王子冰室 (已結業)

又係新蒲崗搵食嘅時候！今日早收工，特登走去工業區附近睇睇有無平價下午茶選擇。見到有一間王子冰室裝修幾精緻，就入去一試！佢個menu嘅下午茶都有幾多選擇。麵餐又有，炒粉麵又有⋯⋯甚少在茶餐廳見到有辛辣麵選擇，試試叫個麵餐改辛辣麵睇睇咩情況。叫嘅係雞扒辛辣麵：睇落好似無乜問題，雞扒亦都算係大塊。可惜辛辣麵好似無煮過咁樣，隨便放落水度浸兩浸就拎上黎。個麵用叉整開時仍然係硬嘅。諗住可以用熱水浸一陣得佢變軟？嗰d只係暖水，浸到凍晒都唔會變軟⋯⋯環境好，食物大份⋯⋯可惜，食麵餐最緊環係個麵呀⋯⋯

打去叫午餐外卖，叫青菜，佢餐牌叫郊外油菜($28)甘基本问下乜菜啫，电话中的女士話厨房煮乜就乜菜，下.......甘得意，我5駛比$丫，问下都不可？好喇叫左3杯冬0T竟然黎左冬奶茶，我地冇人会钚奶茶丫，甘咪打去講，果位女士竟然在电话中爭論佢冇聽錯，呢个境况第一次遇上，你爭論黎做乜呢？呢位电话女士，d態度其实可以有基本禮貌，佢地个外卖员，好好禮貌多謝前多謝後，送回冬OT—入來也会説不好意思，呢d咪会令人尊重的服务员，100x like

啲飯仲要冇汁，價錢又唔係平，食到一半乾爭爭。一坐低就叫你落單，諗都唔俾時間你諗，碗飯仲要好細碗，如果後生仔嚟食一定唔夠食。本來諗住帶個煙肉蒜蓉汁牛扒拼飯，點知見到隔離枱件牛扒好細塊，所以叫咗豬頸肉。最後都睇唔過眼，要寫呢篇野叫人唔好零食。服務態度極差，完全當你是狗,服務員大聲呼喊,令人感覺十分不舒服，叫左個豬頸肉飯，豬肉極細塊，汁又少，完全唔值50多元！千祈千祈唔好過嚟啊！真係寧願食隔離間麥當勞好過！

今日放假同奶奶落街食早餐，11:21到餐廳好彩仲有早餐嗌，我叫左豬扒麵跟煎蛋火腿，奶奶食火腿通粉跟腸仔煎熟蛋，我+$4餐包轉薯餅，點知黎到我呆左兩秒望住塊薯餅.....塊薯餅係炸到透晒，完全擺唔落口，超級油....唔明白俾$4仲要食唔落口早知食番餐包好過.....

下午茶時間經過新蒲崗，見到一間充滿懷舊氣氛茶餐廳，個名叫嘅王子冰室🤴🏻咁有趣於是乎就俾佢吸引左去嘆個下午茶先！好耐冇食過菠蘿油，店員介紹話呢個係佢哋嘅招牌菠蘿油，所以就試吓啦！一嚟到見到好大舊牛油用冰鎮住，而菠蘿包係新鮮出爐非常靚仔，而且仲係熱辣辣嘅！一切開菠蘿包再放入牛油，見到牛油係菠蘿包瞬間融化，變成閃閃既金黃色，呢個畫面真係好治癒🤤牛油本身帶少少鹹味，所以配合埋甜甜嘅菠蘿包真係非常之好食，菠蘿包表皮亦都焗得非常鬆脆！正！加埋杯冰凍嘅奶茶真係絕配！奶茶味好香濃又幼滑，下次有機會過開來一定會再食！

四點半一入門口同我講收五點 無問題丫入到去即興催點餐 都無問題叫個嘢話呢個要等十五分鐘喎仲要西語氣咁您唔好比人揀食咩啦 一係直接唔好接客入嚟好聲好氣講唔得嘅早收無問題 鄧您高興 咁辛苦嘅工作早收 而家您西語氣趕客 以後唔會再嚟食又唔係咩特別

星期日做完野 去左新蒲崗王子冰室食午餐叫左個撈家1號: 煎蛋免治牛肉撈飯見到即刻諗起麥當當chef lemon個個包老實講賣相冇咩特別味道方面我覺得隻蛋可以燶多少少個免治牛肉有陣甜味 應該係肉桂味唔知呢 感覺好似怪怪的至於通粉 我覺得太林 冇個種好Q彈嘅感覺本身個粉冇咩味 好似有啲寡職員服務好好 見你張枱好多野 會幫你收起啲野

睇早場前，順路路經這家茶餐廳，同老婆食了一個快閃早餐，這家茶餐廳的佈置採用懷舊風，是以前的戲院為主題，眼前一大幅”全院滿座的牆紙”，色彩及構圖也不錯，想不到工業區附件的茶記都會有這般心思為店舖設計。雖然不知道是否新店，但店內整體感覺很乾淨，食物味道也不錯。我自己點了一份早餐，炸菜肉絲米粉，煎蛋茄汁豆，份量都算多，平常茄汁豆得幾粒，這裡就大方很多，另外多士轉了奶油豬，很香脆鬆化，這個快閃真的很飽肚。而老婆食了普通的鮑片通，湯底都唔差，只少唔會重味精，食完口喝那種。

和同事去了新蒲崗工作, 便隨意走到街上找午飯吃。這間的裝潢吸引眼球, 我和朋友便進去試試。午餐的吉烈魚柳意粉, 炸粉不太厚, 只是魚很咸。朋友的咖喱飯的汁更咸得誇張....餐廳員工態度很友善, 所以不過不失啦, 都是午飯一餐。

因為返工嘅關係 要周圍走 今次去新蒲崗食早餐 為一日嘅工作充電 先講店鋪嘅環境 環境好靚用咗舊式冰室 做主題嚟裝修 好有90年代嘅感覺 雖然我未出世 哈哈 店舖環境我十分滿意講講食物 見到餐牌好多嘢食 但好似最抵食嘅就係 是日早餐 而當日嘅是日早餐就係瑞士雞翼公仔麵 個面就會連埋 多士同 兩份配料 而我就選擇咗腸仔同煎蛋 煎得係流心嘅 我覺得好食 主菜瑞士雞翼 整得幾淋 但係唔係話特別入味 33蚊嚟講 單送麵加兩分配料再加多士連熱飲 我覺得可以接受

王子冰室以懷舊戲院的裝潢，讓人印象深刻，除此之外，招牌無骨海南雞飯最得我歡心今天工作繁忙，遲了吃飯，不用多想就落單，選了招牌無骨海南雞飯先講講例湯，味道雖是清清的，但我很喜歡，很快便喝清至於海南雞方面🐥無骨的雞肉食落啖啖肉，而且也相當嫩滑另配有三式醬料，黃薑飯帶有油香，很美味！難怪見到好多抬食客也點了這款，果然是招牌無骨海南雞飯

今日黎到新蒲崗做完野，2點幾搵下下午茶食，睇到依間餐廳裝修咁得意，門口餐牌仲寫住：「我們都是食港式茶餐長大的」有共鳴！👍🏻😂而且茶餐仲有我最愛的炒滑蛋，諗都唔諗就入去食！瑞士雞翼好耐冇食，見到依度有我即刻order，整得入味之餘亦唔會過咸，好味呀！而滑蛋都冇令我失望！份量算多，蛋味濃又夠滑！另外我加$3由方包轉做奶油豬，加左錢冇hea整比我，包皮脆脆，包仲有微溫，牛油同奶油就可以融入個包，正喔！整體黎講，係好滿意好滿足的一份茶餐！順帶一提，覺得店員們都好nice服務好好，從抹枱，落單，送食物上枱，都感受得到👍🏻

王子冰室用70年代香港電影光輝的時間代做茶餐廳的佈置環境，入去會見到舊時的電影海報復克，導演的打板，舊式好立克鐵罐做佈置，經營茶餐廳而會注意環境佈置之餘，價錢唔會因打住「懷舊亅氣紛而作賣點離曬大地。食物方面28元有個豐富早餐，叫左個仿鮑魚火煺片通粉，茄汁豆，炒蛋，牛油多士加熱飲，呢間新開的茶餐廳飲品有「唂咕」選擇！就証明唔係裝修上扮復古，而係認真經營茶餐廳的！百物騰貴，除左McDonald 早餐，茶餐廳都係另一個選擇。

食物味道一般,價錢比同區貴10幾蚊不在話下,服務態度差劣,特別係短頭髮帶眼鏡既哨牙阿姨,態度差到我覺得我欠佢錢咁,開開心心食個早餐,點知受氣。貼錢買難受!!以後唔會再去!!!

屋企有電器壞咗要拎嚟新蒲崗嘅工廠區修理，之前已經上網睇咗有咩好食，不過身為路痴嘅我地圖都未睇得掂，原來多食肆嗰邊距離工廠區成七八條街，無奈之下喺附近睇吓有咩食，最後揀咗呢間小冰室。一入到去咁啱有人埋單，我哋兩個人有卡位坐。冰室裝飾以懷舊嘅畫為主，雖然細細間，但客人好多，而且人手好足👍，職員做嘢好快手，食物質素唔錯，兩個人食咗一個午餐兩個下午茶餐，價錢幾抵。午餐嘅招牌無骨海南雞飯，雞好嫩滑，雞肉透出少少粉嫩，唔會太熟，飯有淡淡嘅油香，粒粒分明，湯就鹹咗啲。下午茶嘅懷舊芙蓉煎蛋飯，煎得香噴噴嘅蛋全蓋過飯，裏面有蝦仁，火腿，叉燒，飯雖然只有豉油，但入口唔會乾。下午茶嘅夾心西多士，花生醬多啲會更好。