牛涮鍋

營業中

休息中

牛涮鍋已經唔係第一次食😆，但仍然都係咁吸引，店員服務同上次一樣都好好👍🏻。今次同阿妹👧🏻一齊食美國上級牛胸腹放題🐮($163)，叫咗個鴛鴦鍋，分別係櫻花蝦沙嗲湯底🦐同甜醬油湯底。沙嗲湯底充滿櫻花蝦，雖然沙嗲味好香濃，但係食到最後其實有少少膩。相反甜醬油湯甜甜地，煮完食物之後都唔使沾醬👍🏻。-今次自助吧出邊嘅雪糕係皇室伯爵紅茶同牛乳雪糕，其中伯爵紅茶味好出🤤，真係會食得出有茶味☕️，而且係香濃👍🏻！好有驚喜🤩！大家去到食，如果見到，一定要試吓！超推💛！

牛涮鍋馬鞍山店，經常都好多人幫襯。今日同老公來食Lunch，因時間關係，加上唔食到太多。所以我們選了60分鐘午餐！$79 （牛+雞） 及 $108（海鮮）配菜任食，飲品任飲，雪榚甜品也任選，仲有沙律，咖喱牛肉飯。其實真係唔會食唔飽，仲要好豐富。我去過其他店都無咁齊的選擇！👍配菜也新鮮靚仔的，多種類選擇，烏冬拉麵都好食。唯獨幾片牛就失色了！可能諗下點放得靚仔D，唔好睇！雖然$79都可以好睇少少😅正！ 好想再帶仔囡來食，等他們都食得多元化的開心下！😄😄😄

老媽子真係好鍾意打邊爐 一個禮拜最少要打一次平時去開嗰間質素開始下降所以就轉埸叫咗個鴛鴦鍋 一邊麻辣 一邊蕃茄 再叫埋個和牛餐真係不得了！牛肉啲質素係幾好 始終一分錢一分貨 而家食有七折所以都幾抵嘅 但係出邊嘅配料就一般貨式 選擇唔係太多 而且質素都唔係太新鮮 媽子話啲炸芋頭有啲油益味 細佬就話啲橙汁淡過水 所以發現咗呢啲之後我哋就主攻牛肉 牛肉 同牛肉 畢竟都叫咗最貴嗰個餐 質素真係有啲保證 澳洲嘅和牛小排 同 牛肩胛肉一定係回本之選。其他嘢就略略帶過可以。

星期一，晚上七時餐廳只有3成入座一行4人打邊爐，冇曬一人一鍋，俾咗一張單四人枱我地，好難張四人枱有兩個爐頭，我哋希望打兩個煲佢話唔得，4人只可以用一 個煲咁好啦我哋話我哋分開兩人兩人入座喇，坐喺隔離枱隔住塊板佢又話唔得，佢話分枱，佢一定會安排兩台完全分開的枱咁好啦一張四人枱我見隔離其實分咗兩台，兩台陌生人坐一張4人檯，用隔板分開又可以，反而四個認識嘅人又唔可以同樣係四個人收我地同樣嘅錢，係要比得一個煲，要多一個煲又分枱仲要分開如果係公司政策希望應該要檢討吓沒有想過Kabu 的餐廳是這樣的，如果唔係之前加入左會員我哋應該會即刻離開。 如果是個別員工的問題請嚴重注視吓最重要的是，那個不知道是經理還是侍應的叔叔，一直態度奇差。唔明白點解一家人出去食飯要受氣，下次都係去第二間或者買料屋企打邊爐咪算囉

行完山。需要補充下體力😂😂見呢間餐廳唔洗等位，就試下啦嗌左豚肉雞肉加海鮮鴛鴦鍋，麻辣同蕃茄湯底。豚肉：正正常常雞肉：始終有小小酥味海鮮：個人覺得伏過一次就算喇我地食既大部分都係蔬菜，娃娃菜好好食😋白蘿蔔好清甜，如果可以切薄啲就更加好會容易熟啲另外加錢叫左兩份生蠔，味道ok，都新鮮加20幾蚊可以任飲啤酒🍻飯後甜品可以diy雪糕🍦😝係好開心既時間。食物選擇都幾多，而且新鮮。fill菜速度都好快，值得一讚

今年聖誕禁堂食所以諗住晚餐前食當食咗聖誕餐就算啦其實我哋已經好遲去差唔多都三點啦但係仲好多人排隊 應該都係外賣但係原來堂食都好多人等 唔去唔知原來外賣可以好多折扣 但係我問佢職員原來佢有限定某啲套餐先得 所以唔係全部都係五折㗎話晒放假又聖誕節 費事又帶啲嘢返屋企又食完又要清潔 咁注重返自己個人衛生其實都冇問題嘅 同埋我見佢衛生都做得幾好因為二人限聚食所以有啲分左兩張枱搞到等咗好耐先有位 但都值得嘅 冬天烚吓烚吓好正因為我唔係鍾意食牛肉所以揀咗套餐又較平 但係節日就要另外每個套餐加多$10囉 同埋都要加1服務嘅 攞餐嘅時候見到都有職員喺度消毒嗰個隔板 所以我覺得都感覺幾衛生啊 而且每次去攞餐一定戴口罩嘅 加上佢要攞嘅甜品嗰啲佢都用保鮮紙包裝好呢個真係值得讚！ 不過講真佢啲甜品真係麻麻地總體來講都係值得去食嘅 服務都唔錯啦 希望可以繼續保持呢個衛生水準啦

第一次來食🐂牛涮鍋，原來都幾多🤤嘢食，而且可以加錢💰升級海鮮🦪任食！一人一鍋乾淨衛生👍。湯底我揀咗🌸櫻花蝦🦐，湯底🥣入邊嘅櫻花蝦🦐都算唔少👍，而且食落都有淡淡的櫻花蝦味🤤。🐓雞肉同埋🐖豬肉中規中矩啦，我無食太多。我🤩主力食😋美國🇺🇸特選和牛🥩肩胛肉，油花分布算唔錯，美國🇺🇸和牛雖然冇日本🇯🇵和牛嗰種重度油香，但牛🐂味相對比較突出，而且肉質亦比較有咬口🤤。另外我哋亦加咗錢💰升級海鮮🦪任食，有蠔🦪有蜆有青口同埋魷魚🦑，蜆比較細粒，青口同埋魷魚都OK👌，蠔🦪相對比較肥美😍！整體來講性價比唔錯，😋食物款式又多，有機會會再來！

每一次經過呢間牛涮鍋，都大排長龍，目測起碼有二十人外排，未計係程式排隊既人。今日趁早收工，大概五點九攞飛，等左20分鐘入得。而家入去時可以攞口罩紙，都好貼心。 而我就叫左Lv3果個餐加海鮮，隻牛係美國上級牛胸腹，食落脂肪均勻，值呢個價。不過海鮮方面有好有唔好，蜆好細隻，青口就新鮮，都幾淋。 配料方面，有基本既食材，丸，蕃茄，菜。。。。等。配料食材好新鮮。 甜品方面個綠茶缺餅麻麻地，太鬆淋，唔該煙韌，可以skip。另外期待既係軟雪糕，好食，雪糕有好多唔同配料，例如棉花糖。

馬鞍山牛涮鍋，長期都要拎飛等位！莫非真係沙漠美食？定係生存的水源？真係好多人！！！ 90分鐘任食，首先講下二人同行，一人一鍋😆＊湯底＊我揀既係 ·櫻花蝦沙爹湯底，味道超濃！重口味人士超推薦👍‼️·朋友揀既係穩陣昆布湯底，一樣夠味，永遠都唔會中伏既湯底！😂＊點餐＊肉類，例如豬、牛、雞肉等都需要自行落柯打。最簡單就用返每個位既台底預設既IPAD點單，唔夠洗既用電話掃QR CODE點單亦可。瘋狂食肉撐到飽是常識吧！哈哈哈😄我地加左幾十蚊要埋任點海鮮，有蜆食！海鮮黎講，唔算特別新鮮，叫做食得落口。任食既海鮮真係唔好太大期望～‼️＊提醒＊我地點左最平個套餐原來無牛食⋯⋯食食下睇個MENU先發現😱😨😰＊配料＊每人有一隻大碟，去自助區夾火鍋配料，有好多丸類、等火鍋料滾起既時候就瘋狂食炸魚皮！黑松露丸幾好食的～另外有好多魚豆腐、有餡丸子等等。娃娃菜、生菜、唐菜又有。麵呢，有鳥冬、公仔麵～＊甜品＊甜品櫃係有超多日式甜品選擇，我睇見已經流哂口水喇！日式蕨餅、日式MOCHI、迷你泡芙～對我黎講，Q彈煙UN既野真係世界級，我抵受不住這個誘惑⋯⋯＊飲品＊任添！如果等位唔洗咁耐就好啦。不過冇計啦，馬鞍山呢個沙漠，有得

馬鞍山外賣火鍋嘅選擇唔係好多，牛刷鍋算是大型連鎖分店，方便就腳， 喺馬鞍山廣場，外賣都方便拎。二人餐$180左右，方便抵食但自取，最方便係即日order都有得攞，但套餐裏面嘅牛本身質素一般，可以加錢買靚啲嘅牛。份量唔少，二人餐足夠一家四口食，有公仔麵又有烏冬提供， 適合一家大細。但湯底一般，有啲似出前一丁嘅牛肉麵湯底。套餐內有少量嘅海鮮、包括扇貝，雜丸同埋牛肉，不過我冇我最鍾意嘅響鈴， 如果要食嘅話要另外買。

此店吸睛之處：一人一鍋，衛生、各有所好是次選了辛辣豬骨湯，初時唔太辣，不用拿調味料，後期越來越辣🥵黑蒜油豬骨湯，好香，落豚肉+烏冬=絕配🤩不同款式雜菜bar, 今天有蒿旬：爽脆，好小見到、蘿蔔片夠薄易食😋喜歡食菜的我，實在太興奮🥰蔬菜bar盡頭是自製調味料，醬油、辣椒🌶️麻油，一應俱全這幾款都是包心芝士丸，按個人喜好自取；由於食物珍貴，每樣試一、兩件初嘗甜品沙津菜已預先pack好，加麻油便可吃雪糕自助bar此店十分準時，約45分鐘便開始結帳；到60分鐘便會提醒用膳時間已過，超過5分鐘再提醒🔔故此60分鐘是有點趕急，已放落鍋之食物只可以放棄，請自行預留時間完成😔

假日想媽媽煮小餐飯休息一下，堂食有限聚令；買2個餐又用太多即棄餐具，今次試吓自携飯盒買外賣夠晒環保♻️餐廳都推行環保行動，全單再有5%折扣豬軟骨飯$49，仲有餐飲可選罐裝汽水飯份量非常大，味道唔錯，有3大件豬軟骨及1隻滷水蛋椰子雞鍋$49⋯⋯回家要自行翻熱，可揀套餐有飯，烏冬、飲品媽媽話椰子太生，翻熱唔太夠味，可能要煲耐d不過$49價錢，雞件份量都唔小由於自携餐盒， 餐廳做好就放係枱上面等你自己慢慢pack回家享用；呢啲有小小麻煩😓

因為疫情關係，晚市冇堂食，晚晚都要諗食咩都諗到頭爆...網上見到牛涮鍋有時短鍋、有飯同火鍋套餐set。未試過外賣火鍋番屋企，屋企兩老梗係話我多餘啦...火鍋料自己買咪得囉，使乜去餐廳買，但係我見有6折又好想試。唉...都係等我買啦😏最後連續兩個星期都食外賣火鍋第一次未叫過，驚等得耐所以網上訂，指定時間去攞，去到即刻有得攞好方便訂咗豐盛4人餐，6折，折後$382.84人餐可以揀2款湯底(每款2L)，亦可以揀1款(4L)，我揀咗黑蒜油豬骨湯同甜醬油湯。湯底係湯膽，番去加2000ml水開稀。材料新鮮，美國SRF和牛唔係hea你， 好足秤，4個人係一定夠食。兩老比較驚唔夠菜，所以自己洗咗菜一齊食。5點前自攜餐盒去仲有95折第二次去買就拎番上次d盒去啦...$382.8再95折，$363.6。帶位姐姐問使唔使入去坐住等，等火鍋料嚟到自己入盒，我地都有入去等。初初話大約20分鐘就有，但我地都等咗幾耐，最後都等咗起碼40分鐘，可能係第一張自攜外賣啦...因為入到去見唔到有客係入面等外賣，staff仲要serve堂食客。等到越嚟越多外賣客，火鍋料先逐碟逐碟嚟，遲過我嚟嘅客嘅料都一齊嚟。雖然等得耐，但美

呢排成日買外賣，所以都好鍾意四出搜尋平、靚、正嘅嘢食，牛涮銅係心水選擇之一。以前淨係可以入去打邊爐，雖然都係百幾二百蚊任食，但感覺就係要聚會、盡地一舖暴食先會入去，而家外賣時短鍋，幾十年就食到打邊爐喇，絕對係我呢啲細胃王嘅福音。最鍾意佢個椰子雞同埋和風牛肉。椰子雞入面每次都係雞髀嚟，絕無欺場；雞肉夠滑，湯底清甜，仲有一片蕃茄、幾款菇同好多菜添，感覺好健康，想減肥又想食邊爐野揀呢款就Perfect，食完都冇罪惡感。而和風牛肉湯底就好甜，令到牛肉味更加突出，會忍唔住飲多兩啖；至於配料就款款鍋都係一樣，所以都好夠菜食，夠晒均衡呀。

今日係馬鞍山做完運動，突然勁想食肉，行過牛涮鍋，就決定要打邊爐🍲我同朋友7點半攞位，等到8點35分先有位，足足等左成個鐘有多先有得入座😫入座前，店員先同我地確定多次人數、湯底同食咩level既牛，揀完跟住店員就會帶我哋入座～今次我地就揀咗lv3美國上級牛胸腹放題，坐低冇耐店員就攞左牛，豬，雞肉黎，如果大家唔需要記得入座既時候就同店員講定，如果唔係就會浪費咗啲食物架喇(因為係自動送黎的）☹️睇圖都可以見到牛肉係新鮮，脂肪分布都算平均，食落有牛味，唔會韌口，算滿意😍仲有自助區都好多野食攞架！