狸屋台屋

營業中

休息中

29 July 2006 (Sat) - 晚飯睇完’龍虎門’之後就黎咗呢度食，都成9:30pm左右，入到去見冇乜人咁，爭啲以為己經打烊，問下佢，佢哋話10:30pm last order，咁就安心坐低。由於OR寫個地址唔係好清楚，我去之前打電話問咗佢個正確地址，佢話喺天星閣地下，好在查中原地圖好方便，好容易搵到！佢晚餐既combination 種類都算頗多，我同好好友叫咗一個雜錦刺身定食($120)，另一個就係六片雜錦魚生+一個豬骨湯拉麵($75)，再另外叫多一個$38既牡丹蝦刺身併魚生share食，都唔係太貴既．．．以晚飯黎講！新鮮都算OK新鮮，最起碼夠晒大件，唔係薄’依依’咁！豬骨湯拉麵都唔錯，初時以為會冇乜餡，點知都有幾塊日本叉燒，OK喎！食完仲有雪糕糯米池送添，不過埋單時見到張單有每人$5蚊既茶錢，就真係覺得不該！

同爹地媽咪去食~食o左個二百一十幾蚊o既二人餐,爹地再加一個全日套餐~二人餐抵食o的~魚生幾新鮮, 手卷, 天婦羅都唔錯!!送o個杯o野同麵豉湯都好好飲~服務員姐姐好細心~仲教你食邊樣先好o的~雖然坐得逼o左少少,但成間餐廳靜靜地,環境唔錯~~

I am so happy to have lunch there as the shop provides so many dishes! We can get different combinations of set lunch from the menu!Also, the shop provides a card for us, then we can get " a record " for every spending of $150. Afterwards, we can get a free dish for $90 after spending five times! Wow! It's a good method for attracting guests!

我在附近返工，常常也聽其他人說側魚涌是美食的天堂，發覺果然名不虛傳．這店的午餐menu很好，一個餐可以食勻兩款食物，其中我最喜歡的就是他們的”女士之輕食”餐，烏冬加沙律其實也很飽肚．不，我不是女人，但也覺得飽．另，我不是基的．　呀！只有一點不太好，就是此店的座位比較窄．我還是喜歡座位大一點的餐廳．食物質素怎樣？出色，但不算一流．

上次咁正，所以急不及待番尋味。我揀set係包3件壽司、幾塊炸雞同湯烏冬($60)(當然大部分set都包螺肉、雪糕和蜜桃茶/咖啡)，點知有失望：烏冬冇上次咁好，只係覺得好滑，壽司普通，炸雞就嫌肥膩。好彩老婆要九州拉麵+咖喱豬扒飯($58)唔差，拉麵本身煙韌，豬扒就脆口唔鞋，而且分量勁，細食兩個人都夠食，抵食！

恐龍大會，太古城中心勁多人，所以落去太古城內街搵嘢食。等咗一陣就有位。見佢哋啲精選午餐好似幾好，就叫(1)三文魚雜錦魚生飯配麵豉湯和(2)京都風味烏冬配海膽手卷，兩個set都配螺肉(小食)、雪糕(綠茶雪糕/芝麻雪糕)和飲品(咖啡/蜜桃茶)。雖然係特價餐，但係冇將貨就價，三文魚魚生夠多夠新鮮，鋪滿大半飯面，麵豉湯內有大蝦和扇貝肉，個碗烏冬(應是手打)就幾簡單清新，海膽亦算唔少。至於雪糕和飲品都有水準：雪糕軟滑，夠哂綠茶/芝麻味；咖啡用小杯裝載，個樣似Expresso，蜜桃茶就有淡淡蜜桃味，唔係甜到死嗰啲。咁有質素，而且唔貴，我同老婆當然好滿意。唯一要彈係手卷啲紫菜韌咗啲。

I visited this restaurant last Friday. They got a new chef from Japan. As I understand, this chef previously worked in Cafe Deco (The Peak). The food is great. I must recommend this restaurant to my friend .

咖哩烏冬加燒牛肉鍋飯咖哩名不虛傳,烏冬亦彈牙軟滑,配料充足牛肉外焦香內鮮嫩,飯焦畸少,配菜略少

仲記得呢度以前係數一數二的日本食肆，一來果陣好的日本食肆唔多，二來那時亦未食過真正好的，所以就覺得呢度好好。士別多年，今晚趁同老婆來呢頭探朋友之便，就來個故地重遊。八點來到，相當清淨，全店得一檯客，侍應加埋壽司吧都亦個人，一人mark一個仲有一個職員剩！多年不吃，先來些大路的，就叫了個特級醬油拉麵同燒牛肉鍋飯，壽司吧的師傅話今日飛魚新鮮，就再來一客飛魚刺身。先送來前菜，是個薯仔蝦沙律，味道都唔錯，不過份量就細左少少；燒牛肉鍋飯先來，用一鐵鍋盛著，賣相不錯。牛肉幾多，加埋洋蔥及青椒，燒得幾香，似幾對辦。吃落味道好，牛肉粒唔韌又有口感，舊舊外面熟裡面紅紅地，火候剛好。米只是珍珠米黏性不高，收得80蚊一客都可以用好一點的米，不過總的來說這個燒牛肉鍋飯算不錯；特級醬油拉麵好大個碗，但一看便知不是拉麵碗，因這個碗是不能捧著渴湯的，有點失望。除了麵，有兩片叉燒，是捲著煮的五花腩，個叉燒就不用吃都知好野。配菜用另兩個碟盛著，分別是蔥花、筍、海帶及紫菜，份量極少，咁大碗麵咁少配菜，有無搞錯？即刻叫佢拿多一份出來，蔥更要多兩份，個侍應表情有點怪，真想帶她行兩步去看看函館的，那個舖天蓋地的配菜份量才似樣呀

由於呢間屋台屋唔近parking lot，老實說，要行咁多步，我從未幫趁過。不果今晚因為某D原因，我終於都去過。坦白講，咪又係屋台屋，靜D咪比人傾下計囉。氣氛點都叫做好過太古小學果間。飲下酒講下笑又一晚，食左兩塊燒羊扒（黑椒太多，稍為過火）；一個甚麼極上麵兩份食；加個鵝肝卷（鵝肝有衣，非常唔得）；軟殼蟹卷（普通）。志不在餐飯，無咩所謂。不過總算係傾計的好地方。

最近像中了降頭似的，去到那裡都擺脫不到烏冬的詛咒，今天本打算在屋台屋吃海鮮拉麵說，到後，海鮮拉麵是看不到，「手打烏冬」四字倒是寫得大大隻的，看來偶與手打烏冬是上貢了！看到網友說，這裡有乾貝、大地魚煲的湯，問問侍應，她們說沒有，用豬骨淆製極上醬油拉麵是有的。就在偶屁屁還未坐熱，正考慮吃什麼時，侍應已急不及待的走過來，向偶介紹這裡的午市套餐（KOUSU?)，雖然很有禮，亦介紹的很詳細，若平日有位姐姐站在偶旁，偶會覺的很爽說，現在嘛，有點壓迫感，偶只好快快脆點個烏冬加魚生飯。本來不打算點魚生飯，近日聽到魚生便打冷震，但看到這裡標榜著飯是用新瀉米加富山礦泉水煮成的，也就試試看。套餐本身是配拉麵的，拉麵應該是大路貨色，現在既然可以加五大洋改作手打烏冬，當然要轉啦。點完後，侍應問可以上菜嗎？嗯，這些骨節眼亦注重到，有水準！先來的是魚生飯，小小的一碗，料的款式不多只有三文、甘魚，是切粒的，切粒有其好處，就是易入口，送飯一流，弊處就是要看師匠的良心，無良心的話，將一些魚頭魚尾等用剩的部份切粒，便是你吃著的那碗飯一部份了，幸好這裡的用料是新鮮的，魚粒帶有薄薄的脂肪，入口肥美。個人覺的要吃魚生飯還是吃粒的

此店小弟己食多年,食品都算幾好,由其係佢個絕品拉麵,嘩!!!真係前所末食過咁正,不過D Waitress 重正,簡直係"索"呀!!!由其係佢個"YUxx"幾鬼似"濱崎X",重有一個唔講唔得叫ANNx,成個伍姑娘咁呀!!!>_<以上講d野全部都係流言^_^(獨食).

舖內,外都重新裝修過,好有Feel呀!重有VIP房,我試過同朋友坐過好正呀!多好多款魚生.不過都係無靚女侍應...^_^

我最近家居搬去太古城,附近有間日本食店,裝修別緻,店內掛有日本人結婚用的和服,和天花頂掛滿紙燈籠和小錦鯉魚和一些很日式的小擺設,好得意,好似去日本原宿的食店感覺,而食品方面都唔錯,價錢又抵,尤其係絕品拉麵,一定要飲哂D湯,因為大星哥話湯底用:金華火腿,日本帆立柱,糖心鮑魚仔,左口魚干.....等熬足一日一夜,所以非飲不可,值得一試.

呢度d拉麵真係幾正, 夠彈牙, 海膽魚生好新鮮, 值得推薦!