牛角日本燒肉專門店 (黃埔天地享膳坊)

營業中

休息中

好耐無食牛角啦，每次想食都要等位，每次見到好多人就放棄了，今次難得少人，終於食到想食既牛角燒肉，味道依然好食😋，超鍾意自己燒既感覺，每次都期待住燒完食落去既果種滿足感。

星期日訓到晏一晏，下午3:00先去食，我同家人分別叫咗lunch menu 既燒肉自選set同埋海鮮泡菜豆腐鍋。由於我呢排食太多肉，所以唔打算食燒肉，先叫海鮮泡菜豆腐鍋，心諗唔係燒肉會否唔好食？！因為呢個set 有牛角飯，所以萬一唔好食都有牛角飯頂住啦點知，海鮮泡菜豆腐鍋好好味呀，雖然咸左少少，但係撈飯一流，完全清哂，下次可以再叫燒肉一如以往keep 住水準今次叫左芫荽豬肉，有驚喜，一早醃咗，好入味！店員教我地先將豬肉燒好，再放回錫紙兜連芫茜再燒埋一齊食，我自己覺得好味過d牛可以再叫！牛角飯真係無得輸，要再encore! 最後埋單三百五左右

突然想吃烤肉了，就和朋友一起来打卡她附近的店，我们没选放题，因为觉得两个女生肯定吃不回来，就点了两份烤肉拼盘自己去烤，加上配餐正好吃饱，他家的肉质量都不错且很好吃，配餐味道也很赞，当然好吃也意味着贵，唯一不太满意的就是上菜太慢而且要限时。

最近牛角將全日分店嘅數量增加咗 於是今次就揀咗黃埔店 諗住呢間太多人 㩒完飛之後等咗半個鐘左右💁🏻‍♀️🪧放題限時90分鐘 超過40款種類食物包括前菜 豬牛雞 海鮮蔬菜 當然唔少得必食嘅牛角飯 同 拉麵等等嘅選項💬坐低之後就可以用iPad點餐 每次限定order 10樣食品 基本上一開始會嗌兩至三round 始終燒肉要啲時間熟水準嚟講 我覺得keep得住平時嘅質素起碼肉類唔會話因為係任食而變差牛肉必食一定係牛助肉同肩脊肉🥩個人嚟講一嚟都偏好牛角嘅雞肉因為燒完都keep住肉質嫩滑 今次menu上面有個雞爽肉 即係雞頸肉肉呈條狀 肉質有啲煙韌得嚟有啲爽口 幾特別海鮮就推薦生蠔同帆立貝兩款都會俾嚿牛油一齊煮熟 夠香口反而燒金菇就冇調味冇牛油 食落好dry 建議可以自行加少少牛角蒜油醬😆今次仲發現咗原來牛角啲泡菜都好好味夾住燒肉食就冇咁油膩啦😬🍹飲品有各式汽水仲有茶飲不過就唔提供飲管 要嘅就加2蚊🥴（um... 疫情關係 可以提供飲管就更好啦）📞唔想等咁耐嘅話 可以預先打電話留位(細細聲講: 我都係去到先知🥲)💵星期一至四$268 +10% 星期五六日人均$298+10%🚩 牛角-黃

古語有云📜冬天都係要食燒肉🥩😂😂😂係咪咁話呀今次食牛角最大得著係🥓佢個牛角飯真係好好食😂sor for錯重點but佢個飯真係好好食吖嘛😂I mean🍚🍚🍚佢啲燒肉都幾好食有個鹽醬醃嘅啲肉即刻鮮好多好味好多所以話醬幾咁重要呢整體都唔錯講真嘅😀#foodiehk #food #美食 #美食家 #肥仔覓食 #食物 #hongkong #hk #食家 #食評 #香港 #香港人 #hker #hkfoodie #delicious #牛角 #牛一 #燒肉 #烤肉 #日式燒肉 #日本 #japan #牛肉 #foodblogger #foodporn #bbq #gyu

一定要支持黃店！首先梗係要Apps度攞定飛啦！一如以往一定要嗌泡菜海鮮鍋，呢個一定要必食！每一次你都一定要食！之後再係咪匯豐信用卡優惠！額外再加和牛食就啱啱好！最後加多個甜品就正！

份量少得可憐，我地三個人食左1198+10% 只有數片牛 完全不能食飽 本來以為每人平均400幾蚊可以食得豐富d 點知食完好似冇食過咁 而家準備去茶餐廳再食過 入去當買左個教訓 雖然呢個教訓有d貴 希望大家入去之前三思 如果想食飽 可能人均要1000幾先得 我地已經三個人叫個4人餐 叫之前問左個waiter 佢話呢個餐係for 3-4人先叫 點知食完好似冇食過咁 我唔係話要唱衰佢 不過如果你想食飽d 食開心d 咁我就建議下你食第二間。

以往一路覺得牛角抵食、食物質素又唔差，所以都幾鍾意幫襯；可惜今日令我改靚、好失望，事緣其中最like 牛角既另一原因係可以遙距攞飛，今日唔小心，遲左1個號碼先到，要當補飛，唸住只係遲一張唔駛等好耐，點知等啊等，見新飛叫到111 （原本我張飛#100）都未到我，我再問職員仲要等幾耐，原來補飛係另一程序，最後等咗25分鐘先有枱, 等於冇遙距攞飛，超級差勁的補飛程序，好失望！！!

一直都喺牛角會員，因為牛角啲午市套餐真喺超抵食，平平地100HKD已經有一個套餐，包埋沙律，湯，燒肉同飲品。今次揀咗牛肋肉，牛舌，牛腹肉，豚肉，蜜糖香腸同雞翼。牛腹肉喺啱啱出啲新品，少少似肥牛，烤完肥瘦相間，好食。可惜就是好薄，不過就大塊少少。牛舌一直好高質，好薄身，稍微燒下，已經可以食。食落好彈牙同牛味好足，包埋啲香蔥一齊食，真喺不得了。雞翼40HKD已經有3件，仲大大一件，圍邊燒雞翼啱啱好，不會因為火太大外面焦左裡面仲沒熟。喺更啲質數，仲唔夠100HKD，weekend都有lunch set提供，真是抵食！

今日同friend去食，見到門口貼住少鹽少糖，本身都好疑惑牛角點少鹽😂😂點知入到去睇menu先見到宜家燒肉可以揀原味，唔醃肉（利申我係鹽醬lover），個friend見到之後無啦啦又話想試吓原味，咁我哋就叫咗牛角極上四品盛合，佢就叫咗豚雞六品燒肉盛合～當然唔少得牛角飯啦😋😋😋今次係我第一次去牛角食原味，我仲要冇點醬，覺得世界變了！！唔點醬反而更食得出牛肉嘅鮮味，我仲燒得啱啱好，超juicy xdd重頭戲嚟喇！牛角飯真係世界級，啲紫菜呀 蔥呀 撈飯一流😋💦💦嚟牛角唔食牛角飯就真係唔好同人講你食過牛角

今日去咗喺黃埔嘅牛角，叫咗「牛角嚴選雞豚燒内盛合」，肉質鮮嫩，入口即溶，正！而且套餐包埋溫泉玉子牛角飯，用嚟餸飯一流！環境衞生乾淨企理，抽風系統做得好好，唔會話成間舖都煙霧瀰漫咁。

今次經過黃埔去左食離地鐵站好近既牛角。我order左牛角極上4種燒肉盛合同追加左個牛角飯。牛角飯就專登要左少汁， 紫菜同啲蔥都好香。 而肉類就吾想食咁咸, 簡左原味咁燒。 肉質最後都好鮮甜。 下次會再嚟!

攞位備注： 夜晚7:30食，要5:00左右攞飛點菜備注： 盡量都係要點原味/鹽味，盡量避免醬油，因為覺得會冇咗肉嘅鮮味。服務：職員耐心解釋，比其他餐廳服務態度好，非常欣賞！ 清酒 🍶$78 - 可以冰鎮清酒，熱辣辣嘅韓燒+一啖冰鎮冰酒，風味十足牛角飯 $17 - 其實係調味料+ 白飯 + 紫菜 好野味！韓式牛肉拉麵 $78 - 味道普通，唔係好夠辣，感覺加得太多水。麵質幾好 溫泉蛋飯- 溫泉蛋再加飯，啲蛋漿會黐埋紫菜，變咗一嚿嚿，外觀唔係咁好。特選燒肉六品盛盒 $279 - 因為係會員，所以有得贈送。肉質都幾好，不過當然係自己嗌嗰啲，更加出色。日本佐賀A5極上一口和牛 - 燒嘅時候，要燒咗四邊先，封住肉汁 入口鬆化，趁熱食先好食😋壺漬美國上級牛頸脊- 一絕可以叫餐廳攞鉸剪，成條燒晒，再慢慢剪細佢，咁樣就會容易處理啲，唔會一啲生，一D熟。要咗豬頸肉同其他豬，不過整體，牛肉係好食過豬！總結： 2人共$550。性價比算好，呢個價錢對得住呢個質素。下次再見！

八號風球食牛角，唔使等位。 環境夠闊落，侍應會自動清理檯上面嘅碟，同埋加水♡特選牛五品燒肉盛盒♡牛胸腩、牛肋肉、肩脊肉、牛舌、厚切牛舌牛胸腩比較肥，其他肉質素都好，燒完有咬口，唔會太乾， 唔算太韌前菜有點馬虎，大塊椰菜加小小汁。 如果加返一兩粒車厘茄或者粟米，感覺會有誠意啲。♡牛角流自選三食♡海蜇柚子醋沙律、牛肩肉、迷你叉燒拉麵沙律分量好足夠，柚子加海蜇酸味味， 好醒神，有好多海藻，菜都好新鮮、好爽脆叉燒拉麵冇乜特別♡ 白桃雪葩 ♡套餐加12元，白桃味好出，食到雪葩嘅清爽同蜜桃嘅香甜，而且個碗都雪凍埋，所以好夠凍，唔會好快溶♡ 牛角雪糕(抹茶) ♡套餐加12元，抹茶雪糕上面加咗啲黑糖醬同埋大豆粉，黑糖蓋過咗抹茶嘅苦澀味，比較甜，不錯不錯，有驚喜用會員卡食滿200元減50元，都幾抵食。

大家見到牛角🐂 係咪以為我會講燒肉呢 ✨Bibi 錯晒 🙅🏻‍♀️ 我霖住介紹吓去其他可以配燒肉食既單品 😆 (其實係因為我覺得燒肉只要唔係燒燶咗都一定好食, 講黎都好似無咩意思 哈哈…).▪️牛角水冷麵 $78 | ⭐️: 3.8/5佢好似日式拉麵同韓式水冷麵既混合體🇯🇵🇰🇷味道上唔係水冷麵個酸酸甜甜用梨做湯底 🍐而係用咗泡菜 🥬 所以顏色上好似橙橙地但作為一個唔係好食得辣既人 我都唔覺得有泡菜味 或者辣味 🌶️ 所以鍾意泡菜可能會失望🤐麵底就用返日式拉麵🍜 配返日式叉燒 😹配埋燒肉呢D油膩嘢食都幾好 👍🏻 但又無話超級好食 質素正常Okay👻放佢係封面純粹覺得好靚 📸️ 嘻嘻.▪️雲呢拿雪糕配心太軟 $40 | ⭐️: 4.0/5個雪糕未融 同IG見到既牛角雪糕唔同‼️心太軟正常 出面買D ready-made心太軟都差唔多味道 但甜品黎講性價比都唔錯💰宜家周圍餐廳都10PM 收工👋🏻 都已經好少轉場食糖水 🍮 寧願一間餐廳KO 佢.▪️鯛魚燒 🎣 $24 | ⭐️: 4.8/5✨推薦✨ 一開始 狸貓同朋友都以為鯛魚燒係燒好卑我地食 🐟 結果發現係自己燒🔥勁搞笑 😂 真係第一次見💡👀我地分別嗌咗吉士味