，乳酪雪糕/壽司/沙冰飲品。種類算多，但如果有刺身更好😛職員服務態度唔錯😄成日走來加湯/收野。平日晚上唔使book位，方便隨時Walk in👌🏻如果唔想出街食，我見仲有外賣火鍋套餐($208起）可以買返屋企食，好似幾吸引！下次可以試吓。

火鍋係永遠食唔厭既😛入座之前揀咗湯底先，我哋兩個人揀咗蕃茄同沙嗲湯底，兩個湯底嘅味道都比較淡，好彩佢有好多調味料，調左個麻辣同埋芝麻醬🥰我哋揀嘅套餐有三筋肉，據說一隻牛身上面只有5%好稀有，個人唔係好了解牛，但係個肉質的確唔會太肥又好有牛味🤣😋豬肉係黑毛豬，好有驚喜😋 平時食開放題嘅豬肉都係一般，但係呢度嘅黑毛豬非常滑，仲好有咬口，忍唔住不斷encore🤣朋友好鍾意呢碟牛舌👍 同平時食開嘅牛舌都有少少唔同，非常有嚼勁。最後仲有海鮮，打邊爐最鍾意食蝦，又係不斷encore😋真係估唔到日式放題火鍋竟然會有壽司可以食😂 試咗個三文魚壽司都算新鮮，吾錯。飲品都好多選擇，最推薦白提子沙冰👍 好欣賞嘅係佢有yogurt😍 完美嘅結束🔚

呢排牛摩新出咗新款放題，就係5%美國三筋肉啦🥺🥰呢個部分係超稀有㗎，因為一隻牛只係得5-6%😚 絕對矜貴罕有😆咁難得有三筋肉啲放題，點可以錯過呀😛😝仲有13品美食任食，特級牛肉、牛舌、黑豚肉、帆立貝，連花膠都有！一律全部任嗌！咁多野食都只係$258/1位🤤我地order咗好多碟，次次都好快上碟😌咁抵食決定下個月再encore多次先得😆😆湯底方面，我地叫左鴛鴦鍋😜一次過可以滿足左兩個願望👅博多美人骨膠原啫喱雞白湯同港式蕃茄薯仔湯😋雞湯滋潤美顏😚食完都覺得皮膚靚啲呀😌🥢三筋肉呢款稀有肉其實係牛後肩胛肉，佢嘅油脂分佈得好細密🤩肉質細嫩😛入口即融🤤食落口好滑，筋位紋理雖然深，但係食落口完全唔會好韌咬唔到，反而覺得咬落去有口感😝咁樣食住打邊爐真係高級享受😌除此之外，蔬菜種類繁多，樣樣都好新鮮🤤🤤至於肉類方面，除咗享受咗三筋肉嘅肉質之外，我地仲order咗牛舌、豚肉等等☺️食落唔會有雪藏味👍🏻份量仲好多，鋪到成隻碟都係🤤🤤😛自助放題區方面，和風牛肉飯、各式邊爐肉丸蔬菜類一應俱全😌最令我驚喜嘅跟住竟然有炙燒三文魚壽司，就連飯團部份都見到微微使用過火槍嘅痕跡，一啲都唔馬虎架😋👍🏻

肉類係電話落單，其他食物就出去自助區攞，選擇唔係太多，亦無乜其他熟食，但以價錢計可以接受，而且啲肉唔太差，唯一係放題邊爐通病，間唔中上肉嘅時候仲有好多冰咁今次見到有隻麻辣湯包丸，試下覺得都唔錯，貢丸外表，入面有啲辣油包住啲料咁，少少辣都唔差，暫時都未見過其他地方有同埋揀左芫荽，荽味唔大，清湯加一埋芫荽嘅感覺呢間都食開嘅，唔會有咩大問題，今次想講嘅係啲細位做得唔好，今次見到啲菜上面仲有發保膠粒，以往都唔覺得有呢個問題，希望之後唔會再有

雖然夜晚無得堂食,但依家個天氣真係好適合打邊爐!😍牛摩推出既外賣火鍋套餐真係好方便,吾洗自己買料又抵食🥰美國極品牛小排套餐($258)套餐可以+$30配牛摩既自家湯底,我揀左博多風豚骨味濃湯,雪白既湯底好香滑濃郁,仲有蕃茄同壽喜燒湯底可以揀😝套餐有200g牛小排,200g豚肉同200g雞肉,配料有墨汁花枝丸,香菇貢丸,芝士海鮮豆腐,蜂巢凍豆腐,芝士腸,竹輪,冬菇,南瓜,白蘿蔔,芋頭,金菇,娃娃菜,唐山菜同日本烏冬,咁多配料兩個人食真係勁飽🤣牛小排雪花分佈均勻,薄切既牛小排滾幾下就好快熟,牛味濃郁鮮嫩,而雞肉都好嫩滑好正,配料我自己最鍾意食芝士海鮮豆腐同墨汁花枝丸,芝士味好濃,花枝丸好彈牙鮮甜!

而家疫情咁嚴重🙈🙈又冇晚市，食嘢真係好唔方便😭好彩有日行過商場，見到牛摩有外帶火鍋套餐，第一時間買返屋企試下😗🔻美國極品牛小排套餐 $258（ 2至3人份）博多風豚骨味濃湯加 $30▪️牛摩自家湯底乳白色湯汁香濃美味，湯汁唔會過咸☺️▫️牛小排油花分佈均勻，肉汁鮮嫩，口感軟滑❗️▪️豚肉切薄片既豚肉烚完唔會過韌，脂肪分佈均勻😌▪️雞肉雞肉切件，冇雪藏味，食落又唔會太鞋😜▫️火鍋配料：烏冬兩包，蔬菜有唐生菜、娃娃菜、金菇、鮮冬菇、南瓜、白蘿蔔、芋頭片，而肉丸有墨汁花枝丸、貢丸、芝士豆腐丸、芝士腸、竹輪。份量十足，蔬菜新鮮，肉丸種類多，呢盆大型配料，絕對豐富咗火鍋嘅口感，超級豐富❗️外帶火鍋最怕個包裝甩漏，牛摩呢個外帶火鍋，湯料包裝嚴實👍🏻👍🏻食材全部用保鮮紙密封，拎到返屋企依然整齊，而且份量十足，好抵食，真係值得推薦🤗

第一次試外賣自取火鍋套餐，估唔到又幾抵食😝 牛摩推出嘅美國極品牛小排套餐（$258）夠2-3人食，分別有200 g 嘅美國牛小排、雞肉、豚肉同各式各樣嘅火鍋配料🤤 自己最印象深刻就係牛小排，因為真係有入口即溶嘅感覺🥰 而且肥瘦均勻🤤 豚肉同雞肉都好鮮嫩👍🏻 配料方面，個人認為墨汁花枝丸、芝士海鮮豆腐同蜂巢凍豆腐最特別。套餐有海量新鮮蔬菜😂 食完所有嘢之後其實真有係食完放題嗰種好飽嘅感覺🤭 另外，加$30 可換購一包自家製湯包，我哋揀咗博多豚骨濃湯，湯底有淡淡豚肉味，同埋好滑好milky😋 總括嚟講，如果想打邊爐但又懶得買餸，外賣套餐都係唔錯嘅選擇，順便幫手振興下餐飲業嘛🥲Rating ⭐️: 9/10