犇 (已結業)

高質既西餐廳lunch hour長期爆滿通常要book 位先食到餐廳既牛扒好好食但汁較得啱啱好對牛扒既熟度都掌握得幾好煎魚好軟滑魚味好香不過份量就唔係好多啦唯一既缺點係餐廳細坐得有啲迫

鰂魚涌海光街有很多特色小店，見到個餐廳名咁特別，情人節傳統又係食西餐，沒有多想就選這間。地方非常窄，枱與枱中間沒有空間，兩人枱變了四人枱，要說悄悄話未免有點尷尬；服務方面，回應顧客要求很慢，可能是小店吧！食物方面，頭盤煎帶子沙律都可以，至於主菜點了西冷扒，要了五成熟，但煮得像七成，不過看得出伴碟砌得用心。跟餐甜品算多選擇，要了法式焦糖燉蛋和柚子芝士蛋糕，味道也不錯。整體來說，價格偏貴，服務有待改善。

Fantastic local restaurant, lived in area for 7 years but first time coming here and was great! Came on Velentines Night and no extra charges but food and service was fantastic.The attention to detail in dishes was very surprising with turned buttons mushrooms to rival any cordon blu 3* restaurant. The set menu was 4 coursed with Scallop & Seagrape salad, Chowder with Clams and Mussels in shell. Main course was rack of venison which was cookged just right and had been previously marinated with

你話孖寶點可以唔愛史呢間食店😍話說昨天book咗位，諗住同個朋友慶祝生日！點知佢突然家中有事！好彩而家一切平安💓感恩，但係我哋又突然約咗第二個人去第二度食飯，就咁又趕唔切通知佢地取消，浪費咗大廚b Ben同靚V嘅心意, 浪費咗佢寫得一手的好字👍🏻今日去比個口享下褔😋順便同佢地講声Sor! 點知佢地無介意！靚仔大厨仲同我地碗靚湯修飾一番，真係有夥咁嘅靚樹💖直係窩心都不得了！咁…小週末孖寶就係小週末有餐平美靚正嘅午餐, 仲要有我至愛嘅lucky 靚冧巴😁😁😁😘😘😘😘😘😘😘😘

12月嘅一個晚上係鰂魚涌搵嘢食，發現呢間小店，個名好特別，決定入去試下。一入去覺得好溫暖，有傳統扒房嘅感覺。店子空間不大，但好有心機佈置。老板係廚房用心煮嘢食，老板娘熱情又好客招呼客人。第一次去，佢好有心機介紹品同嘅扒俾我地，我地選咗沙律同牛扒，嘩！真係好好食，剛剛Medium rare，好鬆軟，好有肉味，同平時食的唔同。甜品更加出色，好食到唔知點形容！連杯凍檸檬茶都特別好味，因有人情味。下次會帶屋企人去試下豬扒同青口😋。誠意推薦👍🏻

與朋友在這裡吃飯，意想不到的好吃，食材一流，廚藝出色，味道好吃到無得頂，是絕對值得一試的西餐餐廳。黑松露薯條、黑松露野菌蘑菇湯、M7和牛西冷扒、香煎鱈魚柳、日本柚子芝士餅，廚師能使用不同食材創出一道道新菜式，加上拼砌不同配菜，菜式外觀吸引，每道菜盡顯食香味俱全，可見廚師極盡心思。 

服務態度勁差 剩係得兩個人手 完全唔知做緊乜 個阿嬸老闆娘仲要成日黑面 完全個樣係俾錢入嚟俾佢鬧咁 😡😡😡不過唔緊要 我好肯定你好快就會結業 各位open rice 用戶如果想貼錢買難受嘅話 就即管幫襯佢哋啦 係佢執之前 😌

我哋今日 3 個女仔諗住去呢間餐廳到食 lunch .. 打電話去 book 枱時，店員話『 book 枱要額外再收加一服務費』咁我哋覺得唔緊要，都試吓新嘢啦！點知。。去到，第一位店員大嬸同我哋講：你哋話 12:40 到，等一陣啦，未夠鐘，我同咗呢張枱嘅客講㗎嗱 ( 當時其實已經係 12:37 ）跟住我哋 3 個喺門口等。。點知其間突然有兩個女仔入去問佢有無位，另一位店員小妹妹居然比咗我哋等緊嗰張枱嗰兩位 walk in 嘅顧客！！當我問店員小妹妹時，佢居然話因為我哋比 book 枱嘅時間遲咗到 😠😠 我氣憤之下叫咗店員大嬸出嚟問佢，點解我哋 book 咗枱，要額外比加一，反而張枱比咗 walk in 嘅客。。店員大嬸居然碌大對眼，面目猙獰地話：你哋 book 咗位吖嘛，我知啦，入面張枱埋緊單啦！！🤬🤬🤬🤬🤬🤬🤬🤬🤬🤬我都係第一次見服務咁差嘅餐廳！！有幾好食都係假呀。。10 個 👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻 嬲爆 😤😤

話說上星期日再一次去犇開餐，為兒子的媽媽慶祝母親節，她最喜歡吃犇的頂級美國西冷扒（五成熟），今餐又一次令我們滿意的一餐。頭盤是芝士拼盤，再來黑松露蘑菇湯，菇味濃郁，並揮發着誘人的黑松露味，是我們一家的至愛，除了本人之外😂🤣。主菜當然是牛扒啦，這次的配菜是柚香蓮藕沙律菜，酸酸甜甜，極為開胃。牛扒本身是沒用調味料，是要吃牛扒本身的肉味，而牛扒的脂肪分布平均並散發出很香的味道，兒子告訴我牛扒入口即溶，不用五分鐘便把它KO了。由於本人是不吃牛肉的，於是我點了一客鴨髀意大利粉，鴨髀肉汁豐富，而意大利粉是用了鴨油拌煮，那份香味確實是難以形容的😋。當然，我們並沒有忘記點他們的日本柚子芝士餅手調咖啡☕️，本人特別喜歡這個柚子芝士餅🍰，食後口腔有留有非常清新的感覺，柚子味非常突出，與咖啡確實是非常匹配。其實非常喜歡去犇開餐，除了喜歡Ben廚師👨‍🍳話啦的食物外，更喜歡的是老闆娘👩🏻待客態度，她是一個非常健談的人，往往能夠和客人打成一片，令人賓至如歸。

好友生日到她公司附近嚟一個生日聚會， 本人第一次幫襯「犇」，十分有驚喜。頭盤先來個香煎鵝肝和黑松露薯條，鵝肝外脆內軟，薯條熱辣辣黑松露味濃郁，大家唔夠喉終於要叫多一客。跟住再來田園大蝦沙律和Parma ham, 同樣美味可口。主菜來一客美國極黑豬鞍扒和spaghetti Aglio Olio，第一次品嚐這款豬肉，肉質軟滑可口一啲都唔乾身，果然名不虛傳。意大利粉煮得軟硬適中有咬口，有高級餐廳水凖！甜品一次過上齊4款蛋糕, 每件各有特色，最驚喜係廚師老闆特別炮製一客大型疏乎厘並點上蠟燭，為好友慶生，熱辣辣疏乎厘香氣撲鼻，一入口充滿蛋香，非常嫩滑，一試難忘！除了食物質素好之外，老闆、老闆娘和侍應生很有heart 去招待食客，真是現今香港食肆鮮有的服務態度。

一直覺得呢間野食唔錯，但今日去完，就覺得可以byebye呢間野。事緣去食晚飯，有一大群中年呀姨呀叔，起初聲量還可以接受，但後黎旁若無人，當係自己屋企咁大聲喧嘩。但呢個都係客人問題，總係會有冇公德心既人，唔緊要。但竟然老闆娘同佢地一齊傾計，仲講得最大聲。我同朋友坐對面，用正常聲量都聽唔到大家講咩。我食左1個幾2個鐘，個段時間入面，老闆娘同佢啲所謂"vip"朋友一直冇停過大聲傾計。我都知係香港，你係要求唔到侍應叫隔離靜啲 (香港餐廳點會敢得失啲客)，但你作為老闆娘，唔單止唔處理下個情況，仲令成個情況惡化左，點樣做餐廳呀？眼見隔離個枱勁快食飽閃左 ，實在唔願意再坐多陣，成餐飯好似去左旺角茶記食咁，差啲要戴番個耳機。其實餐廳真係唔大，老闆娘你都唔係幫人包場，人比錢我比錢，點解我比錢食飯，仲要忍受你啲貴賓大聲喧嘩先？重點，我係呢到食飯，都已經唔係第一次發生呢種事。平心而論，呢到啲扒係幾好食既，但餐廳唔係只係靠食物囉。總之結論就係，呢個價錢，我可以去間靜啲，啲服務有質素啲既地方囉💁🏻

星期日又係時候食好嘢啦，係朋友介紹之下黎左呢間用三個牛字組成嘅中文字既餐廳，好有趣，不過唔識讀，有沒人知點讀?餐廳裝修幾靚，有高級扒房感覺，坐一坐底睇下有咩食先，E...價錢又唔係好貴喎，$198蚊就食到紐西蘭冰鮮西冷扒，一於試試佢!叫左一個SET DINNER，另叫左個RISOTTO!是日餐湯:羅宋湯，不過唔係太好飲，好酸，好重蕃茄味一般~主角黎左啦，$198蚊就食到紐西蘭PS級冰鮮西冷扒，我要五成熟，切落去見到塊牛排個心係粉紅色嘅，但係冇流血水，好重牛肉味而且好焾身!都幾JUICY，薯角夠粗，有香草灑上面，好香口哦。正!墨汁帶子蝦意大利飯(HKD188) 是另叫的，因為只係食牛排唔夠飽，墨魚汁又可令海鮮味更濃，再加鮮甜的帶子，就會成為一道簡單、低卡又好味的美食。紐約芝士餅 (KD 28) ，濃郁CHEESE味，入口細緻滑溜，愈吃愈上癮

同一班食肉獸朋友又出動喇，Lunch好豪氣咁去咗呢一間餐廳食牛扒！見到呢一間餐廳個名有三個牛字，梗係要試吓啲牛啦。Lunch set 大約要130HKD 一個人，其實lunch來講係偏貴，但係食牛扒來講係偏抵。我同朋友分別叫咗肉眼扒意粉，同埋肉眼扒薯條。當然啦佢咁樣嘅價錢，我梗係唔會攞啲幾百蚊嘅牛扒同佢比，以咁嘅價錢來講，雖然牛肉始終不是高價嘅牛肉，但係牛味濃。而我叫咗意粉，我略嫌意粉嘅汁唔夠多，因為牛肉偏乾，所以其實係食到有啲乾。至於我朋友嘅薯條，真係抵讚，薯條上面佈滿左調味料， 有少少似麥記嘅shake shake薯條, 勁香口惹味！呢個餐係可以配一杯野飲，好普通嘅橙汁佢都有提供。但我揀咗佢嘅紅菜頭汁，貪佢特別呀嘛！紅菜頭係抗氧化㗎！女仔必飲！我朋友好怕紅彩頭嘅腥味，帶佢對呢一杯野一啲都唔抗拒，所以大家都可以試吓因為我自己個人認為係幾好味，仲有少少似利賓納添。

星期五又係時候食好嘢啦。呢間餐廳個中文名好有趣，三個牛字組成嘅中文字，我真係唔識讀，有冇人可以話我知？餐廳裝修幾靚，有高級扒房感覺，睇睇午市 餐牌又唔係好貴喎，$130蚊就食到紐西蘭冰鮮肉眼扒五安士配薯條沙律或意粉。一於試試佢我嗌左五成熟，切落去見到塊牛排個心係粉紅色嘅，但係冇流血水，唔算好重牛肉味但勝在肉地好林。薯條夠粗夠脆，有BBQ味調味粉灑上面，好香口哦。半碟仲有個沙律份量都唔細，沙律醬係甜甜酸酸嘅香料醬汁,正。跟餐仲附送一杯紅菜頭青蘋果汁，出去買個果汁都起碼$20啦，冷榨嘅話直頭$60一杯，有咁健康嘅飲品選擇真係抵讚！我推薦地想享受鋸扒小奢華樂趣又注重健康嘅你

呢間餐廳, 個名好特別 - 犇, 一睇就覺得佢一定出名食牛啦。糧頭諗住食好D, 叫左個肉眼扒...牛扒嚟到, 滿心歡喜, 馬上開動。點知....食落, 薯菜還可以, 但牛扒好韌, 肉質粗嚡。 以百幾蚊一餐午餐嚟講, 實在令人太失望唔推薦 ,亦無謂詳細批評了。