牛摩+ (新都城中心二期) (已結業)

牛摩＋ 外賣自取火鍋套餐 @wagyumoreplus 呢排冇咗晚上禁堂，我呢啲懶人又唔想自己係屋企煮咁麻煩，成日都會買外賣返去食。見到牛摩+最近又有外賣自取火鍋套餐，想打邊爐又多咗個選擇。共有四款套餐，最平$208就有2-3人份量。包括滋味火鍋配料拼盤、豚肉 200g、雞肉 200g同 唔同等級既牛肉。🌟美國極品牛小排火鍋套餐 $258 除咗豚肉同雞肉外，仲有美國極品牛小排 200g ，牛小排肉質軟嫩，油脂豐富，最啱打邊櫨。 雞肉同豚肉都好食🌟博多風豚骨味濃湯 +$30牛摩自家湯底，可以額外加錢選購，我哋揀咗豚骨湯，湯底好濃郁🌟滋味火鍋配料拼盤有新鮮蔬菜唐生菜、娃娃菜、金菇鮮冬菇、南瓜、白蘿蔔、芋頭、蜂巢凍豆腐、墨汁花枝丸、香菇貢丸、芝士海鮮豆腐、芝士腸、竹輪（各3件）、烏冬 （2包）一次可以食到多款火鍋配料，蜂巢凍豆腐吸咗啲湯底好好食，芋頭好粉，分量多到兩個人食唔晒📍牛摩將軍澳貿業路8號新都城中心2期2樓2060-2062號舖屯門, 荃灣, 上水, 馬鞍山, 沙田#牛摩+ #火鍋 #邊爐 #打邊爐 #任食火鍋 #外賣火鍋 #將軍澳 #將軍澳美食 #屯門美食 #荃灣美食 #上水美食

今日仲係聖誕假期，天氣好寒冷，又落雨，只有十度左右，拿拿林搵返啲防風、防雨褸，梗係要加番件freeze出嚟，況且都好耐冇食火鍋啦，趁今日咁凍，去嘗一口美味火鍋吧。牛摩，我們未試過食lunch火鍋，因此便入去試下。我們是食90分鐘159蚊嗰隻套餐。order咗豚肉和牛肉，蕃茄湯底和芫荽花膠湯底。但是芫茜湯底價錢要加多10蚊，當我哋去自助Bar 攞配菜時，發現原來有芫茜，早知唔使加十蚊啦。牛肉和豚肉各食了四碟，味道唔錯。以咁嘅價錢，我認為食物的CP值係唔錯。自助Bar有汽水、咖啡、朱古力等，甜品和雪糕及其他配菜。 雪糕我鍾意朱古力嗰隻唔係咁甜，其他甜品都唔係超甜，啱我們的健康人士。環境整潔乾淨企理，侍應服務都ok，落咗柯打啲食物都快而準。整體嚟講係抵食嘅。

星期六下午起身想食日式火鍋🍲，所以去咗屋企附近既牛摩🐮，揀咗雞肉🐔豚肉🐷放題、壽喜燒湯底，自助飲品🥤甜品🍮前菜🥗蔬菜、🍢丸，每次都會食少少佢哋既牛肉炒飯加蔥🐮🍚，好正，🐔雞肉少少肥，肉質結實，🐷豚肉肥瘦適中，自助吧選擇多，有用透明蓋蓋住，好乾淨、衛生，整體來講好好味！大滿足！😊👍🏻

話說牛摩喺將軍澳都開咗一段時間，今日終於有時間同女朋友一齊去試，今次叫咗最近一個做緊優惠嘅牛肩甲放題任食，啲肉未解凍，唔新鮮，質素參差，色澤不紅潤，欠佳，食落口唔知食緊咩，肉味唔香，似食緊泥膠，寧願食出面啲小食都唔食佢啲牛，呢啲店舖真係百年難得一遇，我同女朋友都好失望，滿心歡喜周年紀念，點知落得一場空，所有心情都俾佢破壞晒，啲湯底壽喜燒無壽喜燒味，湯底極淡，環境又唔舒服，唯一好飲嘅就係佢嘅梳打水，同埋三色手工餃。只能透露咁多，歡迎大家試伏。

上次試過極品牛小排午市套餐，質素都唔差既，今次再試多一次，不過就想試下火鍋放題，揀左最平既美國精選牛肉放題，午餐價只係$109，而且免加一，見咁抵所以試下。美國精選牛肉九十分鐘午市放題叫個最便既放題試下，初初仲以為麻麻地，點知又比預期好。牛肉賣相唔錯，色澤好，切得夠薄唔太肥亦唔太瘦，食落牛味唔錯幾爽口，主要食牛，叫左好幾碟，夠哂飽，唔知點解反而比上次更貴既牛小排更好食 !湯底揀博多豚骨濃場，都係正正常常，味道唔差既。自助區火鍋配料都有足夠選擇，有丸有菜有麵有野飲有甜品，但主要食牛都夠啦。

打完運動四圍覓食，好耐冇食涮涮鍋，就揀左附近一間試下，見做緊套餐8折優惠，六十分鐘時限，就叫個極品牛小排試試。極品牛小排望落幾靚，一碟份量都ok，牛味濃d就更好，口感算唔錯。湯底係博多豚骨濃場，正常水平，沒甚驚喜。自助區有蔬菜、醬油、烏冬、拉麵、貢丸、龍蝦丸、麻吉、芝士豆腐、墨魚丸、豆腐、甜品、汽水、果汁同沙冰等等，正正常常都幾飽肚。環境同服務不過不失，服務如果有電子落order會更好。

話說牛摩係將軍澳都開左一段時間，耐唔耐我都會去幫襯一次半次，但每次去到加肉既時候，我都會諗起上一次幫襯既時候講過唔會再幫襯，最大原因係啲肉真係好差。其實食得任食火鍋就唔應該對啲牛肉有太大期望。今次叫左一個最近做緊優惠既牛肩胛set， 埋單計二百幾連加一。起初第一碟肉都正正常常，合格有餘。但當第二、三次加肉既時候，啲牛肉係肉眼見到地乾，直頭好似啲風乾左既西班牙火腿既質地，啲肉既顏色亦都十分唔新鮮，仲有少少發黑。入口完全冇牛肉味，十分"鞋"口，同樣既價錢我寧願幫襯下隔離另一間邊爐，就算叫左廚房換，出嚟份肉都依然好差。對於鐘意食牛既人嚟講，依間野真係不可一，不可再。鬧完都講下幾樣好既野，舖頭凍櫃到有壽司可以拎嚟頂下肚，今日食到既三文魚壽司唔錯，油脂分佈好好，魚生亦都唔會太簿，係舊飯略略有啲乾同硬比較差少少。除此之前，服務員都好nice,好有禮貌，係可能今晚比較忙啲，經常有留單既問題，叫左幾次牛但都冇上到。

呢間火鍋店有得用GULU app拎飛可以一路行街一路等位👍🏻食物質素不過不失肉類/外面自助野食數量都同外面一般火鍋店相約但場內冷氣非常不足係會熱到feel唔到風

小朋友去咗學嘢，我同愛人就梗係去撐枱腳啦😆喺將軍澳想食火鍋🤔就係去牛魔啦👍188蚊左右啦任食個半鐘都抵呀🌷不過都幾多人等位㗎🤭等咗15分鐘Yeah有位啦， 原來係一人一鍋㗎我愛人呢就叫咗昆布湯底，我呢就叫咗辣湯底喎😋 但係好奇怪㗎辣椒豉油仲辣過個湯底囉🤣🤣我嗰個辣湯底一般嘅啫😅下次我會揀骨膠原湯底，不過今次骨膠原湯底賣曬🤣🤣woo 啲牛肉同豬肉都好新鮮,出面嗰啲嘢食都好多，有好多款菜同菇類，仲有好多丸類，最特別係有日式小食仲有 三文魚壽司呀好正呀😍不過我梗係唔食三文魚壽司啦😆因為食火鍋已經好飽喇😅如果再食三文魚壽司我怕食唔到火鍋呀 😅😅 嘢飲有好多選擇㗎😁睇下有汽水機有茶有咖啡，最勁就係有沙冰呀👍最好飲嘅係提子沙冰😋橙汁沙冰都ok👍不過提子沙冰有提子味 🍇仲有啤酒呀不過要加39蚊就有啤酒飲啦 😅最主打嘅我覺得就係甜品啦❤ 甜品最正嘅呢就係有軟雪糕，有朱古力味軟雪糕、雲呢拿味軟雪糕、雲呢拿朱古力味軟雪糕😋呢個就真係最perfect喇😆😆小朋友一定好鍾意😍我都鍾意啦💯咁仲有好多甜品架，布甸仔、泡芙、蛋糕仔咁樣😁我冇攞嚟食🤭但個賣相都幾靚㗎👍因為已經太飽啦😋一人一鍋咁幾乾淨又豐富呀👍都值得推

今日想食火鍋去咗牛摩、冇乜期望點知有驚喜！咁啱佢啲員工研究緊增加冷盤小食選擇、同埋增加緊出邊自助區啲食物種類。⬇️平日午市90分鐘精選牛肉/豬/雞放題$109加一、下午茶時間去食簡直飽到夜晚都唔使食。兩個人可以揀兩個湯底，試咗新出嘅泰國船湯 ☹️ 呢個湯底就非常淡、完全唔船湯。另外一個堅魚湯就正正常常！⬇️首先食佢啲冷盤、的而且確比以前多咗選擇。海草螺肉之外多咗青瓜黑木耳乜鬼土絲同埋一個疑似木瓜沙律 ⋯ 食呢啲都飽左三分一！而蔬菜丸類區多咗好多選擇、貢丸白魚蛋花枝丸之外多咗龍蝦丸同埋黑色嘅花枝丸、嗰啲年糕魚片或者魚餅(我估)都係新嘗試放落去 ⋯ 仲有豆腐卜豬皮冰豆腐同鮮豆腐、除咗有芽菜油麥菜唐生菜仲多左通菜，真係心心眼。⬇️牛肉+雞肉+豬肉都只係食咗每款一碟因為太多嘢食、嘢飲冰沙汽水咖啡都有(不過壞機)、而且會員 app 有免費蝦可以叫。⬇️最後甜品櫃有好好食嘅泡芙而且另一邊仲有雪糕機可以任食。⬇️90分鐘啱啱好飽到上心口！埋單仲要唔知點解會員有折兩個人都係$214 … 如果食夜晚可能一個人嘅價錢都二百幾、但係夜晚好似多咗三文魚同壽司，Anyway 值得推介。

冇乜冷氣，要加風扇，食到成身汗，不知所謂！先不要理價錢，環境已經係一個問題，而家夏天，你開火鍋店，冷氣唔夠就不如唔好開，價錢又唔係平過人，食到人成身濕晒，上咗賊船！

有幾個餐選擇，揀左最普通既牛任食，但已經包埋豬同雞，食牛獸一定鍾意！湯底2個人可以揀2款，所以就揀左越式牛同蕃茄，唔差，但聽職員講越式牛再落埋紫菜（有得自助夾）真係升華左！！另外除左肉都多左好多選擇，有麵有菜有魷魚豬皮etc，特別啱我呢d唔想打邊爐只識肉又心多嘅人😂😂😜另外更加鍾意既係甜品！真係好出色，除左泡芙之外d蛋糕都好正！完全唔係任食就hea你嘅水準！唯獨因為坐得唔太舒服，少少迫扣左少少分啦，不過做生意都明既

見到牛摩午市90分鐘任食四人同行一人免費，剛好我哋四人所以就入去食，免費嗰個要比返+1服務費，我覺得好合理，呢到唔係一人一鍋，可以選兩個湯底因為佢用嘅係鴛鴦煲，選咗養生蟲草花白雞湯同埋九州地獄湯，我對個湯底好失望，因為超級無敵爆淡，個地獄湯一啲都唔辣，我仲出去調味料區攞咗一碗新鮮辣椒加進去，餐廳牛肉嘅質素亦都唔係好，諗住佢叫牛摩應該係牛肉出名，牛肉好乾一啲都唔好食，而且佢嘅牛奶奶凍一d牛奶味都冇，藍莓蛋糕亦都好難食，乳酪用乳酪粉開的，都唔係好好食，以後都唔會再幫襯，早知去返隔離日牛好食好多

一星期一日放假的日子，當然要食一餐牛肉火鍋作為午餐，行行吓街經過牛摩，亦都心思思想入去食，雖然要等位但係等咗大概15分鐘就可以安排入座，情況都算係為順利，第一次食牛摸，都不知道選擇那一種套餐，但只好選擇一個中價嘅價錢，百幾蚊的套餐，後面有自助餐吧（包括飲品、菜類、其他小食配料咁）我都覺得幾好，多元化感覺，當然主菜係牛肉，牛肉都係上得算快，我都覺得幾滿意的，服務態度算好，即叫即有咁！值得一試，下次有機會再食😊😊

每一次黎到寶琳站新都城二期呢個位置都會聞到濃郁既牛香味，今日終於忍唔住比佢吸左入去作為牛魔王既我決定點呢個足料精品鍋X極罕雙牛放題套餐！鴛鴦鍋，一邊要椰子濃湯，一邊要日式濃湯呢個set 既兩款極品牛，美國和牛牛頸脊，肉質鮮嫩，而且油花既分佈都好均勻。另一隻係封門柳，脂肪比例小，中意食較濃郁牛味既朋友可以講係必食推介👍🏻椰子濃湯湯底非常鮮甜，而且非常足料，雞件、粟米入哂椰子既甜香味，真係好正其他任點既肉類、豚肉、雞肉、特級牛肉、精選牛肉及牛舌都好有質素。尤其係牛舌，薄切，爽口彈牙！仲可以出去自助bar拎其他多款丸類、蔬菜類等等既食物，而呢間餐廳都滿足到我第二個胃甜品！ 有泡夫、幾款cake、乳酪、軟雪糕，好滿足！總括黎講呢間絕對係性價比極高既餐廳