牛牛日式火鍋放題 (海之戀商場) (已結業)

又係去荃灣企鵝超市掃貨，兩個月無來又多左幾間新晉食店，，今次被五光十色的牛牛殿堂門面吸引著大刷一餐，店內環境空間寬敞，座位舒適、疫情下二人有海景四人座位睇到夜景滿舒服，唔講咁多啦因為得90分鐘任刷肚皮，滋味一人一鍋無限追加肉類再加選擇非常多的配菜，以牛肉質素分類套餐價錢非常合理。醬料蘸料區充滿誠意有日本醬油、芝麻醬、甘口燒汁、醋香汁及日式酸汁，醬、沙茶醬、香脆辣油、麻辣醬、炸蒜、芝麻粒、蒜蓉、指天椒、芫荽、青蔥等。炸物熟食區有香澴咖哩飯、墨魚肉餅、脆辣薯格及芝士蝦球。蔬菜區丸類區有43種之多!! 乾淨整齊!其中有小編最愛羽衣甘藍、秋葵、長蟹柳、南瓜片、粟米、芋絲、紅薯粉、娃娃菜、萵筍、蓮藕、翡翠苗、蟲草花青蘿蔔片、驚喜到水蓮菜都有，其他還有墨汁墨魚丸、麻醬豆腐及糖心蛋等。湯底共有八款選擇， 有大地鰹魚窩、美人豆乳鍋、日式麻辣鍋 、骨膠原豬骨鍋、日式蕃茄鍋、牛牛秘鍋、黃金酸菜鍋及韓式泡菜鍋，估唔到日式、川式、韓式口味齊哂。=̶ 澳洲產長期榖飼牛放題套餐 =̶ $238 (CP值最高)推介:⭐️⭐️⭐️⭐️⭐️澳洲產長期穀飼牛、 美國頂級牛肉 、嚴選特級牛肉、 紐西蘭綠之草原羊肩肉以及丹麥皇冠豚肉頭一

朋友既生日飯話想食牛肉放題火鍋🔍見到呢間荃灣海之戀既「牛牛日式火鍋放題」好似唔錯，記得有次嚟睇完樓嘅晚飯時間呢度大排長龍，雖然今次食午市放題，但都係嗱嗱聲book咗枱穩陣啲！中午時間入到黎，原來呢到對住個開揚靚靚大海景㗎！望住出面嘅景色打邊爐心情都特別靚💖喺幾個唔同嘅等級裏面我哋揀咗美國牛小排放題，湯底方面都好多選擇，而且一人一鍋夠晒衛生，我哋揀咗豆乳同埋日式甜豉油（其實聞到隔離枱個麻辣湯底都幾香🤤）自助醬料區好整齊乾淨，而火鍋配料區有大量丸類同埋蔬菜、麵食，選擇都幾多元化！我最鍾意佢嘅自助飲品區除咗一般嘅樽裝/罐裝汽水飲品之外，仲有佢哋自家炮製嘅冷泡茶，啱晒一向鍾意飲茶嘅我😻我哋揀咗四季春同埋阿里山烏龍茶！介紹返，美國牛小排油花分布均勻唔會太肥膩，入口即溶而且牛味濃郁。仲有美國牛肩胛，雖然口感冇小牛排咁滑但係一樣牛味濃。澳洲殼飼牛肩胛就再瘦啲添，唔想太邪惡嘅話大家自己識揀啦😆！丹麥皇冠豬梅肉都好正，淥幾下就食得！呢度QR code自助落單都幾快幾方便！同朋友密密食，每人食咗兩碟小牛排+兩碟牛肩胛，豬梅肉share留肚食甜品是常識吧！因為甜品方面竟然有Movenpick嘅雪糕呀🍨二百幾

有冇人好似我咁鍾意食火煱？牛牛日式火鍋放題， 好大間而且好簡潔，晚市價錢由$198-498 （限時90分鐘）一人一煱，行完Donki 見好吸引咁，就入去試吓。。我就揀左$298「美國產極選牛小排及嚴選海鮮放題套餐」一人一煱：-湯底（其中一款)大地鰹魚鍋 / 美人豆乳鍋 / 日式麻辣鍋 / 骨膠原豬骨鍋 / 日式蕃茄鍋 / 牛牛秘見鍋 / 黃金酸菜鍋 / 韓式泡菜鍋任食選擇有：美國頂級牛肉、牛小排、鮑魚、帶子、仲有清酒、日本啤酒怎飲⋯⋯**其他自助食物：基本上一般火煱食物都有，都以自助形式選取，疏菜新鮮，丸類、配莱也非常多選擇，而牛牛同海鮮就用電話QR code落單。所有自助形式擺放食品，全部也有蓋冚住。飲品任飲，大大個飲品雪櫃，有花茶、冬瓜茶等等。。呢間火煱放題店，食物有水準，好新鮮，空間大坐得舒服。

呢間日式火鍋店食過好幾次了😋好近donki 行完街去食就岩晒～晚市係90分鐘任食可以舒舒服服慢慢食 由前菜 炸物 肉類 配料 飲品 甜品都係任飲任食～呢度仲有自家製冷泡茶 四季春🥤打邊爐飲就一流一日火鍋既好處就係衛生啲 同可以揀自己鍾意既湯底‼️識我既都知我最愛壽喜燒湯底 甜甜地好開胃～.呢個套餐 可以任食澳洲穀飼牛 美國頂級牛肉 嚴選特級牛肉 羊肩肉同豚肉🐖肉既厚薄適中 每盤大約5-6片左右澳洲穀飼牛我最愛😍❤️肉味濃厚 油花分布均勻 點埋自己調既醬料🤤想起也餓了.呢度既配料款式都唔少 花生豆芽 羽衣甘藍 紅心蘿蔔等等都比較少見啲～最後當然要留肚食movinpick 都係任食架💜.黎緊4月24-25號仲會舉辦「牛の戀大胃王比賽」記得一定要參加呀🤤頭獎係ipad pro11啊🥳

最鍾意打邊爐嘅我 最近知道海之戀開咗shabu shabu火鍋梗係立即同朋友一齊去 90分鐘晚市放題套餐 可以揀唔同嘅湯底朋友唔鍾意食辣於是叫咗日式牛牛秘見鍋而我就揀咗黃金酸菜鍋 超特別！平時好少見日式放題火鍋會有酸菜鍋每一個鍋都有佢嘅特別名稱分別係鰹、豆、辣、骨、蕃、秘、酸及泡我哋叫咗澳洲產頂級長期穀飼牛放題套餐每個人頭只係$238 啲牛好靚 每一塊上面嘅雪花都好均勻紅白色非常鮮明 一連我都叫咗5，6碟 個湯底個口味正正係我想要嘅酸辣度食到停唔到口 另外仲有羊肉添 除此之外仲有海鮮拼盤可以食 有鮑魚有海蝦樣樣齊 淨係打卡影相都夠靚出邊仲有好多唔同嘅蔬菜可以挑選令我印象最深刻嘅係花生芽佢有好多氨基酸同埋有好多營養素 食完之後有勁強勁嘅抗氧化功能忍唔住要食多啲 朋友就鍾意食蟲草花貪佢夠滋陰養顏 擺落湯底度一齊煲 正 再嚟仲有非常大條嘅蟹柳平時大蟹柳出邊做緊$10條 而家呢度係任食🥰🥰😍吸晒湯底嘅味道每一啖都係極致嘅享受另外仲可以任拎芫荽蔥花冇人同你爭😆啱晒重口味嘅一群～順帶一提呢度即將舉辦大胃王選舉想去挑戰嘅朋友一齊參加啦

上一次火鍋已經是一個多月前，昨日終於忍不住決定大吃一番。於是中午到了海之戀商場尋找火鍋店。商場裏不只一間火鍋店，但看過店內環境後便想也不想選擇了這一家擁有海景的餐廳。我和友人點了美國產甄選牛小排午市90分鐘放題套餐。而湯底分別點了牛牛秘見鍋（sukiyaki)和日式麻辣鍋，我特別喜歡秘見鍋配牛肉，味道配搭得非常好，大大提升牛肉的鮮味。牛肉肉質也是非常鮮嫩，雪花分布平均，口感一流，吃完一碟又一碟，完全停不下來。除了牛小排，亦有羊肉和豬肉可供選擇。而其他食材蔬菜方面，都應有盡有，而重點是非常新鮮！飲品方面我最喜歡他們自家製的冷泡茶，嘗試了桂花烏龍口味，入口清香去膩。雪糕更有我最愛的品牌Movenpick! 下次如果要吃火鍋，一定會再來！

去開荃灣海之戀donki買野，見到有間係北角都食過幾好食既牛牛日式火鍋放題，一於就係度食晚餐啦。牛牛日式火鍋放題有好幾款唔同價錢既牛肉放題可以選擇，時間係90分鐘。今次我地就選擇左食美國頂級牛肉放題套餐。除左任食頂級牛肉同特級牛肉，仲有丹麥皇冠豚肉同紐西蘭羊肩肉。一人一個湯底，我同朋友就選擇左酸菜湯同牛牛秘見湯。酸菜湯味道好濃，怕辣既朋友就可能唔係幾岩，牛牛鍋係甜甜地既壽喜燒汁味。頂級牛肉睇落相當靚又新鮮，切得好薄，色澤紅潤。食落都好有牛味。即刻追加幾碟😍羊肩肉原本怕會羶，點知完全唔會喎，肉質仲幾好。除左任食肉類，當然仲有好多自助區有好多菜呀丸呀可以自己任拎任食。芝心丸特別推薦。各種蔬菜都好新鮮，仲有幾款炸物，食唔哂呀😂甜品同飲品都好多選擇，有movenpick雪糕同orea同大腳八雪條，又有自家冷泡茶。。。牛牛日式火鍋放題荃灣大河道100號海之戀商場1樓1010號舖。。

最近小編嘅朋友生日飯話想打邊爐慶祝，搵去邊度食嘅途中比我搵到呢間位於荃灣海之戀嘅日式火鍋放題，食完仲可以去Donki行陣街添💜餐廳環境都幾舒服，有啲位仲對住個開揚靚靚大海景，氣氛都特別正😋_今次同朋友試左90分鐘限時嘅日式火鍋放題，餐廳有提供唔同價位選擇，今次就試咗佢哋嘅$218美國頂級牛肉放題套餐🥩餐廳採用一人一鍋，小編同朋友今次就揀咗牛牛秘見鍋同日式麻辣鍋，牛牛秘見湯味道其實係甜豉油湯底，麻辣湯底味道亦夠香濃👍🏻_呢款套餐可以任食美國頂級牛肉 、紐西蘭羊肩肉同丹麥皇冠豚肉😋估唔到呢款牛味道都唔錯，食落去唔會好鞋有牛肉味✌🏻另外出邊都有一啲熟食同火鍋配料，值得一讚餐廳每一台都會提供私家夾等大家可以用返自己個夾出去夾野，相對比較衛生🥰熟食方面推介芝士蝦球，入口酥脆彈牙🥳自助區亦有多款蔬菜及丸類，蔬菜比較特別嘅係有羽衣甘藍、豆苗、黑木耳、海帶結等，另外推介大家可以試吓特長蟹柳，配埋湯底一齊食非常惹味，另外餐廳都會有返啲麵食包括公仔麵、薯粉等等_飲品方面亦有提供多款選擇，啤酒任飲，另外佢哋都有款自家製冷泡茶，入口清新有助解膩😄雪糕方面就有兩款MOVENPICK雪糕同Oreo雪條等等，整體C

.自從荃灣多左海之戀商場之後，多左唔少贈送海景既抵食鋪頭唔知你又有無試過望住個海黎十下十下?牛牛彩用落地大玻璃，就算唔係坐窗邊，都會感受到陽光既氣息都坐得好舒服，而且座位都好舒適同寬敞.特別講講佢地4月尾有個大胃王挑戰初賽要45分鐘食完2KG牛肉，咖哩飯1碗 蔬菜一盤 冷泡茶2枝決定就1個鐘鬥食得多有信心既餓底可以去玩下，我就食下花生等睇結果啦__________牛牛午市同晚市都有好多唔同既套餐選擇，花多眼亂午市重有60分鐘套餐揀，價錢會實惠啲.🥘90分鐘晚市放題餐 $238由於我地唔係特別鍾意燒海鮮，所以揀左238呢個餐有5款肉任嗌，上枱速度快.🔹澳洲產長期穀飼牛肩胛長期穀飼黎講就唔夠柔嫩不過牛味幾濃.🔹美國頂級牛肩胛切得好薄，嫩身好多但牛味又真係輕返啲.🔹嚴選特級牛胸腹唔同既部份，會有啲筋位食落帶點爽口既口感牛味喺另外兩款既中間.🔹紐西蘭綠之草原羊肩肉無羶味，但相對羊味都無咁重.🔹丹麥皇冠豚肉少少嫩身，合格既豚肉.🔹湯底講完啲肉先講個鍋，湯底有8款揀，味道普普通通但最緊要一人一鍋，鍾意食辣既人唔使就住就住，唔食牛既朋友又唔使迫朋友一齊唔食牛.🔹配菜牛係用QR code 落單，其他配

收工去咗荃灣西食飯，一入商場諗咗陣見到依家唔算多人就入咗去食啦價錢都幾吸引都係兩百零蚊一個人佢係限時嘅日式火鍋放題一坐低就計時90分鐘入到去即刻揀返個鍋底先揀咗個係麻辣一個係骨膠原豬骨湯然後二話不說梗係衝去揀嘢食啦出邊呢有兩個area 係菜同埋啲配菜嘅選擇都有成十幾二十款，然後有一個area 係放調味料有雪糕, 雪條一睇你會好滿意呀因為係大腳八同埋Oreo雪條然後雪糕係movenpick 然後呢佢有一樽樽嘅湯底喺度就係如果你自己想加糖嘅話就出嚟自己拎入去㗎都幾方便當我返到入位嘅時候呢就見到嘢食出嚟啦第一轉嘅牛，海鮮佢係會比一碟你嘅之後想落order嘅話呢就自己用QR code落單選擇都幾多㗎有豬肉有羊我哋試咗牛小排牛肩胛牛舌同埋豬梅肉整體嘅質量都幾好海鮮就有八爪魚啦帶子青口同埋螺嘢飲又夠多選擇後尾大約8點鐘走嘅時候入邊都幾乎坐滿晒啊所以如果想食記住早啲去啦如果唔係就要等位另外仲有一個好好食嘅就係糖心蛋同埋豆腐完全係值得一試嘅

荃灣比較新既海之戀，內面既餐廳可以望下個海濱，室內打邊爐都可以望到少少～揀左揀店內最頂級既日本產黑毛和牛😍牛肉筋肉比例非常唔錯，肉質軟嫩Q彈！仲可以瘋狂食埋人氣牛肉大塊牛小排😋牛味重，因為湯底已足料，點唔點醬一樣咁好味！麻辣同酸辣呢兩個湯底亦特別推薦👍酸有酸菜🤣而且比較開胃同最清新🤤麻就想像中溫和🤭有加紅棗蜜棗，麻而不嗆、嗆而不辣、溫而不火，可以自己調一個更加辣嘅醬🌶羊羊豬豬店內自設嘅樽裝茶面

快樂的週末，同家人去牛牛火鍋涮牛肉。90分鐘晚市放題套餐，有多款鍋底選擇: 大地鰹魚窩、美人豆乳鍋、日式蕃茄鍋、骨膠原豬骨鍋、及牛牛秘見鍋等，一人一鍋的安排，可以試不同口味，選了骨膠原豬骨湯及牛牛秘見鍋，豬骨湯奶白濃稠，啖啖豬骨肉香。牛牛秘見湯像壽喜燒，味道甜而濃郁。餐廳環境寬闊，有大量卡位，坐得舒適，在手機落單後，可以到熟食自助區取香口小食，有一口芝士、蟹肉薯餅及芝士蝦球等，令人食指大動。一口芝士軟滑芝士流出；薯餅鬆脆金香，大啖咬下，香甜粉糯，沾上蛋黃醬，十分滋味。套餐提供美國頂級牛肉 、紐西蘭羊肩肉、丹麥皇冠豚肉及八爪魚仔，可以無限任叫。滾至熱辣辣壽喜燒，感覺特別暖笠笠。色澤嫰紅的牛肉，油脂分佈平均，在湯內滾燙十多秒，入口軟腍，肉汁鮮甜美味。羊肩肉沒有羊羶味，口感綿化，豚肉吸收了湯內精華，質感嫰滑順口，純樸肉香。蔬菜區放滿各款嫰綠蔬菜，有蟲草花、羽衣甘藍、黑木耳、海帶結等，新鮮爽脆。壽喜燒鍋底味道甜而濃郁，湯中放入金菇、南瓜片及豆漿卜吸嗦甜湯，清新又解膩。最喜歡煙韌、綿厚的紅薯粉，每條薯粉都掛滿湯汁甜香，夾合軟嫩豚肉，䁔意窩心。丸類選擇好多，特別喜歡芝士豆腐及特長蟹柳，蟹柳鮮甜惹味

任食放題和牛（荃灣）過得嚟荃灣梗係順路去埋行Donki 啦，不過要先醫飽個肚先，係海之戀廣場 有間高質和牛放題，90分鐘晚市套餐，有4個可以選擇，睇你鐘意食邊款牛喇。今次就點左個日本產頂級黑毛牛試試。頂級黑毛和牛肩胛脂肪分布均勻，口感柔韌肥嫩，有入口即化既感覺美國極選牛小排牛味最重，肉質煙韌澳洲產頂級長期穀飼牛脂肪含量最低，口感肉質較實海鮮拼盤鮑魚仔，越南鳳尾蝦，北海道半殼扇貝，紐西蘭青口，八爪魚🐙，海螺🐚，以放題黎講海鮮都算新鮮既場內仲有各式各樣肉丸及素菜類，另外仲有唔少炸物拼盤，蟹餅薯餅等等。總括嚟講，選擇性非常之多，環境舒服，可以值得一試！聽聞24/4-25/4會舉辦「牛の戀大胃王比賽」幾得意，有興趣可以玩下味道👅:7/10服務💁🏻‍♀️：7/10環境🌾：7.5/10人均消費💰：$200-500

雖然全店都有啲日文 唔知係日式定台式？ 服務好差，係甘趕你走，未夠鐘又趕，出面無人等，食埋碌剩粒丸都唔得，啲職員會起勢係你旁邊執枱 噴啲清潔劑會噴到去你枱，又抹枱又抹櫈，一到夠鐘就會派人企係你後面，睇你走唔走 另外 啲筷子係金屬既 好燙口 唔知係咩設計

食物種類超級少 絕對唔係有質素Cp淨係雪糕可以肉類完全唔掂！ 成餐變左丸子放題！！可以話冇咩選擇！！ 薯粉竟然斷層！！侍應生態度完全0！！！ 趕客態度 ！由期海之戀果間 價錢貴 完全唔抵死午市埋單成2舊水一位 唔係見佢新開 都唔打算食 早知去牛氣 牛一Cp值都好過呢間野比得200蚊食 真係一肚氣！！