牛涮鍋

營業中

休息中

位於旺角東火車站上蓋，好方便。平日晚上7:00入，不算太多人。因為B餐同c餐差$50，但係感覺上多了澳洲和牛肩脊高級好多，所以叫了澳洲和牛肩脊放題(c餐)，每位$378，120分鐘。因為有一張優惠卷，海鮮拼盤就送的。除左蝦，其他的都幾鮮。和牛肩脊-每片都切到薄薄地。淥一淥就熟，可以瘋狂食，好淋，有牛香，就算淥得太耐都唔會覺得靭。好正極上牛頸脊相比之下牛味反而重啲，但切得厚身啲，味道亦都不錯。即係叫$328 b餐都質素都已經不錯。但食咗和牛肩脊之後，有比較當然覺得和牛肩脊好食啲。外邊擺放好多蔬菜，丸同面類的食品，任你夾。亦有飲品，軟雪糕，甜品，前菜，沙律等，款式唔算特別多。但對主力食牛的我，問題不大。飲品亦有汽水機沖出來的。而令我驚喜的是道地解茶。見住職員是用支庄倒落玻璃瓶的，即刻飲多幾杯。

心情麻麻，請假休息，為趕及<正義迴廊>的尾班車，早啲起身趕出去睇早場😅睇完早場來不及同丈夫食午飯，只好自己一個人的浪漫，而自己本身都係呢間既長期捧場客嚟㗎喇(只限MOKO呢間分店，因職員，食物都比其他分店好得多，尤其馬鞍山個間係激到我要投訴😡)我揀咗90分鐘任食，本身想嗌個沙嗲湯底，但原來多咗好幾款，於是我即興改叫新款湯底(忘記係乜)，職員好好，主動問會員身份或者匯豐信用咭持有人(可9折優惠)職員見我一個人，主動給予一個附近沒有人既枱予我，地方濶落又方便，安排十分良好一坐低湯底好快到，然後豬牛雞各1都隨後跟上，湯底未滾，出去攞嘢飲先，多咗兩款茶類，可惜我唔好，無飲到，提子汁沒有供應，只係飲咗橙汁同梨汁，然後就去攞嘢食喇蜂蜜蛋糕又返嚟喇😍，一口氣食咗3碟仔，即6件，軟雪糕係紅茶類，我唔敢挑戰味蕾，只係食返經典味😓配菜區午餐竟然有意想不到既炸魚皮，通常晚餐先有，亦有韓式年糕，其餘既平時有供應既都有豬牛雞不過不失，不過既然叫得任食，當然唔會只食一碟喇，我總共食咗4碟，唔算多，但一個人的浪漫從來都唔食得多㗎喇，我好守時，未夠90分鐘清哂枱面離座，值得值得Encore

今日農曆大年初八同個friend出嚟食嘢諗住開開心心，結果原來真係有人戇居到會搵人開年。約咗個friend嚟新世紀食牛涮鍋，諗住上次都係一人一鍋湯底所以就同個職員工講兩位，揀選咗兩個湯底，結果埋位嘅時候先見到佢係畀一個爐嘅座位。 行出去同返樓面個姐姐講我係叫咗兩個湯一人一鍋喎？跟住佢好惡咁樣同我講話:"你唔講我點知呀? 另一個女仔加把嘴嚟話:"鴛鴦鍋都係兩個湯喎！"我同佢哋講:"係咪應該問下我介唔介意？而唔係話我冇同你講要一人一鍋！"更何況我真係冇諗過會有鴛鴦鍋。嬲到我真係同佢開年，即場同佢個經理投訴。若然你覺得係個客唔啱、野蠻，但係新年流流係咪都唔應該用咁嘅態度對客呢？

日式火鍋做四川麻辣火鍋，估唔到都唔錯😂😂 牛涮鍋食咗咁耐 做咗咁耐 嚟嚟去去都係嗰啲日式湯底，今次出咗四川麻辣 重有其他特別火鍋配料，緊係要黎試吓多左幾款小食 其中炸雞軟骨覺得好好食，啲牛肉都唔錯，另外仲有呢個套餐先有嘅薯粉 豆腐串 牛肚 等等，我覺得全部都好食過平時嗰啲套餐🤭🤭可以考慮吓 將佢放入永久Menu😂😂

牛涮鍋食過好多次 我地今次+💵升級🆙食海鮮🦐🦑幾款海鮮 我地主要order 🦐同帶子 我地叫左海量🦐🦐🦐同帶子 order 左好多次每次order都俾得好足 次次都滿滿一大盤 同埋質素都保持到 好新鮮同鮮甜 唔會愈叫愈後面就愈劣質最後大概估計 我地一人食左起碼3️⃣0️⃣隻🦐4️⃣0️⃣隻帶子 不過好可惜既係近年自助蔬菜bar 冇左粟米仔食 得返啲一般既生菜🥬娃娃菜木耳同粟米🌽個啲 如果有埋粟米仔就perfect

旺角｜牛涮鍋🐮任食靚牛✨抵食lunch放題朋友有張coupon，四人同行三人價錢，所以行嘅新世紀廣場就嚟呢度食lunch🤤𝑺𝒆𝒕 𝑩極罕榖飼牛封門柳、日本九州鴛鴦湯底(每位$248 + 10%)個人覺得牛涮鍋一向性價比都好高，豬肉牛肉都好食，唔會有未解凍嘅情況，仲要擺放得好整齊👍🏻左邊係壽喜燒湯底，右邊係蕃茄湯底～- 左邊嘅壽喜燒湯底非常之濃同好甜，同肉類、蔬菜都好夾好入味🥰💕- 反之，右邊嘅蕃茄湯底就麻麻地，唔係好濃蕃茄味，略嫌有啲草青味添…🐷九州產白豬肉- 雖然薄咗少少，但大大片、脂肪唔算多，幾軟身～🐮牛唔唔可以放得耐因為會吸太多湯，太濃味..有啲咸自助雪糕佢有牛乳雪糕同蘋果味雪糕🍦- 牛乳雪糕由4人一致認同最好食😋好香奶味- 蘋果味雪糕超香蘋果味，但有啲甜，口感似gelato～🔺有加一服務費整體而言▪️味道 4 / 5▪️環境 3 / 5▪️抵食 4 / 5📍旺角太子道西193號MOKO新世紀廣場4樓423號舖

☘️上個月8/25號落風球嗰日，見唔駛返工，就帶媽咪約埋細妹行去moko mall 搵地方食晏，突然好想食火鍋，諗起呢度有間牛涮鍋，好耐好耐之前食過都唔錯，之前去日本都有食佢，所以就決定再去食佢！☘️佢有好幾個set 可揀，主要係牛肉嘅分別，因為自助部份都係一樣。我哋楝咗120分鐘放題，每位二百幾蚊，算抵食，啲牛肉質素都唔錯。我哋encore 嘅都係一樣，冇好似其他餐廳咁越來越差！而且我哋貪佢坐120分鐘，hea住食唔駛急😊☘️除咗牛肉，豬，雞之外，自助區當然仲有好多丸，鮫，蔬菜和主食俾你揀，都算唔錯。不過當中我覺得最精彩嘅係佢個咖喱牛腩飯，咖喱好香牛腩好淋，配個白飯，正😋 ☘️食完仲隊咗個yogurt軟雪糕, 大滿足😜

中咗旅發局嘅賞你食，要8月27日平日星期一至四食，仲要7:30前離座於是就特登放早一粒鐘然後趕去食一去到已經有人排隊，而且個個都係旅發局coupon咁滯咁成件事就冇咁尷尬喇😅入座前已經要揀定咩湯底，所以一坐低就已經有人拎湯底同肉比你再出去夾少少菜，開餐其實一個人食兩個鐘時間都幾充裕，慢慢靜靜地享受都幾正湯底都幾濃，牛肉都好新鮮，而且上餐速度好快最後一個人食左6碟！佢啲日本紅茶都好好味😋消滯一流係一個人出出入入拎嘢食有啲唔方便又唔放心放個袋喺度飲品選擇都算多，又有沙律冷麵果啲不過今日一個人就主攻肉食😅甜品有雪糕仲有啲嘢咬下都幾正埋單100蚊左右！因為72蚊仲要以正價加一So far 一個人食唔錯嘅，悶就悶啲有啲啲老尷但都係個唔錯嘅體驗係廁所要行好遠，所以食食下要去廁所都唔係咁好意思要埋單先廢事以為我走左去

因為本人好鍾意食壽喜燒湯底所以間唔中都有幫襯哩間連鎖日式火鍋店今次叫左最貴個餐鹿兒島極尚黑毛和牛放題其實都食過好幾次不過今次先寫食評每次食哩個餐除左第一碟日本和牛 Encore既和牛質素都ok既唔知關唔關係嗌最貴個餐事但個人覺得今次日本和牛既味道確係比之前嚟食既差左我諗如果今次係我第一次食哩個餐我下次應該都唔會再叫因為真係好普通反而澳洲和牛好好食肉味夠濃 肉質都ok質素keep到所以下次可能會慳返幾十蚊直接叫澳洲和牛放題算海鮮就普普通通啦 畢竟唔係哩到主打

好耐沒吃火鍋了， 有點饞， 今日就特別去吃火鍋， 去的是我其中一家最愛任食火鍋。今次我選了120分鐘放題， 試他們期間限定四川的巴適得板。主要除了有和牛之外，還有一大堆四川特色小食。而湯底也有新口味： 麻辣水煮魚鍋和滋潤藥膳雞鍋。我兩款都想試，所以點了鴛鴦鍋。火鍋配料都是以QR code手機下單， 非常便捷。入座後除了湯底外，服務員會先上一set基本肉類， 有一盤澳洲和牛肩脊肉， 一盤九州白豚肉拼雞腿肉， 另外有一套六款四川小食，包括了麻辣豬耳絲、麻醬雞絲粉皮、紅油抄手、酸辣窩荀土豆絲同椒麻牛肉。和牛肩脊肉很嫩，味道不錯。小吃反而太特別， 可能因為四川湯底味記道濃，所以蓋過了小食的味道， 可以skip。我平時嗜辣，但這次我反而覺得雞湯鮮甜，因為四川水煮魚湯底麻但唔夠辣。餐廳有火鍋配料自助吧， 有很多丸及蔬菜，還有各式麵食。不過因為我個套餐已經夠豐富，所以我沒多選。我再加配了一盤牛胸腹、一盤澳洲和牛肩脊肉、麻辣嫩牛肉、羊肩肉。又加了脆炸雞軟肺， 麻辣小龍包。牛胸腹很滑，好味。嫩牛肉夠辣，所以最適合配飯吃。他們有黃金烏龍和苿香毛尖，為了解油解辣，我喝了兩大壺冷泡茶，一下就飲夠一天的水量。大

琴日打風就揀咗去新世紀廣場食嘢陣間近近地大概4:00仲有開始食揀咗任食牛豬雞普通餐在另外加倍任食海鮮大概最後人均消費每人$260左右咁呢度嘅肥牛味道都OK嘅甜品有幾多選擇有芝士蛋糕泡芙等等任食海鮮有生蠔帶子青口垻等等加$88來講都okayh蝦係最好食生蠔同帶子打邊爐之後就細隻咗少少整體來講都OK嘅

由於趕時間,決定今次食60分鐘,而且小朋友多,都食唔到多肉,佢地鐘意食麵烏冬多。去親一定簡甜鼓油湯底,一去到拎野飲,牛同豬肉因為好薄,所以一D都唔難咬.最難得有不倒翁公仔麵,係湯底煮完,特別好味!用埋張$100 COUPON計起上黎$70唔洗,有埋甜品雪糕食,仲想點

話說幫襯呢個集團都真係幫襯咗好多年 終於終於，輪到我食牛涮鍋可以叫最高級別！價錢雖然昂貴，不過豁出去，就試一試你！喺日式牛肉放題店入邊食牛，最緊要添加牛嘅時候記得揀啱！今次揀最高級別呢，當然添加嘅時候唔好撳錯掣，要揀啱主打鹿兒島和牛！當然啦 其實對於Level 4 既SRF牛肉，都好有興趣，所以都叫咗啲嚟食，其實我個人覺得，去做level 4，已經非常滿足，鹿兒島和牛同SRF牛，各有千秋。而另外海鮮拼盤，感覺都好新鮮，值得一試！

冇左晚市堂食唯有lunch去打邊爐🙈🙈 美國上級牛胸腹放題 (90分鐘) $198 湯底揀左蕃茄濃湯同甜醬油湯個湯底係完全冇配料既我相信完全係味精湯底😵😵 牛豬雞可以任叫但牛同豬都薄到可以透光食落唔難食，但唔可以叫做好味😬😬 出面有丸類蔬菜類任揀味道正常，亦唔會提供爛菜👌🏻👌🏻 因為師奶心態join左會員所以送左個海鮮盛合佢唔送好過送😕😕帶子冇味蜆肉細過手指甲隻蠔勁腥，最後冇食到😡😡 飲品方面，有部汽水機任斟但都係冇氣糖水🙃🙃我飲熱茶好過🤗🤗 家下咁多火鍋店佢呢個價錢同質素真係輸人地九條街🤡🤡

這間店舖食過幾次，水準一如既往嘅好。我哋每次嚟都係order最貴嘅放題套餐，但係每次都唔會令我哋失望，牛肉每一碟嘅質素都係最上級，唔似某些放題牛肉店就算你要最貴嘅牛肉，佢都會溝啲差嘅牛肉俾你。呢間野最令我滿意嘅就係佢一分錢一分貨，係咁就咁，唔會做埋啲奸商做嘅嘢。👍🏻見到其他comment有話佢嘅鴨血有小強🪳，咁就認真要檢討吓自己嘅衛生啦，因為會好影響客人對譠餐廳嘅信心，但係換一個角度黎諗，好食嘅餐廳通常都會出現好多蛇蟲鼠蟻，不過你打邊爐嘅餐廳都係要注意下自己嘅店舖衛生啦，通常辣嘅嘢都會引好多曱甴嘅，要小心點吧，希望越做越好👍🏻👍🏻👍🏻