牛涮鍋 (已結業)

🙇🏽‍♂️自從有小朋友後對食店服務上既要求高左好多，比著我係服務員我都唔想煩 對小朋友係比較多野做😏😏😏🙏🏻今日搵枱服務員耐心選張安全位置比我地，又清晰表達bb椅既結構，位置又有海景睇 我地坐底都算好快服務我地 比我感覺好有心👏🏻👏🏻👏🏻🤝食物方面性價比正常 二百蚊任食美國和牛都唔差，蔬菜種類多又新鮮，比bb食我都唔怕👍🏻👍🏻👍🏻係會再去既食店！Ps bb椅係冇帶鎖坐bb

匯窿同牛涮鍋又有新promo, 90分鐘美國和牛放題半價, 因著promo 價就去試下!一坐低佢會按人頭比一份美國和牛, 一份豬肉同幾件雞肉你, 第一round嘅美牛, 樣子都唔錯, 有牛味但唔太濃郁。呢碟係二人份嘅唔美牛,鞋少少但牛味重d左邊嘅係圖一牛, 右邊嘅係圖二牛, 雖即兩者都係美和牛, 但可能係部位唔同, 所以味道同外觀都有少少分別!今日牛放題, 當然盡情食牛啦, 所以buffet bar 嘅食物都無點拎過!第4 round 嘅牛令我有驚喜, 無論外觀同味道都比前3round 好味dd! 呢個promo 仲包埋啤酒放題, 啤酒我就無飲, 如果飲埋啤酒就真係好抵食了折完每人$200有找, 2個人一共叫左8份牛, 回本有突! Sorry, 我地真的太貪心了!不過我地係惜食之人, 完全無食剩食物! 行經H 店, 又遇上promo, 當然要再食過啦, 可惜只記得影招牌忘記了影手上嘅雪糕今日嘅係半價巡禮, 樣樣都平價, 好抵!

門口帶位個呀姐態度非常惡劣，大約晚上9點號碼叫到95，我和女朋友行開去其他店鋪行下，五分鐘後再望下個apps 叫到幾多，已經叫到117，我地立即趕過去，去到門口個呀姐話我地過左，要補飛，但我話只係五分鐘叫左廿幾張枱，個apps 又冇通知，之後佢話係咁嫁啦，鬼叫您自己唔留意個號碼走開，幫您唔到，咁嘅態度算咩意思，都唔係諗住幫客人，之後我後面又有一台一模一樣情況嘅客人，都係咁樣答覆，真係想問呢間公司係點樣train up 員工

來到銅鑼灣午膳🤓由於朋友趕着回去上班，時間不太充足。又忽然想起火鍋，於是選擇了牛涮午市定食。我們兩個都選擇牛肉和雞肉兩款。而蔬菜及甜點是自助吧自取的👅肉類不過不失性價比高，蔬菜新鮮而且選擇多。甜點方面推薦芝士餅及雪糕🍦

心急住午餐時間走左去打邊爐興祝生日朋友在牛涮鍋同溫x菜二選一，選了呢個我未食過呀，返工lunch打邊爐都幾惡🤣選了任食本地牛套餐，真係大鄉里，以為淨係食牛，其實係有好多好多唔同種類野食，同平時邊爐係差唔多仲有因爲朋友係會員有優惠卷，送左個海鮮拼盤，為餐生日錦上添花最好笑係我食左粒流心粟米丸,覺得照好食，但朋友唔覺，最後我一人食左五粒，有粟米湯根本係正😂😂最尾仲有雪糕架，但係急住趕住走無影，好滑好好食架食飽飽又要努力工作了

weekday 放假, 中午一人去左食火煱!因一人, 所以要搭枱, 空間少少的, 但無所謂!個人幾鍾意牛涮煱嘅一人一隻碟去拎公家野食, 環保d 唔洗洗咁多隻碟。餐牌就無影, 只影左我個套餐.呢個係套餐中最<貴>的, $126 我+$15 升級到1.5倍牛, 咁叫最抵食唔同級數嘅牛一齊食真係食得出分別的!右邊係普通嘅肥牛食落鞋鞋地, 但左邊嘅和牛質素雖不及3百幾嘅和牛放題, 但入口有牛味同滑身係幾好食!試過呢款, 下次可以放心食最貴嘅和牛放題了! 會員9折後=免加一=$141

原來一直都唔知道牛涮鍋星期日都有午餐食架😋😋😋，咁岩今次可以一人一鍋😝😝。我地就揀左一碟的午餐，而外面的全部都是任食，不過用餐時間只有60分鐘。不過我都覺得夠時間食的✌🏿叫咗一個甜醬油湯底加另外一個番茄湯底甜醬油湯配娃娃菜係超級好味同入味，但比起其他火鍋放題都是屬於偏少食物種類的，不過勝在食物質素高👍🏿午餐是有雞腿肉配澳洲和牛這裏的拉麵值得推介，配醬油湯底十分好吃😋最後這要食埋度嘅甜品喇，很值得推介的是3個 mochi 😋😋😋超正又唔太甜🖤💚💛

係啊6月食嘅野，8月先寫啊 ☺️☺️☺️因為6月生日前後2日都有得免費！！！不過一定要2個人以上先食得，一定係怕人一條友來食免費餐😂😂😂咁咁啱我朋友係6月生日嘅，就決定來食呢個買一送一優惠(生日免費，一定要2人以上來食，咁我地2個人食，咪買一送一囉)我們好似叫左壽喜燒同雞湯湯底，最貴果個300幾蚊嘅宮崎牛加海鮮任食，加左2隻日本雞蛋(食壽喜燒湯底唔係唔加蛋啊日本蛋最高，壽喜燒一定要配蛋！而且因該朋友生日，我地豪氣d，每人一隻蛋！！平時節儉嘅我地一定叫一隻蛋大家食就算😎然後主角！無錯！主角係和牛，而唔係無日果個🤘🏻🤘🏻🤘🏻咁可以見到3牛好靚啦，而且任食第一碟牛一定係最靚嫁嘛係，其實仲有黑毛豬嘅，不過有和牛食，邊個要食豬肉？咁個牛一開始食真係好正，好淋，好香肉味，不過應該係肥膏太多啦，好快就會覺得膩，同個湯會好油😂不過真係幾好食嘅，我們食左4碟已經飽到嘔，好弱雞啊我地😭😭然後呢間野係有哈根大師任食嘅，點飽都好，都要嘟番2球先得，不過d雪糕真係好L硬，呢碗野我整左好耐識食最後一定整番個粥來食，正正子

已經有一段昤間沒有來過牛涮鍋了，還記得未結婚前這裡是我們常來的食店，畢竟近年同類火鍋店真的越來越多，選擇也就多了。今天跟老公過來銅鑼灣逛街，買下買下就6-7點了，行得累了自然要吃餐飽，就過來牛涮鍋吃個夠，我們真的很愛吃日式火鍋呢！雖然門外的人不少，但等了大約15分鐘就有位了。進去前，店員給了我們選湯底，可以選2個，我們便選了兩個都是期間限定的湯底 → 紅菜頭.....和日式洋蔥.... (哈！我已經唔記得左個全名。) 兩種湯底都清得來非常美味，所以不用點醬料也可以。

今晚本來約左朋友7點食放題，我大若6:20到達想攞定飛，我詢問接待職員想7點入座是否要攞飛先，她答覆要齊人先攞飛，未齊攞左都無用因會pass比其他人，之後都有再問我幾位，我答三位。跟住我係門口等待，當時有3個人遲我少少同我一樣係門口等，咁我不以為意以為朋友到左通知她便可。7點後朋友到左但門口已企一大堆人，之後同我一齊等其餘三人已有枱，我見帶位小姐特別行去通知他們入座，當時他們企到欄杆附近距離門口較遠。我跟住行過去話人到齊，帶位小姐竟然禁張飛比我，我問點解而家先要攞飛，一早唔比我攞但之後又無通知？佢答話唔知我想點，又話咁多人照顧唔到我，咁先前果三個係咩豪客要優先同照顧到佢地呢！當然我一肚氣唔會再等，我唔係第一次去食當然知道要排隊攞飛，但佢咁誤導我仲話係我既問題，咁既態度就算唔使錢都唔會再去。

夏日炎炎，最好就留在冷氣地方！但琴日戚起條食筋約了舅母和表弟去銅鑼灣世貿mou mou club打邊爐一人一鍋！🍲這間店中午十二點開門，未夠鐘已經有食客排隊！我們是幾天前訂了位，所以保證有位！😊我們選擇了60分鐘午餐，因為午餐食得不多，留番下次先食晚餐放題！於是選了午餐P美國進口牛肉和日本極上黑毛和牛套餐(HKD126),品質幾好呀，蔬菜麵烏冬魚旦飲品甜品雪糕任食！我的表弟還是調製了一杯特飲給我，十分開❤️！因為我是會員，所以有九折和用積分換取一客海鮮拼盤！👍

呢間野午市同晚市無論係價錢同食物都相差很遠，午市食牛嘅朋友百幾＄200就有成交，不過牛肉就唔係任食，蔬菜配菜類就任食，最中意距地壽喜湯底，➕娃娃菜同豆腐，丸類有10幾種算可以，蔬菜都新鮮，有玉米，芋頭，白蘿蔔，生菜，大蔥，其他芋絲，沙拉，軟雪糕都有，部分邊爐熱門蔬菜都有，不過個烏冬麻麻地，唔彈牙。甜品都有好幾種，距地類似糯米糍果個甜品好好味，有檸檬同朱古力味。

上個星期終於出左GPA，一定食返餐好啦！作為牛涮鍋fans當然要去食多次啦。今次係第一次去銅鑼灣世貿試下，睇下有冇失水準先！入到去個環境比其他好，乾淨企理。好好彩就係今次有得坐係最近自助區既位置，食物都好乾淨，職員服務態度都好有禮貌，好nice。肉既質素都唔錯！今次我地揀左$178嘅美國牛肉set，仲有蕃茄湯同清湯啦。一開始每人包一份牛肉，一份雞肉同一份豚肉。顔色同油脂分佈幾好，唔似街市買嘅平肉。食落口都係一如既往有水準，牛肉唔會太肥又有鮮味，豚肉反而比牛肉更嫩滑，充滿肉汁，搶左主角牛肉光環。自助區部份有沙律吧以外，仲有唔同嘅蔬菜，丸類等，唔洗擔心等牛肉既時候會餓親！我地夾左蕃茄金菇芋絲娃娃菜等，好新鮮，所以即刻食返。食左好多野食之後，有啲口乾，當然去汽水機食返杯青提果汁，唔太甜又有果肉！推薦！我地兩個人追加左好多午肉!仲要即叫即到，份份都好有份量！抵讚！食到好飽都唔驚，點都要食返個甜品先！首先重點要推介既係雪糕！自己整作最好食！Toppings又有我最中意嘅麻糬，出奇地有咬口又煙韌，落左一大杯！職員refill 得好快唔洗擔心冇曬。 另外仲有甜品吧，不過好飽冇食到了。總結今晚係牛涮鍋

因為想吃呷哺呷哺、遍尋了附近總算找到一家似乎人氣蠻高的店。看店名知道是以牛肉為主、那自選任意食套餐時勢必要選有牛肉的咯、因為牛肉等級不同、價格有略微差異。非常好找的地方、在causeway bay逛完街的步行距離即到。大概因為人氣很旺、非工作日即使晚上八點半去也是要排排隊的呢。內部環境OK、除套餐肉類食材外還供有不少色拉蔬菜和鍋物常見食材、甚至也有餐後甜點區。總體說來是蠻豐富了。不過正因為如此、你想要吃回本就很難了。基本上我們是很辛苦才把套餐裡的肉第一份吃完。不過口味真的無法恭維、是真的淡而無味好像洗鍋水一樣。已經很盡力在各自碗中的調味上加油努力了、可是畢竟食材在國內煮、沒有入味就是沒有入味。我們最後也就沒有再勉強了。大約還是不會再去了吧。

已經連續多年續了這間食店的會員，因為發覺實在物超所值 ，今日又再來試他的午餐，只需付約百元，就已經可以有90分鐘無休無累地享受他的 牛肉火鍋，最欣賞就是他的不論牛肉、雞肉和豚肉，都是上乘的質素，而且每次都有推出新的湯底介紹，特別要 指出他的沙律菜，也是較其他火鍋店出色，不單止新鮮爽口，而且配搭又多，這天兩口子order了那個海鮮拼盤,不用六十元已經有各款又大又新鮮的海鮮，當然一定食埋他的甜品包括各款糕點和 乳酪，尤其那個趣筒乳酪是我每次一定試完一杯又一杯，簡直已上了癮，每週不一試他的牛肉火鍋就像失去了什麼似的。