牛響度麵館 (Aeon Style)

營業中

休息中

「響呢度，食牛嘅響導，食出香濃牛味道。」呢句係出自牛響度麵館嘅金句，真係講得好好👍🏻小妹早幾天喺嗰度真係感受得到❤️嗰度就係位於黃埔「吉之島」地庫的美食廣場，餐牌除了有主打的牛料理外，仲有豬料理、雞翼、小食等等⋯菜式選擇尚算豐富，既然嚟到「牛響度麵館」咁當然先嘗試「牛」&「麵」啦！小妹同男友分別點了以下美食：▪️汁煮肥牛湯麵～湯底：私房牛骨湯（香濃好味）上海麵，配溏心蛋 芫醬，蔥花，時菜▪️沙茶牛膀蔥油拌麵（蔥油超香）～拌麵：熱拌刀削麵（麵質唔錯👍🏻）拌麵醬三選一：拾香椒麻 /招牌蔥油/培煎胡麻配：溏心蛋，青瓜絲、油蔥酥、蔥花，芫茜▫️▫️牛膀呢款食材好少機會會單獨成為一個餸，所以望完一輪餐牌後依然決定要佢🙌🏻牛膀屬於稀有部分，一大隻牛就得果少少太不成比例，所以屬於牛雜靈魂👍🏻▪️手工水果冷泡茶～百香果冷泡茶、柳橙果冷泡茶（跟餐$12）果味比較突出，飲落有啲茶包香，幾好飲添▪️小食～蒜泥白肉（小妹一時疏忽醒唔起係辣嘅，仲一度以為係韓國果隻🙈🙈，小妹男友仲話原來你好呢味）不過蒜香、辣油、青瓜、腩肉嘅配搭又好惹味喎🤭🤭～孜然雞翼（炸到金黃色、肉嫩多汁不過火）整體來說，喜歡食牛的朋友不容錯過丫，特別是喜愛

假日真好少煮飯，通常一家大細出去覓食，簡單啲喺附近Shopping完就去喺AEON food court食麵🍜🍽️ 沙茶牛三寶湯麵呢間麵店最出名就係牛，所以一定要試佢嘅牛三寶，包括牛肉頰、牛筋、金錢肚同牛骨湯🤤個湯頭真係好濃郁⋯而有少少辣嘅牛肉頰好重牛味仲夠晒滋味😋個麵軟硬適中好大碗，真係好抵食！🍽️ 慢煮手撕雞熱拌刀削麵所有面加$5就可以轉熱拌刀削麵，刀削麵煙煙韌韌，Lisboy食到舔舔脷🤤加埋大量嘅胡麻醬同青瓜絲，夠晒清新🥒粒粒嘅手撕雞都好原汁原味，配埋一齊真係冇得輸！🍽️ 鮮蝦豚肉小雲吞淨食我哋揀咗20粒鮮蝦豚肉小雲吞俾Lisboy 食😋試完牛骨湯，當然要試埋佢哋嘅豬骨湯，呢個小雲吞配豬骨湯，清清甜甜，鮮蝦豚肉雲吞，細細粒易入口，Lisboy食完一粒又一粒😆🍽️ 泡椒魚皮 & 冷泡黃金大麥茶叫粉麵加$19仲可以轉套餐有一個小食同埋嘢飲我哋就揀咗泡椒魚皮同埋黃金大麥茶解解口渴🙃估唔到個泡椒魚皮入口輕微辣，後勁咁凌厲😝 Spicy🔥好彩有呢個大麥茶🍹濃濃嘅茶香味，大麥味好出，冷泡茶可以飲完再加水味道都仲keep到，真係要讚一讚！

放工要去黃埔Aeon買點東西，於是順便響food court醫埋肚。📌沙茶牛三寶熱拌刀削麵🐮 $80拌麵醬可選拾香椒麻、招牌蔥油及焙煎胡麻，我地就揀咗招牌蔥油，感覺與牛三寶會比較夾。刀削麵好掛汁，帶蔥油香味，再加上青瓜絲、油蔥酥、蔥花同芫茜，口感清爽而不膩。牛三寶有金錢肚、牛筋及鹵牛面頰。金錢肚質地綿密，彈性有咬口；牛筋充滿骨膠原，非常軟腍；鹵牛面頰肉味香濃，精瘦不肥膩。📌邪惡鹵豬大腸湯麵🐷 $52豬大腸洗得幾乾淨，無腥臭味，亦已去除多餘肥羔，感覺較健康，入口有嚼勁，味道口感俱佳。牛骨湯清甜，潮流興食米線，但呢度有上海麵揀，有驚喜！加埋溏心蛋、芫茜、蔥花及時菜，材料豐富。📌慢煮嫩滋味手撕雞(口水)🐔 $38雖然是小食，但都大大碟好抵食。紅油醬汁帶麻香，配上香嫩手撕雞，吃起來清爽帶辣勁，層次豐富，十分開胃。📌洛神花樣🍷 +$12洛神花樣呈漂亮的酒紅色，相當吸睛。味偏淡不太甜，生津止渴又可幫助消化，最適合夏天飲用。📌柳橙果冷泡茶🍹 +$12樽底有絲絲橙渣，記得搖勻先好享用。入口茶味清香，柳橙汁甘甜，清新解渴。值得一讚是員工服務好好，親切有禮，而食物份量亦相當足夠，CP值高，下次會再黎試試其

周三特價日黎左Aeon，順路在佢個美食廣場食個便飯，揀左食牛響度，佢新開時食過唔錯吖，睇下而家點先😋落完單等叫號，我見廚房密密手整緊餐，好有效率。⭐慢煮嫩滋手撕雞熱拌刀削麵朋友點左手撕雞刀削麵，醬汁要左拾香椒麻，麻麻辣辣很惹味，麵條有嚼勁，加埋軟綿綿溏心蛋，正👍⭐韭菜豚肉小雲吞 & ⭐粟米豚肉小雲吞自己想食韭菜小雲吞，但朋友話想食粟米小雲吞，咁就每樣要十隻試下啦，湯底要咗佢哋嘅招牌牛骨湯，飲落都幾鮮味㗎。小雲吞細細隻一口一隻，韭菜豬肉香口，粟米豬肉爽甜兩款都好食喎。⭐麻辣牛面頰仲叫咗一碟小食麻辣牛面頰，牛肉口感軟嫩，麻麻辣辣好惹味，超正🤤⭐黃金大麥茶 & ⭐白桃果冷泡茶跟主食有優惠價叫飲品，叫咗一支大麥茶同一支白桃茶，麥茶濃郁有麥香，白桃茶有果香但個人覺得偏甜啲。幾十蚊食飽飽，抵啦😋

沙茶牛雜湯麵加椒麻蕃茄湯，牛味濃鬱的牛雜，平均每種牛常見內臟都各有一件，加上微酸辣蕃茄湯及彈牙的粗麵，感覺開胃。而嫩滑炸豬扒熱拌拾香椒麻醬刀削麵即相對香口，大大份炸豬扒好低食，而麵身寬度恰到好處，配上青瓜及芫茜的香平衡了椒麻醬的辣感，還有平時很少見的豬油渣來增添香味。另外溏心蛋控大滿足，有些微酒香味，每個麵都有半隻溏心蛋，以椒麻特色做主打的各種菜式也頗有風味。叫了多種小吃坐鎮，這裏的小食種類非常多，有泡椒魚皮及泡椒雞腳，爽厚的魚皮及椒辣入味的雞腳彈牙。面鹵水牛面頰方面即是爽口牛面肉，嚼勁十足，加上即炸脆皮孜然雞翼，雞皮脆嫩無比，如叫套餐即只需19蚊包飲品，飲品亦包括牛骨清湯即是很有牛腩味的濃烈蒜香牛骨湯及自家製大麥茶 ，真飽不假。

紅磡多嘢食就係人都知，週末簡單啲喺附近Shopping完就去喺AEON food court食手工刀削麵🍜🍽️ 沙茶牛雜湯麵呢間麵店最出名就係食牛，所以一定要試佢嘅牛骨湯🤤個湯頭真係好濃郁好重牛味⋯😋牛雜入味，Lisba最愛牛肚，而個麵軟硬適中仲好大碗，套餐加$19有多份小食同黃金大麥茶，小食我哋就叫咗滷水牛面頰，真係入晒牛味濃，而大麥茶🍹濃濃嘅茶香味，大麥味好出，冷泡茶可以飲完再加水味道都仲keep到，真係要讚一讚！成個餐好抵食！🍽️ 慢煮手撕雞熱拌刀削麵Lisba最愛熱拌麵😍所以叫咗呢個手撕雞醃半刀削麵，手工刀削麵煙煙韌韌，Lisboy食到舔舔脷🤤加埋大量嘅胡麻醬同青瓜絲，夠晒清新🥒粒粒嘅手撕雞都好原汁原味，配埋一齊真係冇得輸！🍽️ 鮮蝦豚肉小雲吞淨食Lisboy最愛雲吞，細細粒，易入口，所以我哋揀咗20粒淨食鮮蝦豚肉小雲吞俾Lisboy 食😋小雲吞配豬骨湯，清清甜甜，鮮蝦豚肉雲吞，細細粒易入口，Lisboy食完一粒又一粒😆因為呢boy食，所以套餐叫咗個腩汁生菜🥬估唔到咁簡單嘅小食，個腩汁都咁出色，Lisboy食得好開心🤤

牛腩熱拌刀削麵 $57牛腩既份量好多但有少少碎炆得好林😋😋😋😋揀左椒麻熱拌唔會好搶喉既辣而係慢慢浸出來🌶️🌶️🌶️🌶️刀削麵係香港製造🇭🇰招牌牛三寶麵 $75三寶有牛面頰、金錢肚、牛筋🐂全部都有好多舊😍 份量好足同好入味，牛筋林得來會保留咬口湯底要左牛骨湯，好濃味整體都幾好，份量好足2款麵質都好好唔食牛既朋友都有其他無牛同豬骨湯既選擇👍蒜泥白肉 $38白肉厚度適中好多蒜頭配上香醋仲有青瓜絲可以夾埋一齊清新得來好惹味，食完一塊又一塊黃金大麥茶 $12白桃果冷泡茶 $122款飲品都好清新，即日沖唔驚佢冷泡茶係放左好耐ma.lazycooking

Weekend去黃埔Aeon買餸，拎到大包細包唔想行就決定近近地食food court，估唔到呢間牛響度麵館咁有驚喜。沙茶牛膀湯麵（豬骨湯底）豬骨湯底唔油膩，沙茶牛膀吸滿熱湯，淡淡沙茶味、粉粉地而且口感煙韌Q彈，十分味美。牛膀是指牛的胰臟，含有豐富的蛋白質和低飽和脂肪酸，可幫助增強免疫力，促進蛋白質的新陳代謝和合成。沙茶牛膀金錢肚湯麵（牛骨湯底）沙茶牛膀配牛骨湯底，令牛的香味倍增。金錢肚肉質柔軟綿密又有嚼勁。濃郁牛肉香仲冇騷味，正！涼拌滷豬耳滿滿的膠原蛋白，微辣醒胃。豬耳脆脆的口感，讓您越食越過癮。泡椒魚皮晶瑩剔透，魚皮完整不破又唔腥。爽中帶滑又煙韌。泡椒輕辣搭配青瓜中和，惹味好食。洛神花樣同御翠烏龍茶大茶包冷泡，用料十足。洛神花帶微酸；烏龍茶茶味香濃；兩款都同樣無糖，絕對飲得健康。

第一次嚟AEON food court呢度食野 鍾意食牛嘅我最後就揀咗呢間牛響度麵館沙茶牛三寶湯麵 (走芫茜)湯底係好濃郁嘅私房牛骨湯 配上口感適中嘅上海麵 仲有溏心蛋同蔥 牛三寶就包括金錢肚 牛筋同鹵牛面頰 金錢肚好入味 牛筋富有韌勁 第一次食牛面頰估唔到係入口即溶仲幾重牛味 慢煮嫩滋手撕雞熱拌刀削麵 (走芫茜)刀削麵口感煙韌 配上海量嘅手撕雞 同樣有溏心蛋 蔥 青瓜絲同油蔥酥 再撈埋胡麻醬食真係飽到上心口涼拌鹵豬耳豬耳份量好足 口感q彈 食落好開胃飲品方面叫咗百香果同白桃冷泡茶 百香果酸甜回甘 白桃香氣混合茶香 2款都清新解渴

好抵呀 加$19 就有特式飲品同埋小食沙茶金錢肚湯麵 椒麻蕃茄湯 轉米線金錢肚好軟淋 湯底麻辣 少少辣 每配都會有埋配料，有糖心蛋菜等等，糖心蛋相當好食 帶小許流心，手工去皮炸雞扒熱伴刀削麵焙煎胡麻醬估唔到配麻醬 好夾 ，撈好食過湯😂刀削麵自家製，口感煙韌，雞扒份量比得好多另加左個小食，叫左個魚皮 同埋麥茶魚皮唔好睇佢好似冇色咁，食落口 脆口之餘，帶點麻辣味，越食越上癮😍青蘋果手工冷泡茶 ，我沖多左次水黎飲 都好夠味😌茶包好夠茶味，青蘋果甜甜地，幾好飲

必點既慢煮嫩滋味手撕雞 3款味道 胡麻醬 蒜泥 口水 ❤ 我哋都係鐘情於蒜泥，雞肉嫩滑零雪味，啖啖肉，肉量都唔小，雞絲下面有大量爽脆青瓜絲，所以食起黎唔會覺好膩，夾埋蒜泥香氣，咸香醒胃。呢個價錢既小食好抵食! 大愛~嫩滑炸豬扒熱拌刀削麵 招牌蔥油 ❤ 刀削麵夠寬身 扁長 厚實，口感柔軟煙韌。炸豬扒唔會好油，仲幾juicy，香氣十足，好惹味，而且配料既溏心蛋，都幾入味 滑嫩，好味~湯麵方面，我地分別叫左 慢煮牛脷湯麵 牛骨湯 ❤ 同 惹味豬頸肉湯麵 豬骨湯 ❤，先講牛脷份量十足，口感煙韌唔嚡口。而豬頸肉外脆內嫩，咸香味濃，好滋味~食完自己執埋台，快靚正。

去黃埔搵朋友食lunch，是是但但就搵左係Aeon style開餐，位置自成一角，靜靜地。呢度勝在性價比高，而且坐得舒服，避免小店的背貼背。我試左「炸豬扒椒麻刀削拌麵」豬扒炸得比較香口，但帶骨位置有啲脂肪又好酥軟。椒麻咪道平均，唔算好辣，鍾意拌麵有青瓜絲、蘿蔔絲、炸蒜等配料，食落fresh d又多啲口感。朋友揀左「沙茶肥牛蔥油刀削拌麵」試左少少肥牛，好食但沙茶醬唔太出，反而拌麵的招牌蔥油好香又唔咸。另外再叫左蒜泥手撕雞同烤地瓜球，蒜泥味道好香但未撈勻，所以食之前要自己再撈撈去，但超多雞絲，好食。而烤地瓜球熱辣辣，中間的芋泥味道好似香芋味，唔係黃色既番薯味，反而係意料之外。加$12蚊可以跟冷泡茶，我就揀咗無糖嘅茉莉茶，正正常常。朋友就揀咗百香果冷泡茶，佢話甜度啱啱好，但佢like甜飲，所以應該唔合乎唔好甜既人。

黃埔晚飯醫肚好去處，除左去d 高級餐廳，其實想食得飽又好食，不妨試下黃埔花園地舖Aeon food court 的美食，好食又抵食啊。今次介紹返呢間中式美食——牛響度麵館🐮🍜，首先價錢真係性價比極高，菜式選擇都多，亦都有好多小食可以選擇，見到都流曬口水啊🤤1. 韭菜豚肉小雲吞淨食10 隻配豬骨湯 $292. 玉米豚肉小雲吞淨食 10 隻配牛骨湯 $293. 蒜泥白肉 $384. 孜然雞翅 $245. 炸邪惡滷豬大腸 $38還有飲品有冷泡茶，黃金大麥茶$18 御翠烏龍茶$18。

其實我幾鍾意喺黃埔號呢隻船入面行街兼食飯，今次選擇喺地庫個food court食牛骨湯麵。星期日果然好多人，好彩好快搵到位坐，落完單亦好快有得食，正，夠爽快！餐牌有多款選擇，有湯麵有伴麵，也有不同小食和飲品， 職員好有耐心向有選擇困難症嘅我推介各款美食。沙茶肥牛特濃牛丸牛骨湯湯麵雙拼幾大碗麵，沙茶味挺香，麵條軟硬適中，加$12就可以轉雙拼餸，幾抵食。沙茶鮮牛牛腩牛骨湯湯麵雙拼鮮牛肉有好多片，牛腩也多，還有生菜和唐心蛋呢！蒜泥白肉白肉上有很多炒香的蒜，底下鋪墊了青瓜絲，夾著一起吃很惹味。私房牛骨清湯充滿牛味，牛味比湯麵的牛骨湯底更濃一些，還帶有淡淡的芫茜味。黃金大麥茶大茶包浸泡，很香濃麥味。百香果冷泡茶大茶包浸泡，茶內亦有百香果籽，真材實料。

喺黃埔行完勁大間嘅Aeon超市之後，發現超市行前少少原來仲有個food court，環境乾淨企理，一於坐低食返碗麵先走人啦～沙茶牛三寶熱刀削麵💰HK$80牛三寶有金錢肚、牛筋同埋鹵牛面頰，金錢肚爽口入味，牛筋柔軟滑嫩，鹵牛面頰肉質軟嫩！刀削麵好有口感，而且掛汁能力高！拌麵醬揀咗拾香椒麻醬，整體味道香香辣辣好惹味～手工去皮炸雞髀扒湯麵💰HK$52雞髀扒份量超多，去皮後嘅肉質更加突出雞肉本身嘅鮮味！湯麵揀咗豬骨湯底，非常清潔，湯麵亦有煙煙韌韌嘅口感，味道有驚喜～蒜泥白肉💰HK$38蒜泥白肉肥瘦均勻，辣椒油嘅油量恰到好處，食入口充滿濃郁嘅蒜香味～溏心蛋(1隻)💰HK$12帶有香甜嘅醬油味，中間蛋黃有流心嘅感覺～白桃果冷泡茶💰跟餐+HK$12清新嘅茶香同白桃嘅甜味相得益彰，味道清新解膩～私房牛骨清湯💰跟餐+HK$湯嘅顏色比較清澈，湯底清爽而不油膩，帶有醇厚嘅牛肉鮮味～