牛牛

營業中

休息中

倦倦地請咗半日假加入西貢叉叉電，好多時候入西貢都係同屋企人飲茶，或者出去嘅時候去茶餐廳食吓早餐就算。難得一個人，終於可以試吓啲小店。之前禮拜六日經過見佢勁多人排隊，平日嚟就好好多。之前見其他食評都想試羅宋湯，但係見要睇店主心情煮。諗住去平日唔多人，未必住，就膽粗粗問吓。竟然店主話有羅宋湯，當然點一碗。落單嘅時候有個小插曲，個腦本身想食沙嗲牛，但係唔知點解攣咗沙嗲牛脷，好彩店主有覆單幫我改返晒啲牛肉，店主都好客氣回應不打緊。另外見佢沙嗲牛肉油炸麵底，如果平時出邊唔係中式酒樓都好少有炸麵呢一樣嘢，嗌埋個沙嗲牛肉麵炸底。先黎咗個羅宋湯，見到佢有一層油喺碗湯麵，作為玻璃腸嘅我有少少卻步。但為食可以征服一切，唔理咁多飲咗先。飲咗一啖，辣辣地酸甜到適中，同埋有啲好似牛腩粒嘅筋膜位，好有咬口。反而有層油喺湯上邊剛剛好鎖住個溫度，如果可以大碗啲可以再開心啲。重點係飲完之後到返屋企，條腸都冇陣痛嘅感覺。跟住個沙嗲牛炸麵，食咗一啖牛肉上面啲汁，都冇其他食評啲人講咁鹹，可能真係各人口味唔同。另外重點係個牛肉唔係薄片係牛肉粒，呢度真係大癲未試過食嗲牛麵係牛肉粒。另外個面底炸到超脆，脆嘅程度好似零食炸麵咁。完全

環境以小食店黎講算乾淨，食物味道有待改善，因為上網睇啲人話呢間野既沙嗲牛肉麵係全港頭三，忍唔住走黎comment，廢事店家以為自己真係做到咁出色⋯沙嗲味湯麵無咩味，牛舌就咁食都係無味既黑椒味撈麵反而好少少，但係就越食越咸幫襯左兩次都飲唔到佢碗羅宋湯，唔知係邊度睇到話係根據老闆娘既心情煲⋯食完佢碗麵之後更加覺得好大機會係gimmick野，仲要成$20碗，紙包飲品都要$10，係咪知道自己啲野食偏重口味焗人嗌野飲？

同朋友黎西貢行山，行完之後嚟咗食呢間特色餐廳，見到都唔少好評，睇相都覺得啲牛舌大大塊好吸引，所以特登過咗嚟食，食完只可以話對得起個價錢，但係就未有話太驚喜餐廳環境都好chill，亦都冇特別收服務費10%，成間舖得一個人，執枱落單上菜全部都係佢，所以可能要等多一陣先有得食，椒鹽牛舌大大粒，但係唔係好入味，食到啲椒鹽粒只係喺表面，牛舌本身應該冇乜底味，冇話到有好大陣雪味，牛舌都偏肥美，食得一兩舊會覺得有啲油膩沙嗲牛面頰撈公仔麵成兜麵都算大兜，份量唔錯，會有好多沙嗲醬，但係個麵本身冇底味，要靠個醬，一撈完成件事就好油膩，牛肉嘅份量都算多，但係一個人食成兜嘢一定會好塞胃。

西貢嘅名物除左cafe同泰國野之外，仲多左沙嗲牛👑🍜沙嗲牛肉湯麵 $50沙嗲牛肉麵可以有唔同嘅配搭汁、麵底、肉嘅部分都可以自由配搭，自由度十分大湯底十分濃稠，杰到更加似沙嗲汁撈麵，好濃味，但就冇咩花生味🥜公仔麵帶點硬度，有咬口，麵條每條十分掛湯，吸哂沙嗲汁牛肉係有厚度同質感嘅牛肉，唔韌唔鞋👍🥣老母羅宋湯 $15味道好濃稠，而且好足料，有好多蔬菜同牛肉粒酸酸地帶少少辣，牛尾味好重，味道唔似平時茶餐廳飲到嘅個隻羅宋湯味，未必人人接受到嘅味😳

🐮沙嗲牛肉炸麵＄58🐮沙嗲面珠登湯麵＄55🐮鹽燒牛舌牛脷芯 ＄55🟡流沙鹹蛋黃魚皮＄5512pm去到可以唔使排隊,舖頭幾乎滿人出名嘅沙嗲牛肉麵,牛肉份量唔多,炸麵好夠脆,沙嗲汁又唔會整冧個麵,湯麵湯底係好濃郁好杰嘅沙嗲汁,感覺似沙嗲醬多炸麵比湯麵無甘漏,面珠登好腍,我比較鐘意爽口兩款小食～牛舌牛脷芯,夠厚身亦都好腍流沙鹹蛋黃魚皮嘅鹹蛋黃真係好多好多魚皮都炸得夠脆,份量可以整體嚟講,我覺得試過就夠

睇ig見到唔少人大推呢間沙爹牛肉撈，個面冇乜問題，但又唔到勁好食。但服務態度就好值得一提，店員態度差，粗魯，大大力放低碗面；冇問客人意向就強行叫人調枱同搭枱？！服務有待改善。當日仲叫咗厚燒牛脷，但明顯係烚咗之後先再輕燒，所以係白灼拼燒牛脷😂另外叫咗金沙雞翼，係不過不失四隻大隻嘅雞翼。

#只分享食物給朋友🫶🏻#西貢食乜好呢 ～ 今次去咗 @牛牛呢間其實食過好多次 由以前喺巷仔間嘅間舖 孖住咁樣開兩間 到依家搬返出去 開返大間少少 坐得舒服好多🙂‍↕️ 食嘅時候 連住播住幾首都係張敬軒嘅歌 加分加分😍😍 —————————————-—————————————-———————1. 沙嗲牛肉湯麵 $50 ⭐️⭐️⭐️有少少失望 覺得冇之前咁好食 之前食過佢沙嗲牛撈麵 覺得個沙嗲汁好好食 不過係真係有少少漏🥲 今次食湯麵 感覺冇乜花生味 本人好鍾意食花生味好出嘅沙嗲牛麵 然之後佢嘅牛肉都冇之前醃得咁好食 不過個麵質係幾好食 唔會太腍 👍🏻2. 色色薯條 $30 ⭐️⭐️本人好鍾意食麥當勞嘅Shake Shack薯條 紫菜味同BBQ味都勁鍾意 不過佢呢間啲薯條 我已經第二次食 都係仲係覺得 佢啲薯條整得唔好食 同埋佢啲紫菜粉 落極都係冇乜味咁樣😞 不過 佢有好多隻粉都可以沈落去 所以如果想食唔同味嘅朋友 都可以嗌呢個🤭3. 流沙鹹蛋爆汁雞翼 $55 ⭐️⭐️⭐️⭐️呢個幾好食 佢啲雞翼都好大隻 同埋鹹蛋黃味係啱啱好 唔會太淡 又唔會太漏 好啱兩個人share嚟食🥹4.黑松露滑蛋飯 $75 ⭐️⭐️⭐️⭐️

如題。叫咗老母羅宋湯，薯條，沙嗲牛麵，牛面頰飯食物味道正常，冇太大驚喜服務態度令體驗下降都明白收費又唔貴客流量又大當食茶餐廳冇笑容都算服務員俾人嘅感覺好放負慕名而來，試過就算

今次食嘅呢間餐廳，又係bookmark咗好耐，喺 #沙嗲牛肉麵關注組 老是常出現嘅餐廳！餐廳位於西貢市中心近巴士總站嗰邊，主打食牛，連餐廳名都叫牛牛🐮叫咗個必點嘅 #沙嗲牛肉湯麵 $50平時啲沙嗲牛肉麵，多數都剩係得個牛肉係沙嗲味，呢個連個湯都係沙嗲，個湯香濃、杰身，做到掛汁，呢個濃味人啱食👍👍沙嗲牛唔係平時一片片咁，有啲都幾大舊，我一見到有啲擔心會韌，好彩又無😂 都算幾腍#匈牙利汁牛脷撈麵 $55牛脷係用牛脷芯，所以係超級腍個汁好香，好開胃#流沙鹹蛋黃薯條 $45我覺得個薯條略嫌炸得乾咗啲，有啲硬，同咸咗啲。張檯有幾款調味粉擺咗喺度，有蜂蜜芥末、海苔、孜然、麻辣、BBQ，如果就咁叫薯條，點呢啲粉可能開心啲😂我覺得個沙嗲牛肉麵都唔錯，牛脷都好食，個匈牙利汁有少少驚喜，值得一試👍

早排喺YouTube見到YouTuber推介呢度嘅沙嗲牛肉麵，所以又慕名而來試吓，但係失望而回 。$55牛肉沙嗲撈麵，牛肉都夠厚身有嚼口，但係沙嗲味唔係咁好食，牛肉都比較淡。但我呢一個$55嘅牛脷沙嗲湯麵仲差，杰撻撻諗住沙嗲味應該都幾濃幾香，一飲落去冇乜味，好似溝咗好多豆粉漿咁，同埋唔記得落鹽？牛脷本身都幾厚，但又係好淡….個色色薯條幼幼咁，冇乜特別，但心諗好彩有叫呢個薯條，因為全靠呢個薯條，我有一籃調味粉，可以加落碗沙嗲牛肉湯麵，如果冇咗呢啲調味粉，都唔知點樣先能夠食晒碗麵….都唔知點解啲人人會推介呢間舖頭，本身我都想支持多啲本地餐廳小店，但係大家對「好味」呢個標準有太大嘅分歧，唯有勸戒自己， YouTubers同Openrice嘅comments都未必可以盡信。

除左咸食唔到其他味🥲又唔係平，成碗野杰撻撻得個咸字！除非你有好多quota, 如果唔係唔好嘥quota食佢。是但一間早餐A都好食過佢🥹係我錯，唔信前人comment🫣咁食法真係太重口味了

好多時都會入西貢行吓街 來來去去都係食海鮮同埋西餐 今次搵到一間小店 主打牛脷 一於試試其實佢地係有飯食 不過食牛脷飯感覺會食唔晒 所以我地叫咗個牛脷包 一個麻辣豬扒蛋飯 兩個羅宋湯👌牛脷腍滑入口冇渣 連個包都用心去選擇過 兩樣野夾埋真係好食到不得了 真誠推介必定要試牛脷 麻辣豬扒蛋飯好食有驚喜 醬汁味道特別 開胃醒神 至於個羅宋湯 蔬菜同牛煲出黎嘅湯 濃味十足 我飲到一半已經好想叫多一個 真係追住黎飲 大廚級數👍👍👍 今次試得太小 下次要試多幾樣野先😋😋😋

西貢有一間好出名既沙嗲牛肉店，老闆既故事好勵志🥳不過之前週末黎玩都成日見到長龍就未有機會幫襯，今日趁平日同朋友練車時入咗黎，就一入就有位🥰原來而來要埋隔離鋪做堂食區域，可以招呼更多客人，正鋪果邊保留銀光閃閃既西貢地鐵站設計😍好有打卡價值，餐廳仲有自家吉祥仔，牛牛好似天使咁，背後有叉匙做對翼雖然鋪仔唔大，但出品都好多元化🫰有幾款包配沙嗲牛肉，亦有流沙鹹蛋黃小食，而且有提供唔同飯類，真係唔止供應打卡美食，重頭戲當然係麵啦，有分湯麵、撈麵同炸麵，汁仲可以揀沙嗲、黑椒同匈牙利，忽然多咗茶記感覺，牛肉部位都有得揀🐂包括正常牛肉、面珠登同牛脷平時湯麵食得多，今次食撈麵同炸麵感覺零舍唔同🍜牛肉有咬口唔會太化開，面頰肉彈牙有質感，牛脷真材實料，牛味勁出勁好多，炸麵非常脆口，不過我都係係鍾情撈麵夠惹味

話說呢間小店之前看過有些食評說很好味所以慕名而來。這次二人吃，因為想吃小吃，就試吓式式爆汁雞翼，流沙鹹蛋黃炸薯條。嘩店員一拿到埋枱，未吃已覺佢好乾，我先試雞翼，係爆汁，但係係有雪氣味嘅汁流出來，而表面的炸粉好厚及亁身係冇味係要落放在枱上的調味粉先有味😰之後再吃流沙鹹蛋黃的薯條仲乾而且硬，又係完全冇醎蛋味。這2份小吃已差不多一百，再加飲品，只有罐裝飲品巳是$120-130坦白點說，在老麥吃一個原味麥炸雞（原味）餐（$37)真係好味過佢，便過佢。而接待方便，真的不醒目，2個人吃雞翼是否需要比個碟仔同叉？以為佢轉頭拿過嚟，最後係有冇，之後再同個待應講唔好意思可否給我2個碗仔，等咗好一段時間才來。招呼真係好一般。唔怪之得冇乜人吃。呢間鋪點解有咁多人讚真係不解。

放低食物就走咗去，禮貌問佢會唔會有餐具，隨即會比店員用唔耐煩語氣叫你 「等下啦！」 做嘢做到咁唔耐煩，不如唔好做啦如果你鍾意比人呼喝，問佢攞餐具好似攞佢身家咁 ，就嚟幫襯佢啦。