王家沙 (已結業)

23號晚放工去食晚飯, 照平常咁叫菜, 過左廿幾分鐘乜都冇得食(平常好快上菜), 發脾氣後5分鐘先有個--排骨抄年糕:一食已經覺得走咗樣, 排骨變咗猪排... 之後再上個--失傳醬咕嚕肉:嘩, 離晒譜, 一睇個樣已經唔對路, 街邊大排檔貨色, 連造型同配料都變晒! 食落去仲慘, d肉得2mm咁薄, 全部都係麵粉, 鬼斧神工! 個醬仲離譜, 變咗街邊貨色(仲差過街邊貨色), 我地懷疑個廚走咗, 個"失傳醬"都失傳埋...隔咗好耐, 個蕃茄莧菜都未有影, 我地懷疑個廚走咗, 其他人唔識整, 所以咁耐都上唔倒菜! 之後黎咗, 一睇個樣已經知道唔係以前個味蕃茄莧菜! 一食落去, 個廚d功夫現晒形...埋單時, 同經理講:"個廚係咪轉咗, 今晚d野好難食", 佢竟然唔理我, 走到出門口先同空氣講:"有乜唔同, 咪又係個d野"! 哈, 呢d係咩野"待客之道", 請大家自己係心裡面評下理!!!我由佢一開張到而家, 每星期都去食至小一次, 佢全部菜我都食過好多次, d味道一轉咗, 我點會唔知! 我地兩個禮拜後會再去一次, 如果d味道冇返番黎, 咁冇辦法喇, 唯有同王家沙講聲"永別喇"!!!

太古城王家沙俾足三個差!!!!差服務差質數差價錢,完全睇唔到邊度值咁高價錢.我地叫左醉雞,鹽水鴨,鮮肉小籠包,蟹粉小籠包,蟹粉粥,蟹粉生煎包,素鵝,酸辣湯同埋陽春麵.叫左咁多野$515埋單表面睇唔係貴!但係好味既程度我就覺得超唔抵囉.酸辣湯咸到個咀甩皮,其他人仲咸到生野即刻!陽春麵冇味既,醉雞完全唔醉,鹽水鴨完全唔夠咸香,小籠包們唔特別,始終都係鴻star 正！唯獨是個蟹粉生煎包個底幾脆！服務簡直差啦,嚴重個隻,連個經理都係勁差,唔怪得之d細既都一那樣.就係咁,王家沙已經冇可以留低既價值！！

打完波，1 點鐘，去太古城食晏，見間間都排哂隊，唯獨是王家沙無人排。兩個人諗住每人一碗麵，叫一個小吃。六月黃做promo，叫了一個蟹粉煨麵，另外點了一個擔擔麵和肴肉。肴肉啫喱還啫喱，肉還肉，"汁似分離"，肉還是碎濕濕的，失敗。更激氣的是$68的蟹粉煨麵，上枱還以為來錯了，白茫茫略帶淡黃色，全無蟹黃。問經理所謂何事，經理說蟹黃溶於湯。好!即管一試食味，完全無味!!! 比賣$38的雞煨麵還要淡，簡直淡過師姑尿。麵條糊口，淡而無味，勁難食!埋單還要$170多，貨色比街邊小店還要差，女職員全無禮貌，以後唔會再去。

慶祝母親生日，預早訂了位，所以沒有久候的情況。一行六人吃了...三絲粉皮：味道一般，正常啦，但份量較少~蘿蔔絲酥餅：好吃~炒鱔糊：很惹味，好吃~酸辣湯：普通~小籠包：皮薄多汁，很不錯~排骨粗炒：都好好味喎~擔擔麵(少辣)：OK啦，一點都不算辣，喜歡吃辣一點的人應該叫中辣~ 馬拉盞蕃薯葉：好味道~!樟茶鴨：很一般；賣相不吸引，鴨也沒有什麼肉，感覺肉質較嚡~松子桂魚：開胃好味道~ 很好吃~壽包：希望我沒有記錯，內裏包的是豆沙。味道一般啦~由於是日母親生日，故此我買了一個蛋糕，並請店員替我冷藏~吃完飯後請店員拿回蛋糕給我們。店員(應該是經理)很醒目地叫侍應執拾碗碟，並給我們小碟子及刀叉~態度不錯。值得一讚~整體來說，食物的質素都不錯。店員的態度也可以。不過這店的確很多人光顧，我吃飯時看見門外排著長龍。顧客很多，相對來說侍應不太夠~

七月一日,回歸十週年,同屋企人唸住訂呢道食飯,點知要分兩段時間,大家都唔行就範,但又唔信邪,一行九人七點半去到門口巳知大Q鑊,成門口都係人,連帶位條女都見唔到,最終到張等位飛仔,佢話叫我行先,有位就打比我,好!!!!!!!!!!!我又等,係要你咩咁巴閉。三十五分鐘後,終於打話有位,點知上到去重要等多五分鐘,真係佢老闆!!好-----講佢食先:小籠飽(唔記得佢叫乜式小籠飽),真係超正-------夠晒Juicy,皮又夠薄,肉又夠滑,九條友,要叫三籠先夠,因一籠六粒,每人一真係唔夠喉。生煎飽,重正,個飽好軟熟,個底又夠脆,真係好好味,但係肉好似同小籠飽一樣。醉酒雞,開頭叫一碟,因為好似好貴,要成七十蚊,但都係忍唔住,要整多碟,雞肉好滑,雞皮好脆,又夠酒味,同其它店真係冇得比。小菜大至上O.K,但真係冇乜特別,如有幾會再,一定轉攻點心。醒個Tips比你,唔好咁笨,記得訂定位,晤係就預起碼等你半粒鐘。

一個人的午膳。這一次去了王家沙。很多人﹐不過一個人的檯也不難等到。未坐下已想到吃什麼﹐先來個蘿蔔絲酥餅-- 因為是繁忙時間﹐應該是剛整好的﹐酥皮鬆化﹐餡也OK。接著來的是陽春麵-- 本來有想過叫常叫的菜煨麵﹐但又想試試另外的。。。不過吃過後﹐雖然麵質比較韌﹐較好趙口﹐但我還是喜歡菜煨麵。最後來的是我的其中一款上海菜最愛-- 紅油炒手(走蔥)﹐忘了叫走蒜!! 不過還可以﹐我自行把它們移走。。。很久沒吃辣了﹐很過癮!!! 把點點的汁放到陽春麵一同吃﹐正!!埋單$79 (連加一及茶)﹐半小時吃完﹐雖然多人(我坐在房內)﹐但服務還可以-- 但另一張檯的兩夫婦就好像非常不滿﹐他們早過我到﹐但我的食物到完他們的麵才到。。。不過我相信你越急﹐食物就越遲來﹐沒辦法!! 唯有希望下次自己肚餓時﹐還記得提醒自己不要心急。PS. 其實最好多點人一同來﹐可以吃多一點它們的特色小菜。。。

We don't have much of a choice on Sunday at 1pm at Taikooshing. Every restaurant was full with long line but we happened to pass by this one. I heard from someone that the Aberdeen one was good. Gave it a try but not as good as expected.We had,蒜泥白肉(加上紅油的辣,唔正宗)擔擔麵(已叫中辣,但一點都唔辣,沒麻,沒辣)酸辣湯(幾正宗, ok 的)小籠包(正)酒樑圓子（一般）豆沙湯圓（一般）Total: 240 (including tips)以同樣的價錢,金滿庭的服務, 環境和食物質素比較好

上星期日晚同家人去試﹐沒有訂位﹐但只等了不到10分鐘便有臺了。叫了6樣野﹐大部分是小食﹐包括﹕-生煎包--又大又多汁﹐正!! -上海粢飯糕--正中﹐但有點小-桂花鴛鴦條頭糕--手工精細﹐味道不會太甜﹐正!-韭黃膳魚(正確名字不太記得)--這個還好-三絲粉皮--OK, 味道不錯-蘇式小籠包--價格比其他小籠包便宜﹐但用料一樣好。下次還會去試試他們別的菜。

皮夠薄, 不過食落d肉度覺得有陣腥味,其他餐廳做既唔會囉.環境都算好迫,會好易撞到周圍既檯

上星期已經給了劣評，但哥哥又提議來，所以今日又幫襯，結論都係唔好食。加上我又唔舒服，冷盤和煎炸野都唔食得，所以成晚最好食既係個魚湯菜煨麵，啲麵好淋，湯底幾鮮甜，唯一推介。爸爸和姨姨要了大閘蟹餐，雖然餐牌上寫六兩，其實得四兩，好彩唔貴。冷盤- 酸雞﹑肴肉﹑油炆筍﹑海蜇﹑皮蛋豆腐，無評價蕃茄波菜- 呢個組合怪怪地，有少少酸沙鍋雲吞雞- 第二好，我飲哂啲湯膳糊- 難食京都骨﹑蝦仁和炒飯都ok豆沙煱餅- 睇個樣都正常湯圓- 豆沙和紅豆，個皮好厚

同男友和家姐在這兒午膳，叫了蟹粉小籠包﹑燻魚﹑馬拉盞炒波菜﹑排骨炒年糕﹑金煺菜飯。小籠包雖然不是非常出色，但已是最好食的一碟。燻魚好硬﹑波菜好濕且無馬拉盞式既味道﹑菜飯又硬﹑年糕就普普通通啦。感覺比對上一次差了很多。

聽得正反參半的評語太多﹐一直都很想自己去試試﹐上星期六終於有機會了。和朋友相約在太古城晚飯﹐她又不反對﹐我就選了這裡﹗裝修是一概新派京滬菜館的氣派﹐都算可以。不過星期六晚飯時間人頭湧湧的﹐令人感覺很趕﹑很趕的﹐有點透不過氣。眼見門口已經有一大堆人在等位﹐但總算幸運之神眷戀我們﹐沒有訂位都剛好有一張兩人檯﹐哈哈...沒想過這裡點菜是好像劃點心紙一般的﹐有點詫異。不過我們很快就從那張兩面都寫得密密麻麻的紙中找到了我們要吃的。因為不太餓﹐所以先來個豆腐伴皮蛋和一個燻蛋﹐慢慢才點主菜。豆腐伴皮蛋的豆腐很滑﹐不過皮蛋碎略嫌太少了﹐但就另外有伴碟的肉鬆﹐幾特別。伴著其他的一起吃﹐頗惹味的。燻蛋不夠燻香﹐不過蛋黃都幾糖心﹐還可以啊。我們聊了好一會兒﹐但是還是不太餓﹐所以只要了個醉嘉美雞﹑一碟乾煸四季豆和一客蟹粉小籠包。想不到醉雞都可以揀嘉美雞﹐好驚喜﹐因為除嘉美雞外﹐我其他雞都少吃了。這個醉雞的酒味不濃﹐雞肉不算嫩滑(嘉美雞通常都比較韌﹐不過就沒有打針﹐比較健康)﹐但是就符合我健康的要求。全晚最欣賞的是蟹粉小籠包﹐雖然蟹粉不多﹐不過就好鮮﹐我的朋友吃得讚不絕口。$4x 就可以食到4 隻蟹粉小籠包﹐品

「王家沙」登陸香港已經有一段日子，但係嚟呢度食飯，仲要係食晏就係第一次。是日放假冇乜細藝，同阿K同埋佢阿媽响呢頭食飯，十一點幾已經就座。我由於遲嚟，點菜嘅重任就俾咗阿K。我地食咗上海炒年糕、魚湯菜心、銀芽炒粉皮、小籠包及韮菜餃各半打。午餐緣故，份量不十分豐富。個人覺得炒粉皮過於油膩，食過一羹之後都冇再去掂佢；上海炒年糕係比較穩健嘅一種菜式，年糕身煙韌，與配菜(白菜)一起也很好味，是一個幾健康嘅菜式；小籠包皮合格，用筷子夾起小籠包「定」都冇穿，內裡肉汁頗豐富，有點肉味，不過亦都好似有些少雪藏味；韮菜餃就有少許無厘頭，雖然話係韮菜餃，但內裡有超過80%係豬肉，似乎似菜肉餃多過似韮菜餃；最簡單嘅魚湯菜心係最好味嘅一道菜，一來菜心當造，本身已經是很鮮甜的了，再加上魚湯嘅配搭，加埋魚嘅鮮甜味就更加相得益彰。埋單共一百九十六蚊，我一向對午飯要求不高，所以覺得有啲貴，但其實以食物質素嚟講，訂價十分公道。有機會我都會考慮嚟呢度試吓食晚飯。

上星期終於都有機會試下喇!次次去旺角店都大排長龍,o係太古城諗唔到食乜,突然諗起同事話太古城有王家沙,於是走左去食.可能係平日夜晚啦,有大把位喎!我同男友兩個人叫左:燻魚菜飯糖醋排骨唔知咩肉絲配薄餅蟹粉小籠包臭豆腐一杯豆漿嘩!係咪好多野食呢?我都唔知原來d份量係咁大o既!先黎o既係燻魚菜飯.嘩!我好耐都未見過咁大碟飯喇!就算我地兩個淨係叫一個飯都食唔哂!燻魚味道都幾好!d飯就普通.跟住係唔知咩肉絲配薄餅!都ok啦!不過薄餅得四塊,食完仲淨返好多肉.蟹粉小籠包就無乜特別,唯一好o既就係d湯無漏出黎.我初初以為糖醋排骨係橙色o個d,點知原來係黑色o個d!正!係我鐘意食o個種!同食開o既鎮江骨差唔多!最後係臭豆腐.嘩!從來都未食過咁臭o既臭豆腐!連我地咁鐘意食o既人都有d頂唔順!要拎開d碟野!可想而之有幾臭!不過係聞落去臭o者,食落就無乜o既!唔大食o既我地當然食唔哂啦!我地打包左,睇完冰雕先返去拎都仲得!個侍應仲認得我地添!總括黎講都幾好味,服務都幾好,最緊要抵食夾大件,唔怪得咁多人啦!

星期二去左太古間王家沙食飯慶生日，去到大約七點幾，以平日o黎計都算幾多人o下，不過就唔駛等位。我地叫o左醉家美雞、招牌小籠飽、毛蟹年糕及糯米糖餃。我覺得個醉雞一般啦..都ok既..小籠飽就麻麻..糯米糖餃就超油!!不過..個毛蟹年糕就好好味!!!d年糕幾有咬感，個汁好味，d蟹好多膏!!我o地係叫o左個細o既年糕，78元有兩隻小蟹, 相比起個醉雞60幾蚊，個毛蟹年糕真係幾抵。