王牌冰室 (已結業)

叫左個常餐(基本野)試試水溫。多士 - 厚切，始終覺得唔連皮好味d。牛油未溶晒就上枱，感覺更油膩/趕時間。炒蛋 - 跟餐一定係配牛奶炒蛋，眼見隔離叫一樣既餐但蛋色澤係深黃色吸引好多...冇深究原因。茄牛通 - 第一啖係濃濃既羅宋湯味，有蕃茄蓉賣相口感都好，味道就普通。奶茶 - 一入口就ok，唯一冇咩意見。Lunch hour幫襯，差唔多滿座，有三個樓面呀姐，未至於好忙但冇咩服務可言，冇比餐牌、pat張單上枱同亂放野。唔知係繁忙時段定全日都係咁，奶茶跟膠匙，通粉用紙兜裝住，一來唔環保，二來感覺要食得更快，餐具都可以好影響飲食心情。衛生方面，櫃桶入面用品唔齊全、餐具有污漬，牆上面有唔少既烏繩/蚊滋。

早排已經知道大圍新開左搵食市集，一直想去試下，今次襯假期試幫襯下王牌冰室！冰室新開，環境不錯，坐卡位位置，幾舒適！本身想食魚香茄子煲及山楂一字骨，但因為無魚香茄子煲，選左沙嗲肥牛蝦煲！食物質素不錯，夠熱，而且份量比想像中大，2人食有點過多，建議多一兩人分享比較好！唯一美中不足的是餐廳侍應質素！一來叫左好耐、等左好耐，遲遲未有人落單，而且落完單，明明單已出，不停問係咪叫左依樣、係咪叫左那樣，很奇怪！

蝦仁叉燒滑蛋飯好好味，量很足，奶茶也很濃。叉燒大塊而且很軟，滑蛋都很嫩。跟餐番茄蔬菜湯就麻麻得，太甜，不夠濃。沙爹牛肉雞湯公仔麵味道ok。整體來說，有用心的茶餐廳，可以再去

大圍新開搵食市集鄰近火車站，晨咁早就搵間冰室試下。早餐價錢普遍偏高，起初無太大期望，黎到就都幾有驚喜，蛋靚奶茶正，有心機之作。餐廳標榜特濃牛乳滑蛋配大大舊厚多士，豐富又好味，略嫌米粉較淋身，價錢$36尚可接受。除左早餐外，餐廳仲有供應午市、下午茶、晚市及宵夜時段，平均$40-$60倒，為大圍早午晚3餐提供多個選擇

呢間新開無耐既餐廳，係搵食市集2樓，光顧過3次，食物質素正常。但每次都失望收場。因每次餐廳內既場面都十分混亂，好似打仗咁。全場各種漏單， 錯單，由第一次幫襯已經係咁，當佢新餐廳需要時間改進，但第二，三次情況都係一樣完成無進步今次追一個叉燒蝦仁雙拼飯追左3次，40分鐘，都未黎到，到真係同佢講取消先黎，黎既係得叉燒，ok再整，第二次得蝦仁，再同佢反映，佢係飯上面放3舊叉燒就了事。 係其他檯都有發生類似事情真係好需要改善

今早去大圍港鐵对面王牌冰室，食个早餐先番工，呢度開左間揾食市集有二層高，有各式各樣不同食肆，係自助形式。我上左樓上王牌冰室港式餐廳，坐低有侍應送餐，叫左傳統蕃茄牛肉公仔麵，炒蛋多士，咖啡。蕃茄好新鲜好多，湯底好濃味，份餐好大，食得好飽，算不錯，但貴左D！😋

大熱天時無冷氣咁，問侍應冷氣是否已開盡，問完應都無應我.....大門長開、廚房無門，全場最油煙味，好似去左市政大廈既熟食中心咁.....野食未到完扣左分....見佢寫大肉腸，以為會係斯華力腸，點個同普通茶餐廳既一樣，係有d失望，但每個人對大既定義係唔同既（自我安慰...）隻碟仲好多污垢.....個沙律比一般茶餐廳既好味，但沙律醬多左d，令口感變得有少少怪。個熱狗味道十分普通，條腸仲要咁細，基本上有半隻熱狗食唔到腸，唯一可取係個麵包，本身個麵包好味再加上咁脆。杯檸茶無茶味，好甜，係一杯好甜既凍檸水...

山竹未到既早上, 同屋企人過黎大圍食早餐, 皆因大圍新開左個搵食市集, 好似好多野食~~~~~咁轉上樓上一樓有間王牌冰室, 早餐就去到1130都仲有, 心諗十分好。但一坐底, 就覺得好焗促, 油煙味超勁。。。乜mood都無晒。。新開張抽氣應該無問題架喎。早餐草草叫左個蕃茄牛肉通蕃茄係ok ge而跟餐滑蛋份量偏多, 食落奶味好濃, 應該加左好多奶去炒但油煙味愈黎愈勁, 真係有d問題。 個個食客都咳晒, 餐廳要諗諗佢啦～唔掂檔

大圍新開既Food court上層有一間茶餐廳，裝修都幾舒適、幾闊落，一般茶餐廳食物都應有盡有。我就選擇左炒蛋蟹柳三文治，佢上台時仲熱辣辣出哂煙，佢既蛋汁半生熟，食落口爆蛋汁好好味。另外仲試左佢既凍奶茶，就平平無奇與街外普遍茶餐廳質素冇乜分別。

搵食市集終於開左，當然要逐間試下，門口睇餐牌確實無乜選擇，仲要早、午、下午茶同晚餐款式差唔多，只係唔同時段既價錢有分別，但都不妨一試佢既推介飯。 特濃牛乳炒滑蛋叉燒蝦仁雙併飯 (配甜豉油) - 賣相唔錯，蛋夠香同滑，蝦仁並非雪藏蝦 (仲有四大隻)，叉燒味道當然不能媲美燒味店果d，但亦唔差，有肉味同厚。 爆香葱油炸豬扒飯 - 有三大塊豬扒，厚身，但葱油太多，好油好漏好heavy... 油到有d反胃，所以食唔出爆香味...另外餐廳內都幾大油煙，d櫈都幾污糟。

星期六中午左右好多人. 都仲有少少量位剩. 可能因為樓底矮關係, 都幾嘈, 遇著兩班人聲傾計, 好似飲茶咁. 佢地一走咗就靜曬. 不過都無阻我享受食物之前新開見茶記無咩特別無入去. 睇食評見到個, 記住, 係4.3牛奶炒滑蛋叉燒蝦仁雙併飯, 好吸引, 所以去食.個蛋係好似頂帽咁COM住D飯, 垂直一羹, 有蛋同豉油飯,好好味呀, 令我諗起日本蛋包飯. 好滿足. 我平時戒CARB唔食飯, 為咗佢破戒, 無所謂啦, 做返運動囉.老公叫咗午玖(午餐9), 個羅宋湯好似魚蛋粉咁大碗(係講得誇張咗), 好多料, 個茄牛通先精彩, 係茄蓉呀, 滿滿嘅茄蓉呀, 我搶食咗幾啖. 我食過好多茄牛通, 最鐘意呢個. 有D係蕃茄加水, 有D係林茄湯, 茄蓉第一次食, 我估係用攪拌機攪, 好有口感. 我鐘意. 多士係麥粉做, 配上樽仔朱奶. 我覺得呢個價錢係高質茶記. 如果以後搬咗返黎大圍, 我一定會再食呢兩樣野.新開試業好似打仗, 職員好忙呀, 每遞上一樣野都會CONFIRM係咪叫咗呀, 好盡責.

本來幾大期望，但是大熱天時食到底褲都濕埋，幾好食都係假。真係唔明新開張竟然都唔夠冷氣，樓下小食還好，二樓火鍋簡直煎熬，以後點樣幫襯？老細你唔係好吝唔吝，去吝冷氣啊？！

焦脆奶蓋.東美人。大圍新開張搵食市集的王牌冰茶主打奶蓋飲料和各式香茶， 這杯茶的茶底是由東方美人茶泡製而成，上面鋪上忌廉奶蓋，加上黃糖，再由火槍燒炙到焦香，形成一層焦糖面。喜歡甜飲品的你，這杯是你的必然之選。最佳享用奶蓋茶的方法是不應該用飲管，直接從奶蓋面渴，方可享受奶蓋和茶混合的口感。奶蓋層的焦香配上東方美人的花香， 無論顏色和味道上都十分配合，經開大圍的朋友不妨到這裏試試! 我不喜歡太甜飲品的朋友，也可以試下他們的茶

是日星期六～本身諗住黎大圍cafe食午餐但一出火車站 見到小巴上面貼左廣告話開左個搵食市集？！好奇心驅使之下就黎左搵食市集好近大圍站，A出口行兩分鐘就到～..見到樓下好多人一上樓上，就見到間好香港既冰室就一於試試佢！午餐餐牌得呢個.由於去到既時候係13:45所以淨係可以叫午餐先叫住一個「午參」午餐跟西湯同熱飲～紅湯好足料好大碗啊味道好岩我，唔會太濃同杰身.主角來了！炒滑蛋的確夠哂滑加埋甜豉油撈飯一流啊叉燒都夠厚身！如果蝦仁可以多番兩粒既話成碟飯就完美啦.份量夠！食完個餐飽哂.是到咁上下原來1430係茶餐時間見到餐牌忍唔住叫份西多士試下.叫左個夾心西多士系列份量比想像中少但味道ok!西多士算熱身，牛油夠凍識食既人一定會覺得凍既牛油係好吸引面頭有阿華田脆脆，如果多士裡面都有夾住阿華田醬會更加好味！

聽聞大圍開咗間搵食市集，上面2樓有間冰室。 所以小弟膽粗粗走去一嘗佢哋嘅早餐。環境都唔錯呀尚算ok，不過好似有啲細間。員工都好有禮貌，盡心盡力服務每一個顧客。而佢哋食物方面，小弟覺得係哋嘅滑蛋有啲老。 而多士方面好脆，加上牛油都好滋味。 番茄湯通心粉都好入味，不過牛肉呢就有啲韌同埋好老。 佢哋嘅餐飲我就叫咗朱古力奶不過小弟就覺得稍為有些少甜，好似飲緊糖水一樣。佢畀我嘅感覺唔算太似冰室有啲似茶餐廳， 佢地嘅食物都算ok，但唔算非常好。佢哋都係試業中，希望佢哋有多d款式。食物同飲品質素希望都可以改善。