王家沙 (已結業)

经过发现人客的食物几好样，就来试下。只是小点了：鲜肉小笼包（汤汁鲜美）排骨担担面（加辣油比较好味，排骨更似炸猪扒）姜汁汤圆（真系好姜，汤圆皮弹牙）总体来讲，不错！

與朋友在九龍塘共聚，找到這間食店，價錢不算太貴，但總會期望有一點水準的，結果是有一點失望。先來的是小籠包。這一款小籠包較特別的地方是它有菜在裡頭，而味道卻未有嚐真，因為在夾起時，包的外皮已破，以致有點手忙腳亂地把小籠包放進口中，弄得十分匆忙，根本沒有機會好好地嚐真當中的味道。而外皮易破正是小籠包的大忌。及後的上海炒飯當然沒有小籠包那樣狼狽，也就可以好好地試真當中的味道。其中的一個賣點是有金華火腿內的。雖然眼看不到，但卻其實吃到它的味道，是不錯的炒飯。最後來一個應節的食品：蒸八寶飯暖暖糯米飯，放有甜甜的紅棗、松子等，內裡更有荳沙，是很傳統又很豐富的甜品。

我得喜歡在冬天吃酸辣湯面，吃後整個人特別暖和。王家沙的酸辣湯面賣相吸引，酸辣湯辣度足，但有點蓋過酸味，不過味道依舊一流。湯料豐富，每一口都夾雜夾口的筍，軟滑豆腐和鮮味肉鮮，口感十足。最大不足面底分量看似很多，其實只有幾口，男士只食一碗未必足夠。

上個月中, 同幾個朋友去了又一城的王家沙食晚飯.食上海嘢, 小食當然唔少得, 我地點了燻魚和水晶肴肉. 其中肴肉是我最愛食的小食.這裡的燻魚幾入味, 而且魚質地唔會太軟身, 所以幾好味.至於肴肉, 賣相不錯, 精形通透, 肉質也實, 味道剛好.另外, 我地點了炒飯, 嫩雞煨麵, 話梅骨, 紅油抄手和上湯浸菜. 當然仲有必食的小籠包.煨麵唔係人人鍾意食, 因為我本身喜歡麵質較軟, 這個麵吸收晒雞湯味, 而湯也帶點杰身, 雞也算滑, 所以這個不錯.炒飯較乾身, 每粒飯也是分開, 味道較清淡. 這個用來配話梅骨就啱晒. 話梅骨酸酸甜甜, 好醒胃.我唔食辣, 所以無食到紅油抄手, 朋友話一般, 無咩特別.除了濃味的食物, 也需要一些菜中和, 這個就不錯.小籠包當然要趁熱食, 這個皮薄身, 內裡的肉汁豐富, 我自己就沒有點醋, 味道已足夠.整體來講, 這餐飯也算不錯, 不過分量就略為小.

第一次去食，覺得味道唔錯。直到上一次好似半年前，已經覺得唔好食。但友人堅持想食小籠包，喺又一城無其他選擇下唯有再俾一次機會王家沙。叫咗一個肉絲兩面黃，一嚟到個賣相已經唔吸引，面同肉絲分開上，肉絲汁唔夠十條肉絲，其餘係紅椒青椒牙芽之類。個麵係福麵咁嘅味，估唔到叫個兩面黃可以食到公仔麵......另外必食嘅小籠包，睇落層皮好乾身，皮唔薄，餡亦唔靚，味道好一般到唔一般，似酒樓劃點心叫小籠包食嘅味道，唯一可取嘅係小籠包入面有湯。侍應嘅態度更係亮點，坐底嗰時問佢唔要花生係咪可以唔收花生錢，佢一句都無回應，然後行開咗，再轉頭返嚟攞走碟花生，喺落單紙上寫免花生三字，亦無講一個字又走咗。之後麻煩侍應加水，侍應明明見到，側頭扮見唔到，另一個就扮聽唔到，要故意大聲同佢講，佢先"聽"到。全場唯一比較好禮貌係落單嗰位侍應.......

課堂間有2小時空檔，心癮起想吃上海菜就選了就近的王家沙。點了這個紅燒牛展擔擔麵， 可以選辣或不辣我選了不辣還不錯的，有好幾片牛展比我想像中多麵沒有煮得太軟，雖然不辣但依然嘗到擔擔麵那種微微刺激的味道想吃上海菜主要是為高力豆沙而來，可是又一次失望了沒太大的蛋香味，紅豆又少也不夠熱比較遜色啦這個讚！！奶黃味很濃加上口感挺好黏黏的麻球推介的甜品

餃子皮厚, 但煎到好香脆, 外皮好像生煎包ge皮咁, 幾好食~ 至於餡料都鮮味, 熱辣辣~~上湯白菜好好食, 白菜夠腍, 個湯呢, 味道有d古怪, 好似有鹹蛋ge腥腥地ge味, 不過overall味道ok ge~~賽螃蟹清清地味道ok, 最大問題係裡面無拉拉有d豆係入面… 令成個送口感好古怪… 好慳… 正常都用西蘭花架嘛….小籠包熱辣辣, 皮薄, 餡料肉味鮮甜, 超多肉汁, 正!擔擔麵味道一般, 同一般擔擔麵個湯一樣, 好似好油好肥咁, 晤敢食太多. 麵條ge質地就非常好~ 有少少煙韌口感, 而且麵條大細均一, 好ok~醬茶鴨(配蝴蝶包)個鴨呢... 基本上完全食晤出係咩醬, 肉質好乾, 炸到連d骨都係脆ge… 但味道都ok, 其實個蝴蝶包係比人夾醬茶鴨食ge… 不過又鹹又甜, 味道有d古怪…Overall: service同environment都晤錯~

某一晚同女朋友行行下見依間王家沙裝修幾有特色，入左去試，裝修以懷舊為主，鐵架上面有d類似字既圖案，都幾有特色。食上海野就更係食小龍包啦！叫左個蟹粉小龍包，味道唔錯，裡面d湯無咁油膩。見到隔離枱食春卷就忍唔住叫左，味道一般，但係出面唔駛咁既價錢都可以食到依個水準。個乳鴿好味！推介！個個係叫龍井茶皇bb鴿。仲有個醉嘉美雞，正！雞肉嫩口，有酒香但帶有甜味，食完又想再食！依個係第二個推介！由於一黎就忍唔住要試既關係，無影到相，小弟非常道歉，敬請原諒。大家得閒就去試下啦！

上海菜是我喜歡的菜式之一，剛巧這天在又一城閒逛，見到王家沙菜館，想起之前在圓方曾經試過，味道和服務都唔錯，於是就走進去。這裏的王家沙與別的菜館略有不同， 它不是入舖的，而是在商場行人道旁，所以坐在那裏感覺開揚和寬敞。翻開餐牌，隨便點了幾樣，兩個小食，醉雞和燻魚，又點了牛肉餅，話梅骨，炒飯和豆沙鍋餅。醉雞是用酒浸住，聞到有酒的香味，但吃起來略嫌雞肉較嚡，又冇酒味。燻魚味道香甜，好吃。牛肉餅咬開有很多湯汁流出，外皮香脆，但牛肉餡略少。話梅骨真的唔錯，咸甜適中，排骨軟腍，有話梅的酸味，很開胃。炒飯粒粒分明，夠乾不油膩，係唔錯既選擇。甜品豆沙鍋餅就不太好，送到黎唔夠熱，皮太厚又較硬，豆沙餡少。

星期天家庭日一家人四口外出食飯，想食上海野，就試下王家沙。點左5樣野，第一樣野係醉雞，呢樣真係唔錯！夠正宗，酒係帶小小咸而唔係一般係第2度食既帶甜，食到係上海食既上海菜味道。必食推介。第2樣水煮牛肉，夠SPICY又有薯粉，牛肉質素當然一般。但SPICY汁好夠味。第3樣係小籠包，中規中矩啦，蒸得夠熱啦同都幾夠湯。但皮有小小厚左D。第4樣係擔擔面，花生醬多而SPICY既小，面質都算好，夠口感。而份量都比較多，絕對夠一家人SHARE食，如果2個人食都OK。點小D其他野啦！都值得一試既面。第5樣係甜品，鴛鴦湯圓。又係好正宗上海既甜品，有一粒係有尾既，入面分別係紅豆同芝麻，2粒都好甜，必定要食既野。總體STAFF既態度都OK，上菜幾快。加茶都好醒目識自動自覺。會再黎食！

放工到這間位於又一城的王家沙試一試，發現水準唔差，叫左醉嘉美雞同水晶肴肉，好好味，可能我自己鍾意食醉雞，今次食到凍既口味，發現都唔錯！另外水晶肴肉好味，同出面食既味道差唔多，但佢既肉比較實d，同埋無咁鹹。仲叫左王家沙牛肉餅，依個係本人推介！！出面食既通常都係好多油好鹹好濃味，依個係好入味，好有肉汁，唔會太油膩，開頭一睇覺得都係同出面食個d一樣，一食落去就係第二個感覺，好意外。之後叫左龍井茶皇BB鴿，無乜特別，但都好味。仲有嫩雞煨麵，湯同雞都好味，缺陷在麵本身，太淋啦。最後叫左薑汁鴛鴦湯丸，以為一色一樣，同朋友一人揀左一粒，揀左粒芝麻，朋友既係豆沙，芝麻好好味呀！唔係糖水舖同超級市場買黎自己整既味道，好足料，好滿意，同依餐飯畫上完美既句號。總括黎講，所有野都好味，要有特色既都做得到，要有出面都有既水準都做到，係個麵要改一改，希望下次會睇到進步，加油！

提早食中秋節飯，以避過人潮及set menu。老人家只吃中菜，而且最遲要六點半開始食。一早已訂好枱，加上入座時不到六時半，便不用等位。先來兩個前菜：燻魚及蒜泥白肉卷。燻魚微甜，肉質偏結實，不會咬一口便全部鬆下來，感覺不錯。蒜泥白肉卷內包裹著紅蘿蔔條及青瓜條，白肉外有棘椒醬油，清新醒胃。主菜有韭王炒鱔糊，乾煸四季豆，龍井茶皇BB鴿，素雜錦荳腐煲，闊佬炒飯，楊春麵。鱔糊鹹味適中，混以闊佬炒飯一起吃，十分好味。BB鴿外形嬌小，第一次嚐龍井茶皇味，味道果然很不同，入口的BB鴿沒有燒乳鴿的乾和脆，是稔稔的、有肉汁的，龍井味是從肉身及肉汁慢慢滲出來，非常正！荳腐煲就强差人意，上枱時見菜都被深啡色的蠔油包圍著，菜入口只有濃鹹味，荳腐只有三片。這是唯一沒有被我們吃光的餸菜。甜品是棗泥餅，十分乾身，棗泥又乾又冇味，浪費了我的quota! 

８號風球半夜來襲，突然有一天假期，一定三口決定外出用餐！為怕打風過後太多人，於下午時份致電留座，晚上去到只須等待若１５分鐘就可以入座了。上菜速度還算快，冷盤很快就來了！皮蛋豆腐 - 我媽最愛這個冷盤，所以是必點的！結果沒有令老人家失望！豆腐夠晒滑，肉鬆又香又鬆化！接著仍然是冷盤....醉嘉美雞 - 酒香，雞肉入味而肉質不會"梅" 及沒有雪味王家沙牛肉餅 - 牛肉不多但很juicy，三人兩件份量也足夠上海話梅骨 - 意外驚喜，估唔到話梅配排骨這麼合拍！酸酸甜甜但味道太濃，一定要叫個白飯才可以，送飯絕對係不二之選！上海粗炒 - 食完白飯又不夠飽，就再點一個上海粗炒，沒有什麼特別，普通的粗炒！味道還可以～招牌蟹粉小籠包 - 如果這個是有"招牌"兩個字，就避免有點兒失色！多汁但蟹粉欠奉，如果是普通蟹粉小籠包，評分是合格以上！只怪自己對＂招牌＂二字期望太高最後，甜品時間 - 高力豆沙！有點兒失望，因為狂上海吃的高力豆沙是流出來，這裡的就只有少量豆沙，普普通通啦，但都夠滿足了！總括而言，環境食物都不錯！

很久沒去王家沙了，因為有人想吃小籠包而選擇了某一晚在這裡晚餐。訂了2030 - 2位，但突然有人加入，到了才加一位，店員立刻安排，還不錯~朋友推介皮蛋豆腐...我起初很抗拒，因為我不吃皮蛋的...但，一試難忘!! 豆腐很軟滑，跟肉鬆很配~~~然後那個醬料配合所有...吃了很舒服 =)其實...小籠包我沒有很要求會好吃 (怎樣也吃不會上海那個feel~)但這個比我想像中很好多!!湯汁也還蠻豐盛~普通晚餐很適合的一個地方~~~

因為朋友介紹，所以同屋企人黎食下，其中不得不讚既係佢個糖醋骨，肉吾會煮得太淋又夠味，係我地最快清既一碟:-P，另外因為我好中意食雞絲粉皮，最怕食啲又碎又淋既粉皮，佢個粉皮就好好咬囗，啲麻醬香到呢～。到個皮蛋豆腐，個豆腐好滑，皮蛋吾會太喼。算泥白肉都ok.係個肉我認為瘦左啲。茶葉乳甲好正，一定要夾埋啲茶葉食先有風味:-D原本我朋友話酒小丸子吾好味，但我覺得好香啲米酒味，又吾會難入口，小朋友都岩。相比之下個痴飯好怪，係甜既，我都係中意咸既多啲。