王家沙 (已結業)

雪菜肉絲湯麵(HK$40)﹕清清淡淡，麵質亦夠煙韌，不錯﹗椒絲腐乳通菜(HK$50)﹕淡淡辣味，適合大部份人的口味，菜不算太老。蝦仁兩面黃(HK$68)﹕這個比想像中好吃很多，麵夠脆得來，完全不油，碟上真的一滴油也沒有，而隨附的湯汁夠濃稠，鹹度適中，加上彈牙蝦仁，讚﹗狀元海鮮砂鍋飯(HK$98)﹕上次吃過之後回味無窮，今次再點﹗飯粒軟硬適中，不油，夠惹味﹗蒸饅頭(HK$20)﹕身為饅頭怪的我，到任何上海餐館都必點饅頭 ^0^ 這裡的包質鬆軟得來夠嚼勁，而且極度熱辣辣，加上煉奶實在滋味無窮 ^__^鮮肉生煎包(HK$32)﹕一口咬下去，包內有適量的空氣，包底煎得夠脆，內裡的鮮肉很juicy，讚﹗鮮肉鍋貼(HK$32)﹕水準不錯﹗我們苦等了40分鐘才有位，累極，幸而店員安排了極舒適的卡位給我們，當下非常滿意 : ) 服務不錯，上菜速度極快，店員效率很高，亦有主動添茶等等，我們都吃得很愉快 : )

原來o係又一城搵野食 , 都幾頭痕 ... ><"我地行左一輪見到王家沙，諗住佢都應該幾貴，話晒得奬食店丫嘛，但睇左menu又覺得ok，於是入左去開展我地嘅「四圍食小籠包」第二站 , 點知 ... 咁快就比我地遇到劣評小籠包 ....1. 香芹手撕雞~ 呢樣冷盤小食係o係 menu 吸引左我地入黎o既睇相都知份量唔方多o家喇 , 但估唔到細成咁 .... 細都唔緊係 ... 但佢真係無乜野食 @@"眼見咁多雞肉 ... 入面全部都係芹菜同花生 少少麻辣味 , 多多咸 , 好似食粥o個 d 醃菜咁 ...我地空口食左少少已經唔想食 , 其他唯有用黎撈面食 2. 王家沙擔擔面 ( 少辣 )~ 麻醬花生碎適量 , 唔會攪到 d 湯太杰 , 咁樣碗面就比較熱 , 辣味的確好小好小 , 總算唔錯 ~ 3. 鮮茄蝦仁鍋巴~ 呢個真係 .... 好失望 , o個碗茄汁多生粉水到半透明狀 ,味道好唔掂 , 過甜 .... 好似茄汁豆咁 , 蝦仁尚算爽口 , 但o係呢個汁度就好奇怪 @@"除左蝦仁 , 就只有幾片磨菇同幾粒青豆 , 蕃茄碎盛惠 $ 78 , 好唔抵 !! 千祈唔好叫 .

9-May-2012 (WED)今日等亞佬放工後來到又一城王家沙晚飯，對上一次已經係過年時同世伯伯母一齊來的，每次等位均要半個鐘或以上，少點耐性都冇位；今次又等半個鐘了。 我們點了醉嘉美雞、蘇式鮮肉小籠包和王家沙擔擔麵。 醉嘉美雞是用酒去煮製的，放了少許杞子，有點似中藥湯味道。啖啖雞肉鮮嫩美味，肉質挺不錯！ 蘇式鮮肉小籠包，內裡的上湯比起鮮肉更鮮甜味美。 王家沙擔擔麵放了麻醬花生碎和豬肉碎等，再灑上蔥花，湯底看似濃郁；但入口感清淡。麵質偏淋卻有口感。

大家以為在大商場，有點知名道，集團經營就是保証的慨念，再一次被引証是錯誤的。環境，雖然是在又一城，但坐下來好似用大排一樣的小，9個人坐在6人枱。這就是地產霸權的問題。食品，是家人點，他們應是常客，叫的都是穩妥菜色。但當放入口，失望就吐了出來。烤夫-淡而無味，材料完全未入味素鮑片 - 肉質粗糙，同樣是淡而無味，感覺就如在"佳寶"買來即食一樣其他的已被失望沖走了。服務 - 好彩查下單，經理回覆，竟然把鄰枱 的"手寫單"錯入我枱，成"舊水"架!!!!!!!所以，排隊不代表好食。下次要去要考慮考慮。

雖然之前都見評價麻麻地，但貪又一城地點方便大家，所以book左琴晚去食團年飯! 叫咗好多野食! 酸辣湯，小籠包，生煎包，擔擔面，等等…食物質素還可以，不至於差，但沒什麼特別。但見到一件好過份嘅事，不得不同大家講!話說，食食下飯，我突然嘭一聲! 竟然見到附近有位女士跌倒在地同一張斷左隻腳嘅櫈! 我見王家沙職員即刻幫佢換走張爛櫈，好似怕人會影佢相咁! 之後仲當無事發生一樣，完全無歉意! 雖然那位女士好好，冇要求賠償，但王家沙都好應該認真處理! 點可以得過且過! 試諗下如果係坐喺爛櫈嘅係老人家或者小朋友，咁後果更加不堪設想!! 我見唔少人評價都話員工無禮貌, 希望王家沙經理們正視一下員工處理事故的態度，以及餐廳枱櫈折舊問題！

環境都唔錯,原本都想悠閒地進食因為好趕時間由坐低到埋單只用左20分鐘擔擔面湯夠濃姿飯細細條好方便食油炸鬼超脆小籠包熱辣辣連茶芥小食再加一埋單2位$123最後因為個黑面男經理而扣左分食物都算唔錯~

星期六6點鐘到去到,門口已經有人等位,仲以為好多人食,原來係侍應未得閒帶位入座!!! 入到去座位都幾迫!第一round 叫咗 香芹手撕雞,招牌蟹粉小籠包,原盅雲吞雞,酸辣湯麵香芹手撕雞>>唔好食!!無下次!只得芹菜味,無雞味!招牌蟹粉小籠包>>味道唔錯,好多汁原盅雲吞雞>>幾好味,湯味道幾濃!酸辣湯麵>>好味!都算足料,幾大碗第二round 叫咗王家沙蔥油餅王家沙蔥油餅>>味道麻麻,唔香,只得油味!

由於又一城沒什麼好吃，所以決定來王家沙吃晚餐。可是食物質素令人失望。尤其是擔擔面，面煮得太稔了，不會再吃。賽螃蟹一直都是我的心水美食...但今次無論賣相和味道都沒有水準

我地一行七人加埋BB，座位有D逼，飯枱又細，要食得好急，唔係就無位擺菜。至於食物既味道又幾好。一班人食飯，樣樣野都可以叫黎食下。椒絲腐乳通菜 ($48)：腐乳味都幾濃郁。醉嘉美雞 ($68)：雞肉嫩，酒味香純。蒜泥白肉卷 ($48)：白肉食落一d都唔似肉，餡料爽口，酸酸辣辣好好味。麻辣順風耳 ($48)：又薄片又脆口，但唔麻辣。招牌蟹粉小籠包 ($48)：皮薄多汁鮮味。蘿蔔絲酥餅 ($30)：外皮酥化，餡料多些會更好。樟茶鴨 ($58)：好 “硬”無味。松子桂魚 ($138)：魚肉唔多，但甜酸味道佳。上海話梅骨 ($68)：話梅加入肉中令肉食起黎唔油膩，令人不知不覺食左多左幾件。菠蘿咕嚕肉 ($66)：比起話梅骨，咕嚕肉就平淡左d。香蔥咸薄餅 ($24)：有香蔥味，但不夠酥化。薑汁鴛鴦湯丸 ($24)：鴛鴦湯丸係紅豆和芝麻，芝麻好味d , 都算多餡。高力荳沙球 ($35)：荳沙餡唔多。荳沙窩餅 ($35)：皮太厚和唔夠香脆。

相信大家都會喜歡給朋友驚喜，無論是偷偷的準備求婚，甚至簡單點準備生日禮物，朋友的心意你都會深深領受到的﹗不過，今日於又一城的王家沙的這一餐晚飯，就真的給予我朋友無限的"驚喜"了!話說一行朋友一早已經預訂王家沙的晚餐，原因之一就係朋友非常喜歡王家沙的服務，而且多種類的上海料理~結果朋友A就一早預備生日蛋糕並寄存於店鋪內~ 希望製造驚喜﹗如是者，一行朋友就坐低食飯~ 開開心心食完晚飯就"叫上"甜品~ (高力豆沙)點知... 我地一共叫左催左3次上菜...第1次.. 佢收哂我地既碗碟後... 走了~ (沒有叫對講機予廚房..)20分鐘後第2次.. 佢今次放左碟同筷子... 走了~ (今次有叫廚房準備甜品...) 呢個時候.. 大家已經呆左~10分鐘後當我地繼續等待甜品時... 突然有人走埋黎問 - "你地係咪留左個蛋糕響度?"...即時全場呆左...... 點解!! 點解你會問條咁既問題~?? 留得個蛋糕就當然係有用.. 而家當堂壽星人都知道哂~ 冇野啦~!(而且.. 態度極差.. 非常想趕客走既感覺.. 不過出面其實冇人等位~!)而且.. 枱上面係放著筷子.. 唔通你想我地用筷子食蛋糕~?

成日去又一城食飯但從未去過王家沙。同朋友食下午茶，一人一碗麵，要多碟雞同小炒share，埋單每人約$75。如果一大班人食可以share多d同抵d。食物質素只可以說是一般，而且環境開放，所以好多背景雜音(即係好嘈)。服務算不錯，侍應有禮貌，亦勤加茶。王家沙在香港開店時，隨家人吃過一次晚飯，印象深刻；食物質素高，分量足。事隔多年，可以用今非昔比黎形容。唔知咩係嘉美雞，雞味淡，肉質結實，骨脆。個人不太好隻醬汁。無咩特別，麵身好淋，湯底味淡。

我們兩人大概下午五點左右去吃下午茶。想要坐卡位，經理說有客人訂了六點半枱。我地只獲安排坐一張很小的兩人枱。叫食物時呀姐很不禮貌，快子碗碟都是“飛”下來給我地。最後我地只吃了一個味道普通的擔擔麵就走。走的時後餐廳所有卡位也空著，實在不明白經理的擔心

雖然見佢依評唔好多過好, 不過去既人都係甘多, 次次都要等位, 不過都只係等一陣, 叫了1. 菜肉包-無咩特別, 包是無味, 入面D肉咸左小小, 我覺得可以做好D...2.豬排擔擔面:面是OK的, 不過豬排是凍及無切的,湯只是WARM, 真係唔夠細心LOR3.蒜泥白肉-係最好食既一味, 因為白肉包住CUCUMBER, CAROT及PICKLE, 味是幾好的. 係最值得推介一味.老實說, 黎得呢度, 味道是其次, 我覺得KLN TONG既王家沙似一間FAST FOOD SHOP多一點吧.

係CITY影完畢業相~ 就諗住過黎食個lunch勒!之前已經book左檯,10個人...但都無俾張圓檯我地...叫左好多野食~ 普通小籠包都幾好味~ 一咬開有好多汁個排骨炒年糕係我的至愛,真係好好味!!!個煎鍋貼都唔錯,大伯話佢個皮夠簿,正wor!呢間野幾好,落單個時,佢已經幫你set左甜品係叫先上的,所以唔駛怕d甜品一早就黎晒咁~ 可以等你慢慢食完,先再叫佢上甜品~

今日約左屋企人食飯, 本身諗住去旺角果間, 原來已經搬左, 所以揀左最近呢間去食下. 喺佢由第一天開張時已經幫襯過, 過左幾年再次幫襯. 未到前已打電話BOOK位, 不過預左唔會即刻有,等左15-20分鐘左右,門口位姐姐話有人甩底, 可以比間房我地,當然好啦. 但一入到房, 房間有異味, 需要跟進 1) 叫左蟹粉小籠飽同普通小籠飽各一籠, 當然不及"X泰X", 但兩種比較我都係鐘意食蟹粉小籠飽. 2) 沙窩雲吞雞,沒什麼特別3) 蘿白絲蘇卷 4) 擔擔面5) 粉皮 越簡單,越好食 整體嚟講, 無我一開張時去食咁好食, 好普通, 還不致於差, 都可以再去既餐廳.