王家沙 (已結業)

今日去到攞位，侍應已經好無禮貌，算數！見你滿口鄉音，包容你！我們4個人被安排在已經坐了2個人的6人枱，那位女士仲放了好多戰利品在椅子上，眼見路口有張4人枱已經準備好，當然話轉坐那張枱！那位侍應居然叫我出門口等，話轉頭再安排入來！你玩我呀！張枱有位侍應只欠放好4對筷子就完成，10秒完成的事，你要我行出門口再行入去?！浪費我時間，以為自己是官呀？

王家沙，在我印象中都薄有名氣。時常有食客輪候，而我不太愛呆等，所以很少光顧。今天見人少，都好快入座。呢度食飯好似酒樓咁，有加一，仲有每位茶$8及芥（花生）$10。上海醬鴨呢個菜較少見，所以點來試試。感覺有啲似臘鴨，肉質實而不硬，有醬油鹹味，亦有鴨肉甜味，某啲位有鴨膻味，會越食越覺鹹，唔知做佐酒小食又適唔適合呢～京葱爆羊肉配薄餅幾好，份量不少，調味適中，羊不會太膻。薄餅皮只有四塊，唔夠包喎⋯⋯紅燒大排湯麵係幾大塊排，但無分開上碟，外皮脆漿都淋晒啦⋯⋯湯底一般。鮮菜肉餛飩嗯。。。個湯底顏色話我知唔好太大期望。係湯底味有啲似淥餃既水加鹽，餛飩不過不失，唔特別好食。高力豆沙球點菜時講咗叫起，落單的姨姨都覆咗知道。但食到中途就上枱⋯⋯跟著同上菜姨姨講返啦，佢一面無奈向另一位大聲講：喂⋯⋯佢話講咗叫起喎⋯⋯跟著咩都無講就拎走咗高力。到枱面食物清到八八九九，就叫佢可以起高力，十分鐘左右高力上枱，佢應該去晒曬太陽返嚟，我覺得佢係先前嗰碟回鍋炸係有啲錯愕，食落無大問題就算，咬落去。。。好空虛⋯⋯除左醬鴨，以上幾款菜都係我去上海菜餐廳常吃的，食完呢度，我覺得都係「翡翠」適合我口味。

個醉雞好食，以為只有面個層，點知底都有，份糧算唔錯啦～ 仲要幾好食Tim~個魚羹湯都好好味，唔會太喊，d料切碎曬，易入口又有質感。但個酒釀丸子就麻麻了，好點兒酸，但又愈食愈甜啊⋯⋯ 不過應該都會有人中意既

小籠包:小籠包攞到出嚟嘅時候已經唔係太熱，入邊直頭乾到冇晒湯.. .應該蒸完，放咗入廚房一段時間都未攞出黎比客人見到已經好失望，諗住第一道菜中伏唔緊要啦抱着希望等第二道菜麻辣水煮魚:＄200嘅水煮魚，只係得10皮片魚都無，啲魚肉.. ..鞋身到不得了，其他全部都係豆芽.. .不過個麻辣味還可以！好似食咗一陣風咁！上海粗炒:係做得最好嘅，其實可能係上面果兩道菜太衰.. .令到我覺得普普通通嘅上海粗炒已經好好食..跟住我哋都唔敢再叫嘢食唔會再有下次我應該食之前上嚟... .開飯喇，睇吓啲客食評先可惜我冇做到呢一部，所以中伏咗

再等一會腳趾疼又一城黃家沙門口看起來不是太滿座：一時不慎以為很快便可入座點知等四張三至4 人的位因為沒有管理系統竟然等到腳軟非常失分上醺魚好快魚是草青味的鯇魚連帶皮甜甜的滋味⋯⋯小籠湯包給我意外驚喜熱辣多汁，皮薄對勁！擔擔麵水準中上又大碗48$問到有沒有上海炸排骨胡說八道⋯⋯一竅不通的生面侍應說他們有炸過再紅光的醬油肉排為了不想吐血我放棄再問炸排骨一事。40多元兩個牛肉餅貴但好好吃😋蘿蔔絲炸餅炸的本人放棄要一個37$咸蔥油薄餅不過不失並不受歡迎結果自己吃一大半遲到30分左右高力豆沙不香不脆一口面粉豆沙⋯⋯不甜不濃不醇等到腳軟的晚餐倒也還好在不貴花生茶 加一約70$但每位只不過130$可以接受所以有人排隊

又一劣評，由等位到落單，全程都要勞氣，十問九唔應，最後都等唔到我點咗嘅菜，為免浪費時間和再勞氣，唯有選擇走，半個小時，一樣嘢都食唔到，不知所謂，浪費精神和時間😠

4月7日星期六下午一時選擇在這裏午餐叫了兩碗牛展擔擔麵及一籠小籠包在進食途中，突然有幾隻小鳥飛過停留在後面枱正上方的裝飾上因為王家沙是開縫式設計所以不停會有外來的小鳥飛來飛去然後突然看見在裝飾上的小鳥掉下糞便在飯桌上已覺得十分嘔心及驚恐然後小鳥在我雙方飛過，掉了數條羽毛在飯桌上及擔擔麵中即時告知服務員，但服務員只露出不屑的面孔離開，數分鐘後突然會來企圖奪去我的擔擔麵然後說: 你飽啦係咪？一手把碗麵奪走其後經理來告訴可以把一碗擔擔麵的價錢取消，但其態度亦相當惡劣朋友的另一半擔擔麵亦已經沒胃口吃，其結帳離開此餐廳應妥善管理衛生問題及員工的服務態度！

今日本身想求其食一餐，叫了京蔥牛肉、香煎小黃魚、燒排骨年糕。3個菜都非常鹹。但京蔥牛肉因為有餅包著吃還好，小黃魚因為香酥也算不錯，但排骨年糕實在食唔到，最後食了幾啖唔想食。本想直接買單走，不想隔籬臺畫個煎餅沒熟，於是我也順便反應個燒排骨年糕超鹹，講了一次卑個員工，無反應，第二次話卑一個胖胖的之後發現係店長的年長員工，過了一段時間，其他員工送張給我簽，完全沒有解釋，即刻覺得好唔舒服。於是詢問，是否卑個解釋顧客，個胖員工過來，話我食到咁樣，應該一開頭講。其實，王家沙份量本身唔多，個年糕，我哋食到20%掛。黑口黑面。以後永遠都唔會食王家沙，任何分店都唔會卑機會！省些鹽巴，加強培訓！

跟Honey在又一城晚飯，西式韓式的都要排隊，所以選王家沙，因為不必排隊。我們站在當眼的等候處，等了又等仍沒有侍應安排座位，我舉手示意，兩至三位侍應看了但沒有反應(可點頭或手勢示意嘛)。然後，不止一次舉手點食物或示意添茶，也同樣，不止一次，當看不到……食物呢？一般。較好的只有牛肉餅：外脆，牛肉有肉汁。蔥爆羊肉，正常的。但是，以下幾款食物，都不太好。酸辣湯菜肉雲呑：湯的芡太濃稠，一嚿一嚿的透明粉團。湯也不熱，溫溫呑呑的。雜菌金菇：雖說是涼菜，但是，實在是從冷箱剛取岀般，太｢冰｣了！而且無甚味道。我點的是蟹粉生煎包：吃了一口，我懷疑自己點錯……向侍應求證，她説是蟹粉。我全吃不到蟹粉味道，竟然似梅香鹹魚的味道！我不是咀刁的人，寫過不少食評，大部分是稱讚的。今天的晚飯……

下午3點入座, 鋪頭入面都唔多食客, 見到有吉枱但未有職員去收拾.我一行二人, 要求坐一張4人枱(未執), 帶位個reception (年輕女生) 就講: 等執好位先坐. 咁我回應: 哦…好啊.其實成件事都正路, 但我真係好攰, 我就坐低左先. 帶位個個阿姐Pantry, 竟然係門口行返個黎, 大大聲咁話我: 你應承左我執好枱先坐. 嘩, 我個下真係呆左囉...首先我無話過你地唔執枱, 無一句怨言, 但我唔知佢咩事要令我如此難堪! 如果王家沙 貴公司有咁既policy, 個客坐低左係未執既枱就面斥不雅, 唔該 貴公司盡早揚聲!!!!講完service, 講食物. 食物水平差過上海婆婆...紅燒大排擔擔麵上面塊豬扒好似係湯浸左半個鐘先拎出黎, 難食到嘔蘇式鮮肉小籠包不過不失, 正常水準.三絲粉皮 好油, 麻醬無夠味, 剩係食到成口油食完今次...永遠都唔會再幫襯 貴公司所有分店! 失望加難堪

該店女經理態度惡劣，囂張，傲慢。在店內對客人對罵，及揚言不怕被開除，因此也不怕客戶，對客戶無禮貌。絕不會再光顧又一城王家沙分店，食物價錢不便宜已是其次，但女經理服務態度傲慢，目中無人，不能接受！ I will not recommend this restaurant to anyone due to the poor management and service of this restaurant. The manager of this restaurant yells at customers and claims that she’s not afraid of being fired, and acts like the boss of this restaurant. I have never seen such an arrogant manager/waitress before.

開完會去搵食，位於又一城內的上海菜，懷念舊有味道再次品嘗...十二點半左右已經要排隊，等了十分鐘安排入座，花生，茶即時送上，然後下單！有速度！但每次放食物好似偷偷放在圓台旁邊，沒有提醒兩旁邊的客人，好幾次我和朋友的衫袖快弄到，要改善！食物質素感覺無以前咁好食，蟹粉小籠包食落去係微溫，外皮有點硬，有點遜色。梅子排骨還好，排骨香，有梅子酸酸甜甜味，四季豆、餃子、擔擔麵....不過不失，上海粗炒略微炒得過軟。

豆漿淡而無味，擔擔麵湯太鹹和肉醬太少，魚湯浸菜的湯太腥，令人失望😞，簡直是浪費了顧客的金錢。食物的品質和味道都比新開張時退步。服務方面，服務員太少，而且幾乎每次光顧都漏單。

今日同家中兩寶去左又一城食飯，最後媽媽就決定食上海菜。前菜方面，我們要左一份皮蛋豆腐。豆腐夠滑，砌碎的皮蛋同個汁都幾Match的。不過唔食得太甜的媽媽就覺得個醬甜左少少。另外，我們都叫左兩份點心。其中一份王家沙牛肉餅，一份有兩個。牛肉餅的牛肉唔算特別多，肉汁有爆出黎，不過由個尾爆左，所以我享受唔到。(笑)我們另外仲叫左一份大白菜春卷。新鮮炸起的春卷，包住熱辣辣的大白菜，都幾好食。我們仲叫左一碟馬拉盞芥蘭，芥蘭都幾嫩。不過馬拉盞唔多夠味。食上海菜，點可以少左瑤柱賽螃蟹！蛋白好滑，食得出有瑤柱。撈埋生蛋黃及醋，好香又好食。家鄉炒年糕口感煙un，年糕好夠味。不過肉絲就唔算好多。甜品方面，我們叫左個芝麻豆沙餅。好新鮮整好的豆沙餅煎得好香。豆沙好香，而且好夠熱。見到有奶黃小麻球的英文寫Deep Fried Sesame ball, custard lava filling。流心奶黃呀，聽到都覺得好味！點知⋯⋯我見入面有個奶黃波。

今晚諗住一行8大1 BB去王家沙吃晚飯，因我們人太多的關係，所以我around 7點便去拎位先，點計都算8個位，他們竟然安排我們坐1張桌，那張桌坐到好迫都只能坐6人，當時我向待應生反映，叫他試安排2張4人桌給我們，但那個侍應生完全沒有理會我的要求, 還回應:呢度已經夠坐，(但那時是有吉枱的)， 我已經再好言好語再三要求，他完全無視我的要求, 那時心情，真的難以用筆墨形容!試問，我是來消費的，8個人閒閒哋結賑也千多元，為何要容忍呢種服務!我立刻離開，又一城那麼大，找間有服務態度and 高食物質素既餐廳完全不難! 為何要食到一肚氣!