王家沙 (已搬遷) 新店位置

This is a Shanghai restaurant that tastes great, especially like boiled fish, the decoration is exquisite and clean with Chinese style. I came with my friend and she liked it too. It is also very suitable for friends to chat, the environment is comfortable and quiet.

太古城除咗多嘢行之外，仲有好多嘢食。今晚同老婆行完街之後，去左王家沙食飯。食飯時間，間間餐廳都好多人等位。蘇式鮮肉小籠包 $48 - 豬肉味道濃郁，肉汁幾多亦都 鮮甜，但個皮比較厚。正宗酸辣湯 $48 - 叫咗兩碗，湯好細碗，但入面好足料。可惜味道一般，酸味多過辣味。蔥花薄餅 (2塊) $30 - 上枱熱辣辣，煎得好香脆。上海粗炒 $68 - 粗炒有咬口，咸度適中，炒得有鑊氣。回鍋肉炒年糕 $68 - 年糕煙煙韌韌，回鍋肉微辣，味道惹味，可惜比較多油。豆漿一杯

一貫對連鎖式經營嘅餐廳冇乜期待， 今日 搵飯食， 落咗黃埔其實都好多選擇， 一行出嚟就見到王家沙， 都真係好耐冇食過 又懶得再去諗，好啦就坐低啦入到去時間尚早其實人都唔係特別太多， 有個廚師推介係酸菜魚同埋三杯雞， 又係唔想諗咁就點咗兩個餸， 特別想食嘅係香蔥薄撐， 跟住點多個菜， 就香蒜魚湯白菜仔啦香蔥薄撐出場 都屬於係超水準熱辣辣 夠薄夠脆再嚟酸菜魚， 酸辣度適中啲龍利柳重十分之滑金蒜魚湯白菜仔， 蒜頭粒粒炸到金黃色 仲有好濃嘅魚湯味白菜仔亦都煮得啱啱好最後係三杯雞， 酒味夠， 但係我就略嫌佢金不換同蒜頭唔夠， 所以缺少咗一陣香味， 味道都算中規中矩整晚嚟講食物質素係比想像中好, 但係portion係比較細，兩個人食咗三百蚊 ，都算係一個唔錯嘅選擇

又到咗週末, 天晴! 同太座,外父大人三人行到上址午膳, 午飯市座位只1/3滿,當日菜式:薰蛋 – 鴨蛋一隻開二, 下墊青瓜絲, 就算隻蛋薰到幾出神入化一份得一隻係咪有點過份咗少少呢? 呢度又唔係米芝蓮店, 使唔使咁精緻呀?蒜泥白肉 – 同一般的好唔同, 平時見開的一片片攤開上面灑上生蒜粒粒再加黑醋的版本,這個是將簿肉片捲住些醃酸青瓜絲/甘荀絲之後,在這條管狀物上面灑上炸蒜粒粒/ 黑醋調味, 明顯想做出與眾不同的效果,可惜畫虎不成!大白棻炸春卷 – 剛剛炸起板夠脆但餡料未見充足擔擔麵 – 這個似樣一點了花生醬比例較重, 麵質一般吧燻魚 – 魚炸得非常之深色, 可能炸油太老都唔定, 個外層被炸過之後再凍番會有些硬實口感, 亦可能醃魚件的醬油過多都唔定, 味道有點過了頭! 個汁最怪, 好似就咁瀨咗d黑醋上面就算係咁, 但以前在上海鋪食過的是一個頗杰身的醬油汁, 而且比較均勻地黐在魚皮上, 現在這店的是件魚塊上某些部份有汁有些則上不到汁!鮮肉小籠飽 – ok嘅, 起碼比有些夾住個台灣名嘅嚟開店嘅小籠飽有些味兒,排骨麵 – 炸排骨醃味幾入味, 件排骨都有咬口之餘夠鬆身, 麵就一般菜肉餛飩 –

每星期都會來黃埔飲茶，上星期晚去咗王家沙，食擔擔麵同賽螃蟹。都幾好食，個濃湯底幾好飲。擔擔麵可以兩個人分，個賽螃蟹可以加多啲醋！我地仲叫咗小籠包同煎八寶飯，整得幾好食！

其實黎到黃埔食野都預左奶奶地野, 環境我完全無期望﹐但依然全場爆滿我都只可以寫個服字。服務態度就真要主要講下, 完全0分。店員多有咩用? 行行企企咁, 完全當d客隱型﹐熱誠欠奉﹐埋單多謝都無句﹐好基本下話, 經理又呼喝D客人, 而加你係客定我係客? 做細侍應十叫九唔應。尼間野越做越差。店入面冷氣又大，D野食本來都唔係熱好快變凍，而味道由普通變難食。講野食。小龍包。皮厚, 餡冇肉味, 唔夠熱, 唔夠多汁, 有D重要穿埋。碟菜普通, 就咁炒無特別。手撕雞反而幾好食, 酸酸地辣辣地, 幾香, 無骨。面條方面幾彈牙, 但始終都係機整出黎, 如果佢係人手拉成咁就抵贊。點都好, 我已經BLACK LIST左尼間野, 其實當你入到去體驗完D服務之後我諗你都無咩心機品嚐佢地既野食

一家人一齊食飯,就試試上海野好入正題, 食上海野必食~~小籠包, 皮都算係薄(雖然我試過有D地方更好食,不過都算唔錯)一定要熱食,好多汁~滿足!!另點了醉雞, 覺得比較普通, 酒味再濃一點比較好仲有生煎包, 表面實在煎得太硬, 可以改善, 餡料不錯, 多肉汁滿心歡喜既甜品豆沙鍋餅…有點失望, 皮太”林”, 感覺是加得太多粉, 食了1-2件已想停下題外話,有位男部長定唔知經理,確實經過都唔理, 台上已放滿食完既餐具(差點連新上台既食物都無位放), 都可以視而不見..

25.Dec.2013 (Wed)行行下見到哩間無咩人等位, 所以就入左去食餐飯.1) 雞絲粉皮不過不失, 個人嫌d 芝麻醬多左少少. 2) 蟹粉小龍包嘩~~哩個入面包住好多湯, 我自己好鐘意食.雖然可能貴左少少, 但係都值得一食.3) 魚唔記得叫咩名, 類似甜酸魚.極之開胃, 送飯真係一流.我自己一個人都差唔多食晒成條魚.4) 蝦哩個菜, 我又唔記得左個餸名.不過, 好香脆, 又香口.~~~好好味.~~~總結:服務: 唔錯, 幾好架. 唔會黑口黑面.味道: 好味!地點: 就腳又方便.價錢: 中等.

拿着兩張85折現金劵到王家沙想喫下午茶，可惜只有$138行政套餐： 涼菜青芥螺片原來是街市十餘元的假鮑魚； 點心兩款中，鮮肉小籠包皮薄、餡足、汁多，值得一讚； 但另一款鮮菜肉餛飩只是平平，比街邊檔還差； 主食的回窩肉炒年糕特色出色，始終有一手。 意猶未盡要多一碟高力荳沙，彈牙有餘，荳沙不足，可惜。結賬剛好二百元，用了二張現金券，實際支出$170, 下午茶來說是偏貴了點，難怪全場只得三枱客！雖是内地老牌名店，菜式卻未見突出，價錢偏貴是王家沙未能片地開花的原因之一。 這頓飯以午餐來說有55分，下午茶來說便不及格了.... 公平點說.... 王家沙沒有下午茶！

仿鮑片，係麵筋做既，我唔覺得好食，但係D小朋友鐘意食。醬油鴨又乾又唔好味。蟹粉蝦仁好味，蟹粉味夠，蝦仁亦算OK。清炒豆苗幾好。上海粗炒，勁油膩但又無乜味。沙薑雞麻麻地，很鞋很老。豆漿就好好味道。

本來一班同事午餐來食好開心，但呢道D食品質素真係好普通。除左細碟之外，D料又少。小籠包好一般，翡翠好食兼平D。楊洲炒飯白雪雪，好似白飯炒白飯咁。饍糊蔥同汁佔9成，D饍少到無朋友。上海粗炒油到乜咁，有色無味淡到死。黃金蝦兩個蝦頭先有一個蝦身，仲要連殼極插口。豆沙鍋餅皮厚小豆沙。沙翁細細舊又硬，一口都唔鬆軟。總知又唔飽又唔好食，我個人已經blacklist佢。

我地一家人剛剛搬左黎黃埔住，果日呀媽話唔煮飯，又諗唔到食乜好，就上左「黃埔美食坊」搵食。呀妹拍板話食上海野，咁我就擇左「王家沙」幫襯。由於得三小口，我地每人叫左兩樣小食再加一個粗炒。前菜三小碟：我最鍾意係「鎮江排骨」，呀媽叫左「皮蛋豆腐」，呀妹叫「四喜烤麩」，總之各自都話自己叫果個前菜最好食啦。 鮮肉窩貼：同呀媽妹妹各一隻，好好味呀~~~ 窩貼雖然周街都有得食, 不過juicy既鮮肉窩貼，呢度先食到!! 首先個皮煎得岩岩好夠香脆，豬肉鮮嫩勁多汁，d汁多到好似食小籠包咁。醉雞：雞皮精塋剔透，透出淡黃色，酒香味比其它的菜館濃，正!! 咁濃既酒香，加埋嫩滑雞肉，算得上我吃過最好味的醉雞！小籠包：皮好簿，汁爆多，肉鮮味，推介!!上海粗炒：即刻要比十個LIKE，上台已覺得唔太反光(唔多油)，入口麵條唔過腍但有咬口，伴有大小白菜同椰菜等，由於比坊間既粗炒清新，岩晒我地三母女食。總結: 好好味既上海菜館，必定帶埋呀爸再次光臨!!

上次去了"金牌小龍"之後, 我真是好遺憾沒有食"蟹粉小籠包", 今次我一定要食它, 收工後我和嘉豪搭車去了黃埔新天地,之後去shopping, 入夜之後去了的戲院看下近來有什麼新電影上映, 然後在黃埔新天地裡的王家沙食上海菜作晚飯,在門外看了餐牌一會兒, 門外已經放了個"易拉架" 都是介紹以蟹及蟹粉為主的食物, 其實我都好喜歡食的蟹,而且常常在網上research那裡有蟹粉小籠包食,而且"王家沙"的名字都聽過不少次, 今次是嘉豪介紹我去食王家沙食飯, 舖子也算寬倘,內理裝潢不錯, 地方都好古色古香, 好像返了國內的酒家般, 而且環境都好大一坐下來, 侍應生已放下一碟花生及醋配上薑絲,花生都算脆口之後開了茶其實肚子又不算好餓, 所以都不會order太多食品, 我當然第一時間order招牌蟹粉小籠包, 枱上有點心紙可以選擇招牌蟹粉小籠包($50) ---熱騰騰的小籠包一客四件, 也是熱騰騰地冒著蒸氣, 小籠包的皮都好薄, 都好有蟹粉的味道, 湯汁仍是可以保持小籠包內,更有爆湯的現象, 好juicy ,肉香濃郁 鮮拆蟹粉煨麵($88) ---蟹羔都算多好鮮味, 麵條有韌勁, 蟹粉滲入麵條更

Had an excellent time here.Place was initially a bit hard to find.The signature dish, 王家沙擔擔麵 (Wang Jia Sha Tan Tan Noodle), is amazing. Warm, spicy, peanut flavour is something I always enjoy. The other soup dish was decent but the rice cake is not something I enjoy. The wonton were very delicate and tasty.Would recommend to my friends. Great price for students in particular.First time trying Shanghai food and I would recommend it again!

啊老人家今年開到口…..今晚…..就一齊食晚餐啦!! 食物水準高、價錢又公道、服務質素好、舒服的環境; 個人認為王家沙可說是平民化的上海菜食店。今晚點了兩個$198歡樂大閘蟹餐 魚米羹 = 菜碎配魚肉粒清爽鮮甜酸辣湯 = 酸辣味分明, 並非混沌一糊的漿汁蟹粉小籠包 = 皮薄豬肉餡加上蟹粉, 汁味濃且鮮甜, 一口要吃下; 否則會令汁漏出蟹粉生煎包 = 外皮先蒸後煎香脆, 肉汁鮮美; 蟹粉更令湯包質感豐富担担麵 = 對花生醬味無好感的我, 只吃了一口, 味道一般杭式蔥油拌麵 = 味道淡而無味, 全依靠個甜醬油先至有味，但麵條幼細彈牙薑汁鴛鴦湯圓 = 湯圓我無食, 只知豆沙味同好似綠茶味, 薑汁OK!!清蒸大閘蟹 = 主角大閘蟹是蟹公應該有五兩重, 肉質細嫩、味道清甜、蟹膏豐腴, 加上花雕, 令蟹肉更鮮味!! 再加一杯薑茶, 驅寒之效!!!當年今日……啊老人家辛苦你啦…. 今餐可滿意吧!!