王家沙．花樣年華 (又一城)

營業中

休息中

大約三年沒有光顧，打開餐牌嚇了一跳，價位著實高了不少，點了蟹粉小籠包，吃不出有一點蟹粉味，失望；薰魚也沒以前好食；其他幾樣食品（咕嚕肉，炸醬麵，牛柳炒麵）都不過不失，星期五晚上滿座之下上菜速度快，只是位置在又一城，安慰自己收費難免高。

疫情期間都想久不久去食的食肆，但係今次好失望，份量越來越細，味道比以往強差人意，比以往差，我們坐的位置是房內，房間內長久沒有待應招乎，最長30分鐘沒有人加水入茶壺，服務水平超級下降，如果再不提升食物質素及水評就好快失去顧客的信心。

自從王家沙全線變咗王家沙.花樣年華，我就覺得啲嘢好似難食左之餘 價錢都好似貴咗🤔🤔🤔我哋叫咗個酸辣湯麵，比想像中大碗 不過真係好大碗麵 連湯嘅量都好少，同個面撈埋之後話想畢一啖湯嚟飲吓都冇 🫠🫠🫠 蟹粉手拆小雲吞$88/4粒 ，味道都算幾好嘅，不過呢個價錢真係好貴，以$22+10%黎計 就唔算好食啦😂😂😂 蒜泥白肉 $78 呢個價錢仲要+1 啲肉細片得可憐🥲🥲🥲 望住佢 我都好可憐 ……成餐飯 性價比極低🫥🫥🫥

🥢 王家沙 花樣年華 @又一城之前食過佢哋嘅午市套餐～覺得麻麻地（雖然明明記得以前細個喺黃埔食係覺得唔錯～但畢竟咁多年質素有變係好正常）～早兩日朋友約食飯話想食呢間，我同佢講話最近食個午餐麻麻地，佢話食咗好多次晚餐都覺得幾好食🤔🤔既然佢咁講就相信佢試多次😂😂點知晚餐又真係唔錯～特別喜歡奶油津白同埋炒年糕🤣少少後悔冇嗌高力豆沙（童年回憶嘅甜品～)不過佢哋食物份量真係好大份根本食唔晒🤣🤣整體來講質素好飄忽，午餐好難食 晚餐幾好食，心血來潮想食上海菜，附近又見到佢嘅話都可以一試蘇式鮮肉小籠包 $62🌟家鄉炒年糕 $108🌟奶油津白 $98酸辣湯餛飩 $72滋潤菊花蜜(熱) $26//順便 附上午餐照片～梅菜扣肉飯上海排骨菜飯煎鍋貼

週六與友人相約午餐，周邊的餐廳都爆滿，等位的人太多……就來到這家門口拿到位入座，坐下不久後我們旁邊有新空出位更適合我們傾談，便向服務員說希望換位，因為我們還未點餐，相約的朋友還未到，服務員說要跟門口派位那位說，由其安排才行，我們就到門口與派位的人說，希望換位，當時門口空空已沒有其他客人在等位，但派位的生硬地說，如果你要換位，就請出來門口重新排隊（已無人等位）再派！態度實在惡劣！這樣的餐廳真是不知如何評價了！

今日星期六到又一城，午餐時間見王家沙不用排隊，就入去坐低，兩個人叫了一客鍋貼、一碗嫩雞煨麵及濶佬炒飯。碗煨麵係我食過最難食，一放低只聞到麵粉味，湯底一啲雞味都無，只係成碗麵粉湯，好難食。碟炒飯又唔熱，只係暖，啲葱切到同啲菜頭一樣咁大粒，啲菜頭係變黃曬。只有鍋貼較正常，但都係唔熱😆，真係唔明人客不是特別多，點解啲食物可以無一樣嘢熱，食中式其實係基本要求，加上價錢還是中上，俾呢啲質素，應該唔會有下一次

For a chain in a mall the service from beginning to end is surprisingly quick and approachable. Perhaps mostly because the place was barely occupied at the time the food came quickly but at no clear cost of quality. There is a subconscious negative foresight that comes with ordering by QR code at any restaurant but that did not come to fruition here. Compared to other Shanghai and Chinese restaurants in general, the final products are of noticeably higher finesse. This isn't fine dining, but dis

九龍塘上海菜(*¯︶¯*)座位夠闊落好耐都冇食上海菜中午黎都唔駛排隊 ◽招牌蟹粉小籠包小籠包湯汁都多但蟹粉唔夠多小籠包皮有點厚味道正常 ◽鮮肉胡椒餅胡椒餅反而有驚喜好多芝麻粒嘅餅皮肉汁超多，帶有濃濃胡椒味超香口～ ◽上海粗炒🍜肉絲椰菜炒埋一齊麵夠煙韌，豉油好上色雖然上海粗炒有點油味道都不錯📍王家沙．花樣年華九龍塘達之路80號又一城G層23號舖

同幾個朋友諗住食上海野上OpenRice 睇下有咩推薦王家沙… 以前好出名，就試下先叫一個普通小籠包和蟹粉小籠包一個豬扒菜肉飯和酸辣湯麵點知好快嚟到，啲小籠包係縮晒，硬晒食落同叮叮點心冇分別個蟹粉小籠包同普通嘅係完全冇分別，只係加左少少鹹蛋黃做樣？仲要貴$20😡😡個菜飯一陣燶味原來炒燶咗，仲可以拎出嚟比人😡😡即刻要人退左佢，唔要啦… 點食呀侍應啲態度覺得好似冇問題咁😨😨最最最過分嘅就係個麵啲麵糊晒，根本夾唔到，完全冇味好明顯係普通滾熟就放落湯度但啲酸辣湯，得個酸味，好恐怖成餐飯都不了….深深感嘆，啲廚師是否已移民…

食過好多上海婆婆 上海姥姥 都會覺得好似差唔多樣 所以想周圍試下更唔同嘅上海本幫菜式！今次呢個王家沙好似好多人推薦 時間早來到冇乜人 仲可以用電話落單 幾方便下🥟醬汁牛仔骨烤年糕💰128見到上海菜竟然有唔係炒嘅年糕覺得好新奇！仲以為係年糕kiu實一大舊牛仔骨🤣其實原來都係上海形狀年糕 不過係一大煲牛仔骨 醬汁好濃 令年糕全部煲到軟軟糯糯又啖啖醬油味牛仔骨都多肉 雖然骨部分會比較肥 但係整體醬汁好入味所以都唔錯 冇想像中驚艷但係都唔錯🥠高力豆沙球💰58食上海野一定要叫呢個啦🥺！唔係間間有都唔係間間都可以整得正宗好味 呢間白糖粉都算多 而且炸得剛好 唔會過焦 而且個頭好大 咬開都係熟悉嘅豆沙餡 鍾意呢隻！！🍡奶黃小麻球💰42係煎堆入面加左奶皇！其實就好似係流沙包轉左個皮咁 入面D流沙熱到會辣親個口所以咬開個陣要小心D🤣出面個糯米皮夠厚 鍾意糯米湯圓類嘅應該會鍾意！！🧇芝麻豆沙餅💰48成日見出面有D豆沙鍋餅 以為呢個都係類似長方形嘅 原來呢個係圓形上面仲鋪滿左芝麻 即刻香左超多🤣豆沙鍋餅通常都會壓得好扁保留脆脆口感 呢間都不例外 令你每啖都有咔嚓一聲 個皮脆到會跌渣 超香口 推薦！！🧆韭黃炒

宜加轉左手機落單方便左點知落完單第一下已經發現落錯左即刻同左男侍應講幫我地取消佢之後同我地講唔得 已經炒緊心諗一秒就炒緊？ 就算炒緊 我地想叫上海排骨粗炒 （落錯上海粗炒）加返排骨咪得 之後見佢唔肯 即刻叫經理黎黎左又矮又肥既女經理就話唔取消得 痴線梗係唔會食 之後佢就去廚房取消 點知出到黎叫我地彩清楚先落單啦🤬重點！！！一食碟野鹹到好嬲 擺明玩野 勁想叫佢過黎自己食返啖好明顯特登 最後要浸到無味先食到千祈唔好幫襯 比依個價錢受氣？

好久沒有來過這家餐廳，對上一次好像已經是5年前，這家餐廳的裝修、位置好像都沒怎麽變過，至於味道有沒有，已經是太久以前的事，都已經忘記了，哈哈哈！本來想吃又一城其他的餐廳，可是周日，很多餐廳都排滿了人！因爲不想排隊，太餓就進去了！我們這次點了京蔥牛肉加薄餅（味道一般有點像炒牛河的味道）醉鷄(看著挺好看，而且酒特別香，吃起來應該是用新鮮的鷄而不是冰鮮的)蟹粉小籠包 （不錯不錯）上海粗炒（味道一般）豆漿（這個還挺鮮味的，是推薦的飲料）總括來説吧~這家餐廳整體味道一般，但是我覺得他屹立不倒，總有他的長處，應該就是他用料比較好！

We came here for celebrating Father’s Day with my family. Since I didn’t have so much expectation of this chain restaurant so everything was okay and no disappointment at all😅 we ordered some of the popular shanghaiese dishes and all of them are just average. However, the ambiance of this restaurant was okay and the staff were basically friendly and helpful.

星期日同屋企人睇完戲7點鬆啲，間間餐廳都排曬隊，費事老人家等，見王家沙唔洗排就入去食。入去一坐低都知有小小賴嘢，梳化有頭髮，有食物碎屑，碗碟亦唔太乾淨🫣素鵝 - 勁油，個腐皮完全比油浸住係淋嘅，而且仲好大陣油益味酸辣湯 - 正常，但都唔係特別好飲生煎包 - 個包又油又唔脆，入面完全冇肉汁，舊肉又霉又細粒 蟹粉小籠包 - 蟹粉腥，皮厚，肉汁有啲好似藥材味咁，有啲奇怪招牌炒飯 - 味道正常，係炒得唔夠乾身東坡肉 - 個汁好稀好似豉油汁咁，完全唔掛汁唔入味，其實都唔知佢算唔算係一個東坡肉😓清炒河蝦仁 - 完全冇味清炒菜心 - 係全晚最好嘅菜式👍🏻唔洗排隊係有原因架……

前排端午節買過隻粽,覺得味道唔錯,諗住餐廳都應該唔差得去邊,今日特登去食晚飯就瀨晒嘢.首先係頭盤燻魚.成碟大概得四嚿,魚肉又乾硬又嚡,骨頭又多.第二道菜係嫩雞煨麵,好難食. 麵未煮熟,食落除左硬仲有d生生地既粉味. 最不知所謂係d雞肉,好大陣雪藏味+冇乜調味, 加上啲微酸的罐頭蘑菇,成碗麵真係好難食.第三道係炸黑毛豬扒擔擔麵, 碗麵就一般問題不大,炸豬扒既底部麵衣未炸好,食到一層口感略帶煙韌嘅粉漿黐住舊肉最後上既係金牌蟹粉生煎包, 好一般. 包既上半部分略油口感好”pat” ,底部煎得唔夠脆內餡正常.用左open rice訂枱有九折優惠,但係最終埋單呢個價錢： 4百幾同佢嘅食物質素相比完全唔合理. 坐低之後直接斟沖好嘅茶,一啲茶味都冇,溫度都係溫溫吞吞.除咗食物質素,夥計態度都唔太好. 明明有訂枱有冇記低, 去到都要等一陣先可以入座,安排有啲混亂. 餐具頗為殘舊, 碗碟嘅花紋明顯大部份已經甩晒. 座位都唔太乾淨.好低質既餐廳唔明白點解可以係又一城屹立咁耐