牧羊少年咖啡館 (Fashion Walk)

營業中

休息中

新界人表示好開心可以去到港島區食晚飯！平日夜晚出到嚟銅鑼灣，人流比起假日相對較少，在百德新街一帶商店林立的環境行走都較為舒服。風聞牧羊少年café食物質素不錯，於是這晚我地預訂咗枱，嚟到就即刻可以入座，不用在外面排隊。甫坐低，便可用手機落Order點餐！我地點咗一份長通粉、一個薄餅和一客蕃薯條。蕃薯條送到時熱辣辣，要快趣啲食，否則容易變硬。味道甜甜地，配埋蜜糖芥末醬，唔小心食完一條又一條，好好食！長通粉內的配料相對較少，但係份量都足夠二人享用，夠熱，都唔錯！薄餅的饀料有牛油果、芒果和番茄仔，與芝士搭配，味道清新又開胃！蜜糖芥末蕃薯條鮮忌廉野菌煙三文魚長通粉千島香芒牛油果雞肉薄餅總括三款食物都好

店內環境舒適，燈光柔和，令人非常放鬆。以手機下單，直接點了：💕玫瑰牛奶咖啡 $44衝著「玫瑰」而點，下單後不久就到了。飲落第一感覺係..咁甜既？厚度輕盈較稀薄。玫瑰味相當突出。💕英式早午餐 $118材料非常豐盛😍 有黑松露醬炒滑蛋、挪威煙三文魚、Granola希臘乳酪、法國核桃杏脯包、法邊豆、炒雜菌、蕃茄、黑松露豬肉腸。率先試吓Granola希臘乳酪💕 granola 微甜香脆、乳酪滑順，配搭清新✨✨ 個人非常喜歡❣️ 再來炒蛋，嫩滑不乾硬。放在包上食，咦!? 核桃杏脯包烤得相當脆身，仲食到核桃杏脯，非常出色👍🏻 其他食材份量亦非常足料，就連煙三文魚亦不吝嗇地有兩大片👍🏻食得非常滿足🫶🏻 價格不算平，但個人認為ADB味道不錯，整體很有水準✨

之前有其他介紹選為銅鑼灣必食Top之第3位, 其實次次想食都好full, 今日見佢可以用app拎飛就即管黎試試. ⭐️是拉差醬法國雞翼我最鍾意就係食雞翼, 即點了一份. 雞翼外層炸得夠脆, 辣辣地夠晒味, 配埋是拉差醬, 同埋入面都算多肉多汁, 呢個雞翼又真係幾特別, 幾推薦嘅🧡 ~ (不過女友覺得太辣, 我就食埋果4隻lu)⭐️慢煮BBQ醬美國豬仔骨配酸忌廉蕃薯條女友最鍾意食豬仔骨，見到menu張相好吸引就order, 同埋緊係要配埋蕃薯條喇!黎到份量都可接受, 同埋都算多肉, (不過好多時候豬仔骨都係唔夠汁醬) 如果再多D 就好了. 今日好黑仔, 唔好彩, 可能今日冇乜人order…. 我舊豬仔骨雖然多肉, 但好’柴’… 相反, 蕃薯條就勁多勁正, 仲好食過個主菜.⭐️鮮忌廉黑松露醬雜菌長通粉有淡淡嘅黑松露味醬汁, 加埋長通粉. 都係正正常常. 唔太特出.最後, 原本仲諗住試埋佢個 ’炙燒荷蘭汁豬肉排’ , 都係等下次有機會再黎先試😬

牧羊少年咖啡館有好多分店，今次就到銅鑼灣Fashion Walk這間分店享受一個悠閒午餐。店內有上下兩層，柔和的燈光加帶點文青的裝潢令整個用餐環境非常舒適，讓人有放鬆的感覺。午市套餐的選擇非常多，我點了黑松露忌廉汁雜菌長通粉，黑松露忌廉汁非常濃郁，但又不會太膩。套餐還包了南瓜湯和餐飲，餐飲選擇了水果冰茶，清甜可口，炎炎夏天解渴一流。另外還點了英式早午餐，賣相十分吸引，炒蛋十分滑身，三文魚的調味也恰到好處，不會太鹹，看似份量不多，但全部吃完已經很飽😆

呢一間咖啡店無論係主食定係甜品🍮都好高質✨佢哋個黃金鹹蛋忌廉鳳尾蝦意大利粉真係好好食😋醬汁食落好濃郁 仲有鹹蛋黃碎沙沙嘅口感 食落唔會話好鹹 好惹味💛🧡旁邊仲有爽口彈牙嘅鳳尾蝦 唔錯！

再次係All Day Breakfast系列，雖然今次無薯餅，不過今次加分位係個乳酪，無咁罪惡感～餐廳環境舒適座位闊落，假日去都唔洗等好耐位，如果想同朋友喺銅鑼灣鬧市搵間餐廳食餐飯傾吓偈嘅話值得去試試！英式早午餐黑松露滑蛋入口嫩滑，同底下嘅烘多士一齊食好夾，不過就令多士無咁脆口，仲可以加埋帶微微咸香嘅煙三文魚享用，最後以甜酸適中嘅乳酪作結，份量滿足！龍蝦汁鳳尾蝦意大利粉龍蝦汁配鳳尾蝦嘅味道真係鮮香到無得輸，每條意粉都平均掛汁，醬汁香濃鮮甜，非常開胃。

同朋友係銅鑼灣行完街，想搵個地方坐下，見牧羊少年唔使排隊，於是就過來。雖然有限時間，不過個半鐘都足够嘅。1.芒果雞肉沙律，芒果好甜，似係泰國水仙芒，燒雞肉啲肉幾滑又香。2.蘋果撻，開頭都驚太甜，好多蘋果撻都會甜得淛，呢個完全唔會，酸甜度好幾好，配上個雪糕好味。3.小食拼盤，份量都幾大，薯條係甜薯條，好食，其他餐廳多數都係正常薯條少用紅薯。4白桃烏龍，蘋果蜜桃冰茶，抹茶朱古力，三杯野飲都唔錯，而且唔會太甜。總體唔錯，唔使等位坐得舒服。

要落CWB拎件，近近地去牧羊少年食個lunch,順便行下Sogo感謝察。係屋企遙距拎定飛，去到岩岩好有位✌️牛油果香芒烤雞沙律配胡麻醬羅馬沙律菜非常新鮮、爽口。牛油果熟度岩岩好，車厘茄、芒果都好甜，雞烤得入味，加埋胡麻醬撈埋一齊食，可以食唔停口，份量好大但一個人KO一碟完全冇難度。厚切芝士雞扒蕃茄沙律菜漢堡包配酸忌廉炸番薯條雞扒非常厚，包好軟熟，係我鐘意既包款，包入面醬汁岩岩好，食既時候唔會流到成手都係汁。蕃薯條炸得香脆內軟，好香蕃薯味。份量又係好大，食半個都好飽。Weekend lunch menu 都成日轉款，所以次次都可以試新野。

今次係二訪，牧羊少年咖啡廳不嬲都有一定水準，上次都很滿意，所以今日就同另一個朋友過黎再戰啦~作為早食飯既我，6半已到餐廳，但餐廳都有8成滿，以平日夜晚黎講都算幾多人，如果晚飯時間過黎就要等位啦~小食就叫咗個時拉差雞翼，夠熱夠脆，但有d油，時拉差係個醬到，變咗時拉差醫，應該係混合咗mayo, 食落唔辣唔夠時拉差，反而似蛋黃醬多。本人好好卡邦尼，估唔到加埋腐乳又幾夾，腐乳味好出，加埋流心蛋好cramy，又夠鹹香，呢個有驚喜我鐘意。至於ribs with sweet potatoes fries 就不過不失啦，但以$178黎講，份量算幾多，性價比真係算係咁，好大份，可以2個人分，但個ribs略嫌有d鞋，但醬汁係好夠既。Sweet potatoes fries 要趁熱食，紅薯條偏幼身，配埋個配酸忌廉可以中和一下油膩感，唔錯唔錯。P.S. 用qr code order但如果你坐角位，連wifi 較好，因為收得唔係姆好~

.🔖 牧羊少年咖啡館 | 𝑪𝒂𝒖𝒔𝒆𝒘𝒂𝒚 𝑩𝒂𝒚係銅鑼灣想平平地食個Cafe Lunch Set/ Tea Set 呢間餐廳絕對係唔錯嘅選擇～ 之前食過牧羊少年嘅尖沙咀同葵芳分店，覺得今次銅鑼灣嘅食物最好食！👅難怪Openrice上面銅鑼灣最高分。下午三點幾去到可以食Lunch Set 又或Tea Set，選擇都幾多。Lunch Set會有意粉同飯，而Tea Set就會比較多甜品，Apple Tart同Waffle都好吸引，而且價錢合理，仲包埋一杯飲品。.今次就叫咗俄式牛仔柳意大利粉同法式芥末雞肉薄餅。個意粉好有驚喜，上面有pat酸忌廉，配埋個蘑菇醬汁好新奇又好夾，真係第一次食呢個combination嘅意粉。🍝而且意粉煮得啱啱好，唔會太稔好彈牙。雞肉薄餅都有兩大塊，每塊都好足料，舖滿雞肉粒同芝士。.有次去過葵芳店Lunch食過一個冇咩味嘅意粉 (唔知係未落調味定點)，本身唔敢再去。但呢間銅鑼灣店絕對可以Recur！🙌🏻* 俄式牛仔柳意大利粉 $108(Lunch Set includes soup & drinks)* 法式芥末雞肉薄餅 $68(Tea Set with drink

銅鑼灣一間人氣長期非常旺的牧羊少年咖啡館。牧羊少年咖啡館位於銅鑼灣的Fashion Walk,店內環境闊落，裝修漂亮，座位舒適n所以經常都大排長龍。是晚同朋友一行四人，在晚上6:00入座，餐廳已經一路開始多人，餐廳採用QR code落單, 坐低分別叫咗牛油果香芒烤雞沙律，牛油果足足有半個而且縮到啱啱好，芒果又香又甜，雞肉嫩滑，黃金鹹蛋忌廉意大利粉，好夠鹹蛋味分量充足. 小食拼盤裏面嘅返薯條又香又甜又脆.總括嚟講十分推薦地址：銅鑼灣記利佐治街11-19號

行行下街有啲肚餓，咁岩見到附近有牧羊少年，就入去坐低嘆個tea抖下。卡魯哇咖啡酒提拉米蘇 $68Tiramisu 咖啡味香濃，帶有淡淡既酒味，配上手指餅增加層次感，整體唔會太甜膩。份量合適，性價比不俗。牧羊少年月餅適逢中秋節，埋單個陣仲送左一個流心奶黃同流心抹茶月餅。收到既時候都冇抱太大期望，但返到屋企叮熱一試，竟然完全唔輸比其他品牌！流心抹茶加熱後帶着濃濃抹茶香，抹茶控表示非常滿足🥰🥰推薦大家下年中秋節買返盒試下! 

其實成日行過都見到呢間台式cafe 不過咁耐都未食過😜 食物比想像中高質 一定會再嚟幫襯👍🏻 不過如果奶類飲品可以有得轉豆奶或者燕麥奶就更好  📸: 1️⃣ 黃金鹹蛋法國雞翼 ($68) 2️⃣ 鮮忌廉野菌煙三文魚長通粉 ($108) 3️⃣ 玫瑰牛奶咖啡 ($46)

鮮忌廉野菌煙三文魚長通粉這碟意粉味道一般，是普通磨菇同煙三文魚及忌廉配合埋長通粉的味道。素肉醬意大利粉呢個意粉偏酸，素菜多，整體份量比較少。我覺得這間咖啡店的意粉一般，下次可以試吓佢既其他食物。#牧羊少年咖啡館 #鮮忌廉野菌煙三文魚長通粉 #素肉醬意大利粉 #fashionwalk

有日一個人係銅鑼灣行行下 好想食甜品醒起fashion walk 開左牧羊(太開心啦)就衝左去食窩夫同飲朱古力咖啡 之前食過其他分店 食物質素好好👍🏻黎到銅鑼灣都唔例外 都係咁正呀😍😍😍叫左士多啤梨窩夫 個份量真心冇食都滿足左 有四大件窩夫 仲有2球雪糕👻窩夫熱辣辣配埋雪糕食冰火交融 好爽 加埋鮮士多啤梨 酸酸甜甜 好享受呀😋😋😋😋之前係度飲過朱古力咖啡 有d掛住 今次再叫 呢杯野真係出面飲唔到咁正好濃郁 提提大家 佢係比較杰身既 唔鍾意呢個質地唔好叫呀 我就覺得超濃同特別😋😋😋