牛魔一人燒肉

營業中

休息中

旺角新開燒肉店，上OpenRice見到咁多好評，餐牌套餐幾平，就諗住一試入到去坐已經覺得迫夾，雖然是一人燒肉但都覺得沒有太大空間叫咗A4和牛西冷套餐一試，嚟到塊和牛薄成咁，唔知以為叫咗和牛嚟打邊爐實物與圖片根本不符，或者可能真係只做平價一人燒肉，貴價的肉都是差的另外懷疑抽氣不夠力，整間舖頭都瀰漫着很強的燒肉味，出了舖頭全身都是燒肉味$138嘅套餐咁嘅質素，真是不了，試業期間都做成咁，難怪個個北上覓食旺角會有更多好的燒肉選擇，不用選擇這間，至少我不會再去

今日晏晝晏晝想食燒肉，就去咗呢一間新開嘅一人燒肉，地點方便，入到去見到裝修都唔錯幾寬敞。☺️佢都好多套餐選擇，有幾十蚊至到百零蚊，👍🏻價錢而家喺香港真係食個茶餐廳都差唔多。我就揀咗個M9和牛肉眼牛肩肉套餐，坐咗一陣又好快送到嚟，套餐包括左沙律麵豉湯，牛肩肉睇落都好新鮮，食落口感唔錯，肉質幾好。另外肉眼就真係一流，少一陣已經可以食，入口即溶，簡簡單單食個晏晝已經可以食到和牛，性價比十足。🥰如果鍾意食燒肉，而且一個人，可以去呢一間試吓。🤤

八月份又有新食店開張啦！😉 香港人氣燒肉店品牌 Yakiniku More「牛魔」進軍旺角開設《牛魔一人燒肉》，餐廳主打一人燒肉套餐，A1-A13，因應自己愛好及食量自行挑選不同款式套餐及份量！所有套餐附送一碗牛骨湯，一份沙律，一碗御飯或烏冬，最平既A1牛五花套餐都係48元🤑喜歡食燒肉的我地又點會錯過呢！😉 不過要滿足到我地食肉獸的胃口，就必須點最大份量了🤣Alex選了A9套餐《牛魔三重盛宴》，分別有港人熱愛的安格斯牛舌，鮮嫩豐滿的牛五花及爽口的牛板腱。而我就選了《和牛自慢系列》的A11套餐，鮮嫩多汁的澳洲 M9 和牛肉眼及西班牙黑毛豬頸肉。我們還把御飯升級改做「牛魔蘭王鵝肝炒飯」，深橙紅色的蛋黃是產自日本九州的蘭王蛋，蛋香濃郁，伴上鵝肝炒飯一起吃，超絕滋味😍

這間新開的旺角牛摩燒肉店實在令人失望。我點了牛五花和西班牙黑毛豬五花，但肉質極差，又硬又難入口。在旺角這麼多家一人燒肉店中，這家絕對是名副其實的最差。肉的質地明顯是最劣質的，讓人無法理解他們是如何在這樣的狀況下開店營業。雖然服務態度還算OK，但品質實在令人無法接受。建議大家不要浪費時間和金錢來這裡用餐，選擇其他優質的餐廳會更值得。希望這家店能夠反省並改善他們的食材和服務，才有機會在競爭激烈的旺角餐飲市場中生存下去。

餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200/250/300g，價錢唔同，包御飯或者迷你烏冬，味噌湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。M9和牛肉眼牛肩肉套餐(和牛自慢系列) 200g $188M9和牛肉眼兩大片，切得夠厚身，帶少少肥膏，燒一陣就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。M9和牛肉眼西班牙黑毛豬頸肉套餐(和牛自慢系列) 200g $188M9和牛肉眼西班牙黑毛豬頸肉套餐除左M9和牛肉眼之外，就有6片西班牙黑毛豬頸肉。豬頸肉肥瘦適中，口感爽脆。好欣賞呢度醬汁好flexible，可以從多款醬汁當中自選3款，好貼心。呢度肉類本身冇加醬汁，所以自選醬汁好重要。燒肉都跟有檸檬角比你自己調味。韓國辣汁，黑松露燒汁，焙煎胡麻汁我揀左呢三款就真係唔錯。黑松露燒汁真係帶微微黑松露味道。焙煎胡麻汁好厚身。而韓國辣汁辣度適中。同行友人就揀左蘋果燒汁，柚子胡椒汁，柚子燒汁。跟餐沙律係簡單雜菜加粟米粒沙律，醬汁係黑胡麻醬。跟餐味噌湯有昆布，豆腐粒

今日去旺角做嘢到午餐時間又得自己一個人去到豉油街富達大廈見到應該係一間新開張嘅一人燒肉店🥩🔥叫牛魔一人燒肉見仲有位，睇完menu 都啱食，就入去試下啦入去由侍應帶位好快侍應就遞上QR code 用手機落單📱✨牛魔三重盛宴 250g🐮有牛舌，牛五花，牛板腱每個餐都跟沙律跟白飯🥗🍚上菜時俾肉嘅份量嚇一跳😦數下啲牛肉牛舌有八片🤟🏻牛五花有六片🤟🏻牛板腱有四大片🤟🏻牛五花燒完後滴哂啲油出來原先嘅肥膏就變得好脆口👍🏻牛舌係薄切燒熟後食落有咬口，好濃牛舌味道👅牛板腱每塊都摺埋咗攤出來幾乎occupy 成個爐🤟🏻牛板腱好快熟食落好香燶邊味道同埋好香牛味個餐俾我哋揀三款醬汁極力推薦檸檬鹽同埋黑松露燒汁每塊肉都點上檸檬鹽，再點落黑松露汁直頭將牛味帶到另一個層次🥳🥳✨雞腿肉 100g (+$25)🐔🍗雞腿肉有四塊每塊都預先有鹽跟黑椒醃過雞皮向爐底，可以將雞皮燒到好脆口亦將㕷油迫埋出來點埋檸檬鹽食，又淋又脆口😋✨額外牛舌 （+$1）要like IG ，再出示俾侍應睇就會有📲一份有四塊每塊有䓤襯托🥒燒落比個餐嘅牛舌厚一點所以要燒耐啲呢份牛舌老實講比跟餐嘅仲好食強烈建議一定要加埋佢🥳餐廳環境乾淨企理通風亦好足夠

旺角豉油街開了間高質燒肉店~《牛魔》，裝潢簡约、座位濶敞，行街行到累，就入去食午餐。今日點左~和牛自慢系列《M9和牛肉眼。牛肩肉套餐》$118 100g包括有自選燒肉，我就選了《西班牙黑毛豬頸》~肉質Q彈夾脆，《西牙黑毛豬五花》肥~瘦相間嘅肉，咬起來又有嚼勁，真係正！《雞腿肉》~肉質非常嫩滑。跟餐仲有個豆腐湯和沙律，十分扺食。另外，選有多款醬汁提供。而我最喜歡黑松露燒汁，黑松露味重，又不會太咸。飲品方面，我就加左$15叫左杯《巨蜂提子特飲》，巨蜂提子味濃郁，是凍的，十分解渴。#旺角

平時都係晚餐先去燒肉店食燒肉，今次睇戲前午餐就同朋友揀咗旺角呢間一人燒肉食. 佢哋lunch set真係好抵食，重有好多唔同選擇，人均80都已經食到好飽。 一人一個爐，各自各燒，上菜也很快，服務員友善也推介最新牛肉這裡的牛性價比高。我嗌左封門柳＋西班牙黑毛豬肉。肉質好香我最愛當然就係封門柳我朋友唔食牛嗌左白肉三重奏，雞同豬都好好食！我地食得好暢快，食完個身無咩燒烤味. 下次要黎試埋個日本A4和牛西冷牛小排套餐.

見到明星朋友係社交平台 post呢間牛魔一人燒肉仲讚口不絕，即刻唔等，狗衝去食啦！果日閒日OT完餓到pk去食，開頭覺得一人燒肉餐份量無會太多，就加左15蚊要份雞肉啦，結果上菜真係嚇一嚇，份量睇落好足！我已經開頭係貪便叫左個最便嘅五花牛套餐，只係48蚊雞，真心抵到爛，一數有十塊牛！激讚！仲有沙律、湯、烏冬（個烏冬係奶白色湯，好味！）。另加個雞肉都好足料！完全超乎想像！旺角區想食得好又食得抵真係唔容易！無比較無傷害，以後食一人燒肉一定首選呢間，希望牛魔老闆開多d分店啦🤣🤣

去到旺角又唔知食乜嘢, 咁啱經過豉油街見到有間日式燒肉店新開張, 主打一人燒肉, 就決定入去試下.排咗一陣隊(大約10分鐘), 入到去就order咗一份‘日本A4和牛西冷牛小扒’套餐, 同upgrade咗個飯做‘牛魔蘭王紫菜月見拌飯’. 另外仲揀咗3款唔同嘅醬料.自問唔係好專業嘅食評價, 我只能夠貼地咁講講個和牛真係好好食, 係有嗰種入口即溶既感覺👍🏻. 另外蘭王紫菜飯真係好好食, 想叫多碗食但俾女朋友阻止, 驚我食太多會太肥.

最近行旺角波鞋街，行到咁上下肚餓就搵食啦.行行下就發現一間新開既一人燒肉（講真呢排都多呢啲燒肉店）就諗住試下，好過食附近既連鎖店.入到去裝修都算新淨光猛，不過就冷氣就唔係好夠凍，可能呢排天氣太熱，之前試過d燒肉店都係咁，油煙唔大，不過個爐有d大火 要校細個火黎燒先得. 上菜速度算可以 我點左個12號餐，有一塊100g雪花牛+3塊牛塊 有個沙律 同埋3色醬，唔係好識點 所以點左頭3款 不過都好食 個味幾好 唔算鹹，個飯又可以轉紫菜飯或者烏冬都幾好講返個肉先，話晒燒肉店重點都係d肉，個牛好快熟 質地都唔錯 不過大食既可能要加多100g，我就岩岩好. 牛肉既質地對比其他燒肉店算唔錯 係旺角百零蚊差唔多. 總體評價唔錯 下次可以試下其他set.

一見到新舖頭，就即刻入去試，我習慣都叫中價嘅餐，見M6和牛就叫啦放上嚟嗰一下我都睇唔出都見唔到黃牛嘅形象，但係就同出面普通燒肉舖嗰啲美國牛差唔多。咁燒熟咗之後就冇和牛嘅味道，即係好軟充滿肥膏嘅味道。食牛肉都食咗好多，但係佢連普通牛扒嘅都冇雖然新舖頭有優惠叫咗一碟一蚊嘅牛舌。當然相入邊嘅牛舌就好大碟，但係搬上嚟嘅時候就係一個好細嘅碗去。出奇地牛舌係最好食嘅，但係得幾塊咁因為個M六和牛連普通牛扒都比唔上咁就冇再叫。喺我埋單嘅時候條路雖然窄，我都行到去櫃檯嗰邊個店員死都要係我面前經過行入櫃檯，其實我後面仲有位咁我覺得個服務上都差啲今餐就會係我喺呢間間餐廳最後一餐

旺角新開左間燒肉店，好似話係一人燒烤，好吸引呀！不過試業其間，未敢入去試，睇過其他人食評，好似都係好壞參半，唔知係咪真係好好食呢？不過⋯⋯今早8:00左右經過佢門口，食才已經放曬係門口，所以保証新鮮！

我平時都成日食日式燒肉，終於係我返工附近開左間日式一人燒肉，隨時都可以滿足我嘅「肉」望！！！超大食嘅我叫左 A13餐 200g， 大概有7安士，好夠我食！ 有一大塊日本A4和牛同6塊牛板腱，一碗麵豉湯同沙律，同埋可以3款自選醬汁。好鍾意佢地自選3款醬料，本身我好鍾意醬汁同沾料，真係滿足曬我3個願望！！！和牛都好出色，肉質軟嫩，口感juicy，如果覺得膩嘅朋友我推薦佢地點自選醬汁入面嘅「柚子燒汁」，十分解膩！！！唯一有待改善嘅地方係我中午去嗰陣天氣太熱，餐廳嘅冷氣有少少不足，希望餐廳可以改善。綜合黎講我比9分，好食、抵食！

話說新開張去幫襯第一眼睇個爐,殘舊而去帶點生鏽搞不清燒肉爐係缺乏清潔定係真係殘舊🥲然後聽到隔離檯問follow 餐廳社交媒體網站 後就可以以$1換購一客牛舌,原來做緊新張優惠我一樣照follow咗餐廳社交媒體網站再問伙記去換購一客牛舌啦到最後食完埋單, 隔離檯同我一樣係無牛舌,係完全係無咗件事我再追問牛舌,職員只係敷衍我話有啊有啊,但事實係無入單,亦扮無咗件事其實入去食唔係為咗碟$1 牛舌, 食材新鮮但份量少,燒肉爐嘅潔淨程度令人擔心體驗過咁差嘅服務後…唔會再有下次了🥲