狸屋台屋

營業中

休息中

不知和附近的屋台屋有沒有關係，無論餐麼廳名子及餐牌都差不多，唯一不同的是價錢較貴。店內除了有普通的二/四人枱，還有日式座位供選擇。午市時間顧客頗多，座位非常擠迫，甚至覺得有點硬來之感。點了一客特上壽司定食，主要有壽司七件、卷物三件及迷你烏冬一碗。正價連加一素價二百元，絕對不是物有所值有所值。現在特價約一百元，還可以接受吧！餐前小食燉蛋一小盅，蛋香及幼滑程度也有一定水準。壽司卷物賣相中規中矩，款式、質素及味道佳沒有特上感覺。迷你烏冬真的很迷你，不消兩三口已吃畢，幸好烏冬口感還算煙韌。最後連餐飲及甜品(雪米糍)，亦是普通貨式，盛意欠奉。

Dinner sets are value for money. Variety of choice with very good side dishes. Daily specials of marine eel sushi are excellent. Cooked food are always fine. But udon is on average, and sashimi is of fluctuating quality.

平安夜當然想同女朋友搵好野食啦經友人介紹下去試下這間book左9點鍾去到,其實都有一半坐位是空的初次進去格調相當不錯很有氣氛(可能只是燈光比較暗而已)只是座位與座位之間太窄價錢不便宜心想: 難得一次,食豪佢啦香蒜牛柳粒爐端燒,分量少,而且好"un" 4色自選刺身拼盤~三文魚厚切,ok好味~吞拿魚都厚切,唔粉的~劍魚腩,ok~海膽,有點失望, 有根,而且有苦味~松腳蟹,唔知點解覺得同食一般蟹柳無分別壽司~值得一提甜蝦ok好食海幔壽司,見佢聖誕半價叫左一份,,汁唔夠,而且有骨三文魚頭麵豉湯鍋, 麵豉湯好似味精湯叫左熱清酒,浪花xxx, 店員已經漏單差d無黎,黎左反而後悔,辛口送2粒雪米池,女朋友話係全晚最好食><"只此一次

　　　有朋友從美國回來，我和另一個朋友和她敘舊。朋友建議去狸屋台屋，這間日式料理餐廳以前在別處的，搬了過來之後她還沒有再來。　　　踏進裏間，便被其中濃重的日本氣息所吸引，牆上的都是日文字的布簾和掛飾，播放著的是懷舊日文歌，而那些日文歌很多都有被改編成廣東版的，因此對不諳日文的人都不會感到陌生。燈光柔和，令人感覺舒適。而食客更可選擇跪坐。我們不習慣跪坐，因此選了坐餐桌。　　　我們要了兩碗豬軟骨拉麵配窩蛋豬扒，豬軟骨做得不錯，軟骨富膠質醬汁也控制得濃淡得宜，可惜就是窩蛋豬扒做得太鹹。另外還要了洋葱燒牛肉，牛肉做得太老了一點，但醬汁反而不錯。　　食客可順道拜訪一下洗手間，廁所的水廂上擱著了香薰座，而洗手間內的牆壁都是日文報紙的牆紙，營造了身在日本的感覺，有學日文的朋友，還可趁在如廁的時間考考自己的閱讀能力呢。

又是想吃冷烏冬的一天, 找不著, 見有和食店便舂了入來名為居酒屋,其實是很有家庭風味的店一坐下, 服務生送上中華沙律一面吃著一面看那可愛得很的餐牌竟然有一整個一人餐的餐牌呢, 感動參考對面枱的食客點了特上刺身定食 ($98 + 10%)先喝麵豉湯, 普普通通, 沒什麼啦刺身有 5 款, 每款有兩件: - 帶子 (鮮甜) - 油甘魚 (正常) - 劍魚腩 (最唔得, 雖然厚, 但很多筋, 又不肥) - 三文魚 (厚切當然不錯) - 吞拿魚 (正常)每種魚下面墊著的菜絲都不同, 雖然是不會吃的但看得出心思連白飯一大碗, 吃得很飽了餐飲是水蜜桃茶, 要了熱的, 出來卻是半暖不涼, 不太夠甜而且味道有點假埋尾當然是港式到爆的雪米糍一粒, 收貨總的來說不算太差, 但我付出上百元吃一餐, 該可有較好的表現吧

平時去得多銅鑼灣，今次搵左間近近地ge,,係openrice度搵到li間，就去左試整體黎講，味道唔錯，D野食好好味不過D價錢就貴左D......同埋坐得麻麻地，地方好細好逼，好嘈，坐位唔多。叫左4樣野，食到好飽

17/8/09(一)由於來得早，也取得一張兩人小桌，地方真是窄逼得很。不久就發現頭頂的天花有水滴下，只有找侍應換檯，答應一聲又去忙其他，等了好一會終於站起來要求換檯，就換了一張面壁的三人檯，一會兒，又過來要求我們換去一張客人剛離去的兩人檯，忙了一陣，終於坐定定開飯喇。特上壽司定食(特上壽司7件＋卷物3件) 配迷你烏冬：壽司是新鮮好吃的，烏冬湯底較清淡。特上牛扒定食：牛扒醃料味濃，肉質也可以，附上小碟炸小魚。特別的是侍應送食物來時輕輕附加一句: “菜是有機菜，要食哂佢。”毋須理會自己有否聽錯了，新鮮好味的沙律菜，當然一條不剩。凍巨峰提子汁：淡而無味，不飲也罷。紅豆雪糕：加錢換紅豆雪糕，美味的。食物是不錯的，但環境真是很擠逼，午市也要加一，人手好像不夠，可以改善呢。

前排質素下降, 坐得迫又收得貴 , 食千両好過, 所以好耐無過去. 今日同事話d野好食左又平左, 一於俾多次機會佢啦!order左壽司set, 有sushi 加烏冬, 同事order左網燒牛扒定食, 兩款set 賣相都唔錯, 份量唔少.烏冬好彈牙, 不過湯底唔夠味. 壽司全部都好新鮮, 有三文魚,油甘魚, 劍魚腩, 蝦, 加州巻十幾款 (掛住食唔記得影相添 ), 劍魚腩同埋油甘魚勁肥美, 入口即溶, 勁正!! 如果唔係太飽, 仲想encore呀, 散叫$45兩件.試食埋同事個牛扒, 燒得幾好, 點埋汁同撈飯, yummy yummy! 個set 的小食係炸魚仔, 香口得來唔會乾爭爭, 又幾鮮味, 我諗攞黎送酒應該唔錯.唔知係咪大家同我一樣覺得唔抵食, 食晏時已經無以前咁爆, 我地食完都仲見有吉位. 可能因為咁所以而家要減價啦, 每個餐$79, 平左少少, 不過quality就好左好多, 下次會再去, 希望佢保持水準啦.

八月十六日五人行，六點半入座，七点落單，七點三有刺身飯，七點半才有壽司拼盤，之後便沒有任何東西來！幾枱後過我們用歺的客人也埋單! 幾經催促，四十五分鐘後一渦風上四款食物！又漏單又做得慢，price is not cheap at all!! 激氣！至於環境，他們的枱，很少家！如你們共三人，他們便將二人枱拉出迷你 side table 出來便算！我們共五人，也是將四人枱拉出迷你 side table！坐得很迫及不舒服！討厭！至於侍應，十分之蠢！我要求一隻有耳的杯，侍應找到一隻給我，她竟然問我用來做什麼？天啊！她沒有帶腦子返工嗎？擺到明有一位老人家是座上客，當然是用有耳的杯方便点啊！還用問嗎？Stupid!!!至於food，我們共点了 ……刺身飯: 用了包壽司的魚生, 切也不切便放於飯面上便算！懶到出汁！特上雜錦壽司拼盤: 講得上特上，竟然有起碼十二件cheap cheap小手卷？？？清酒煮蜆: 沒有清酒味，只有咸湯味，too bad!! 有点過熟！汁燒鮑魚: 普通鮑魚兩隻，冇乜特別！海鮮鍋: 多菜少海鮮，而所謂的海鮮，竟然有蟹柳及魷魚鬚咁cheap？？？鍋燒烏冬: 冇特別！冇驚喜！c

看看才知有那麼多負面評語，有點替它不值，所以要寫個讚美的食評支持一下。這兒的拉麵最美味，一定要試！平均來說，各項食物的水準和價錢都合理，一家人食飯最合適，是我個人喜愛的日本餐廳。星期日午飯時間點了三個套餐，牛柳陶板燒拼豬軟骨拉麵, 軟殼蟹卷拼蕃茄茸拉麵, 壽司拼冷麵。蕃茄茸拉麵最美味，湯濃得不得了，好鮮味，又多新鮮蕃茄，每次必吃！牛柳陶板燒的牛柳很柔軟，又入味，正！豬軟骨都好味，可惜分量比較少啲。地方的確比較迫，不過好味夾抵食，我覺得補翻數啦！

縱然經常來太古城,但每一次也是直接駛進停車場然後在裡面找食,很少在太古城中心以外的地方覓食.如非最近看到雜誌介紹,也未必懂得來.餐牌的食物款式都很大路,不外是刺身,壽司,串燒,燒物和熱食.另外還有一人和二人晚餐,但最終我們都選擇自選.首先揀選了自選五色刺身($118),從約10款刺身中選5種,每款有2件(某1-2款除外).這次二人都分別選了至愛.海膽,色澤欠光鮮,較暗啞.算不上是上乘的貨色,海水味較濃,玩壽司飯吃會比較好.帶子,新鮮而且清甜.牡丹蝦,是只有一隻的款式,份量較大,蝦肉鮮甜且爽口,不遜於帶子.劍魚,不是魚腩的部位,所以油脂較少,沒有入口即溶的效果.油甘魚,欠肥美.另外點了一客特上壽司定食($119),當中包括七件手握壽司->油甘魚,鱆紅魚(比油甘魚更爽口),三文魚(大路質素),吞拿魚,帶子,熟蝦,北奇貝,煎蛋(不夠香甜).另加三件卷物,為加洲卷,內裡包著三文魚和青瓜絲,實而不華.牛肉麵豉拉麵,拉麵味道不錯,但湯底欠麵豉味,牛肉亦較嚡.定食餐加配飲品,要了冰的自家制水蜜桃茶,蜜桃的甜混合了茶的香,完美的中結.雪糕糯米糍,吃不出是甚麼口味,不太甜,合我意.狸屋的外貌和裝

同2 個朋友仔係太古食飯, 揀咗呢間名字特別的日本野 - 叫狸屋台屋價錢唔算平但食物有質素, 唔會食到你頂住個胃但會好滿足3個人叫咗:自選刺身拼盤, 好新鮮! 鹽焗廣島蠔, 肥美之餘夠多汁, 好令人回味!火炙三文魚腩壽司, 好肥美! 備長炭燒牛肉, 正正正, 此店獨有的, 好香的黑椒味!手打冷烏冬, 好好味的汁! 配以薑, 蔥同蛋見佢D 海膽一D 都唔共欺場, 叫埋個鱈長蟹肉炒飯, 正, 好多蟹肉, 又唔會太鹹!埋單每人百多元,十分滿意...

本想到板長壽司太古城新店，怎料要等19個號碼，馬上放棄，就到了 "狸" 了。餐牌選擇不少，但我是經濟型食家，只點了套餐。我叫的是︰燒銀鱈魚飯(小) + 麵豉湯叉燒拉麵 + 熱水蜜桃茶水蜜桃茶是第一道上的菜，次序已經不對了，還要給錯了凍茶，我不介意飲凍的所以要求不換了，但服務要扣兩分！(1. 未上菜先上飲品 2. 冷熱不分)之後送來麵豉湯叉燒拉麵，我心想拉麵應該是配菜，所以應該很細碗，但原來跟一般正常拉麵大小一樣！叫我怎樣吃之後的銀鱈魚飯？！麵豉湯底不錯，不濃也不淡，但叉燒我覺得粗了一點。燒銀鱈魚飯最好食，剛上菜時銀鱈魚還是非常熱，即是燒完馬上上菜，而且燒的時間剛剛好，味道一流！難得的是，我竟然可以食完全部飯及拉麵，可能是味道好的關係。太太點的是吞拿魚手卷 + 茶漬飯，她也很滿意食物。我們的座位是靠窗的，比較舒適。其他位置似乎比較窄，可能會坐得不太舒服。其他食客點的都是套餐以外的食物，我下次來也會點其他食物，才可以試出此店的真功夫。今次因為食物好，我給笑臉，但服務仍需改善，所以只是邊緣笑臉而已。

今日同班同事嚟呢間試食，好彩我嚟之前冇睇過食評！如果唔係真係俾人誤導晒！我哋兩男兩女座壽司卡位，唔太鬆又唔大迫！我哋叫咗２個什錦鱼生飯拼豬骨湯拉麵($69)銀雪鱼飯細拼蕃茄茸拉麵($99)牛柳陶板燒拼鱼奶湯素麵($89)可能我哋要求低同埋唔識食啦！啲鱼生粒全部都有光澤，呢啲可能係特登掃層油上面啦？同埋啲拉麵咬落都有彈力呀，個湯低好有豬骨香味飲落夠熱呀！斷估果啲唔係橡根吓，更加我偶像唔係吳剛囉，我唔會試飲滾油囉！銀雪鱼食落甜甜哋和有少少麵豉味，如果我冇眼花的話應該係銀雪鱼嚟啦！蕃茄茸渴和鱼奶湯真係好好味由奇係蕃茄茸湯真係好特別，女仕之選！牛柳陶板燒好有口感，好味！仲有啲服務員真係好頂呱呱我好唔小心漏咗部手提電話，個女仕應攞住追咗我地成條街俾返我，真係好似欠佢幾百萬咁追我囉！我個人覺得食物質素，味道和價錢真係好過同區啲日本料理，去完公幹一定會叫埋啲朋友嚟呢間食嘢！p.s.我今次係第一次到呢間嘢，嗰仕應都追咗我咁遠俾返手提我真係難得！

今日同公司同事去試食 - 以為有好野食 點知仲衰過街邊 !! 十分渣 >< 拉麵D湯唔夠熱 ? 暖暖地 ! 銀雪魚似咸魚多D ? 魚生連皮食? 什錦魚生定食件蛋仲凍過D魚生 ?? 魚生飯仲犀非利 - 無牙都食到 ....皆因全部係魚蓉 - 無魚味仲有幾條蟹柳添 ! 奇怪嗎 ? 巨鋒提子汁 = 仲衰過芬達提子 服務員態度認真好 好以欠佢幾百萬 各位如有興趣貼錢買難受 不妨一試