牛涮鍋もっと (已結業)

前幾日，過左黎樂富做野，然後順手同同事搵地方食埋飯先閃，見到好多人係門口排隊，本身我地對連鎖式既打邊爐都係無咩特別期待，覺得可以填飽個肚就可以了。勢估唔到今晚俾到驚喜我地，除左牛肉係主打之外仲有豬肉同雞肉，另外再upgrade左個餐有海鮮同埋刺身食，食完仲有甜品吧，同埋乳酪雪糕食😍😍，正啊！先講牛肉，美國上級牛，啲油花同肉質好夾，唔會話食落去成口油又唔會好un, 好香牛味，三兩下就食完一盤又要再叫過（好在係任食咋🤣），前前後後食左成十盤牛肉😌😌豬同雞唔好諗住佢係配角就會hea你，都係好好食，啲豬唔會鞋口鞋面又唔會好大陣豬酥味，雞肉好嫩滑又好好咁俾埋啲雞脾肉，啖啖肉好正配菜方面都好多選擇，有齊哂所式雜菌，菜同瓜，超甜粟米，蜂巢豆腐，麵同烏冬，多多選擇不過我本身偏好鍾意食沙律菜多啲，見到個沙律吧，忍唔住衝左埋去，😍😍，前後食左3大碗沙律菜，大滿足！！熟食方面有幾樣出面好少見既選擇，炸香芋丸，車打芝士薯餅，紅豆南瓜餅，炸素菜福袋，幾樣都味道唔錯。醬汁選擇有我最愛既日式麻醬！❤飲品都係任飲，有熱飲既朱古力，咖啡，果汁有一般既蘋果汁，橙汁之外仲有藍莓汁同埋好fusion既哈蜜瓜茉莉花茶，汽水都有

見到樂富廣場開咗間牛涮鍋放題，係A區搵嚟搵去搵唔到，原來喺B區！入面空間都幾大，擺設間隔整齊。👍🏻蔬菜款式好多，仲有熱食。特別推介炸雞翼，外面脆皮，入邊有又多汁又嫰口！最緊要全部野都係任食！特別推薦：三文魚、馬刀貝、魷魚鮮甜！甜豉油湯，味道無論同肉定海鮮或蔬菜都好夾！炸雞翼，外面脆皮，入邊有又多汁又嫰口！最緊要全部野都係任食！魷魚、硯彈牙新鮮！牛胸腹豬梅肉有肉味，厚度適中。整體蔬菜到鮮，本菇、金菇、苦瓜、凍豆腐必食！甜品揀咗窩夫，可以喺隔離加熱同加自己鍾意嘅醬料。

牛涮鍋一向係我打邊爐嘅首選，最近佢喺樂富嘅分店又再重新開幕，同其他牛涮鍋牛雜鍋唔同，呢度除咗提供打邊爐之外，仲有刺身可以食，除此之外外邊亦多咗一啲炸物可以選擇。今次我地就揀左美洲牛胸腹海鮮放題。除左牛肉之外，仲有豬肉同雞肉海鮮就有蜆、青口同魷魚湯底揀左甜醬油同昆布湯另外仲有刺身，選擇都唔少，除左有三文魚之外，仲有八爪魚、北寄貝同魷魚等等。刺身上菜都幾快，而且好新鮮。外面有唔同既丸可以揀可以拎菜有唔同既炸物整體黎講，呢度食物質素好之餘，選擇亦夠多，值得推薦

這天去吃火鍋放題。我們去的餐廳是位於樂富的連鎖店。旁邊是一家夾娃娃店，等位的時候，可以玩一會！連鎖店的點餐系統可以以最方便的方法為客人提供服務。食物方面，連鎖店質量向來都穩定，基本上到那家分店品嚐的食物質量都不會有大出入。我這次吃的美洲牛胸腹肉、豬肉片及雞肉都是挺新鮮的，味道亦很好。牛肉片肥瘦合理，肉味不算太濃，用來做涮涮鍋真的很不錯。豬肉片非常薄，所以涮一會就可以吃，很方便。不過，由於太薄，加上我點的湯底比較濃味，所以豬肉本身的味道不明顯。雞肉則是挺彈牙的，味道就是普通雞肉味道。除了需要下單點的肉類外，店家還提供了很多的配料，並以自助餐的形式供客人享用。這裡的蔬菜、丸類應有盡有，種類很豐富。然而，最使我驚喜的是這裡的熟食種類亦算不少。當中我最喜歡的是炸單骨雞翼，炸得很香脆，不油膩，所以我不禁吃了很多。可以隨心大口大口，不用顧忌別人，盡情地吃自己喜歡的食物就是放題的魅力！

早前聽朋友話樂富廣場大裝修完，牛涮鍋重開，仲係牛涮鍋其他line，叫mou mou motto，呢間牛涮鍋有別於其他牛涮鍋係，除左有一般打邊爐配料、沙律、雪糕機、甜品、自助飲品外，仲多左炸物添，都係任食架！當日1點到場，大概等左十分鐘就可以入場啦！入到去環境唔錯，乾淨，如果兩人要搭台，中間會有塊木板隔住，保持私隱度，值得加分。我同男朋友揀左60分鐘午市放題，揀左沙爹同麻辣湯底，包一盤鮮／素丸子，素丸子就要提早一日預訂，我揀左雞肉拼牛肉，男朋友揀左海鮮拼盤，海鮮食得到雪味，唔新鮮，肉都可以，加埋任食配料，唔記得留肚食雪糕，男友話雪糕好滑好香，好後悔呀，真係食到好飽，埋單兩人唔洗二百蚊，算抵食，ｏｋ既。

今日悶悶地於是就同老公去食晚市90分鐘放題，餐廳名叫得做牛刷鍋，就當然係食牛㗎啦，你咁諗就錯喇，因為呢度除咗牛之外仲有豚肉同雞肉，今日我哋叫咗「美洲牛胸腹放題」，$168每位，此外由於我特別喜歡海鮮和刺身，我們特意升級海鮮及刺身放題，咁就變咗$218位呢個價錢真係幾吸引架，因為除咗任意追加牛肉、豚肉、雞肉之外，出邊仲有大量小食，包括紅豆南瓜餅、香辣雞翼（單骨）、芝士墨魚條、炸素菜福袋。湯底方面可以任選兩款，我們選擇了最新的櫻花蝦沙嗲湯和甜醬油湯！沙嗲湯除左好濃之後，仲佈滿櫻花蝦，超正呀！而追加嘅刺身亦有八種，包括三文魚、北寄貝、八爪魚、馬刀貝、墨魚片、蟹柳、鮑片、玉子，刺身非常鮮甜，仲有冰底載着一盤， 賣相非常之靚牛嘅質素亦相當肥美，件件都好大塊，海鮮追加方面有青口、魷魚和白蜆，好食！除此之外，火鍋配料亦有唔少選擇，蔬菜方面，除了有基本的生菜和油麥菜外，更有我最愛的翠玉瓜和甜豆，魚皮亦十分香脆！另外丸類的選擇亦有六款咁多，大胃王又要出動試下，真係爆汁爆醬呀！我哋仲試咗咖喱飯和韓式牛肉雜菜辣湯！另外呢度更有沙律吧可以整沙律，火鍋前食個沙律都幾開胃㗎！最後一定要食佢嘅扭紋雪糕筒即烤窩夫，正

這天下班過後，與朋友一同前往樂富吃飯，沒想到樂富商場已重新裝修，內裏有如迷宮人一般，不太熟悉地形的朋友，定必留意。這次我們選擇了打火鍋，我們更找了吃了很多年的餐廳進餐。內裏和過去的已經大不同，更現代化，配合科技點餐，令整個進餐過程，更為方便。我們點了沙嗲湯，內裡櫻花蝦更能帶出沙嗲的香味。我們選擇的套餐，更有魚生供應，雖然不是最頂級，但選擇還算多，加上用料新鮮，還不錯。食物選擇方面，選擇眾多一如以往，我選擇了我最喜愛的炸魚皮，配搭小量丸類。 當中車打芝士丸，更令我喜出望外，內裏芝士味豐富，又流心，芝味十足。牛肉方面，味道不錯， 肥瘦適中，肉味濃郁，配搭沙爹吃起來，更像沙爹肥牛。另外蔬菜類方面，更有我喜愛的苦瓜，可供選擇。場內更有熟食供應，雖然全部也是炸物，新鮮炸出來，吃起來當然更為可口。現場更有咖哩汁供應，喜愛咖哩飯的朋友，可以品嘗一下。除了以上的，更有湯品供應，喜愛的朋友也可以品嘗一番。

樂富牛涮鍋湯底選擇有八個，入座前已經可以選擇，我就鐘意鴛鴦湯底，可以一次試兩種唔同味道。餐廳除左提供牛肉之外，仲有雞肉豬肉等等，仲會有海鮮可以烚下烚下，熟食就有炸物，仲有水果，甜品等等，完全滿足客人需要。

今日朋友帶左我去樂富新開的牛涮鍋去食打邊爐放題。一入到去朋友預先訂左位，所以即時就可以入到去了。點餐方面，我哋聽咗店員嘅推介叫咗個美洲牛胸腹放題套餐，另加左任食食海鮮同埋刺身。佢嘅放題套餐即使係刺身，係任叫任食的，有乜需要即管自助落單，快夾妥，抵讚。另外佢出面有自助bar，飲品，甜品，雪糕，蔬菜同前菜任拎任食，值得一提嘅係佢有任食炸物，有非常香口的味道，正！鍋底方面，佢有好多款揀，我地揀左豬骨湯底同埋四川麻辣湯底，一如以往另外一啲分店，佢嘅湯底認真不錯的，味道夠晒香濃之餘又唔覺有味精。肉類方面，呢一個餐配上了美洲牛胸腹，比一般美國肥牛的味道更有口感更有肉味更少肥膏更健康。當然佢其他丹麥豚肉，鮮雞件等都不錯的，味道一樣咁好！海鮮同埋刺身方面佢地都都絕不輸蝕。款款新鮮，味道鮮甜味美，估不到除了普通打邊爐之外，佢既刺身都好好喎，真正一次過滿足到幾個願望！太多好野食唔晒咁多野，下次一定要帶定一大個胃來再大吃一餐！最後我哋仲用咗啲會員積分換左啲紀念品，真正又有得食又有野換，大滿足的一餐。

刺身+海鮮放題] 樂富店牛涮鍋有驚喜~火鍋店有魚生刺身係一大特色！仲有青口，白蜆，魷魚可打邊爐。除了牛胸腹，雞腿肉，豬梅肉，蔬菜，雪糕甜品飲品，仲有炸物小食吃到飽！推介蝦片配黑松露沙律醬，食到停不下來！有不少丸類在盡頭較隱閉的位置，内有芝士餡都很不錯。唯獨墨魚滑胡椒粉味較重。可以自由配搭醬汁，滿足你個人口味！肥牛加wasabi是和牛的吃法，也可以自己選擇燒肉汁或是麻醬。湯底甜豉油比櫻花蝦要好吃，更能帶出壽喜燒的感覺，和食材原本的鮮味。

無論前菜沙律、炸物、湯、火鍋配料、刺身、海鮮、甜品、飲料都有極多選擇。印象中，冇乜邊間日式火鍋店會提供刺身和海鮮任叫任食，牛涮鍋嘅價錢其實都仲同普通嘅日式火鍋店一樣，非常大眾化，但就有呢啲咁正嘅配料任你食，真係性價比極高，食完完全冇投訴。而且呢度無論加單肉類、刺身、海鮮、甚至加湯、賣單，都係用iPad落單，非常方便快捷，唔使成日要等店員嚟幫手，想叫就叫，分量自己揀，唔怕造成浪費。呢度嘅所有食物，炸物故之然熱辣辣，刺身和海鮮新鮮無比，肉類肥瘦適中，勁有肉味，飲品嘅選擇亦都係極多，無論鮮榨果汁、汽水、沙冰、熱飲，你講得出嘅都有，我覺得非常滿意。食完當然唔少得食埋雪糕，有三種味道揀，隔離仲有好多五顏六色嘅配料等你加上雪糕上面裝飾下。總之感覺就係呢度無論係乜嘢食物同飲品，都比其他同類型嘅餐廳多一倍選擇，但係價錢冇貴到，我一定會再返嚟食。

約咗美容朋友仔食個晏本身係諗住食輕can野點知佢突然推介話呢間牛刷鍋好抵食咁我望下個餐牌見佢60幾蚊有一份主食然後周邊嘅其他配菜可以任攞😱仲有甜品區，雪糕等等其他唔好講笑即刻同佢沖左入去不過原來有限時1小時，所以二話不說我哋一坐低就即刻出去攞嘢食佢喺門口帶位入去嘅時候已經要點餐我覺得呢個安排都幾好，冇晒到時間佢拎嚟啲肉都好新鮮叫左一個豬，另外叫一個雙拼牛加雞三款肉都可以試哂佢其他任食嘅配菜都種類非常多另外最欣賞佢嘅係連甜品區都有好多唔同嘅種類配料👍🏻我覺得性價比呢個真係非常推介

突然想食shabu shabu，就黎左牛涮鍋可能因為假日，都好多人等位😰等左差唔多大半個中先入到去食嗌左蕃茄湯底，但只有色同酸味，蕃茄味真係無😑嗌左$198嘅餐，牛同豬都一般，但非常非常之薄出面嘅蔬菜同丸類選擇亦都唔算多，好多大路嘅丸都無，呢樣有啲失望但係就勝在都有頗多炸物揀，雞翼唔錯👍🏻飲品方面有咖啡汽水，亦都有果汁試左杯橙汁，但真係好好好好甜😰總括黎講湯底唔ok，食物質素一般，選擇亦唔算多，飲品甜品亦無乜特別，有少少失望

人不少，但等候半小時左右就能入座。飲品種類多，與一般放題不一樣喔。雖然有很多插曲，可是會再來的不過可能是新店所以讓我很疑惑。因為沒湯所以請女職員幫忙加湯，她帶來茶壺為鴛鴦鍋加湯，一邊加少許另一邊只獲得兩滴，茶壺便沒湯了，以為她會另取一個，可是她把壺放回便走了……結果我們自己來。店家有惜食活動，座位有小卡上寫上把食物吃完並把小卡給職員就可換優惠券，向男職員詢問他說小卡給食客看而已，會另給我優惠券，等了一回他沒有回來，跟另一位職員查詢才知道小卡須交給職員才能換取優惠券……

今日去咗留喺樂富嘅mou mou motto🐮度打邊爐🍲，呢間同其他mou mou club分店唔同嘅地方係佢有得食刺身㗎🍣，就算其他食物，都比一般嘅mou mou club選擇多啲㗎🤩今次我就揀咗美國上級牛胸腹放題🐂，升級埋海鮮同埋刺身放題🦑肉類就有美國🇺🇸上級牛胸腹🐂，丹麥🇩🇰皇冠豚梅肉🐖同埋美洲特選雞腿肉🍗，啲牛肉食落一啲都唔鞋，亦都冇根，幾好喎海鮮就有青口，白蜆同埋魷魚🦑，刺身就有三文魚🍣，北寄貝，八爪魚🐙，馬刀貝，墨魚片，仿蟹柳，仿鮑片同埋玉子🥚，啲刺身都新鮮架，同埋全部嘢食都係無限追加㗎🤩除咗呢啲係菜單上邊叫嘅嘢食之外，出面自助嘅地方都有好多唔同嘅食物㗎，有沙律🥗，丸類🍡，菜類🥬，熟食包括炸薯角🍟，咖喱🍛，麵豉湯🥣等等甜品方面，有一大個甜品櫃，入面有蛋糕🧁，冬甩🍩，窩夫，pancake🥞等等，佢仲有部機可以俾你烘返熱啲窩夫或者pancake嚟食㗎🥰，另外仲有雪糕機🍦，有好特別嘅香蕉味🍌同埋牛奶味🥛，仲有多款sauces同toppings😋就算飲品都比其他嘅選擇多，有好特別嘅菠蘿沙冰🍍同埋草莓沙冰🍓，啱晒打邊爐熱辣辣要嚟降溫啦🥶