牛涮鍋 (已搬遷) 新店位置

專程到荃灣看《浮城》，順便在荃灣廣場吃午飯。廣場內大部分餐廳都是連鎖式，全港各區都有，沒甚麼驚喜。下午三時多，我們選了無需等位的牛涮鍋，顧客不多，環境寧靜，但我們坐在近門口位置，經常有人在旁邊「偷窺」般地看進來，感覺有少許騷擾。唯一好處是很接迎擺放火鍋配料的地方。我們點了$67的壽喜燒套餐，除了有一碟牛肉、火鍋配料放題、汽水任飲外，與其他午市套餐的分別在於送一隻蛋和用醬油湯底。細評如下：醬油湯底：用來煮牛肉是不錯的選擇，令牛肉很入味，不用加其他醬油了。可是，用來煮粟米、蘿蔔等要較長時間的食物，效果不佳，食物變得太鹹了。下次我絕對不會再選醬油湯底。牛肉：薄薄的牛肉絕不會嚡口，好味道！讚岐烏冬：已根據指示，煮了超過十三分鐘，卻仍覺得有點硬，還是普通烏冬比較好吃。其他火鍋配料：款式足夠，大多新鮮、美味，粟米、白蘿蔔、紅蘿蔔、芋絲都是我最愛。雪糕：有四款口味，芝麻、雲哩拿、朱古力和豆腐，個人比較喜歡芝麻和豆腐味。汽水：甫坐下，侍應已詢問我們要可樂還是七喜，可是當我們開始吃火鍋的時候，飲品仍未送上，要再次追問。另外，飲品要由侍應加添，樓面的侍應卻很少，故舉手後要略為等待。最難忘的是向一位男侍應示

其實同老公之前已經食過幾次, 每次都係揀任食肉類放題, 次次食3碟都已經食唔落(因為每碟既份量都頗大), 所以今次揀左一碟混合肉(牛肉+豚肉)加配菜任食放題 雖然一碟既肉比任食肉類放題會細碟d, 但係以午餐黎講, 一碟肉再加配菜任吃已經好足夠, 再加埋飯後雪糕, 真係食到lum lum脷.老公每次最愛佢既辛辣泡菜湯, 雖然唔算好辣, 但係都好夠味, 加上唔夠湯既時間, 佢地添既唔係水, 而係加番d泡菜湯落去, 所以唔會令湯底淡左, 反而會越食越濃. 再配油揚,芋絲同菜呢d吸湯既配菜,真係食到唔停得口總體黎講, 每人大約60蚊已經可以食到捧住個肚仔離場, 都不失為一個唔錯既選擇

$93 套餐任食 90 分鐘, 氣水任飲唔洗等位.肉類 : 牛肉, 豚肉.湯底 : 昆布湯, 豆乳湯, 和牛清湯, 和牛辛辣泡菜湯.其他食物 : 油豆腐, 魚之豆腐, 銀芽, 芝士腸, 栗米筍, 金茹, 京蔥, 冷麵, 鮮栗米, 娃娃菜, 菠菜, 唐生菜, 9黃, 獅子狗, 稻庭烏冬, 蒟蒻, 年糕, 滑豆腐, 白飯, 和 牛炒飯, 雪糕, etc.飲品 : 百事可樂, 七喜, 柚子茶.醬料 : 麻醬, 醬油, 酸辣蘿蔔蓉, 醋酸醬油.肉類 : 牛肉同豚肉好正, 我地只係食最平既餐, 最普通既牛肉, 要正 d 既要貴 d, 我地幾個人都勁食左 10 碟, 錄左成 10 分鐘都唔鞋唔老.湯底 : 我地要左昆布湯同和牛辛辣泡菜湯, 不過 2 個湯底都好淡吓.其他食物 : 全部都 ok 好食, 其中稻庭烏冬超正, 推薦推薦.飲品 : 要左百事同七喜, 好似有加左水咁, 淡淡地.醬料 : 我食左麻醬+醬油, 酸辣蘿蔔蓉+ 醋酸醬油, 2 碟.

本人第一篇食評, 趁住今日打8號唔駛返工一次過打哂佢其實一直一直都好想試下呢間野, 但一直都冇朋友陪我食, 今日突然間有人話肯同我食~ 正大約5點幾6點到, 唔駛等位, 叫左個$138 套餐, 豆乳湯底, 限食90 分鐘, 氣水任refillD 牛同 豚肉比想像中好, 一D都唔老, 好好食, 本來仲驚會唔好食, 要upgrade, 不過個豆乳湯底就冇咩味, 之後再叫 牛同 豚肉 各一碟, 唔知係唔係個位入得濟, 叫左好耐, d 待應都見唔到我地~ 最終要親自出去同佢地講, 唔知係唔係因為咁, 佢俾左勁多份量我, 2個人食到想死 其他配料都冇咩點食, 連雪糕都冇食到不過啖啖肉真係好正, 下次一定再食過

今日呀媽唔想煮飯，又諗唔到食咩菜式，所以就去食火鍋，咁就個個都有野岩食啦大約6點15分去到門口，唔洗等位，可能係星期一，而且時間尚早，幾好仲有好多位，個waiter brought 我地去張枱that is 近食物區^^，好耶，真係識做叫左90分鐘既進口牛肉&豚肉，$118，係"涮涮鍋"之中最便宜個湯底就係和牛清湯其實我地第一盤既牛肉唔係咁架，但係到我地叫到第3盤個陣，d牛肉好令，比起之前個d冇咁老，而且好少肥肉，好似雪花咁，我就好快落晒佢，我驚d waiter搞錯左，就會拎番走，最終都食左，好味d除左牛肉&豚肉之外，其他食物都冇咩特別我最鍾意就係落京蔥^^，滾到佢淋個陣，好夠蔥味，正滑豆腐都唔錯，真係好滑，但放入鍋唔會爛晒，好彩^^我覺得係日本豆腐，不錯仲有稻庭烏冬，佢唔會好似普通烏冬放係個大盤，比我地任夾，佢係用細碗盛住，我諗因為佢好滑，而且我睇過係超市買既話，3小包既稻庭烏冬都起碼要$35 所以我食左4,5碗xd醬油既話，我鍾意將蔥花加醬油拌勻之後，就會倒入冷麵上面食，好好味架總括黎講，d食物都唔差，真材實料，90分鐘夠食，環境不錯，但係晚市既價錢就稍微貴左d，而且我希望佢再有綠

之前聽人講呢間野好多人,所以就book左位先去,我地坐低無幾耐,就聽到出面d人就開始拎籌等位lu~當日最平既任食火鍋係$93/位(再+10%服務費),每位跟1杯飲品(任refill),湯底有豆乳湯,昆布湯,和牛清湯,和牛泡菜湯等等供我地選擇.我地要左昆布湯肉類係任叫的,最喜歡食牛肉的我們當然狂叫牛肉啦.我地好似起碼叫左3次牛肉...最尾仲差d食唔哂tim出面個自助吧位都幾多野拎,有芝士腸,獅子狗,菜,菇,烏冬,素面,火鍋年糕,薯糕,油豆腐同埋各式醬料等等.如果大家想食烏冬既話,我就建議大家拎"讚岐烏冬"喇~因為"讚岐烏冬"真係超正,好食過普通果隻好多!年糕QQ地,好好味,食火鍋必備,不過呢度d年糕有d難熟,平時食火鍋果陣,d年糕一陣就熟,但呢度d年糕就滾比較耐都未變軟身.另外,我都試左塊薯糕,食落個feel似d好硬既jelly,我認為唔多好食油豆腐都幾好味,好似平時成日食既生筋~醬料方面,我最喜歡麻醬!!點牛肉超正!!另外,自助吧仲有雪糕櫃,有豆腐/芝麻/雲呢拿/巧克力豆腐同芝麻好快就俾人拎哂,所以想食就要快手!!食到飽飽就去行街街lu~~~

呢日 lunch 同班同事仔一齊黎怒涮!!大約 2 個星期前就已經 book 左枱了 =P一行 9 人, 沖呀~~~~~~成堆人坐低就先揀餐 (午市半任食 60 分鐘 / 午市全任食 90 分鐘)午市半任食意思係 >> 指定肉類一碟 再加 任食吧午市全任食意思係 >> 指定肉類任食 再加 任食吧午市半任食選擇有: 涮涮進口牛 ($52) / 上級進口牛 ($68) / 和牛 ($118) / 豚肉 ($48) / 壽喜進口牛 ($62) / 混合"牛+豚" ($62) 午市全任食選擇有: 壽喜進口牛 ($98) / 進口牛+豚 ($88)*** 午市任食吧有: 蔬菜 / 菇類 / 飯麵 / 雪糕 ***** 送飲品一杯: 百事可樂 / 七喜 / 柚子茶 *** 湯底有 4 種: 昆布湯 / 豆乳湯 / 和牛清湯 / 和牛辛辣泡菜湯 *經過限時既商議, 我地 6 男 3 女決定左.....午市全任食 >> 進口牛+豚任食 再加 任食吧 ($88/位)湯底我地揀左: 豆乳湯 x1 / 和牛清湯 x1因為 lunch 時間有限, 落好單之後就即

今日其實原本諗住去Oliva食晚餐既，不過見到今日牛涮鍋好難得唔洗排隊，所以就即刻跑過去啦，係我地之後既人就要排隊，好彩姐入到去，好快就叫左個套餐，最便宜個個(牛肉&豚肉 - 成人$108)，湯底就係昆布湯&和牛清湯，order左就行出去拎其他配料lu鮮栗米 - 切得夠細，唔會有一絲絲"蘇" ，夠爽娃娃菜 - 佢今次冇乜點切，只係整開一片片，好難夾、放落鍋&食(太大片- -) ，但係個色都唔錯，唔會太黃&綠，岩岩好，食落去都係同出面個d差唔多，冇乜分別唐生菜 - 好彩佢唔係好多片姐，大多數都係bb菜好得意呀，全部比我夾晒個樣都幾翠綠&夠爽9黃 - 切既長度岩岩好，放落鍋會令到個湯底更加香所以一定要加呀稻庭烏冬 - e個佢地係用d細碗黎盛住，唔會用個大盤比你夾，我諗係因為驚d人夾到爛晒，同瑪稻庭烏冬比起普通烏冬貴好多，一包有三個烏冬，都要成四大幾蚊，所以黎到牛涮鍋緊係要食啦，食個陣，真係要好似日本人咁，啜入口，個烏冬真係好滑，要試呀蒟蒻 - e個我覺得一般，食落去又冇乜味，只係有少少怪味，可能係因為我冇食過既關係啦.....個樣又樣衰xd，嘻嘻，年糕 - 我覺得好味，因為有年糕既味，煮一

同朋友睇完戲 想搵啲好野食下聽朋友介紹 呢間好似吾錯望一望價錢 都算OK 係以一碟肉類價錢,配菜自助入到去 LUNCH時候冇咩人 幾靜坐得幾舒服叫左豬肉,聽朋友講豬肉好味過牛肉~湯底要左泡菜湯底 冇咩辣 但幾好味B-)啲肉吾錯 吾會好"UN"配菜既choice都幾多~ 有菜有麵有年糕等等 幾豐富!最suprise既係有雪糕!都係任食 朋友同我都好開心!又有朱古力醬 又有士多啤梨~仲有啲oreo碎落 或者係彩虹糖針~好歡樂^^

又係同B君出發搵野食既日子，今日目標係MOU MOU CLUB。好彩兩個人放工甚早，入座一陣已經FULL咗，可見其旺場程度。簡簡單單咁要咗個$138放題，外面的烏冬魚蛋是自助，包野飲。可惜D汽水好似冇氣咁，有D怪。豆乳同昆布兩個湯底，豆乳好似唔夠香，但佢滾得好快，一唔覺意就過埋對面了....食物方面，豬牛兩種俱佳，B君不知是否因著同類，比較喜歡豬肉我則是無牛不歡。配菜呢，最值得讚的是花枝丸，非常爽口彈牙，仲要有粒粒花枝係裡面，食到我地停唔到口。甜品方面，荃灣冇咁好既就係冇軟雪糕機，只係得普通既雀巢雪糕，好唔甘心....總括而言，九十分鐘限時係夠食既，以咁既價錢，肉既質素好過哂一般酒樓，而服務態度都好好，得三四個侍應都OK夠，好快會黎幫你，又會逐枱提LAST ORDER，打邊邊係一個唔錯既選擇。

6點去到, 2個人即刻入得, 剛好仲有幾張台, 入到去感覺唔錯, 地方大, 座位都幾好坐, 叫0左個238和牛2個人都加埋$10氣水任飲, 有D人話佢加$10 先有任飲搵笨, 但我覺得寫到明,你可以唔加飲茶而且唔收錢的.出面有幾種菜同姑, 有烏東, 脆皮腸, 年糕,等等, 基本上係SABU SABU 入面常見的菜都有提供, 不算多, 但OK夠而且新鮮, 有幾種汁料, 同埋有雪糕,不過來到這都係食牛肉,所以呢D我覺得都夠啦,238餐, 叫左豆乳+ 昆布2個湯, 豆乳好香豆味, 昆布就重味D, 2種湯都OK, 合格, 叫完等0左5分鐘左右 來0左一碟半牛半豬, 見到都有雪花, 但不是想像中多, 豬肉係常見的梅頭肉, 2種肉都好薄, 入水3秒就可以食, 牛肉入口好有牛味, 豬肉都幾好,而且冇平時其他打邊爐D肉0個種"SO"味, 2種肉都合格.不過見到身邊0個台叫0左138, 見佢只係D牛唔同,豬係一樣的, 而牛係好明顯冇咁多雪花, 但係又唔太差WOR.我估都會好食,不過肉味可能差少少...... 食0左20分鐘時,見門口已經有人在等位, 好在來得早, 結果我同老婆食0左6碟牛, 2碟豬...

SUKIYAKI & SHABUSHABU同樣分4級(請注意 - SHABUSHABU有包括任食豬+牛,SUKIYAKI只限食牛)我地2個人就叫左SUKIYAKI次等級別$248既和牛放題(90MINS)因為我地2個都係牛痴,所以食SUKIYAKI湯底是醬油湯,味道適中,不濃不淡,但後期較為杰身,要多放清水和牛每一碟都是靚和牛,雪花均勻,口感一流～配料自助吧略嫌款式少，只有三至四款蔬菜供選擇，但也不失新鮮！特別推介『稻庭烏冬』香滑軟熟，入口又不會很糊口，好食～另有炒飯／雪糕大量供應

叫138個餐, 牛唔錯, 幾有牛味....要左豆乳湯底，　但冇乜味。。。出面自助既蔬菜選擇太少, 得3-4款(生菜, 娃娃菜, 芽菜)，　都叫做幾新鮮。。。。其他有魚蛋, 豆腐, 烏冬, 腸仔, 苧絲, 獅子狗......服務普通啦...可接受啦。。。

今日兩位大人&一位小朋友用餐,本來點最平$108套餐,但發現牛肉非常韌,又有血水味,馬上要求升級最貴$328和牛套餐.結果來了三碟,只有第一碟質素不錯,之後兩碟簡直是差到極點,要求更換後仍然覺得不是和牛,沒有油花,即使涮一涮馬上品嘗都依然是非常硬,買單要九百元,非常不值得!!一定不會再去!!!

因為明知7點左右到實等餐飽，所以end up 約9點，最係只係等半個鐘到，weekend最好唔好去，真係等到crazy....anyway, 我同男友諗左好耐食上等和牛(最貴，唔記得幾多), 定second level和牛($$$278??? i am not sure)好，最後諗住平少少，食second先，如果好食下次再食好D牛同豚都無得彈.....我心思思想知$158(3rd level 高級牛肉??)有咩分別，最後問可唔可以down grade要一份$158...食平D當然ok la,快D餵飽你，發覺一分錢一分貨.....要我俾$158食呢份肉，我一定唔會黎第二次，但係貴Do既和牛(2nd level)鮮味好多，滑好多，個種甜味$158絕對俾唔到你.....個$100一定要俾...唔係你我覺得浪費時間排隊入黎我食完掛住左幾日，但食咁多牛好毒......我過一排一定會黎食好D，食上等和牛架.......(佩料唔多, 打邊爐料亦唔多，主要真係食肉.......不過所有用料so far都新鮮，同品質唔錯)