王子廚房 (已搬遷) 新店位置

逛街逛到累走左去荃豐搵野食醫肚，其實成個商街一邊行一邊就有好多食市，但偏偏我比呢間吸引，因為有個ｔｖ仔係門口播緊有乜介紹，不知不覺停左陣睇一睇就決定入去試一試～叫左一個餐加個小食，包湯～要左紅湯，紅湯味道夠濃，完全沒有辣味，不過有少許辣會更香口。之後叫左個巴基斯坦豬脾肉飯，飯旁配雜菜，算叫做有點蔬菜平衡健康，飯硬度適中，咖哩可選不同辣度，我吃微辣剛剛好，一客飯大小足夠女生吃有多。這豬脾肉偏瘦，不會油膩，但相對沒那麼嫩。雞翼外觀好靚，陣陣香味撲鼻，外皮香脆，肉亦夠嫩，可惜不夠入味，只停留於表皮有味道。

2個人諗住落街食晚飯，又唔想行太遠又要食得落口之餘又要平平地，就去左附近既王子醫肚。基本上佢每晚餐牌都有少少唔同通常有Ａ－Ｈ餐選擇，９點後去食通常無咩人但有個問題就係通常有3分1以上既餐係賣晒，若７點半去通常要等1-2張。天氣咁凍都唔想飲凍檸T叫杯暖下肚好過。每個晚餐都會送湯，今晚賣剩羅宋湯。味道一般無咩特好飲似罐頭湯。芝士鵝肝燒汁焗牛柳飯－芝士味有少少，唔覺有鵝肝，燒汁反而最多。牛柳好林，咬感口感都唔錯。芝士味再重Ｄ濃Ｄ會較好吃。不過份量比較少，男仔一定唔飽。不過以45蚊晚飯呢個價錢黎講算係咁。叫多左份雞翼，甜甜地，普普通通。

去荃灣買完衫，最開心係試下不同小店嘅美食今次同行友人介紹呢間小王子咖哩，真係有夠特別由於鋪面貼滿推介，所以我地揀咗：黑白咖哩配吉列豬扒飯、四色咖哩焗飯、巴基斯坦咖哩牛腩飯、再加一個沙律菜先講黑白咖哩，白咖哩甜甜地幾好味，黑咖哩係佢地嘅自創推介—朱古力香蕉！嗯，小妹只可以用好新奇同好特別黎形容至於四色咖哩，好多汁，味道都唔錯，食至四種唔同嘅味道而巴基斯坦咖哩，係三種裡面最好味嘅一種，啲牛好入味，不過有點辣，所以怕辣嘅朋友記得同佢講小辣呀最後嗰沙律，因為太飽，都唔係幾食得落整體而言，值得一試。

經朋友介紹，嚟到荃灣昌寧中心試下呢間王子廚房，朋友對呢間餐廳評價好高，佢話廚師好後生，但食物水準相當高，所以去試下，友人帶我及另一友人一行3人，到達時餐廳巳坐滿，等左大概15分鐘，有位可入坐，原來店內主打五色咖哩，我問友人是否推介咖哩，佢說巴基斯坦牛臉肉相當好味，但我昨日才食了水煮魚，今天不想食辣，所以點了一個light d 嘅 巴瑪火腿黑醋涼拌意粉，友人點了豬鞍扒，佢話必食推介，另外再點了鮮茄茸野菜意粉， 是日套餐有湯+餐飲，四十幾蚊，抵，豬鞍就貴dd$88, 首先嚟左湯先，我地全部都要紅湯，因友人話足料，湯嚟時仲好熱，正! 湯最緊要夠熱，好多蔬菜，唔會太稀，唔記得映相， 黑醋意粉好味，酸度剛好，意粉彈牙，沙律菜很新鮮，豬鞍扒真的值得推介，軟腍鬆化，肉汁鮮美，10個good,最重要嘅係，塊豬鞍好大塊，茄茸意粉，茄味濃郁，唔會太多汁，剛剛好..真係好鍾意呢d特色小店，老闆同老闆娘都好好笑容，老闆娘服務態度好好，我地點餐時問左問右都一一解答，我真係唔好意思，問完五色咖哩咩味，但係都冇叫到，我下次會嚟食咖哩!!!

第一次去 見到都很多人幫襯 心諗應該是好野 吃完之後 只有後悔 無諗過普通的羅宋湯 煲燶左都比人飲 我叫左個意大利醋撈意粉 極度難吃 的醋苦味 我個仔吃左個 香蕉咖喱飯 怪味 咖哩是我食過最難吃的

同男朋友係度食過幾次飯, 今次帶多兩個朋友黎試吓~四十幾蚊一個晚餐真係好抵食~我點左紅咖喱配吉列龍利柳飯, 依個飯本來配駌鴦黑白咖喱, 不過之前試過黑白咖喱, 唔係太鍾意隻味, 但係又想食吉列龍利柳, 不過又唔知轉咩汁好, 店員就提議試吓紅咖喱, 依款汁真係幾好味, 同炸到好脆的魚柳好夾~男朋友就點左鮮蟹肉意式茄茸野菜欖油意粉, 個意粉係好味嘅, 不過啲蟹肉就冇味...至於兩個朋友就點左巴基斯坦咖喱配美國牛臉肉飯同法式雜菌煙肉汁配雞扒伴庶蝦飯, 講吓個牛臉肉飯先, 我就未食過牛臉肉, 原來質地同其他部位差不多, 都幾腍, 巴基斯坦咖喱可以自己選擇辣度, 又幾好喎~最後就係法式雜菌煙肉汁配雞扒伴庶蝦飯, 本來係配燒春雞, 不過已經賣晒喇, 冇機會試.....依個餐一黎到就俾飯上面的庶蝦吸引住, 食落好脆, 好特別~朋友話唯一唔鍾意就係落左少少薑粉, 佢唔鍾意薑味

朋友成日推介我食依間, 佢話好味又抵食, 差不多每次入荃灣都食依間, 就快變左佢的飯堂。今次同女朋友行開依邊商場, 就去試一試, 見到個100oz牛扒餐都係$78, 就試下佢啦! 女朋友就叫左芝士黃金皇室忌廉汁焗深海龍利柳飯, 先講依個焗飯, 一開始食頭幾啖都好多汁同芝士, 不過食到中間就冇咩汁, 女朋友話多汁好味啲, 龍利柳就好香脆。到個100oz牛扒餐, 塊扒真係好大, 生熟程度符合我要求, 有肉汁, 好腍, 咁大塊扒餐都係$80有找, 真係好抵!!仲有雪米糍做甜品, 好豐富!

一個好奇就去嘗試當天晚上與女朋友路經此地，搵餐廳開餐，商場入面都有好幾間食店，我同女朋友看來看去呢間比較特別，所以入左去，選擇既款式都多，最後我同女朋友選擇了一個“焗羊仔肉飯”和“黑白咖哩朱扒飯”，唔洗等好耐就有得食了，首先係黑白咖哩朱扒飯，兩種咖哩各有特色，配合埋份有分量既炸朱扒，絕不偷懶，個飯最令我覺得特別既個黑色咖哩，食落去有點甜既味道，原來係用香蕉同朱古力整既，我味試過咁特別既咖哩焗羊仔肉飯焗出黎特別香，羊既“蘇味”俾個汁蓋住了，所以食落去唔會太“蘇”

好少會去到荃豐中心行街，經過見到呢間餐廳，見都幾多人等就試下啦!不過都唔係等好耐，但就唔好預可以慢慢食囉~兩個人入去食左個「焗羊仔扒飯」+「黑咖喱吉列豬扒」。第一次食累咖喱，味道都幾特別~豬扒亦唔係好硬，最緊要係快! 至於「焗羊仔扒飯」絕對岩晒懶人食，一塊塊一啖入到口，唔會好「蘇」，值得推介

Boyfriend and I walked by, not expecting to eat here but boyfriend was intrigued. This place was small. Actually all the restaurants in this mall were super small. Think one of those clothing shops you find in Mong Gok Ginza Plaza ... that is the size of all the restaurants here including this place.From the menu, it served curry. Red, white, black, green. The red, white and green curry are pretty normal types but it was the black curry that stopped my boyfriend and he needed to go in. Why? Acco

同事介紹話好食，但次次好多人都食唔到，今次終於有位食到，個午餐最貴都係$40幾蚊！我揀左個焗四色咖哩豬扒意粉，我想知點樣四色，上菜時又唔覺好四色，因為d豬扒遮住左，揭開發現有d巴基撕担紅咖哩、普通啡咖哩，就係咁我只係知有兩款咖哩，無四色wor！巴基撕担咖哩幾辣，但好香，襯埋本身有少少味，應該係炒過既意粉，好好食！另外款啡咖哩同平時既差不多，唔辣，不過都好好食，加埋焗完後焦焦地既芝士，一個字正！但因為份量好大碟，食唔哂！我同事叫既係素菜貝殼粉，我見上面灑左好多黑芝麻，應該好香，佢份量都好大碟，同埋好多菜，好抵食！最後我想講佢既餐湯係我見過最少的，但我貴精不貴多，最緊要好味，佢真係堅好味！唔會溝哂水，溝哂粉，又多素翅！同事話佢個羅宋湯都好多料，好夠味！下次試埋佢其他野先！呢度d野幾有特色，唔似普通茶餐廳豬扒飯，炒河啊呢d，幾有誠意！

行下行下真的唔知自己想食什麼，忽然見到以咖哩主的王子廚房餐廳，愛吃咖哩的我就入左去。餐廳只是簡單裝修加上memo紙親切的設計。我到達餐廳的時候是星期六的午餐時段，眼見餐廳內高朋滿座，人客一個接一個，真的未食已經有點流口水啦。今次我點了解, 個set lunch D, 要紅湯、巴基斯坦咖哩羊扒飯和熱咖啡。紅湯(蘿宋湯)雖然份量不多但味道不錯，配料足而且啖啖紅蘿白味，而且配料雜菜肉骨的甜亦有溶入湯內。巴基斯坦咖哩羊扒飯賣相一般但濃濃巴基斯坦咖哩味道比我想像中淡，而且少油，羊扒方面，早已是一粒粒的，肉質唔韌也不so而且肉已經吸入咖哩味，但可惜羊扒厚度太薄而且肥，因此感覺一般。熱咖啡方面味濃又香，但不滑，感覺上算ok!言而，我覺得餐廳真的太細，座的時候真的不太舒服，而且要唔好意地請客人轉位，真的是有點感覺不便。王子咖哩有這麼多種，一次真的試唔晒希望下次到來，可以見到它有進步。

之前睇過呢間餐廳既食評幾好，趁今日係附近就黎試下。其實我唔食得辣，今次去到門口先知佢主力咖喱，都坐低試下啦，好彩佢d 咖喱都係少辣，對我黎講啱啱好。巴基斯坦咖喱牛腩, 配酥油餅 - 咖喱豆未好重, 幾香, 牛腩幾淋白咖喱龍利柳 - 好味，魚唔醒 (呢幅相食晒先記得影)焗豬扒飯 - 豬扒好淋，味道合格 (唔記得影相)有機沙律菜 - 算新鮮，套餐加10蚊就有蒜香牛柳粒 - 炒得香，可惜冇牛味既椒鹽雞翼尖 - 冇咩味道，不過只係20蚊薄荷朱古力 - 太甜，好似飲緊溶左既薄荷朱古力雖然唔係樣樣都好好味, 下次都會返黎食咖哩或者試下其他野.

行完街街準備返屋企之制, 見到呢間王子廚房好多人, 八卦睇下,見到佢地個焗飯幾靚, 於是決定食埋先返去, 是日套餐由A到G, 有D唔知點揀..選擇障礙..最後見到杏仁龍利,完全冇idea 係咩, 於是膽粗粗試下..食物嚟到時賣相巳經好吸引, 成條龍利柳被杏仁包住, 仲有陣陣檸檬香氣, 廚師為左唔想龍利柳變腍, 所特別用心把芝士放在龍利柳與飯的中間焗, 芝士溶嘅時候都唔會影響龍利嘅脆口,  龍利食落仲好脆同juicy加埋香檸汁好開胃, 杏仁香味入晒龍利肉, 好特別呀, 四十幾蚊, 仲有湯同野飲..真係溫情小店, 除左西餐, 原來佢地仲有5隻不同顏色嘅咖喱..下次一定要嚟試下.P.S. 個羅宋湯都好好味..落足料, 絕對唔係只得茄膏味..絕對技持你呀王子完全食到你嘅心機同功夫.

由荃灣的華都中心一直走到荃昌中心及昌寧商場，不乏有小型食店，尤其是在昌寧商場，可謂不愁沒有東西可吃的，只是在於是否願意在這些小店用餐。近日發現在昌寧商場有一間新開食店，名為王子廚房，在下一直都想到訪，直到今日，倒不如抽空過去，反正在下都要午膳。說實在的，說明了小型食店，王子廚房也不例外，店舖只可容納十多二十位食客，故此午餐時段確實要坐到門口位置。從牆上的海報，就知道有甚麼可以吃到，有套餐及小食。雖然店子細小，卻又有其招牌菜－巴基斯坦咖哩，於是點來巴基斯坦咖哩牛腍飯，可是在下卻又加了六個大洋，把飯轉為薄餅。雖然巴基斯坦的咖哩非常辛辣，可是店子卻把辛辣程度調較至微辣，調較後依然吃到其辛亥辛辣味，不過在下卻又覺得這是小辣程度呢！至於牛腍，就是日常吃到的牛腩部份，肉質鬆化兼且做得很腍，也不會黐牙，內裡的薯仔卻未被刨去，就連薯仔皮也乾脆吃掉。至於薄餅，雖然有一點油，但是吃下的時候，卻又不覺肥膩，較為乾身。把薄餅分開一小塊，然後再蘸上咖哩醬汁，就仿如咖哩撈飯一樣，美味可口，而且薄餅都有煙靭的感覺。是日餐湯為金多寶素翅忌廉湯，幼幼的素翅，加上紅蘿蔔及洋蔥，使素翅來得不單調，可是忌廉卻較為薄身，未見濃